مشكلتي

[مشكلتي]

السلام عليكم

أنا شاب أبلغ من العمر 24 سنة عامل أحب والدتي و أحترمها ، لي اخت تكبرني بـ 4 سنوات تتدخل دوما بيني و بين والدتي و تحرضها ضدي و في كثير من الأحيان تفسر مفهوم كلامي لوالدتي بمعاني تحمل سوء نية و دائما تبدي رأيها في أموري الشخصية

مؤخرا حدث خلاف بيني و بينها بسبب نفس الموضوع كنت في أثناء حديثي مع الوالدة و و كنت سعيد بعدم وجود أختي في أثناء جلوسي مع الوالدة الذي أتحينه بفارغ الصبر لكن جاءت مسرعة لتكون العضو الضروري و الإستشاري للوالدة ، لكن للأسف في هذه المرة لم أتمالك نفسي و ووجهت لأختي الكبرى بعدم التدخل فيما لا يعنيها ، لأتفاجئ برد الوالدة المناقض لي لدرجة قاطعتني لأجلها ، حاولت التقرب من الوالدة لكن رفضت لأجل الأخت الكريمة التي ليس لها أي دخل في الموضوع

أكاد أجن من أختي الكبرى و أحدث نفسي أنا راجل يصرى لي هذا علاش علاش ومادخاها في أموري الشخصية

دبرو عليا يا الرجال يرحم باباكم أغيب عن المنزل بالأسبوع و لما أجلس مع الوالدة للحظة أجد أختي هذه أمامي مادا أفعل ساعدوني أرجوكم لأعيد علاقتي مع الوالدة و أوقف هذه الأخت عند حدها

[z.abdo]

السلام عليك اخي

بما انها اختك والتي هي وانت من بطن واحدة فلا تخسرها


الأنثى يجب ان تكون ليينا معها ولا تكن خشنا في المعاملة .......كذالك تبدو اختك انها من النوع القيادي وتحب تتحكم وتعرف كل شيء

انصحك ان تصاحب اختك .....وان لاتكون عنيد معها .......اشتريلها ما تعرف انها تحب مثلا ملابس او اغراض اخرى........

كذالك مثلا في قراراتك استشيرها حتى وما ديرش عليها مهم حسسها انك مقيمها فقط

جرب ما قلت لك اخي وتشوف النتيجة

واهم شيء انصحك به ان لا تكن الضغينة و العداوة لأختك .......لأنها ستبادلك لاشعوريا نفس الشيء


والسلام عليكم

[wafa16]

من المحزن و المؤسف انو تكون علاقتك مع اختك هكدا حاب تهمشها تقعد تهدر مع يماك و هي بعيدة عليكم
و اكثر من هدا كبيرة عليك
شوف اخي الكريم انا ايظا عندي اخ و كبير عليا بسنتين و هو تماما في مثل سنك و صدقني اخي هو اللي يطلب رايي بحكم اننا من نفس الجيل و ادا ما طلبش رايي انا نتدخل و نمدو و اخي ما عندو حتى حساسية من الموضوع حتى ادا جيت ضدو لاننا ما تربيناش نحطو هاد الحواجز بيناتنا
اختك كي تتدخل بالاك كي جيت خوها الصغير و مع انك راجل الا انها حاطاتك مازالك صغير و عندها 28 سنة يعني تقدر تدير برايها
بالاك اسلوبك في الكلام ما يعجبش و ما تقبلش النقاش المرة الجاية كي تعارضك في الافكار حاول تقنعهم للزوج ماشي ادور لختك و تقوللها ماكان ما دخلك و نتي اخطينا و عفينا و الا فهمها بلي راهي دائما تعارضك و شوف رد الفعل ديالها باش المرة الجاية تفيق بروحها و تعرف بلي راك تتقلق من تصرفلتها
و نصيحة مني ما تسمعش لصحابك بزاف لانهم يكبرو الراس يقولولك حنا خواتاتنا يخافونا و نديرو و نعملو .........لانهم في الحقيقة عكس دلك روح شوفهم في ديارهم تشوف لعجب
(الرجولة يا اخي ما تتطبقش على يماك و اختك و بهاد الاسلوب تع ما تدخليش روحك فيا الرجولة تبان و سط الرجال ماشي وسط النسا
كي تكون عندك كلمة في الشارع مع جيرانك و صحابك لتما تكون راجل )
كما انك تقدر تتحين الفرص كيماتكونش اختك في الدار و كلم امك لانها ادا دافعت عليها فمعناها انو رد فعلك كان غير مقبول
حاول تتصاحب مع اختك و في المرة القادمة صدقني هي اللي توقف معاك و تقنع يماك فقط ادا احست بلي تحترمها و عندها اهمية عندك
و كنت نتمنى تطلب راي الاخوات ماشي الاخوة باش تفهم عقلية اختك اكثر و تقدر تتفاهم معاها

[فحلية]

حاول أن تكسب أختك وأطلب رأيك في بعض الأمور
حاول التغاضي عن تدخل أختك واجعل نفسك غير مبالي
اصبر عليها وكن أنت الرجل الذي يشمل الجميع بعطفه وحنانه

