اقتراح ليوم الاول من رمضان

[ome dadi]

سلام عليكم اخواتي

عندي اقتراح كل واحد فينا تقول وش نحضر في يوم اول من رمضان ونخد فكرة في ما بيننا

انا نحضر بوراك حساء خضر و لسكالوب محشين بلحم مرحي بصوص لشامل و سلاطة وشكررررا

[رملاك]

اللهم بلغنا رمضان


انا و الله معلابالي باسكو ماام لي دير اليوم الاول

بصح عجبني اقتراح تاعك

مي حنا نأكدلك كاين شربة فريك و بوراك و شليطة هذو في القائمة ميتنحاوش طيلة الشهر لكن الاطباق الاخر كل يوم كيفاش

بالنسبة لليوم الاول معلاباليش بسكو حنا يغلبنا رمضان ماما تهز المسئولية كاملة اليوم الاول ههههههه

[أمل بشار]

أحنا نطيبو بوراك وتشيشة مرقة زيتون

[ساندي 28]

انا نطيب فى رمضان شربه فريك لازم تكون حاضرة بقوة طيله الشهر طاجين الزيتون والحلو والسلطه والحميس وبوراك وفلن وكسرة خمير تاني لازم والباقي اكيد نكملو بالديسار وربي يدومها نعمه ويبلغنا رمضان بالصحه ويقدرنا ربي على صيامو ان شاء الله .صحا رمضانكم

[bouchra55]

انا انشاء الله في اليوم الاول من رمضان اعمل شربة فريك و كباب مع طجين لحلو سلاطة و بوراك و مشروبات..

[مزوري]

انا نيب شربة شعير و طاجين الزيتون وكذلك الحلو وسلاطة وبوراك هاذو يوميا طيلة شهر رمضان

[leila-alger55]

iktirah hayal

[ام ريما]

اللهم بلغنا رمضان و اجعلنا من المتصدقين في هدا الشهر العظيم انا اليوم الاول نحضر شربة فريك وبوراك و شلاظة وطاجيين حلو بالزبيب و المشماش و العينة مع الانناس المجفف و الكيوي كذلك المجفف يبقالي مدة اسبوع و كي يخلاص نعاود نطيب اخر و زيد طاجين الزيتون وكبدة مشرملة و دجاج او لحم خروف مشوي و فلان اكيييد راني حابة ندير فلان ام اماني و ديساغر مع انو شهر الفواكه المتنوعة اكييد رايحيين نوعو ف الديسار و مشروبات الغازية و العصيير ما تخلاش مائدتي منهم طيلة شهر رمضان و صح رمضانكم كااااامل

[angel_forever]

فكرة هايلة ربي يبلغنا رمضان بالخير والبراكة
نحنا عندنا عادة من اللي نعرف صلاحي النهار الاول دااااااايما ندير
شوربة فريك وبوراك وكفتة باللحم مرحي ومرقة حلوة وسلاطة خضرة
لعلى هذ العام نبدل ليهم السيستام ههههههههههههههههه

[ميرال هبة الرحمان]

اللهم بلغنا رمضان و تقبل من الصيام و القيام .............
انا باذن الله نطيب حريرة (فريك+قمح+شعير) + قرطوفة تجي بنينة بزاف و نطيب حاجة خفيفة و بوراك لحم مشوي ولا كبدة مشرملة و لا متوم.......و نزيد طجين حلو شلاظة متنوعة و نزيد فلان المشروبات و دسير بارد و ربي يتقبل ان شاء الله

[مرام 1987]

احنا لازم المطلوع ولا ندير حرب في الدار ولازم شربة فريك والبقية على حساب الموجود اختي الصغيرة تجود يعني اذا راحوا خاوتي للمرشي وقضاو هي عليها غير تطيب في الكوزينة واذا قعدوا راقدين للعصر ساعتها ياكلو بيض مقلي ولا فريت هذا عقوبة ليهم باه ما يعاودوش.

[maiar]

ربي يوصلنا ليه بخير و عافية ان شاء الله كالعادة شربة فريك مع كسرة سواء مطلوع او رخسيس و بوراك و طاجين الحلو و سلطة و شوية حميص

[صفــاء]

اللهــــــــــم بالغنـــــــــا رمضان لا فاقدين ولا مفقدين

بالنسبة لليوم الأول يكون فيه اكتظاظ في الكوزينة

كل واحدة في الدار تختــــــــار طبق تحضرو

لكن تبقى شربة لفريك و لحميس والسلاطة والبـــــــوراك ولحم ولكسرة ولمطلوع متواجدين طلة الشهر

ام الطبق الرئيسي اختيارى يعنى حتى هداك نهار ويبان

تحياتى

[ام خالد اسلام]

مساء الخير هادي فكرة رائعة انا نطيب جاري فريك وفلفل وكسرة وسلاطة اما الطبق الثاني مازال حسب دوق زوجي

[*masaa*]

