نتيجة غير متوقعة تماما

[osami]

السلام عليكم

اليوم ظهرت النتائج الباكالوريا بعد ان اجتهدت عام كاملا من اجل هذه اللحظة كنت حقا اجتهد و اسهر من اجلها
و كنت اعمل بشكل جدي في الفصول 3 و قد تحصلت على المعدالات التالية

الفصل الاول 14.98
الفصل الثاني 15.08
الفصل الثالث 14.49

و من قبل و انا تلميذ ليس بممتاز و لكن جدي في دراستي تحصلت على شهادة المتوسط ب 15.60

و كل الاعوام تحصلت على معدلات بين 14و17

و بعدها ذهبت الاجتاز الباكالوريا و كانت جد سهلة بنسبة لي و كانت لي اجوبة في المستوى و صحيحة

و لكن اليوم رأيت النتيجة اجهشت بالبكاء و غم علي النفس اكدت ان افقد نفسي تحصلت على 6.72 و هذا ليس بمعدلي


و خاصة ان جدتي توفيت هذا العام و هي على فراش الموت و تقول عني انني نجحت في الباكلوريا و مانت تحلم بي

حتى ان توفيت يرحمها الله

من فضلكم اريد نصائح من اجل ان ارفع مورالي لاني حقا ارى الايام القادمة سوداء

[amine9mm]

هههههه اماسموهش بكالوريا في باطل هذا هو الباك الجزائري

[fatehzid]

دير طعن مهدام راك حاس بلي خدمت في الباك

[بنت الاسلام]

تاكد اخي بلاك غلطولك والله يوفق

[Hind_dz]

تأكد بلي فيها حكمة من عند ربي سبحانو،،

ولازم تصبر باه تدي الاجر ان شاء الله،،

وكاين العام الجاي خويا،، عاود و تجيبو بمعدل ممتاز ان شاء الله..

[alger34]

ولازم تصبر باه تدي الاجر ان شاء الله،،

[ibrahimm]

ايا براكانا من الكذب

لي جامي قرا و يجيب 6

انت مدي 15 في الفصول و 6 في الباك

شبعتونا مقروط

[فوزي الفايز]

ربي يعينك اخي

لا اظن احد توقع معدله سواء كان اعلى او اخفض من توقعه

الله اعلم ماذا جرى في فترة التصحيح

اتمنى لك الخير و التوفيق و لا تستسلم لهذه العقبة و ان شاء الله تاخذه بمعدل ممتاز العام القادم

[شَمعة أملْ]

اهلا..
انا تلميذة اجتزت الشهادة هذه السنة..اسفة على التطفل :3
موضوعك مريب..و لا تزال صابرا!!
قدم طعن..لا اتوقع نفسي في مكنك
بالتوفيق لك..

[katia hb]

اتمنى لك النجاح في الاعوام القادمة

لا تفقد الامل

[سارةالتلمسانية]

ياناس ياناس اعرفو وين راكم ساكنين عادا وهدرو ادا متعرفوش نا نقولكم راكم عايشين في بلاد الرشوة والنفاق في بلاد المعريفة وقضيان الصوالح تعرفو حسبنا الله ونعم الوكيل في هادو الخنازير اللي حرمونا الفرحة حسبنا الله ونعم الوكيل في هادو الناس اللي حطو انسان حاضر غائب لا اله الا الله

[islam.radouane]

خويا اكيييد يوجد خطا ما

ربما كنت تكتب رقم التسجيل بالخطا

المهم مكتوب ربي هذا

البكلوريا ليست نهاية العالم ربم خيرة العام الجاي تجيب معدل امتياز

[الأستاذ رمزي]

انا نظن انك في احتمالين
اما راهم كانو يخدعو فيك بالنقاط المضخمة او انت تخدع في روحك بالغش

انا ثاني واحد قاللي اديت البيام بـ 15 بالصح ما نجحس سنة اولى عندي (معدل 8 فاصل)

راهي 6 يا الاخ تسمى اذا غلطولك في مادة ما غلطولكش في المواد الكل
6 تاع واحد ماقراش
المهم خير في غيرها ولا تدري نفس ما تكسب غدا ...الخير فيما اختاره الله اذن لازم ترضى بالقدر

[أم الولدين]

والله غاضني الحال بزاااف مع اناه نتائجك جيييدة
كنت اظن انك تحصلت على الباك ب 11 او 12 وماعجبكش الحال
بصح 6 كااارثة اعمل الطعن و ربي يسهل و يفرحك اخي

[سمو امير الكلمات]

غريب أمرك ولكن اخي بلاك خفت زيادة وارتبكت في الإجابة انا نفس شيىء مثلك نقول خدمت وفي الأخير نشوف نتيجة منخفضة نحس بلي كلاولي مجهوداتي وتعبي ولكن بعد مانقعد مع نفسي نبدى نتذكر اخطائي التي تظهر مع الوقت