[sisi souad]

الله يهديها و يهدي كل الظالمين اخي و الله اتمنى لك كل الخير و حاول ان تشرح لامك موقفك و انشاء الله ستفهم

[ميمي سمية]

وعلاه خويا ختك تحكي في كلام غالط؟؟؟؟؟

كشي ماكان مرة مشات في الطريق الماشي صحيح؟؟

انا عندي اخ عمرو 11 سنة وهكذا كي يعود يحكي مع ماما نمدلها رايي بصح هو يحسب روحو رجلة ويبدا يعيط ومنعرف كيفاه

ماكالاه توصل روحك للتصرفات هذي

ختك كثر منك نورمالمو تحترمها كيما تحترم بنات الناس

هذا هو مشكل ولاد بلادنا * بنات الناس يحطوهم فوق راسهم حتى ويكونوا مش متربيات وخواتاتهم يعفسوهم ويرفسوهم *

هذي ماشي عقلية !!!!!!!!!!

حاول تحكي مع الوالدة تاعك حتى وفي وجود الاخت الكريمة مي اعرف كيفاه تهدر ختك ماتلوحلها حتى كلمة وماتشوفش معاها حتى

بنص عين راح تفهم روحها فمة وتسكت وخليك مركز غير مع امك وقولها ديري فيا مزية امشي مع الحق بلا ماتخذي راي الناس ومعنيلها

وهي راح تفهمك ان شاء الله

[naima40]

rabi yehdiha nchallah

[نورسين.داية]

كلم والدتك بالهاتف ......................أعتقد انك سوف ترتاح .......

[nouna l maghbouna]

زوجها

اصبر و خلاص و اهدر مع اختك و افهمها

ربي معاك

[soha1987]

يالطيف شباب الجزائر كامل كيفكيف تقول ترباو مع بعض كامل ما تحملوش خوتاتكم مي نهار تجي مرطك تعفسك مي نتا تشوفها حاجة
اختك حاب تعفسها علاه ؟
عاملها بالملاحة واحترمها هادي اختك الكبيرة علاش دجيرلها هكا
راني عندي خاوتي وكيما نتا مي حنا ماندبروش عليهم مي قاسحن كي نتا ربي يهديكم مي راح تشوفو لعجب من نساكم لانكم ماشي رجال
ربي يهديك

[doba]

وحدة وحدة وراح ربي يفرجها

[atheena]

saheb khtek ou ksbha belhnanat w ihtiram ou koun khouhha w sadikha
blak kun hagat wla problem bash rahi dir kamel haka
nta ehder m3aha ou shouf

[نسمة تفاؤل]

انصحك بان تصحب اختك وتكسبها لا ان تكون عدوا لها ربي يلم شملكم

[أسير الطموح]

حـــــــاول التقرب من اختك

[loulou02]

يالطيف شباب الجزائر كامل كيفكيف تقول ترباو مع بعض كامل ما تحملوش خوتاتكم مي نهار تجي مرطك تعفسك مي نتا تشوفها حاجة
اختك حاب تعفسها علاه ؟
عاملها بالملاحة واحترمها هادي اختك الكبيرة علاش دجيرلها هكا
راني عندي خاوتي وكيما نتا مي حنا ماندبروش عليهم مي قاسحن كي نتا ربي يهديكم مي راح تشوفو لعجب من نساكم لانكم ماشي رجال
ربي يهديك
بارك الله فيك

[Assouma 93]

ربما هي تريد مصلحتك من تدخلها هذا و ما ان يرزقها المولى عز و جل بزوج صالح تبقى فقط ذكرياتها و مثلما نقول بالعامية متخسرش معاها احسن العيب ماشي مليح ربي معاك ان شاء الله

[faty05]

اخي وش رايك لوكان ندبر عليك
هذي اختك دمك و لحمك
يعني وين راه المشكل كي ديرو قعدة عائليه و تتكلمو مع بعض و ترفهو على نفسكم و تتشاوروا و تحكو مشاكلكم لبعض و تلقاو حلول
راهي امكم بالطبع تزعف طي تشوفكم مش متفاهمين او تداوسو امامها
راكم حابين تقسمو والدتكم بيناتكم وقيلا ,,
ذركا الحل راه بيدك
و انت هو الرجل تع الدار
اذن حاول تجمع شمل العائلة و تكونو مترابطين مع بعض و ترضى عليك يماك
و ربي يصلح احوالكم ان شاء الله

[aniscarbone]

اكتسبها فالاخت نعمة غير من نفسك وستتغير معك

[baalache]

اخي قال امك ثم امك ثم امك ما قال لا اخيك لا اختك وراك فهمتني

[سارةالتلمسانية]

acheriha bel mela7a we zid hena ma3elabanach wasem kont ta me3a yemak balak akhetek chafate tadakholeha masela7a lik chouf ya khay hadi khetek sahabeha we chouf kifach tareja3 me3ak ana wllh khoya fedar heta yemechate cha3erah yeji yesa9esini ida lemacheta chaba wllh

[حمزه أبو مريم]

إبحث لها عن زوج تسكن إليه ويسكن إليها