حل ارجوكم

[مشكلتي]

لام
انا حبيت واحد وحب يخطبني لكن بابا راه فتونس يداوي وقتلي ماما قارعيلو وهو قالي معليش حتى يجي يعني سامعين بيه واليديا و والديه سامعين بيا وكان يتحكم فيا بزاف في لبستي خرجتي لازم نسقسيه فكلش يلا حب ندير ويلا محبش لالا وصراحة كان يمسني في يدي و كي منحبش يزعف ومن مدة كنا قاعدين و من مدة كنت معاه برا قال هدرة معجبتنيش سب وانا تنارفيت مي فتها وهو عندو زوج لي بورتابل قتلو اعطيني نشوف الزاوج محبش وعاد ولا يدو ر فالهدرة وحبش يمدلي تيليفون ايا انا رجعت لكلامو لول وقتلو وعلاش قلت هكذاك قالي واش فيها ومبعد قالي مقلتش انت راكي تقولي وكرهتك كي قلت هاد الكلمة و انا كنت نعاود فيها والله هو قالها ايا ومبعد ضربي بالصفعة وen pleine public قدام الناس ايا رحت و خليته مقلت والو هادي الضربة عندها قريب سمانة عيطلي هداك النهار كنت غالقة التليفون ولعشية عيط مرة ومزادش حتى لغدوة مرة وزاد مغاد مرتين مع الليل وزاد تان مغاد مرتين ومبعد قطع وانا مرديتش عليه صراحة قاسني بزاف حسيت روحي منسوا والو وزاد محوسش يطلب السماح قولولي واش اندير راني حابة نعيطلو نقولو بطلت هكذا نزيد نطيح بروحي ولا منقولش نروح في حالي هدا اول انسان في حياتي ولكان مكانش ناوي الزواج والله منكلمو وكلمتو وناس سامعين راني ندمانة كي كلمتو وشوفو النهاية اعطوني حل نقول لاهلي واش اندير.؟

[سرور]

هذا مزال ما تزوجتيهش راح ضربك بكف اذا تزوجتيه واش راح يصر نقولك اخطيك منو ورزق ربي سبحانو وسلالام

[z.abdo]

اخطيك منو............................

[l'étoile]

اخطيك منو .هدا باين ماشي انسان هدا حيوان و علاش يضربك قدام الناس واش حاسب رحو و ننصحك ابتعدي عنه اليوم قبل الغد قبل فوات الاوان لان الانسان الذي لا يحترمك في هذه الفترة لن يحترمك بعد الزواج اي بعد ان تصبحي ملكه الخاص . صح نعرف بليك راح تتعذبي لكن من الاحسن الان قبل فوات الاوان .صح شافوك الناس ماعليش ماشي انت أول وحدة ماشي انت اخر واحدة لوكان تخمي للناس فس هذه الفترة سترجعين مطلقة باولاد ربما بعد الزواج ....... صح و لا لا لا ؟؟؟؟؟؟؟؟ كيما نقوللو ا بالدرجة الهربة تسلك هدا ماشي راجل تاع زواج .....

[هشام 12]

الحل ما تزيديش تحكي معاه مرة ربي يهديكم

[doba]

هههههههههه راك طيحتي بروحك أخطيك منو اشبيك ديري هكذا
الله يهديك

[بسمة تحدي]

يا سلام رفد يدو وضربك

اووووه وتاني مسك من يدك اوووووووووووووووووه زودتيها يا اختي

الحاجة لتبدى بالحرام عمرها عمرها مربي يبارك فيها صدقيني والله

انصحك انك تتوبي لربي سبحانو لانك كنت في علاقة محرمة ودرتي حاجة ربي محبهاش

وتاني لازم تقطعي كاامل التصالات بهذا الانسان

يابنتي مترخسيش روحك خلي روحك نظيفة وشريفة متخلي حتى وحد يتمسخر بيك

كاين دار بابك وخليهم ليحبك يدخل من الباب ماشي من الطاقة


واستغفري ربي من وش كنتي تدري

ربي يرزقك بالزوج الصالح يارب

[اريج الجنان]

عندي صاحبتي كان خاطبها واحد كيما هادا مي هو ماضربهاش غير يتلهوث في هدرتو ويكذب وبعدين يردها هي اللي غالطة ويحوس ينفرد بيها في فترة الخطوبة كثير وهي كانت علابالها باللي هو ماشي نورمال . وكانت تصبر روحها وتقول باللي بعد الزواج راح يتعدلولكن ...... بعد الزواج مانحكيلكش واش صرى .......... بقت معاه شهر ونص ورجعت لدار باباها وما قدرتش تكمل وتطلقت منه بعد 6 اشهر وندمت على النهار اللي حقرت فيه احساسها باللي راهو انسان مريض ......... ووصدقيني والله ما نكذب عليك . مالة نقوللك باللي الزواج ماشي لعبة راهو دهر تفوتيه مع انسان يعرف ربي ويخافو . وانا رايي كيما الاخوات بطلي عليه وما تخمميش خلاص وربي يرزقك بولد الحلال اللي يطهلى فيك وتتهلاي فيه ان شالله

[naamane3]

كل شيء معه خطأ في خطأ
الخرجات والمحادثات واللمسات
والكلام البذيئ والضرب أمام الملأ
وزيد حابة تركبي الحلال على الحرام
ربي يهديك يا أختي اتقي الله في نفسك
وكيما يقولو عندنا قادري روحك يقادروك الناس
اقطعي العلاقة فورا واتسغفري ربك كثيرا
على هذه العلاقة منذ البداية
وبي يقبل منك ان شاء الله
على ان لاتعيدبها مرة اخري معه اومع غيره
والله المستعان

