غسل الصوف في الغسالة [الأرشيف] - منتديات الجلفة لكل الجزائريين و العرب

hassina2

2013-06-28, 13:34

السلام عليكم اخواتي
راني جبتلكم طريقة جهنمية من ابتكاري باش تتهناو من غسيل الصوف هاذ المهمة المستحيلة اللي عوجتنا ظهورنا

المهم الطريقة هي :تاخذي الصوف سواء كانت مغسولة من قبل اولا تنفضيها مليح من الغبار

تاخذي خمار ما تحتاجيهش او شاش المهم قطعة قماش ما تحتاجيهاش و ينفذ منها الما بسهولة

تحطي الصوف وسط القماش وتربطيه على شكل رزمة ماشي مزيرة بزاف فقط اغلقي الجوانب حتى ما تتسربش الصوف

ضعي الرزمة في الغسالة اللي فيها الماء والصابون وشوية من جافيل ايقل الرغوي

شغلي الغسالة واتركيها تتغسل

بعدما غسلتي الصوف نجيو للتشلال

اذا غسالتك من النوع اللي يعصر كيما غسالتي حطيها وزيديلها الماء بغزارة

ورايحة تلقاي صوف مغسولة معصورة مليييييييييييييح تنشف بالخف وزيد ماهيش ملبدة وبيضاء كالقطن

نظن فكرة مليحت خاصة للعرائس

princesse_kheira

2013-06-28, 13:45

شكرا على المعلومة المفيدة جدا جزاك الله خيرا

crystale49

2013-06-28, 14:06

الصوف موجود فيه رمل هداك الرمل ماياثرش على محرك الغسالة ؟ و لك الشكر الجزيل

صابرة2013

2013-06-28, 14:23

الصوف منصحكش ديريها فالغسالة لأن فيها أثربة و عيدان صغار متسخة بزاف
غسل الصوف أيكون بأيدي

شكرااااااااااااااااااااا لك

rayene bonoise

2013-06-28, 15:48

شكرا لك فكرة ممتازة

مزوري

2013-06-28, 18:14

لا حنونة الرمل ياثر على المحرك

كبرياء دمعة

2013-06-28, 18:56

صح كيما قلتي فكرة جهنمية مي مشكورة بزاف حبيبتي

hassina2

2013-06-28, 20:00

قلت تنفضيها جيدا وايضا قطعة القماش لا تسمح بتسرب اي شيء انا مخيطة اكياس بالقماش وهاذي عامين وانا نغسلها بهاذ الطريقة

rofia.sarah

2013-06-28, 21:29

اي نوع من القماش من فضلك و ياريت لو كان تحطينا صورة أحسن باه نديو فكرة مليحة

om rihem

2013-06-28, 23:21

يعطيك الصحة

°°قطر الندى°°

2013-06-29, 09:11

شكراااا على الفكرة

amarbentoumi

2013-06-29, 09:15

الصوف منصحكش ديريها فالغسالة لأن فيها أثربة و عيدان صغار متسخة بزاف

غسل الصوف أيكون بأيدي

شكرااااااااااااااااااااا لك

صحيح لان الصوف يحمل الكثير من الاوساخ الاحسن غسله خارج الغسالة

hassina2

2013-06-29, 09:21

اي نوع من القماش من فضلك و ياريت لو كان تحطينا صورة أحسن باه نديو فكرة مليحة
ممكن تستعملي اي نوع المهم تكون مسامات ضيقة يعني لا تسمح بتسرب الا الماء فقط مثلا انا استعمل قماش قطنيo, لانه يساعدني في العصر جيدا
واللي ما عندهاش القماش تجي تدي من عندي راني عندي بالقناطير لاني فاتحة محل خياطة ويبقاولي بزاف LES CHUTTES
لبنات استعملوها وما تخافوش على محرك الغسالة راه ما يتسرب والو اذا غلقتوا كيس القماش مليح
اذا قدرت نصورلكم الخطوات والله ما نبخلكم

وردة حياتي

2013-06-29, 09:24

لاااااااالااااااااااااااااالاااااااااااااااااااااا ااااااا وا صاحبتي حبيتي تخلينا في الغسالات الصوف معبية خماجات هديك كل تنزل للمحرك تشدلو رحمتو غبار تراب شوك وذح .............. ولا ماحبستلكش اليوم تحبسلك غدوة راكي هلكتيها c bon 2 قناطر في غسالة ؟؟؟؟؟؟؟؟؟؟؟؟؟؟؟يرحمها الله

