بلييييز رأيكم

[مشكلتي]

السلام عليكم...

انا يحوس يخطبني واحد لاباس عليه ناس ملاح وخدام ودارهم الله يبارك..انا مازال ماشفتوش مانعرفوش مليح ..نعرف باللي مستواه التعليمي اقل مني انا جامعية وهو مستوى متوسط وشويا مترددة من هذي الناحية..وديما كنت نحب ندي واحد اكثر مني في المستوى..بنات بليز يعني اعطوني رايكم من هذي الناحية :confused:

[zara08]

akhti nti choufih kbel whedri m3ah apré decide balak telkayheh khir men wahed kari w f'hamama machi belk'raya

[انيس2006]

كل مرة تحكيلنا حكايا والله دوختينا
مرة امراة و مرة راجل ما فهمنا عليك والو
المرة الجايا غيري اسمك الى مسلسلي الذي لا ينتهي

[doba]

هههههههههههههههههههههههههههه روحي إدي دكتور يا جامعية
قالت راني جامعية وانا إبتدائي تقبلب بيا هههههههههههههههههههه

[هاجر78]

والله غير اجي تفهم تحير وش ختي وش حابة تدي وزير الله غالب مكتوبك هاك وش حابة تبدليه الله يهدينا على العموم

[dotnet]

اذا انتي رضيتي بيه بعد الاستخارة طبعا والمشاورة ربي لايسهل لك جميع الامور
وبإذن الله تعالى تعيشي في سعادة وهناء المهم يكون ذا دين وأخلاق
ولازم تسقسي عليه مليح بتكليف احد من العائلة بذلك

ملاحظة: لا تجعلي الماديات تقودك الى القبول به وانما الدين والاخلاق

ربي يوفقك لما فيه الصلاح ويرزقك الزوج الصاح وجميع بنات المسلمبن

[سرور]

ادا انسان مليح وناس تشهد علا اخلاق نتاعو علاش لالا اقبلي هدا زمان قلل تلقي راجل لي يكون وفين لزوجاتهم وسلام

[بسمة تحدي]

اختيتي عليكي بالاستخارة فهي مفتاح كل حاجة

انا نقل لازم يكون تكافئ بين الرجل والمرأة

انتي لازم تبني حياتك على الصح


اولا لازم يكون الدين والاخلاق هي الحاجة الاساسية

ونقلك ادي واحد يخاف ربي لانه حتما راح يتقي الله فيك


ربي يرزقك بالزوج الصالح يارب

[soumeya_cons]

السلام عليكم أختي و شكون يضمنلك اذا ديتي واحد مستواه أكثر منك رايحة تعيشي هانية و رايحة تلقايه ولد فاميلية لعبد يحوس على الدين و الأخلاق هادوك هوما الصح و الأمور الأخرى تقدري تتنازلي عليها خصوصا اذا الراجل هادا عقلو كبير و واعي نتي صلي صلاة الاستخارة و اللي فيه الخير يجيبو رب العالمين

[kmilya]

ههههههههههه واش حابة طبيب هذا مكتوبك مدام متربي وناس ملاح واش تحوسي كثر

[soumi7]

شوفي اختي هو صح المستوى الثقافي يفرق كاين ناس مكملش قرايتهم وصعيب تتاقلمي معاهم لانهم منعدمين ثقافيا يلا كلمتيه في حاجة امو ردين اودنيا تعرضي فكرة وقد متعجبوش تحبي تناقشيه تلقايه حابس وغير قابل للنقاش اطلاقا بحكم مستواه فالحل هنا يكون اما يفرض رايو الخاطئ او انت تولي فارضة اراءك التي قد تخطى او تصيب وهو يولي يتقبلها كلها لعدم قدرتو على المواجهة الثقافية و لكن كاين ناس مقراوش ولكن مستواهم يفوق مستوى الجامعيين سواء الثقافي او الاخلاقي او حتى التعامل انت هذا الانسان عليك تكلميه اعرفيه تقدري تلاءمي معاه صح متقدريش قولي لا ومتشديش وليد الناس وهذا مكان

