النحافة

[ramiisthebest]

السلآأم عليكم مشكلة النحافة تعيقني ، سببت لي حرج أمراض نفسية
وكل شيء ..
شربت كل شيء نصحوني بــه , زرت الطبيب والحمد لله لا مرض الحمد لله
عمري 15 وزني 45 و طولي 166
نحيييف جدآأ في الذراعين والأكتاف
فهــل من حل جزاكم الله كل خير

[knives55]

كل ************ , هذي تاع ممارسين رياضة كمال الأجسام , و نسبة البروتينات و الدهون مرتفعة .

وانا لا انصحك به ابدااا

وبعدها يولي سمين وفكها انت هذك الوقت

هذ خاص فقط بمن يمارس رياضة كمال اجسام فقط ومن يواضب عليها

وليس للعب او عصير فواكه

واياك واقتراب منه

[knives55]

اخي سبب ربما يكون وراثي هذ احتنال كبير او مرض فقر الدم

لاني عندي صدقي يعاني من نفس مشكلتك وسبب هو ان امر متوارث في عائلتهم وكذلك اهلكه المرض


الحل هو الغذاء الجيد لا تاكل ادوية ولا شيئ لان جسمك لن تاقلم مع طاقة الزائدة

لهذ عليك بالغذاء المتوازن

وسلام ليكم

[z.abdo]

كل ************ , هذي تاع ممارسين رياضة كمال الأجسام , و نسبة البروتينات و الدهون مرتفعة .

حذاري حذاري من هذا إنه يسبب مرض بالكلى .............

[ayaamira666]

وزنك راهو مليح مقارنة مع وزنك
اذا كنت تاكل مليح فلا داعي للقلق
مع الوقت و كيتكبر راح يزيد وزنك

[iiSMaSterG9]

الرياضة + الراحة + الأكل الجيد = وزن متكامل صحي

[hakeem]

الناس تعاني باش تنقص الوزن و أنت حاب تسمان ؟؟؟؟؟؟ أخي مارس الرياضات القتالية من أجل صحة جيدة و حذاري أن تدفع نفسك نحو السمنة فلا حل لها

[Houda 92]

الرياضة ثم الرياضة ثم الرياضة فالأكل الصحي

لقد حصل نفس الشيء مع قريبتي ذهبت الى الطبيب فأعطاها برنامج غذائي راااااائع


و على حسب ما أذكر هو كالتالي:


1/ فطور الصباح :

قبل الفطور بنصف ساعة اشرب مغلى بذور الحلبة (ضع حوالي كأسين من الماء في اناء على النار حتى يبدأ بالغليان ثم زد عليه

حوالي ملعقة كبيرة بذور الحلبة و اتركها تغل في الماء لمدة 5 الى 10 دقائق و اشربها بعد ان تحليها ب 2 ملاعق سكر أو ملعقة

عسل النحل و يفضل العسل) سوف تلاحظ بعد شربك لهذا المغلى أن شهيتك قد انفتحت

بعد ان تمضي النصف ساعة قم بشرب كأس كامل من الحليب مع التمر (الدقلة) قد ما تقدر (على الاقل 5 أو 6)

ثم قم بالافطار عادي (على الأقل كل الخبز و المربى و اذا تقدر تزيد زد عليها وحدة اومليت ولا زوج)

حاول تحتم الأكل قد ما تقدر

و تعلم تاكل السقايط مثل الشوكولا المكسرات (لوز كاوكاو جوز زريعة ... الخ)

2/ الغداء :

قبل الغداء بنصف ساعة اشرب مغلى الحلبة مرة اخرى (دير المغلى على خطرة يعني أخدم حوالي 3 كؤوس و ديرهم في ترمس باش

تشرب منهم قبل كل وجبة)

و كل طعامك عادي (المهم طبسيك تخلصو دبّر راسك-ههههه- ) و لكن لا تنسى اللحوم الحمراء و لحم الدجاج و البيض (لازم على الأقل

كل يوم حاجة فمثلا تاكل اليوم لحم بقري أو غنمي مع زوج بيضات و غدوا لحم دجاج مع سمك...وهكذا )

و لازم تحاول تاكل المعكرونة أو السباكيتي ( بزاف من الناس يكرهوهم بصح انت لازم تحبهم على خاطر هادو راح يكونوا صحابك

اللي عاونوك باش تحقق هدفك ههههههه)



بعد الغداء بساعة كل شوكولا و مكسرات ... راك تعرف سقايط

و اذا قدرت أشرب الوصفة الأولى تاع الحليب و الدقلة

3/ جوايه الساعة 4 كل لمجتك

مثلا كأس عصير مع المربى و الخبز (كل على الاقل قطعتين خبز مع المربى)


4/العشاء:

مغلى الحلبة قبل الوجبة ب نصف ساعة لا تنساه (اجعله من روتينك اليومي)

ثم كل العشاء ( بصح دير في راسك بلي طبسيك لاااااااازم لاااااااااااازم تكملو ok لأنو العلاقة بين زيادة الوزن و زيادة حجم الأكل

متلازمين يعني باش تزيد وزنك لازم تزيد مقدار ما تأكله ، حاول قدر المستطاع )

و ما تنساش المعكرونة أو السباكيتي أوكاي


و دير العناد في راسك و ما تيأسش و كون قوي ماشي تجرب هاد العفسة شهر أومبعد تقولي خلاص ماكاش فايدة لالا لازم تكمل

و تيبس راسك

و أحفظ هاد المقوله ملييييييييح : " كليت الطبسي تاعي كامل و مسمنتش درك ناكل 2 طباسا معاك معاك يا الماكلا حتى نسمان

و نشوفو شكون ينسحب" هههههههههه

الصبر ثم الصبر يا أخي و ربي يعاونك و بربي ان شاء الله راح توصل للوزن المثالي

و رايحا نعطيلك طريقة مجربة و طبية (يعني أوفيسيال من عند طبيب نعرفو و زدت شفتها في الأنترنت و هي طريقة أمريكية باش

تعرف الوزن المثالي)

تفضلوا الطريقة

BMI =poids en KG
__________
²(taille en M)

BMI: الجسم المثالي

وهو يساوي الوزن الحقيقي مقسوم على الطول الحقيقي أس 2

و هناك شروط لتحقيق BMI

و هي كالتالي:

AGE :19-24 / BMI:19-24

AGE: 25-34 / BMI :20-25

AGE :35-44 / BMI:21-26

AGE:45-54 / BMI:22-27

AGE: 55-64 / BMI:23-28

AGE: Ab 65 /BMI:24-29

و راح نأخذ المعلومة الأولى و ندير منها مثال باه تفهموا مليح

AGE :19-24 / BMI:19-24

يعني كي يكون عمرك ما بين 19-24 لازم يكون الناتج تاع العملية السابقة (تاع BMI)يتراوح ما بين 19-24



و آسفة على الاطالة

لكنها أشياء مفيدة و موثوقة


بالتوفيق