أخي لا تربك نفسك وماتتقلقش خلاص الباك ماجبتوش السنة تجيبوا العام جاي المهم تتعتب وتنال انشاء الله ما تقتلش الروح لي فيك عسى ان تكرهوا شيئا وهو خير لكم اخي عادي كن متأكد من شيء انك انت تعبت وقدر الله ماشاء تحياتي اخي وبالتوفيق

[شَمعة أملْ]

ياناس ياناس اعرفو وين راكم ساكنين عادا وهدرو ادا متعرفوش نا نقولكم راكم عايشين في بلاد الرشوة والنفاق في بلاد المعريفة وقضيان الصوالح تعرفو حسبنا الله ونعم الوكيل في هادو الخنازير اللي حرمونا الفرحة حسبنا الله ونعم الوكيل في هادو الناس اللي حطو انسان حاضر غائب لا اله الا الله
حاضرة و انت غائبة:confused:
استغفر الله!!
اين ذهبت اوراقك!!!!!
اما من دليل لصالحك..؟؟؟؟
:confused::confused::confused:

[nihed 92]

ربي ينجحك العام الجاي
وعسى ان تكرهوا شيئا و هو خير لكم

[سارةالتلمسانية]

حاضرة و انت غائبة:confused:
استغفر الله!!
اين ذهبت اوراقك!!!!!
اما من دليل لصالحك..؟؟؟؟
:confused::confused::confused:
دليل هههههههه ياربي صبرنا بالله عليكم صبروني راح نهبل ياربي الصبر ياربي انصفنا يارب خد لنا بالثار اللهم احرق وزير التربية حرقا شاملا

[تاج الحكمة]

و اين هو المشكل أخي: كاين بزاف توقعوا نتائج وكانت عكس ما توقعوا باش نزيد نقولك ما تديهش أحسن من ما تديه بمعدل منخفض ثم تحصل في تسجيل الجامعي .
كل الناجحين في العالم تعرضو لفشل في حياتهم لكن هم أخذوه باب للنجاح والنهوض بعزيمة أكبر
أولا انصحك لا تضع آمالا كبيرة في الطعن .
لازم تحمد ربي وتقول رضيت ..

[الأستاذ رمزي]

دليل هههههههه ياربي صبرنا بالله عليكم صبروني راح نهبل ياربي الصبر ياربي انصفنا يارب خد لنا بالثار اللهم احرق وزير التربية حرقا شاملا

من المفروض يوجد ورقة حضور امضيتي عليها .. هي بالتالي دليل قاطع

[ناجحة دائما]

دليل هههههههه ياربي صبرنا بالله عليكم صبروني راح نهبل ياربي الصبر ياربي انصفنا يارب خد لنا بالثار اللهم احرق وزير التربية حرقا شاملا
اللهم اميييييييييييييييين

[سارةالتلمسانية]

من المفروض يوجد ورقة حضور امضيتي عليها .. هي بالتالي دليل قاطع
حسبنا الله ونعم الوكيل لا الاه الا الله

[نسيبةB]

مستغربة من بعض الردود التي تستفز صاحب الموضوع.................
توكل على الله وأعد البكالوريا

[سرور]

وكلا ربي عليهم هو لي خلص منهم

[شَمعة أملْ]

دليل هههههههه ياربي صبرنا بالله عليكم صبروني راح نهبل ياربي الصبر ياربي انصفنا يارب خد لنا بالثار اللهم احرق وزير التربية حرقا شاملا
بصرااحةة اكاد اشك في انكي حيةة لحد الساعة:o
نعم دليل..!!
شكوى..طعن
اي شيئ من هذا القبيل
يسترد حلك
موفقةة

[benniche farid]

اصبر تدي حاجة شابة

[سارةالتلمسانية]

بصرااحةة اكاد اشك في انكي حيةة لحد الساعة:o
نعم دليل..!!
شكوى..طعن
اي شيئ من هذا القبيل
يسترد حلك
موفقةة
من يتحرك امي الباكية المدمرة او اخي الراسب المحطم من كل النواحي اللدي لا يكاد يعرف نفسه او ابي الحائر مادا يفعل والله نحن في حيرة من امرنا هل نلجا للمعرفة مثلما فعلو الناس ام نتكل على الله والله لااعلم

[ابوشيماءربوح]

السلام عليكم

ستكون ايامك سعيدة ان شاء الله ، انها مجرد كبوة وستنجح في العام القادم بمعدل جيد فلا تحزن ماهي الا اشهر وتحتفل بنجاحك

فلا تقنط من رحمة الله ، الله معك فانت مجتهد وقد وفرت الاسباب ، فسر الى الامام وتوكل على الله ولن يخيبك