[ايمان نور الجزائر]

كيما قالولك الخاوة ما عندي ما نزيد
بدلي لابيس...نتاعك وماكلاه تزيدي تطيحي بروحك
خلي روحك عزيزة وما تقيميهش قع وكل واحد يروح في حالو
وربي يرزقك وليد الحلال ان شاء الله

[kmilya]

هز يدو وضربك وش حبيتي كثرمن هكا هدا غدوة تديه وش يديرلك
مترخسيش روحك كثرمن هكا فوتيه وادعي ربي يرزقك الحلال

[Assouma 93]

هذا مكانش متزوجك و مد يده عليك ايا و بعد الزواج اصلا اختي انت غلطت كي خرجت معاه و هو ما خاطبك ماوالو و نزيدك حاجة انا عندي الراجل اللي يضرب مرتو و الله ماراجل و عفوا على هذا المصطلح

[قَاسِمٌ.قَاسِم]

هذه ثمرة الخرجات الغرامية بعيدا عن العفاف والستر والحياء!!

[hadjerbb]

عيطيلو وقوليلو كل واحد يروح في طريقو باش تكوني واضحة معاه الله يسهلك انشاء الله

[soumi7]

متعيطيلو ما والو روحي وقيسي عليك مي واشنو هدا ولات لامود نتاع الكف يا خياتي وعلاش توصلو رحكم لهاد الحالة يا اختي نصيحة والله قيمي روحك الناس كامل اتديرك الف حساب وانسان كي متطلعيهاش فيه يجي ليك وحدو اخدمي بهاد العقلية و تشوفي مع وحدخرين ماشي معا هاد الجايح هادا انت قيسيه محتارمكش ébain vtn ....

[ميمي سمية]

نقولك حاجة ختي

مدامك ديتي كف en pleine public وقبل الزواج

وجدي روحك للطريحة والضرب تاع الكفر بعد الزواج

هذا هو حال شباب اليوم ربي يهديهم

[نسمة تفاؤل]

هذه نهاية العلقات المحرمة دائما فالله سبحانه وتعالى حرمها لحكمة وعليك يااختي ان تتعظي من هذه التجربة ولاتعاودي الدخول في علاقة اخرى فانت يااختاه تماديت كثيرا لدرجة انك تواعدينه على مرأى من اعين الناس وعلاه يااخيتي تحرقي في روحك هاكا الله يسترك هذا الانسان ماتعيطيلوش خلااااااااااص واذا عاودلك ارفدي عليه وقوليلو كي يجي بابا من تونس ارواح اخطب وانت رايحة تكتشفيه طبعا اذا صبر وجااااااااااا خطب اللهم بااااارك واذا ماجاش اعرفي انو كان غير يتلاعب ربي يوفقك

[salmi5]

كل شيء معه خطأ في خطأ
الخرجات والمحادثات واللمسات
والكلام البذيئ والضرب أمام الملأ
وزيد حابة تركبي الحلال على الحرام
ربي يهديك يا أختي اتقي الله في نفسك
وكيما يقولو عندنا قادري روحك يقادروك الناس
اقطعي العلاقة فورا واتسغفري ربك كثيرا
على هذه العلاقة منذ البداية
وبي يقبل منك ان شاء الله
على ان لاتعيدبها مرة اخري معه اومع غيره
والله المستعان



السلام عليكم

أقول لك كما قال أخوك جزاه الله خيرا و لا أزيد و الله المستعان
و لا تنسي أن الرزاق هو الله

[FellaD]

حنوينة لي يدربو النسا في وقت الجاهلية ما داروهاش.

ننصحك اخطيك منو باين خداع او موسوس من جميع واحد مزير هو خاربها ) en noir )

اخطيك

[mimi jiji]

goulili wach raki tastanay foutih wa 5tik manou hadha sab godamak w dharbak w 9odam nass +magalakch assam7ili
5lik manou w foutih bared
w rabi yjiblak waled la7lal elli ya7tarmak w y9adrak
machi elli ya3fass 3lik

[نور الهدى06]

باين فيك نية نورمالمو من لول كوبيتيه راكي طولتي ياسر وتزيدي تسقصي والله راح تحطمي حياتك حاطة الزواج ساهل هوما ولاد الفاميلية وتمنعيش من المشاكل وينك يا هادا وحدة نعرفها تزوجت وجابت طفلة مع واد كيفو تشوفيها باربي والله الشيب تعمر في راسها وهي صغيرة من البكا والحقرة قلبها ولا حجرة واش نزيد نحكيلك يا اختي متحطميش حياتك بيدك الحب يتبدل بعد الزواج متبقى غير المودة والرحمة والقدر تعيشي ردي راكي سافا والله خايفة عليك طمنينا برك

[احلام غايتي الجنة]

ربي معاك اختي انساي امر هذا الانسان هذيك راهي صفعة باش تفطني و ترجعي للصواب و طريق الحق انت جوهرة لازم تتصان و يديها سيد الرجال نتمنالك كل خير ربي يرزقك بالزوج الصالح التقي لي يعرف قيمتك و يعاملك كملكة فقط توبي و استغفري و اصبري ربي يفرج عليك و يشفي والدك طمنينا عليك اختي

[samia2014]

اخطيييييييييييييييييك لوكان جا يحترمك ميرفدش يدو عليك

[بثينة 123]

السلام عليكم ورحمة الله تعالى وبركاته
اختي انا انصحكك بالابتعاد عنه لانك انت الان خطيبته وقام بضربك وان اصبحت زوجته ماذا يفعل لك؟ ابتعدي عنه وادعي في صلاته ان يرزقك الله بالزوج الصالح المناسب لك