[wafa16]

ادا ماراكيش مقتنعة من اعماقك ما تقبليش لانو تولو في حل و اربط
راو جاز موضوع تع واحد الاخت راجلها خضار و الا ما علاباليش و هي جامعية و لاو في المشاكل و ما يتفاهموش

[بثينة 123]

السلام عليكم ورحمة الله تعالى وبركاته
اختي ماعندي مانقولك بصح اذا راكي حاباته وقابلة بيه وراضية عليه وتعرفي اهله اذا ملاح صلي صلاة الاستخارةو توكلي على ربي وخلاص

[سنة4]

المستوى التعليمي لا يحدد ثقافة الشخص و لا طريقة تفكيره كم من اناس مستواهم التعليمي ليس عالي ولكن احسن من اناس مستواهم عالى و متحصلين على شهادات لكن لا يحسنون التفكير و لا التفاهم و لا حتي النقاش و التحاور ياختي ربي يهديك اذا كان ناس ملاح و متخلق وناسو كيفكيف واش تحبي اكثر من هك احمدي ربي

[prettyangel]

يا أختي ناس بكري قالو أعطيهولي فاهم و لاه لا قرا
المهم هو الاخلاق و الدين و المسؤولية يجب ان يكون قد المسؤولية لي راه فيها
ليس كل من درس مثقف، فهناك من هو متحصل على شهادات لكن عقولهم فارغة و العكس ، ربما ذلك الذي لم يدرس ظروفه اجبرته على ان يضحي بشيء من حياته
ما عليك الا بالاستخارة

[radouche]

عادى والدنيا هى اللى تقريك مدام لاباس عليه ومدين ........ وعلاه لا يما ناس متخرجة بشاهدات وشهادة الدين مايعرفوهاش ................

[أمال و رجاء]

يا أختي المستوى التعليمي ماشي مقياس نقيسو بيه العقلية و التربية هي الصح شحال من واحد قاري و حابس في راسو
كي تشوفيه وتتكلمي معاه راهي تبانلك ادعقلية تاعو و المهم أكثر يكون يخاف ربي باش يصونك
أنا جامعية و راجلي مستواه تاسعة متوسط رانا عايشين لاباس علينا ربي يدومها ان شاء الله
و نوصيك ادا كتب المكتوب بين الراجل و مرتو ماراحش تتعاملو بالمستوي التعليمي
ربي يهنيك أختي

[naima40]

Ya okhti sali salat istikhara w tekli ala rabi

[amarbentoumi]

يا أختي ناس بكري قالو أعطيهولي فاهم و لاه لا قرا
المهم هو الاخلاق و الدين و المسؤولية يجب ان يكون قد المسؤولية لي راه فيها
ليس كل من درس مثقف، فهناك من هو متحصل على شهادات لكن عقولهم فارغة و العكس ، ربما ذلك الذي لم يدرس ظروفه اجبرته على ان يضحي بشيء من حياته
ما عليك الا بالاستخارة
لا فض فوك ولا شلت لمينك نعم العقل و الحكمة

[amarbentoumi]

ya okhti sali salat istikhara w tekli ala rabi
خذي براي اختنا الفاضلة

[ميمي سمية]

ختي اذا كان حيقدر يوكلك ويشربلك ويقوم بيك وبولادتك صايي وش تحوسي طبيب؟؟

قولي الحمد لله وادي براي أعظم الخلق نبينا محمد صلى الله عليه وسلم قال:

{ان جاءكم من ترضون خلقه ودينه فزوجوه}

[السي محمد]

عارفة روحك ما تحترميهش و ما تقيميهش كيما واحد اكبر منك مستوى

ماكان لاه تظلميه و تقبلي تتزوجي بيه