الغريبة التائهة

2013-06-29, 17:13

شكرا فكرة رائعة والله نفعتيني و رايحة انجربها الان الاني نكره غسل الصوف بيدي

عالية سوسن

2013-06-30, 17:38

شكرااااااااااااا لك على هذه المعلومة الرائعة

الحب و الوفاء

2013-06-30, 20:06

انا غسالتي نصف اوتوماتيكية نغسل فيها من فضلك اجيبيني

ام زينب2

2013-06-30, 22:30

والله فكرة مغرية جداااااا
ساجربها بلا تاجيل ولا تردد
الله يجازيك كل خير

hassina2

2013-07-01, 13:27

انا غسالتي نصف اوتوماتيكية نغسل فيها من فضلك اجيبيني

وانا ايضا غسالتي نصف اتوماتيكية اختي واغسل فيها عادي فقط عليك بكيس القماش واغلقيه جيدا

منى 22

2013-07-01, 14:30

مشكورة اختي انا عندي طريقة جديدة خذي ساشي تاع دقيق تاع 25عمريها بالصوف خيطي الفم تاعها بالخيط وغسليهافي المشينة تاع بلاسيك تخرجلك قطن مجربتها امي

hassina2

2013-07-01, 21:25

مشكورة اختي انا عندي طريقة جديدة خذي ساشي تاع دقيق تاع 25عمريها بالصوف خيطي الفم تاعها بالخيط وغسليهافي المشينة تاع بلاسيك تخرجلك قطن مجربتها امي

احسنت اختي ونفس الطريقة استعملها لكنني افضل القماش القطني لانه يسهل عملية العصر في الغسالة بيني وبينك مانحبش نعصر المغسولات نحب كلش ساهل ماهل وسريع
وهكذا يبقالي شوية وقت باش نتهلا في روحي ماشي غير دمير ودنفير

badra1

2013-07-02, 10:29

بلاك الغسالة تصلح للصوف المغسولة قبلا....

أما الصوف الوسخة ....فأنصح بغسلها بالايدي و بالماء الوفير .. و كل تلك الخطوات

تقبلي تحياتي

أم درصاف

2013-07-02, 12:05

فكرة هايلة يعطيك الصحة حنونة

amina bourennane

2013-07-02, 15:25

merciiiiiiiiiiiii hanouna

Wunderbare fehlt

2013-07-02, 16:11

شكرا على المعلومة ☻

salima.dz2

2013-08-22, 11:45

شكرا على الفكرة

RANIA 2001

2013-08-24, 12:34

هي فكرة هايلة بصح الصوف راح يتكعبر ويتلهوث انا كي سمعت بيها طبقتها وغسلت مخدة بنتي الصغيرة ماهيش معمرة بزاف ولوحتها كيما راهي بصح كي خرجتها لقيت الصوف تكعبرت حالة والله اعلم

marwa marama

2013-08-24, 14:03

شكرا على المعلومة المفيدة جدا جزاك الله خيرا

شوشو 11

2013-08-26, 01:36

هي فكرة ملييييييحة وتشكريييييييين اختي عليها
لكل الاخوات......من جربت تدخل وتعطينا النتيجة
صراحة انا متخوفة منها لضرر الغسالة

مريم سلمى الجزائرية

2013-08-27, 00:41

هي فكرة هايلة بصح الصوف راح يتكعبر ويتلهوث انا كي سمعت بيها طبقتها وغسلت مخدة بنتي الصغيرة ماهيش معمرة بزاف ولوحتها كيما راهي بصح كي خرجتها لقيت الصوف تكعبرت حالة والله اعلم

السلام عليكم و رحمته تعالى و بركاته:
جربت طريقة غسل الصوف باستعمال آلة الغسيل منذ أكثر من 5 سنوات و حدث معي تماما مثل ما حدث معك فلم أجرأ على تكرار التجربة، علما أنني استعملت كيس دقيق بلاستيكي.
و قد يكون الاختلاف في نوع الكيس المستعمل ،على كل بارك الله في كل من تجود بأفكارها في هذا المنتدى الثري.

