الخالق راضي عما فعلته ؟؟ ارجو الدخول

[مشكلتي]

السلام عليكم
ارجو الاجابة و اقناعي اذا كنت مخطأة :
ككل فتاة في سن المراهقة انا حبيت واحد العام الماضي و كنت نحكي معاه في القسم و المؤسسة قبل ما نعبرلو على اعجابي بيه و بسلوك تاعو في القسم لانو في الحقيقة كان انسان رائع صامت و هادئ و قاري مليح و حافظ من القرأن ما تيسر لانو كان هو يذكر الشيخ تاعنا ببعض الايات في حصة الشريعة
و هذا شي خلاني نحبو يوم بعد يوم و بعد مرور نصف عام تقريبا عبرتلو على حبي ليه عن طريق صديقتي في حساب على الفيس بوك هو تفاجئ و قالها اقفلي الموضوع لانو كان يحسبني مجرد صديقة و مرت الايام و انا تجاهلت الموضوع رغم انو مازالني مايلة عاطفيا ليه و لكرامتي تجاوزت الموقف تاعو و حكمت حدي بالعامية و لا هو ايضا فاجأني لما قالي انتي ثاني رائعة و ما عندي كا نقول فيك خجولة متربية مثقفة و عندي مستوى عالي في الدراسة تقديري جيد جدا و هو جيد
و من اغواءات الشيطان اني حكيت معاه نصف مدة الصيف الماضي و لما جا رمضان بديت نخاف من علاقتي معاه و صارحتو بلي هاد الشي ما يقبلوش ربي سبحانو و ما يرضاش علينا و لا يباركلنا ايا هو انسان متفهم تقبل الموقف و قالي ديري لي ترتاحيلو نتي و من عندي مسامحك بصح نبقى نحبك للممات لأنك حقا بهذا الموقف لي تاخذتيها متربية تاع الصح و نشجعك على هذا الشي بصح نحبك و انا قتلو نبادلك نفس الشعور و لاكان يكتب ربي سبحانو لينا في المستقبل نكون ام لأولادك عجباتو الفكرة و قطعنا الاتصال من الصيف لي فات مع العلم انو قالي ابقاي نظيفة نكونو لبعضانا نشالله
خااااااوتي درك انا قطعت و هو كيف كيف نشوفو ساعات في المؤسسة برك من بعيد مع صحابو ما تبدل فيه والو
واش رايكم تعيشو انا بهذا الموقف راضي عليا ربي سبحانو و لا لا ؟؟ يعني شي لي درتو صحيح و لا غالطة في حسابي
انصحوني اذا كنت غالطة
حاليا راني نحضر لشهادة البكالوريا و بقوة كل ما نتفكر كلامو و فرحة النجاح نزيد نستعد اكثر
.................................................. .................................................. ......................................
مع العلم انو ما يهمنيش مستقبلا اذا هو بدل رايو فيا لأني في الحقيقة مانيش من النوع لي يتعلق بشدة لكن مجرد وعود تقدر تكون صادقة و كلشي بالمكتوب ............واش رايكم ؟؟؟
اذا كنت صحيحة قولولي اذا كنت غالطة اقنعوني بأدلة شرعية من كتاب الله و سنته

[أنور الزناتي]

واش من أدلة شرعية تحوسي؟
حابة تعرفي إذا علاقتك بيه حلال ولّا حرام؟
يعني في رايك أنها حلال؟
خافي ربك بنتي.
ما زالك صغيرة و ما زال قدامك الطريق طويلة.
اهتمي بققرايتك قبل كل شيء... و تأكدي أنو اللي
يكتبهالك ربي رايحة تلقايها بدون ادنى شك.
ربي يوفقك في قرايتك
و يهديك للطريق الصحيح

[ميمي سمية]

ختي وش داك توصلي روحك وتوصلي صحبتك معاك

نتي قلتي متربي وساكت في الحصة ومن فوق هذا حافظ قران

وشوفي نتي وين وصلتيه حتان قالك نفس الحاجة وخليتيه ينطق كلمة نحبك من فمو

يعني هذي ماشي حرام عليك؟؟؟ اتقي مولاك رمضان قرب

استغفري ربي وتوبي ليه

[هشام 12]

شدي بلاصتك وكثري من الاستغفار واقطعي كل طرق الاتصال مع هذا الشخص
الفتاة لازم تكون عزيزة واذا حكت مع الشاب راه طيح بروحها وبدينها وأخلاقها وبوالديها وتربيتهم ليها
اهتمي بتعلم أمور دينك وخلي نفسك عزيزة حتى يجي وقت ويرزقك ربي بالزوج الصالح وتذكري قول الله سبحانه وتعالى (الطيبات للطيبين)
كوني طيبة

