اردت الزواج لكن ....(2)

[مشكلتي]

اشكركم كثيرا على تعليقاتكم و نصائحكم لمشكلتي http://www.djelfa.info/vb/showthread.php?t=1341622 لانني و بصراحة كنت ناوي معاها وربي صبحانو يعلم بيا لكن طريقة تعاملها معي ادخلتني في التردد مع العلم انني الحمد لله ما يخصني والو ومعروف عند العام و الخاص -خاطيني التمسخير او ما شابه دلك-و متعلم و اعمل و بصراحة انا لم افهمها تبانلي ما زالت صغيرة باش تتخد قرارات كيما هادو وزيد هي ما تعرفنيش انا كي كلمتها و فاتحتها في الامر قالتلي اني ما زلت صغيرة شوية واني لاتية بقرايتي قلتلها ماعليش نقدر ننتضر قاتلي استنا عامين و انت كيما الاخرين قادرة نكون من مكتوبك قادرة ما نكونش قلتلها انا المهم نهدر مع خوك و نعلمو قاتلي انا بابا هو خويا قتلها انا نجي نخطبك ولا ما نجيش قاتلي ما تجيش ----هده تكملة على الكلام الي قلتو من قبل --- وزيد نعيطلها و ماتريبونديش --والمهم انها ما فهمتنيش كامل ---وانا الان نحس بلي تجاهلتني و ماحتارمتنيش وما قيمتنيش ----ارجوكم اريد اتخاذ قرار مع العلم ان جميع الردود السابقة كانت اني نروح نخطب و بارك الله فيكم وجزاكم الله خيرا لان نصائحكم تهمني

[nouna l maghbouna]

خويا راك bien في راسك ??

يعني كنت تحوس تعيطلها تقلها حاب نخطب تقلك اهلا و سهلا ?

اي وحدة في الدنيا هادي يعيطلها واحد و يقلها هكا اكييد ميش رايحة تصدقو

راك تقول ماحتارمتنيش و ماقيمتنيش يعني كن كملتلك في الخط و قاتلك ايه ارواح تقول عليها ميش محترمة و كي دارت اللي لازن يندار قلت ماحتارمتكش ربي يهديك


انت دير اللي عليك روح لباباها و راني sur رايحة تبدل رايها و تعجبها

ربي معااك

[بسمة تحدي]

يا اخي

متزيدتش تكلمهاا متفتحش باب الشيطان لانك هكذا كي تهدر معاها راح تتعلق بيها

احفظ قلبك من كل الشبوهات

انت نويت الحلال روح اهدر مع باباها اذا وافق اللهم بارك والا دور على وحدة اخرى

وصلي استخارة لانها مفتاح كل شئ


من فضلك من فضلك متزيدش تهدر معاها في التليفون لانها والله راح تفتح مشاكل كبيرة ومراحش


تعرف كيفاش تخرج


راح تفتح باب الفتنة والفتنة اشد من القتل




دير الحاجة لترضي ربي بش يرضيك

ربي يوفقك ويسدد خطاك

[قَاسِمٌ.قَاسِم]

عجبا لشباب المسلمين !!
اللهم سلّم سلّم..

[knives55]

كاين غيرها حوس على غيرها خليكم منها هذي مهيش تاع زواج

على كل حال كلهم يحبوا المادة ولحديدة

اذ عندك بصحتك واذ ما عندكش دير درهم وهما يجوك

[رانيا3]

ربي يسهلك ماها اخي الكريم
و لازم تعدرها لان الزواج تفكير مسؤولية و تقدير احترام
و الزواج قسمة و نصيب
بالتوفيق لك

[soumi7]