انا ا نتقاسم الادوار مع ماما هي تدير مطلوع وشربة فريك وانا ندير بريك وطاجين الحلو وماسيدوان وطبعا شيء من التحلية كل يوك كيفاه واختي تدير حميس وسلاطة
هذا هو دائما واش نديرو لليوم الاول لرمضان هكا تعودنا
يعني اصلا الشربة والمطلوع والسلاطة موجودين طول ايام رمضان

[سرور]

فكرة هايلة انا هدا ثاني عام ندخل رمضان راح ندير ان شاء الله لحرير وبوراك ومرقة والله ما علابالي مزال ما مش عارفة اللهم ما بلغنا رمضان

[souma roua]

احنا في الشرق الجزائري نديرو شربة فريك وبطاطا مقلية وطاجين الحلو (طاجين العين )وسلاطة وبوراك والديسار والقازوز

[إلهام07]

السلام عليكم

حنا أول يوم شربة ومطلوع وحميس وبريك وطاجين الحلو لااااااااااااااااااااااازم
أما الطبق الجانبي كل مرة وكيفاه وغالبا يكون روطي بالجاج والبطاطا
عصائر وقازوز وسلطة فواكه و حلوة ترك او زلابية

[كريمة كوكة]

ان شاء الله يوصلنا ليه بخير و عافية أنا عادة ما نوجد شربة فريك مع الطاجين الحلو والمطلوع و اكيد الحميص لأن زوجي يموت عليه بالكسرة لازم يكون و عصير المشمش المصنوع في البيت و الجواز على حساب واش يحب ياكل زوجي مازال ما قررش.

[stardiamond]

احنا نديرو معقودة و شوربة فريك وطاجين زيتون و البوراق ولابيتزا و حميص مع الديسار و الكوكا ولا بيبسي و فليل السهرة مع العائلة بالتي و المكسرات وحلوة الترك هذا الطياب لندروه في رمضان

[TOUTA23]

السلام عليكم

انا في اليوم الاول و الثاني و الثالث و......الاخخييييير هههههه دايما شربة فريك و البريك -البيضة مع لحم مرحي او كبدة او حوت او ....- ام الاطباق الاخري فعلى حسب الموجود
واش نحب نهار يكون كاين اللحم و نقلي برك فنيانة الله غالب ههههههههه

[layla lina]

السلام عليكم
انا من سكيكدة و في دارنا نديرو جاري فريك و بوراك سلاطة حميس مطلوع او كسرة رخسيس طاجين الزيتون و شباح السفرة اللهم بلغنا رمضان

[امال ق]

ليتنا نهتم بالذكر والقيام كاهتمامنا بالاكل والطعام
فالذكر والصلاة ينهون عن المنكرات والتبذير من المنكرات والمبذرين اخوان الشياطين
نملئ الموائد باصناف الماكولات ومئالها سلة المهملات والله حرام
رمضان كسائر الشهور معدتنا هي هي وقدرتنا على الاكل هي هي ليش التبذير
ولو كل واحد اتبع شهواته لن ننال من رمضان سوى الذنوب
راعو الله في انفسكم وازواجكم من يكدحون لاجل لقمة العيش
اللتي يكون مصيرها الزبالة اعزكم الله
رمضان يعلم الصبر والثبات وليس التبذير و الاسراف
هدانا الله جميعا لما فيه خير

حرام والله حرام التبذير والتباهي بملئ الموائد

[soulef-92]

افكار جميلة انا ماعمباليش لحد الان لكن الرئيسيات شوربة فريك وبوراك وسلاطة مشوية والباقي ربي الي عالم كل يوم باطباق وربي يبلغنا رمضان ونصوموه جميعا بالصحة والعافية والاجر العظيم ورمضااااااااان كريم لكل الاعضاء والزوار والمشرفيييييييييييييييييييييييييييين

[anna glauben]

السلام
ربي يباركلما في رمضان أجمعين و يطل علينا بخير و براكتو
و ربي يتقبل منا الصيام و القيام
انا وكما العادة كل عام
نتقاسم انا و ماما الشغل
هي عليها الشوربة فريك و الخميرة و انا الباقي عليا
حنا في دار 5 و مشهورين بلي ماناكلوش بزاف
يعني نهار الاول اكيد شوربة فريك بوراك و لحم حلو و سلاطة و مرقاز نطيبوه كيما الكبدة المشرملة في لاصوص و تاني يا دجاج في الكوشة ولا طبق اضافي مثل طاجين الزيتون ولا طولمة ,,,
و تاني مع الديسار و لي كرام
و من بعد يبقاولي المواعن تغسلهم

[good2022]

اللهم بلغنا رمضان
اولا مساء الخير وحنا ان شاء الله في اليوم الاول نحضرو
شربة فريك
الحلو برقوق
بوراك
سلاطة ارز
سلاطة خس
وغرتان دنجال

[أم أمير 30]