[بسمة تحدي]

يا اختي نصيحة ليك والله

اخطيك منو ارمي امرك لربي سبحانو عندكي تضعفي وتزيدي تهدري معااااه

لالا خليك قوية وخلي ربي راضي عليك كي يكون ربي راضي عليك الدنيا وما فيها

صح خطرات يغوينا الشيطان ونقعدو نخمم تخمام اخر انتي لازم تتغلبي ع وساوس الشيطان

ونقلك حاجة واذا كان من مكتوبك والله تديه تديه


واذا مكاش ربي يجيبلك مخير

خليك منو وتوكلي ع ربي سبحانو وتقربيه ليه وراح تشوفي السعادة الحقيقة

[بسمة تحدي]

شدي بلاصتك وكثري من الاستغفار واقطعي كل طرق الاتصال مع هذا الشخص
الفتاة لازم تكون عزيزة واذا حكت مع الشاب راه طيح بروحها وبدينها وأخلاقها وبوالديها وتربيتهم ليها
اهتمي بتعلم أمور دينك وخلي نفسك عزيزة حتى يجي وقت ويرزقك ربي بالزوج الصالح وتذكري قول الله سبحانه وتعالى (الطيبات للطيبين)
كوني طيبة

بارك الله فيك في كل كلمة قلتها

مشاء الله عيك

[doba]

و تأكدي أنو اللي
يكتبهالك ربي رايحة تلقايها بدون ادنى شك.
ربي يوفقك في قرايتك
و يهديك للطريق الصحيح

[amine khaldi]

الحب قبل الزواج حرام
و الحب بعد الزواج حلال

[Mr.Saddam]

يا اختي كامل عقبنا على هاد المرحلة نهار تحبيواحد وتسخيبي روحك خلاص كبرتي و صاي س بون مي العكس هادا وين راك زدتي في المجتمع
ملازمش تبعي قلبك بويسك ادا تبعتيه راح تخلى قع
وصدقيني دوام الحال من المحال ظرك تطلعو للجامعة و تنساوي بعضاكم وهو يشوف العجب و العقالة هاديك يودعها و انتي مش محال تلقاي خير منو
و مش راح نقلك اخطيك من الامور و الناحية الشرعية بويسك على بالي متقدريش ومتقدريشتتحكمي في قلبك و تخمامك
مكلاه نغطو الشمس باصبح واحدة

[dotnet]

ريبي يهديك يا بنتي هل هو من المحارم نتاعك

راكي جاوبتي نفسك بنفسك كيفاش تحوسي على ادلة شرعية ونتي قلتي ( و لما جا رمضان بديت نخاف من علاقتي معاه و صارحتو بلي هاد الشي ما يقبلوش ربي سبحانو و ما يرضاش علينا و لا يباركلنا)

يعني الحب محرم في رمضان حلال في سائر الايام؟؟؟؟؟

هذا سن المراهقة راه صعيب و الاعضاء راهم كامل اكبر منك سنا وعقلا و لازم تسمعي نصيحة اخوانك واخواتك هنا لأنهم اجتمعوا على رأي واحد ينفعك ان عملتي به بإذن الله تعالى وحتى هو مازالو اعوام واعوام باش يوجد روحو

ربي يهدينا ويهديك ان شاء الله

[naamane3]

راكي ورطتي نفسك وورطتي هذا الشاب معاك
ستبقين تفكرين فيه وفي كلامك مما سيؤثر فيك سلبا
وهو نفس الشيئ
يعني اي تدهور في الدراسة من جانبك او من جانبه فانت سببه
اقطعي التفكير فيه نهائيا واستغفري ربك على ما ارتكبت من ذنوب
واذا كان من نصيبك فأعلمي انه لو اجتمع الامريكان والروس والصينيين
لن يفرقوا بينكم
والله المستعان

[ghaza_01]

اختي عمليت مليح كي فقتي لروحك و حبستي معاه
وكل حاجة بمكتوب ربي
ربي ينجحك

[Assouma 93]

يا اختي الله يهديك واش من حب راكي تهدري عليه صدقيني الحب ما يجي الا بعد الزواج زعما رانا في مجتمع متحفظ ولا حابين تقلدوا الاتراك يا اختي اخطيك منه و اهتمي بقرايتك و ادعي ربي يجيبلك زوج حلالي يجي يدق بابكم ماشي يقولك "نحبك"

[kmilya]

حبي على روحك مي حكمي عقلك متخليش العواطف هي لي تقودك اذا كان من نصيبك تديه تديه واذا ماهوش ليك حتى لو تنزل سماء على الارض ماتديهش
كل بيد ربي ارضي ربي يبعتلك لي فيه الخير ومتعصيهش اذا كان حب طاهر ربي يباركو مي الزمي قرايتك ودينك خير وتوكلي على ربي هو العالم بكلشي ولي في قلوب ناس
اتمنى لك توفيق والنجاح في الباكالوريا

[ROUINA1990]

أهم حاجة أن تجعلي نصب عينك خشية الله ونيل رضاه....