موعدنا العام القادم ان شاء الله

[faceamari]

انا خسرت الباك وهدا مقدره ربي و الحمد لله وعام جاي ان شاء الله ومبروك على كل الناجحين

[مجهوول]

غريبة

الله يكون في العون

[amine9mm]

انا راهم شافيني هذوك االلي راهم يقولولوا العام الجاي العام الجاي اكتر مع الوزير هذا الجديد سنوات من نار غادي تعيشوها

[miss silina]

السلام عليكم و رحمة الله وبركاته


شوووف يا خوياا هو يعني عسى تكره شيئا هو خير لكم


مي انت اذا راك متأكد روح سقسي علي الطعن لان مش نورمال تدي 6 وانت الله يبارك حسب ماكنشوف ممتاز


شوووف انا سمعت بلي الطعن اذا طلعت النتيجة كما كانت الأولى للأسف تصبح مقصي لمدة 5 سنوااات


ولان هذا شي صعيييب ننصحك خويااا ديرر استشااارة ومتنساااش استخااارة


وشوووف يعنني اذا فعلا حاب الطعن ولا الأفضل انك تعاود و الله اعلمتقدر يكون في هذي حكمة


وعسى تكره شيئا هو خير لك ربما العام اللي جاي تجيبوو 15 ولا حاجة كبيرة


المهم انت دوكا سقسي وزيد شوف دياالك كشف النقاااط باش تتأكد


وربي يجيبلك كل خيرر


ربي يعوووضك ومتحزنش بزاااف ربي يحفظك خويااا


سلالالالالالالالالام

[miss silina]

ايا براكانا من الكذب

لي جامي قرا و يجيب 6

انت مدي 15 في الفصول و 6 في الباك

شبعتونا مقروط

ربي يهديك خوياااا

ربي اعطااه سبب حتي يزدادو حسناااتوو بكثرةة

و انت راااك تنطق السم

علاش تقول هكذا واذا مكانش يكذب راك زدت عليه خوياا

ربي يهدي ما خلق

متكونش سلبي و بركاك من قلة الثقة بالناس

وكما يقولو -امشي بالنية تلقاها مسقية -

[ibrahimm]

ربي يهديك خوياااا

ربي اعطااه سبب حتي يزدادو حسناااتوو بكثرةة

و انت راااك تنطق السم

علاش تقول هكذا واذا مكانش يكذب راك زدت عليه خوياا

ربي يهدي ما خلق

متكونش سلبي و بركاك من قلة الثقة بالناس

وكما يقولو -امشي بالنية تلقاها مسقية -




مادموزال هذي الهدره بيني و بينو

خليك على جنب

معقبتيش الباك متهدريش

[سامية79]

نفس ما حدث لك حدث لجارتي الاولى على المستوى الولائي شعبة لغات تتحصل على 17 فما فوق في كل من مادة الفرنسية الانجليزية الاسبانية وحتى المواد الاخرى لا توجد عندها نقطة اقل من 13 لكن للاسف تحطمت امالها الوحيدة في قسمها لم تنجح في شهادة البكالوريا وكانت من بين الاوائل المرشحين لهذه السنة
وهذا هو الباااااااااااك وكل انسان واش كاتبلو ربي
واللي مكتوبة على الجبين ما يمحوها اليدين
العقوبة للعام الجاي لا تقنط من رحة الله

[ramoux]

إن شاء الله تقدر تريقلي معدل تاعك وتكون جبت افضل

[khaled.t]

من يتحرك امي الباكية المدمرة او اخي الراسب المحطم من كل النواحي اللدي لا يكاد يعرف نفسه او ابي الحائر مادا يفعل والله نحن في حيرة من امرنا هل نلجا للمعرفة مثلما فعلو الناس ام نتكل على الله والله لااعلم


صبرا جميلا يا سارة .......مالنا الا الصبر اختي الكريمة ..........انا كنت متوقع من 11 الى 12 .......انصدمت ب 9.47

[samir mechouch]

اريد قول الحقيقة واظنها مرة على الجميع
هذا هو مستواكم ففي السنة الدراسية ليس تقييم لكم بل تلعبون على مدار العام
هذه هي البكالوريا الحقيقية
احكم في ربي هذا هو مستواكم الحقيقي

[ملكة الامتياز]

السلام عليكم

اليوم ظهرت النتائج الباكالوريا بعد ان اجتهدت عام كاملا من اجل هذه اللحظة كنت حقا اجتهد و اسهر من اجلها
و كنت اعمل بشكل جدي في الفصول 3 و قد تحصلت على المعدالات التالية

الفصل الاول 14.98
الفصل الثاني 15.08
الفصل الثالث 14.49

و من قبل و انا تلميذ ليس بممتاز و لكن جدي في دراستي تحصلت على شهادة المتوسط ب 15.60