السلام عليكم المهم صح كيما قالت الاخت هناك تبدير شوفت ردود الاخوات لي تقول كبدة مرقاز دجاج ووووووووووووووووووو ان و الله عائلتي مشهورين وكالين و رميساء 30 بنت اختى شاهدة على ذلك بصح اليوم الاول ندير شوربة فريك طاجين اللحلو بوراك و سلاطة هذا اليوم الاول لازم يكون طاجين اللحلو باه ربى يحلى كل ايامنا و ايمكم ان شاء الله بلا مننسى خبز الطاجين طيلة 30 يوم يا رب تصومو بالصحة ان شاء الله

[*زهرة اللوتس*]

شكرا على الموضوع , حنا نبداو أول افطار من أيام رمضان بشربة فريك , بوراك و طاجين لحلو و باقي الأيام الجاري (شربة فريك) طبعا دايما حاضر و الباقي كل مرة كيفاه....................اللهم بلغنا رمضان

[samia ange]

السلام انشاء الله رمضان يدخل علينا بصحا و الهنا بخصوص اليوم الاول انشاء الله حريرة تيارتية معها طاجين حلو باه يفوت شهر حلو و معها بوراك و حاجة خفيفة عجبتني فكرة اسكالوب محشي و سلاطة تشهي و ماتنساوش دلاع باه يخفف العطش ماتخفوش ربي يقدرنا انشاء الله و تصومو بصحة سلام

[طهراوي ياسين]

اللهم بلغنا رمضان

[جويرية الإيمان]

السلام عليكم

إن شاء الله يبلغنا رمضان و نحن في أتم الصحة و العافية .

في رمضان كامل من اليوم الأول حتى اليوم الأخير

نطيب شربة فريك و بوراك فقط و الخبز طبعا لأن زوجي يحب الخبز جدا و يرفض أني نطيب مطلوع .

طبعا مع القازوز أكيد و صلاد دفروي نفطرو عليها

و بعد التراويح ناكلوا نصها لي بقى.

هذا رمضان إن شاء الله حابة نطيب طاجين الحلو ..

إن شاء الله نصوموه بالصحة و الهنا

و كيما رانا نحوسوا على الطياب

لازم ثاني نحوسو على قراء القرآن بكثرة و الدعاء و الصلاة خصوصا قبل صلاة الفجر

على الأق الوحدة تصلي ركعتيين و تدعي لربي .

[عنابة أبوها]

اول يوم ان شاء الله
حليب وتمر حريرة بوراك طاجين حلو ملوخية فلان اوردوف وفواكه وشروبات باذن الله

[fati 47]

السلام عليكم
فكرة مليحة
اللهم بلغنا رمضان و ارزقنا صيامه و قيامه ايمانا و احتسابا
حنا نهار الاول عندنا دايما الحريرة و المطلوع، طاجين الزيتون و الحلو،البوراك و السلطة الخضراء
مع الفلان و الفاكهة و العصائر
و ماننساوش القهوة اكييييد
ربي يتقبل منا
+
ملاحظة صغييييييييرة
ما ننساوش وحنا نطيبوا نية افطار الطائمين بيها ندوا الاجر مانتعبوش باطل

[و.سعاد]

بمناسبة شهر رمضان أتقدم إلى جميع الأخوات بأحر التهاني و انشاء الله يدخل علينا بالهناء و الصحة
أما عن اليوم الأول فنحن نطبخ الحريرة ، البوراك ،سلاطة ، فريت أوملات هذى متتنحاش طول الشهر وطبق حلو باش يدخل علينا الشهر بالخير انشاء الله

[○•ميسون•○]

افي اليوم الأول من رمضان

جاري أو شوربة


بوراك

سلاطة طبعا

خميرة أو رخساس

[شهرزاد24]

nchallh rah ndiro chorba frik salade ,matlou3, bourek; gratin

[sarita4]

سلام احنا النهار الاول نديرو شربة فريك بوراك شطيطحة جاج طاجين الحلوو شلاضة

[rihabamal]

انا نضن مادام رمضان راه يجي في السخانة

الناس مايقدروش ياكلو المراقي ما ينفع غي القراتان

كيما الحريرة و السلايط و الحلو شيئ مفروغ منو لكن المشكلة راهي في الطبق الرئيسي

نتمناو من العضوات لي يعرفو لي قراتان شابين يفيدونا بيهم و صح رمضانكم جميعا

[ايمان ألماس]

اللهم بلغنا رمضان
اليوم الاول ان شاء الله شربة بوراك قراتان سلطة
الديسار يكون فلان او سالاد دو فروي

[al_walid]

مساء الخير انا ام ملاك دخلت بعضوية زوجي انا اليوم الاول نطيب شربة في قدرة الفخار وكفتة و بوراك حميص و مطلوع
وفي السهرة قطايف و سلاطة فواكه و قهوة وحلوة الترك و ربي يحلي علينا رمضان

[Wunderbare fehlt]

حنا رح نديرو ا شربة فريك خبز الداار سلاطة دولمة بطاطا محشية بلحم مرحي طاجين الحلو بورااك سلاطة اوردافر مشكلة ديسار دلاعة حمراء ههههه