[فحلية]

الأمر الجيد هو : - توقفت عما قمت به
- نصحته بالتوقف
- ندمت
اهتمي بدراستك وكان الله في عونك

[حضنية28]

ربي يهدك يا اختي اخطيك من الطريق هذي اتبعي شرع ربي سبحانو

[مريم الصابرة]

السلام عليكم اختي
من رأي الزواج امر الله وما تعرفي ممكن هو يدخل للجامعة ويلقى اخرى تعجبو ويتزوج بيها الخلاصة ما تهدري معاه ماوالو ديري النجاح وقرايتك وخوفك من ربي هي غلطت كي هدرت معاه لكن الحمد لله فقت وتفطنت من رأي خليك هكذا على الأقل تبقاي محترمة في نظرو حتى لو ما تزوجكش
وخلي أمر الزواج لربي كان كنتو لبعضاكم ولو تفرقكم السنين راحين تدو بعضاكم كان لالا والله لو تباتو تهدرو وتظلو تهدرو وما يديك ما تديه
يا بنتي كل شي خرطي ما ينفع غيرالصح راكب عارفة واش تخرجي من العلاقات تخرجي خاسرة طنوب وبرك وهو راجل يتزوج وما عليه والو حتى الناس تقولك الراجل ما فيهش العيب عند ربي هو مشارك الذنب كيفك كيفو لكن مجتمعنا ما يرحمش نصيحتي ما تهدري معاه ما يهدر معاك موفقة

[نسمة تفاؤل]

مادامك اقطعتي علاقتك بيه فانت على صواب نصيحة فقط ماتعلقيش كل امالك عليه حاولي تنساي الحكاية وان شاء الله يجمعكم ربي في الحلال وربي يوفقك في دراستك

[إكليل]

أختي أنتي تسألين هل الله راض عما فعلته أم لا ؟

إسألي نفسك هذا السؤال :
مذا لو رأك والدك و سمعك تتكلمين مع هذا الفتى أكيد سيغضب و يثور طبعا هذا بدافع الغيرة

قال النبي صلي الله عليه وسلم:" إن الله يغار و المؤمن يغار، وغيرة الله أن يأتي المؤمن ما حرم الله ".

وقال:" لا أحد أغير من الله عز وجل ؛ لذلك حرم الفواحش ما ظهر وما بطن، ولا أحد أحب إليه المدح من الله عز وجل ". (رواه البخاري ومسلم). وفى رواية : " المؤمن يغار والله أشد غيرة ". (رواه البخاري ومسلم).

وقال رسول الله - صلي الله عليه وسلم - :" أتعجبون من غيرة سعد ، لأنا أغير منه ، والله أغير مني ". (رواه البخاري ومسلم) .


أتمنى أنك نكوني فهمت يا أختي

ثانيا ألا تعتقدين معي أنك أغويت هذا الفتى ربما قد يتوقف عندك و يتوب و ربما قد لا يتوقف بل سيغوص أكثر في عالم النساء و العلاقات العاطفية

أختي عليك بتقوى الله و التوبة النصوح و ما فعلته من قطع علاقتك به كان خيارا صائبا .فعليك الثبوت عليه و إن شاء الله ربي يثبتك و يهديك و يرزقك من حيث لا تحتسبين .

[salsila]

واش هاد الردود علاه شكون فيكم لي مامرش بفترة المراهقة وماعجباتوش وحدة ولا معجبهاش واحد واش هاد المثالية كامل
الطفلة في فترة المراهقة والان هي صحت الخطئ نتاعها انا نقول اختي بارك الله فيك على هده الشخصية القوية وانصحك الا تبني امال لان الزمن يتغير والانسان يتبدل وكلشي بالمكتوب واقول لك شيئ عن تجربة عندما تكبرين تضحكين عن نفسك ربي ينجحك انشاء الله ويسترك وربي يججيبلك ولد لحلال في الحلال انشاء الله

اكثري من الاستغفار والصلاة والدعاء والله الموفق واكملي بهده الشخصية وهده الاخلاق وستفوزين في الدنيا والاخرة بادن الله

اعتدر عن الاطالة