اسمع خويا انا انحطيت في موقف كيما هكذا انسان وصلني فالهاتف لفقا نيميرو عند اختو انا مهدرتش معاه ولو كلمة وربي شاهد ابعثلي رسالة و قالي انا فلان وحاب نخطبك انا زعفت بزاف راه كاين بابا كاين خاوتي ويقولو انا علاه يجي ليا والاخ استنا رد مني وعبر الهاتف وانا مرديتش ومنردش وكيما يحب يفهمها الانسان اللي يحب الحلال ميستعملش هادي الطرق الملتوية انت كان عليك تروح لوليها وهو يسالها كان نصيب بها ونعمت مكاش ربي مكتبش وكاين بنات وزيد شوف مي تلحقها وتحوس تجمع فالهاتف او حتى تجس النبض فهذا خطؤك او للاسف حظك طحت في بنت بنت فاميليا قلبت عليك الطابلة لا اقصد التجريح تقبل مروري وشكرا

[مسلمة 345]

ابحث عن غيرها

[salah-biochimie]

ربي يوفقك اخي

[lynoor]

صعيب الشي ربي يسهلك

[kmilya]

زيد جرب تتقدملها وتطلبها من يد والديها واذا كان الرفض من قبلها فلا داعي للالحاح اخي

[الأنسة صفاء]

السلام عليكم,أخي نصيحتي لك هو أن تتقدم لخطبتها من اهلها فهكذا تكون الخطبة لا تنسى انك كما قلت على دين وخلق وأنت أكيد تحاول أن تتبع الطريق الصحيح للوصول الى رغبتك فاتقي الله ولا داعي للهاتف والتمهيدات التي لا أساس لها و التي توصل صاحبها الى متاهات أخرى,الحمد لله أن البنت التي أردتها للزواج لم تقبل بالحديث بسهولة معك على ولو فعلت فهي فلا مبادئ لها ولن تأمن لها,عليك بصلاة الاستخارة وتوكل على الله فاازواج أخي كالرزق.مع تمنياتي لك بكل الخير,أختك صفاء

[نسمة تفاؤل]

رووووووووووووووووووووح لبابهاااااااااااااااااااااا والله يجيييييييييييب اللي فيه الخير

[naamane3]

يا اخي

متزيدتش تكلمهاا متفتحش باب الشيطان لانك هكذا كي تهدر معاها راح تتعلق بيها

احفظ قلبك من كل الشبوهات

انت نويت الحلال روح اهدر مع باباها اذا وافق اللهم بارك والا دور على وحدة اخرى

وصلي استخارة لانها مفتاح كل شئ


من فضلك من فضلك متزيدش تهدر معاها في التليفون لانها والله راح تفتح مشاكل كبيرة ومراحش


تعرف كيفاش تخرج


راح تفتح باب الفتنة والفتنة اشد من القتل




دير الحاجة لترضي ربي بش يرضيك

ربي يوفقك ويسدد خطاك


كلام في الصميم بارك الله فيك
اتبع ما قالته الاخت وستجد حلا قاطعا باذن الله

[sarl02]

يا اخي الطفلة ماهيش حاباتك ببساطة الي ابيعك بالفول بيعو بقشورو ..وخيرها في غيرها ان شاء الله.

[ايمان ألماس]

اشكركم كثيرا على تعليقاتكم و نصائحكم لمشكلتي http://www.djelfa.info/vb/showthread.php?t=1341622 لانني و بصراحة كنت ناوي معاها وربي صبحانو يعلم بيا لكن طريقة تعاملها معي ادخلتني في التردد مع العلم انني الحمد لله ما يخصني والو ومعروف عند العام و الخاص -خاطيني التمسخير او ما شابه دلك-و متعلم و اعمل و بصراحة انا لم افهمها تبانلي ما زالت صغيرة باش تتخد قرارات كيما هادو وزيد هي ما تعرفنيش انا كي كلمتها و فاتحتها في الامر قالتلي اني ما زلت صغيرة شوية واني لاتية بقرايتي قلتلها ماعليش نقدر ننتضر قاتلي استنا عامين و انت كيما الاخرين قادرة نكون من مكتوبك قادرة ما نكونش قلتلها انا المهم نهدر مع خوك و نعلمو قاتلي انا بابا هو خويا قتلها انا نجي نخطبك ولا ما نجيش قاتلي ما تجيش ----هده تكملة على الكلام الي قلتو من قبل --- وزيد نعيطلها و ماتريبونديش --والمهم انها ما فهمتنيش كامل ---وانا الان نحس بلي تجاهلتني و ماحتارمتنيش وما قيمتنيش ----ارجوكم اريد اتخاذ قرار مع العلم ان جميع الردود السابقة كانت اني نروح نخطب و بارك الله فيكم وجزاكم الله خيرا لان نصائحكم تهمني
اذا محبتش معليش خليها خيرها في غيرها مثلا ارواح اخطبني انا...........خخخخخخخخ

