إيجابيات الادماج و عقود ما قبل التشغيل

[samira135]

السلام عليكم ورحمة الله وبركاته
يا شباب علاش ما تعتبروش الادماج و عقود ما قبل التشغيل مجرد فرصة للحصول على خبرة + أولوية في التوظيف على حسب المواضيع لي راكم دايرينها هنا راكم دايرين أمــــــــــــل كبير على هذا "الادماج" أنا الصراحة نعتبرو ..."سوسات" لي يمدوها للبيبي :p
وهذا الادماج داروه فقط من اجل الاحصائيات باش في تالي يقولو البطالة في الجزائر العظمى منخفظة جداااااا :mh31: " بطالة مقنعة"
ساهلة ماهلة مدام الحكومة خبيثة لهذي الدرجة لازم عليكم تكونو أذكياء شوية استغلو الفرص واحد يخدم في الادماج علاش مايديرش في نفس الوقت تكوين في المحاسبة و لا الاعلام الالي و لا لغات ما أكثــــــــــرها ... بالمختصر المفيد ديرو الادماج " طريق " ..." وسيلة " ماشي غاية لانو في نهاية يبقى مجرد "عمل مؤقت"
هاك في مسابقات التوظيف تكون عندكم نقاط إضافية الخبرة + تخصص ثاني و مدام المسابقات على اساس الشهادة لازم أول شيء تطالبو انو عملية التنقيط تكون على المكشـــــــــوف باش واحد مايدي حق آخر

[housam28]

الله الله تسلمي هدا الكلام الصحيح

[safia91]

الخبرة هههههههههههههههههههههه
التوظيف على أساس المعريفة والرشوة والمحسوبية والتوريث

[mechakou]

صح كاينة لكن الله غالب على الشباب نتاع بلادنا أغلبيتهم يحب الساهلة أي بدون تضحية و شوية ميزيرية
و تهدر معاه كلمة زوج يدخلك المعريفة كل حاجة يحصلوها في المعريفة
صح هي المعريفة كاينة لكن لكل مجتهد نصيب

[فرناس وهران]

نعم الرأي بارك الله فيه سميرة

[الطيب الجزائر]

بارك الله فيك على الكلام الموزون نعم الإدماج فرصة لكل شاب لكي يثبت جدارته بان يحاول التأقلم و يعرف طريقة العمل في الإدارة الجزائرية حتى تكون له نظرة ( خبرة ) عن طريقة التسيير و التعامل و أن يستعد للمستقبل ................و ليس الأحلام الزائفة كيفاه مكتوب في العقد 2 أو 3 سنوات غير قابلة للتجديد و أنت تقول ترسام بعد 3 سنوات خافو ربي...............

[amine eco]

الادب عربي في الادارة خبرة ههههههههههههه

اعلام الي نروح نقرى بقلولك راك تخدم نحولك الشهرية
المسابقة على اساس شهادة 300 مرشخ على 2 مناصب + معرفة

[samira135]

الله الله تسلمي هدا الكلام الصحيح

شكــــراا أخي ربي يوفقك

الخبرة هههههههههههههههههههههه
التوظيف على أساس المعريفة والرشوة والمحسوبية والتوريث

ربي قال اسعى يا عبدي و انا اعينك انت دير لي عليك و لي يخمم كما انت عمرو ولا ينجح صح كاين لي يخدم بالمعرفة مي ثاني كاين لي يخدم بمجهوده و إمكانياته و يستاهل كون انت منهم

صح كاينة لكن الله غالب على الشباب نتاع بلادنا أغلبيتهم يحب الساهلة أي بدون تضحية و شوية ميزيرية
و تهدر معاه كلمة زوج يدخلك المعريفة كل حاجة يحصلوها في المعريفة
صح هي المعريفة كاينة لكن لكل مجتهد نصيب

هاهي الناس لي تفهم ربي يوفقــــــــــــــك

نعم الرأي بارك الله فيه سميرة

وفيــــــك بارك الرحمن أخي ...ربي يوفقك خويا

بارك الله فيك على الكلام الموزون نعم الإدماج فرصة لكل شاب لكي يثبت جدارته بان يحاول التأقلم و يعرف طريقة العمل في الإدارة الجزائرية حتى تكون له نظرة ( خبرة ) عن طريقة التسيير و التعامل و أن يستعد للمستقبل ................و ليس الأحلام الزائفة كيفاه مكتوب في العقد 2 أو 3 سنوات غير قابلة للتجديد و أنت تقول ترسام بعد 3 سنوات خافو ربي...............