و كل الاعوام تحصلت على معدلات بين 14و17

و بعدها ذهبت الاجتاز الباكالوريا و كانت جد سهلة بنسبة لي و كانت لي اجوبة في المستوى و صحيحة

و لكن اليوم رأيت النتيجة اجهشت بالبكاء و غم علي النفس اكدت ان افقد نفسي تحصلت على 6.72 و هذا ليس بمعدلي


و خاصة ان جدتي توفيت هذا العام و هي على فراش الموت و تقول عني انني نجحت في الباكلوريا و مانت تحلم بي

حتى ان توفيت يرحمها الله

من فضلكم اريد نصائح من اجل ان ارفع مورالي لاني حقا ارى الايام القادمة سوداء
ان كنت متأكد من انك أجبت بشكل صحيح فما عليك الا بالطعن

[موحدة الله]

الله يعوضك خيرر

[الاميرة سهى]

* و عسى أن تكرهوا شيئا و هو خير لكم *

[هواري2009]

راك كيفي يا أخي نتيجتي غير متوقعة أكثر منك وتبقى علامة استفهام تؤكد واش راه صاري في هذي البلاد

[yahdhire332]

انا ما كنتش نتوقع البرازيل تربح سبانيا 3-0 نتيجة غير متوقعة تماما

[salahe14]

اصدقك اخي انا مثلك معليش كاين ربي العام الجاي نجيبوه ان شاء الله

[رضا عزوز]

قاع رانا هاكاك
انا كي قلت لصحابي جبت7 انخلعوا
بصح معليش كاين ربي العام الجاي نجيبوه ان شاء الله

[رضا عزوز]

نقارعو للكشف

[hana m]

الكثير من الاساتذة في هذه الاعوام عملوا على تضخيم النقاط لتلاميذهم لحد لا يصدق اذ التلميذ يظن نفسة ممتاز وللاسف يصدق الكذبة وحالتك اخي هي تضخيم الاساتذة للنقاطك وانا لا اقول انك ضعيف لكنك صدقت كذبتهم الكبيرة عليك دخلت للباكلوريا فلما جاءت الاسئلة كنت شديد التسرع في الاجابات سواء لفرحة شديدة او لثقة شديدة بالنفس وكلا الحالتين تجعل التلميذ يفقد التركيز في اجاباته فينسى اسئلة كثيرة يخطئ في اجابات كثيرة وهذا للتسرع الكبير المهم اخي لا تحزن كثير فالرسوب ليس هو نهاية العالم تعلم من اخطائك ولا تثق كثيرا في النقاط التي تعطى في القسم فهي لا تعبر عن المستوى الحقيقي للتلاميذ وتذكر ان في هذا العام هناك تلاميذ اقصوا لمدة خمس اوعشر سنوات فحمد الله انك لست منهم

[*اية*]

سبحان الله

[سارةالتلمسانية]

[QUOTE=samir mechouch;1053361742]اريد قول الحقيقة واظنها مرة على الجميع
هذا هو مستواكم ففي السنة الدراسية ليس تقييم لكم بل تلعبون على مدار العام
هذه هي البكالوريا الحقيقية
احكم في ربي هذا هو مستواكم الحقبا
بالله عليك اخي الغالي والله لو كنت مكاننا لفعلت نفس الشيئ يااخي من فضلك كيف لشخص جد مجتهد ان يتحصل على 6 وكيف لشخص لم يدرس في حياتها ان يتحصل على 12 وكيف لشخص حاضر ان يكتب غائب

[ranou gigi]

روح يا اخي دير طعن احسن ليك اذا راك متأكد بلي راك خدمت مليح
و ربي اجيب الي فيه الخير و الي عاود الباك ماش راك اموت عادي انا وحدة من الناس عودت و كنت نحسابها نهاية العالم و الحمد لله العام الثاني نجحت و كنت من المتفوقات في الجامعة و اليوم راني خدامة
حاجة وحدة الي دارهالك ربي ارضى بيها و كيما اقولك كل تأخيرة فيه خيرة
و عندي احساس انك راح تنجح بتفوق العام الثاني و بيناتنا منتدى الجلفة باه تخبرنا بمعدلك العام الجاي
موفق اخي

[fog]

اهلا..
انا تلميذة اجتزت الشهادة هذه السنة..اسفة على التطفل :3
موضوعك مريب..و لا تزال صابرا!!
قدم طعن..لا اتوقع نفسي في مكنك
بالتوفيق لك..
ان فوت احرار لغات الحساب تاع النقاط تاعي في كشف النقاط 9.46 وهوما حطولي 9.20 اللوجيسال غالط وزيد لاكوريكسيون ماشي هذه مهيش تاعي