[wafa16]

بالاك عمبالها راك تتمسخر انا وحدة ما نقدرش ندير الثقة في انسان ما نعرفوش يكلمني عبر الهاتف و يقولي حاب نخطبك
بالاك خافت منك و عمبالها راك حاب تستغل موضوع الخطبة باش تدير معاها علاقة
انت روح اقصدهم من دارهم و الرفض او القبول يكون بصفة نهائية
يا احي عن تجربة البنات دوك عادو يخافو يعني انا مثلا في مكانها احتمال كبير يكون الرد ديالي كيما هي
لاني كيما قلتلك ما تقدرش تدير ثقة في انسان عمرك ما شفتو

[z.abdo]

علاش تنتظر وحدة عامين وانت واجد كاين 100 بنت احسن منها فقط لأنك انت مركز على هذه فقط


نصيحة من اخ لأخيه احذف رقمها اولا بعدها ابحث عن اخرى وكان الله في عونك

[msam3i2010]

يا اخي راك مازال ما فهمتش الرسالة ولا واش ؟ ..... راهي تقولك لا

نصيحة مني اخطيك منعها، ذوك البنات تاع الجامعة الاسلامية معضمهم مخادعات ما تخلعكش المظاهر ..... يظهرون الورع و التدين فقط لاصياد زوج ثري ثري ..... و اكيد انك على حالك، يعني متواضع، و الا لكان ردها بالقبول سريعا

ردوا بالكم يا شباب من المظاهر ..... 90% خداعة

[imane bela]

pppppppfffffff wahed y9ol ta3 mada w lakhor akhtik menha w lakhor mahich habatek
rebi yahdikom
eli testeslemelkom w tahder m3akom machi bent familia
w eli mat9ayemkomch w tched 9derha w nifha t9olou metkebra wela thab elmada
hada enaw3 ta3 enass eli khalana tjr elor ma netewrouch
khouya etkel 3la rebi w edkhol edar men babou ahki m3a babaha w ki tchoufek nawiha lelhlal sur marahch terefdek

[naima40]

Alech rak tsaab fi l omour ya akhi? rouh direct l papaha w otlobha menou .ida rabi katebhalek wallah ma tkoune gir lik.

[sisi souad]

wlh ri 3jeb allah yhdiha w ykoun m3ak akhi

[FellaD]

يا خويا لوكان هدرت تقول. هادي تبان مدينة او راهي تهدر. او تبدا تخمم لوكان كان وحدوخر تهدر معاه او تضحك او فرحانة

او كي دارت اللازم مهدرتش او رفضتك او من حقها. ترفض. راك تقول عليها هكدا

يا اخي. روح ل باباها التم هي تعرفك مليح. او تكونو على المكشوف

هذا هو الحل

[دلال 30]

pppppppfffffff wahed y9ol ta3 mada w lakhor akhtik menha w lakhor mahich habatek
rebi yahdikom
eli testeslemelkom w tahder m3akom machi bent familia
w eli mat9ayemkomch w tched 9derha w nifha t9olou metkebra wela thab elmada
hada enaw3 ta3 enass eli khalana tjr elor ma netewrouch
khouya etkel 3la rebi w edkhol edar men babou ahki m3a babaha w ki tchoufek nawiha lelhlal sur marahch terefdek







يعطيك الصحة..... الله يسلم فمك