حبيت لوصفة تاع لبقلاوة حبيباتي [الأرشيف] - منتديات الجلفة لكل الجزائريين و العرب

عطور المعاني

2013-06-29, 20:46

السلاااااااااام عليكم خوتاتي

حبيت وحدة فيكم تمدلي لاغوسات نتاع البقلاوة للمبتدائات باسكو قالي ابي ديرهالهنا بمنسابة نجاح خويا فل لبيام

وانا كلما مانديرها ماتخرجليش شاااااااااابة:mad::mad::mad::mad::mad::mad::mad:

مدابيكم تعاونوي هكدا مانحشمشم قدام أبي وشكرا لكن

myliss

2013-06-29, 21:20

السلام عليكم نمدلك وصفة تاعي لي تعلمتها
كيلو فرينة
قرصة ملح
شوية فاني
250غ زبدة دائبة
دخلي المكونات مليح و تلمي بماء الزهر و ماء دافئ
الحشو
كيلو كوكاو
فني
نصف ملعقة قرفة
2 مغارف سمن
كاس تاي سكر و ماء الزهر ترشيه حتى يولي كيما الكسكاس يعني متلايميهش

تدهني البلاطو بالسمن وتحلي العجينة رقيقة باستعمال المكينة تبداي بالرقم الصغير و تبداي تزيدي حتى الرقم الاخير
الماكنة لازمة
تبداي تحطي الطبقة الولى و تهني بالسمن و الطبقة الثانية تحطيها عكس الاولى و هكدا حتى تكمي ممكن ديري3 او 4او 5 حسب الاختيار
و الطبقة لي ديري فوقها الحشو متدهنيهاش فرشي الحشو و كملي غطي بالعجينة بنفس الطريقة و الطبقات الفوقانية تكون ناقصة بوحدة مثلا ادا درتي من التحت 5 ديري من الفوق 4
اقسمي الحبات مثلاثات او مربعات و زيني بالوردات واللوز
اسقيها بكاس ونصف مرغرين و خليها ترتاح 24 ساعة لازم
ثم غدا طيبيها و اسقيها بالعسل وهي سخونة وخليها تبات وهي تشرب
والله جييك روعة
اختي هدي الوصفة تكون في بلاطو كبير شوية
انشاء الله تكوني فهمي عليا وهدو صور من مطبخي
http://im40.gulfup.com/9pmzE.jpg

http://im40.gulfup.com/GLC5t.jpg

وادا تحتاجي نحطلك وصفة العسيلة
و ادا لقيتي وصفة اسهل ربي يوفقكوانشاء الله تنجحي فيها
بالتوفيق