بارك الله فيك وصح لازم يكون الانسان واقعي ماشي عايش في عالم الاحلام .... ربي يوفقك خويا


الادب عربي في الادارة خبرة ههههههههههههه

اعلام الي نروح نقرى بقلولك راك تخدم نحولك الشهرية
المسابقة على اساس شهادة 300 مرشخ على 2 مناصب + معرفة

وهنــــــــــــا الاشكال انو ناس تخدم في غير مجالها والغلطة غلطتك يا خويا لو كان جا هدفك انك تنجح وتبدع في المستقبل ماتخدمش في غير مجالك و نورمالمو من جبت الباك عرفت واش التخصص لي تختارو و لي حاس روحك متمكن فيه و احمد ربي لي مدولك عمل مؤقت في الادارة نورمالمو الادارة يخدمو فيها أهل الاختصاص وما من ناحية هذا لكلام ........علام الي نروح نقرى بقلولك راك تخدم نحولك الشهرية .......مكانش منها نعرف ناس تخدم وتقرا عااااااادي جدااااا و يخلصو واحد ماهو جايب خبرهم .....ربي يوفقك خويا


شـــــــــكراا على الردود وربي يوفق الجميـــــع

[annou07]

كلام جميل و موزون نعم الرأي أخت سميرة

[مروحةسريعة]

حنا بغاي نبقاو غير نتكونو ونقراو ها بركاونا

[فرناس وهران]

حنا بغاي نبقاو غير نتكونو ونقراو ها بركاونا

يا اخي التكوين و المطالعة و حتى الدراسة بعد الدراسة تنمي العقل
لو كان الشعب تاعنا كله دارس بعد الدراسة و اخر واحد فينا لديه على الاقل الثانوي لكنا احسن امة في العالم
لو وجدت اخي كنت اكملت دراساتي الى ما بعد الدكتراه و الدخول الى ميدان البحث

[فرناس وهران]

http://www.zilfawi.com/vb/imgcache/14757.imgcache.png

[bilal7]

لقد اصبح هدا الموقع للتجارة لمادا الاستهزاء بشعور الناس و مشاعرهم الا يستحي البعض منكم. هدا الموقع مخصص لعقود ما قبل التشغيل وليس للكلام الفارغ عوضا ان نجد الحلول فيما بيننا و نناقشها ها نحن نروي الحكايات و الالغاز............ الادماج حقنا يا شباب و هو حق مشروع ففي الاتحاد قوة ولكن ....ولكن للاسف الشديد نجد البعض استسلم و يرى فينا اننا مجرد دمى...الله لا يغير بقوم حتى يغيروا ما بانفسهم وشكرا

[amine eco]

لو يتم ادماج الذكور احسن ....لان الاناث المطالعة و تعلم الللغات وامور المنزلية افضل لهم

[amrfre]

استبشرو نسبة البطالة في منطقة اليورو 12 بالمائة وفي الجزائر 9 بالمائة

[azzou22]

استبشرو نسبة البطالة في منطقة اليورو 12 بالمائة وفي الجزائر 9 بالمائة
9% هههههههههههه
خويا راك ناسي 0
ولا مانسيتهش راك مضروب بطاوة

[samira135]

لقد اصبح هدا الموقع للتجارة لمادا الاستهزاء بشعور الناس و مشاعرهم الا يستحي البعض منكم. هدا الموقع مخصص لعقود ما قبل التشغيل وليس للكلام الفارغ عوضا ان نجد الحلول فيما بيننا و نناقشها ها نحن نروي الحكايات و الالغاز............ الادماج حقنا يا شباب و هو حق مشروع ففي الاتحاد قوة ولكن ....ولكن للاسف الشديد نجد البعض استسلم و يرى فينا اننا مجرد دمى...الله لا يغير بقوم حتى يغيروا ما بانفسهم وشكرا

حلوووول !!!!! وحكايات و ألغاز ؟؟ .... أولا يا أستاذ بلال الأحلام ماشي حل انتم راكم تحلمو ابقاو احلمو ...ثانيا شيء انا بهذا الموضوع مكانش قصدي حكايات و الغاز كما راك تقول انا انسانة واقعية ونحب نستغل الفرص في صالحي وهذا كان مجرد رأي ممكن نكون صح وممكن نكون غالطة .....بالتوفيق و ان شاء الله تجد الحل يا أستــــاذ
لو يتم ادماج الذكور احسن ....لان الاناث المطالعة و تعلم الللغات وامور المنزلية افضل لهم


أما أنا نقترح إدماج الرجال سواء كان ذكر أم أمثى [:19:

استبشرو نسبة البطالة في منطقة اليورو 12 بالمائة وفي الجزائر 9 بالمائة

ايه هذا الغرض من الادماج والعقود باش في الاحصائيات يحسبوكم موظفين "حكومة خبيثة" و شعب .........

حنا بغاي نبقاو غير نتكونو ونقراو ها بركاونا

{وقل رب زدني علما}

يا اخي التكوين و المطالعة و حتى الدراسة بعد الدراسة تنمي العقل
لو كان الشعب تاعنا كله دارس بعد الدراسة و اخر واحد فينا لديه على الاقل الثانوي لكنا احسن امة في العالم
لو وجدت اخي كنت اكملت دراساتي الى ما بعد الدكتراه و الدخول الى ميدان البحث

خويا فرناس وفقك الله وممكن تكمل دراستك علاش لالا ."اطلب العلم من المهد الى اللحد" المهم لازم تكون عندك إرادة ونظن انو كاينة ....ربي يوفقك
----------------
رحم الله الإمام علي حين قال: العلم خير من المال العلم يحرسك وانت تحرس المال والعلم حاكم والمال محكوم والمال تنقصه النفقة والعلم يزكوا بالإنفاق

والأهم ان يعمل الانسان بما يتعلم ونسأل الله عز و جل أن يعلمنا ما ينفعنا و أن ينفعنا بما علمنا و أن يزدنا علما

[moradmorad3349]

التعلم او اضافة تكوين اخر هو اضافة لرصيدنا المعرفي بما اننا جامعيون ولكن مشكلتنا هي الادماج و العمل الهش نحن نلاحظ ان اغلب الادارات تسير و يسير العمل بها من طرف عمال غقود ما قبل التشغيل انا شخصيا اعمل بمتوسطة و كل الاعمال الادارية نقوم بها نحن تاع لانام فلمادا تستخسرون فينا الادماج و تقولون ان الشباب يحب يصيبها طايبة و عليه ان يقوم باءجراء المسابقات اصلا المسابقات لغلبها ليست نزيهة و يتم اختيار الفائزين فيها على اساس المعريفة و الرشورة و التوريث كما قال اخونا العضو فلمدا تتجاهلون الحقيقة هدا هو واقع المسابقات في الجزائر عندي واحد صاحب عمرو 35 سنة و جوز اكثر من 150 مسابقة مازال مانجحش وانت تقولي المجهود الشخصي و الخبرة اي خبرة انا عندي قريب 10 سنوات بطالة بركانا من الهروب الدولة راها تلعب بينا و ضيعنا في عمرنا بهاد العقود التي لا تغني و لا تسمن من جوع ا ذن المشكل راه في الدولة و ليس فينا و الادماج والعمل الكريم من حقنا بما ان الدستور ينص على ذلك الله يهديكم لازم نوضوندافعو على حقوقنا و خطونا من هاد المسابقات تاع الكذب و الفستي و المثل يقولك سال مجرب و لا تسال طبيب لان اغلب الناس ليما عندهومش معرفة و لا كتاف ما نجحوش في المسابقات

[fouad40]

ماعندوا حتى ايجابية للراجل

[soufi souf]

السلام1شكرا

[b-ilhem]

بارك الله فيك اخي عندما وقعنا العقود كل شيء كان واضح عقود لمدة محددة لا اكثر ولو ادمج كل الشباب لما وجدت لانام لمن بعدنا
عقود ما قبل التشغيل هي للقضاء على الدائرة المفرغة بين الخبرة و العمل لا اكثر ولمن يتكلم عن المعريفة انها حجة الضعيف وليست المسابقات الحل الوحيد للعمل
المهم الواحد ما يتكبرش على الخدمة من جهة و من جهة اخرى و عن تجربة التعلم في ميادين اخرى مثل الاعلام الالي و المحاسبة تفيد في العمل و تقرب من الادماج لمن يحلمون بهذا الحل

[yacine-08]

هههه هده احلام الوردية

قاع كنا نخمموا كيما هكدا

مي مازال يصدمك الواقع

تعيا ما تقرا وتدير الخبرة ولن تاخد حقك .