الوردة الحسناء

2013-08-27, 21:33

احنا جربناها من قبل الطريقة هادي مي الصوف خرج في حالة تهبدل كلو متكعبر و شاد في بعضو و انت عارفا لازم نحلقوه باش نقدرو نستعملوه حتى و ان كان مغسول بطريقة التقليدية بصح بالماشينة عوضت تعب لغسل في حلانو من بعضو ...مشكورة على الفكرة

maouada lamis

2013-09-02, 20:16

انا امي جربت هذه الطريقة في الماضي لكنها تحصلت عل صوف شبه مغزول,,,هههههههه
للامانة هي لم تضعها في طرف قماش,,, لكنني اضن ان الرمل يفسد الة الغسيل
نصيحتي لمو حباباتكم و غسلو ها وبهذه الطريقة تكون عندكم ذكريات لن تنسى ,,,,,هههه

تاج النور@

2013-09-03, 00:02

فكرة مليحة تنفع لصوف المستعمل ماشي الجديد لان يكون معمر أوساخ وتراب
ربي يسترك

miimicha

2013-09-07, 22:42

شكرااااااااااااااااااا

ساجدة لربي

2013-09-12, 22:02

شكرا اختي حسينة بصح جربتها مرة ولبدتلي الصوف مع اني درتها في قطعة قماش كيما قلتي انظن احسن طريقة لغسلها هي اليدين

anise2011

2013-09-13, 00:22

http://files2.fatakat.com/2013/7/13752020802000.gifhttp://files2.fatakat.com/2013/7/13752020802000.gif

ام ظافر

2013-09-16, 08:49

حتى انا غسلتها مرة مثلما قالت الاخت وضعت مخدة ابني بالقماش تاعها الدخلاني المغلوق وكانت النتيجة كرة من الصوف ملتوية على بعضاها
الصوف خرجت تشعل ولكن تعبت في حلانها من بعضاها

djazia87holi

2013-09-17, 11:03

والله يا اختي فكرة لاباس مي الخوف من خسارة الغسالة خلاني نستبعد الفكرة نهائياانا جربت الحقيقة البونج في المشينة وستر ربي والله غير قريب تكولات لهدا الافضل غسل الصوف ياليد يعطي نتيجة افضل والمشينة مدام تهني من الحوايج ويومي نغسلو فيها نخلوها للحوايج اما الصوف مش كل يوم نغسلوه خطرة في العام او 2 ولا حتى 3 غسل الصوف كان ومازال باليد اما عن لي يغسلو الصوف دايما للبيع او غرض اخر راهم قاع باليد يا اخواتي لي خاف سلم وان شخصيا اي حاجة في منزلي مهما كان حتى فنجان غالي عليا يا وينك غسالة نتهلا فيها مادامها مهنيتني من الغسيل وهدا اكبر مشكل عنيتو قبل ما نشريها كل يوم الغسيل وهادا ليس اعتراض للفكرة بل نصيحة ويبقى الختيار للاخوات

-رودينا-

2013-09-17, 12:26

اختى نظن ان احسن طريقة لغسل الصوف هي اليد
اولا تقدري تغسليه وتنقيه مليح من العيدان والحسك لي فيه هدوك الاشواك
وياك الصوف يستلزم شحال من مرة باش يتشلل ويقعد التراب
امالا كيفاش كي ديره في الغسالة نظن نكلهوها هكا
هذا مجرد رائى
موفقة ان شاء الله :):19:

ام ساجد

2013-09-17, 14:07

انا اختي جربت غسلة الصوف في الماشينة نتيجة شوي شوي

تكعبر لكن حليت لكن للامانة انا ما ستعملتش القماش

ام ادم فاروق

2013-09-19, 16:59

رايحة نجرب فكرة جهنمية وخاصة انا نكره غسل الصوف نضل نعطس منها

hanadi21

2013-09-19, 17:05

شكرا لكي اختي

لكن صدقيني راني جربت هاد الطريقة بصح الصوف انتاعي خرجت خرررررررررررراااااااااااااااااااااااااااااااب وما قدرتش نفتحها من بعضها

حنين40

2013-09-19, 17:19

انصحكم ما تجربوا غسل الصوف فى الغسالة اولا الوزن يزيد اكثر وتتظفر داخل الغسالة والتعب اولي مرتين اسألوا امي
جربتها فشعر رأسها وقف والصوفات ولت مقكورنة
الرجوع للاصل فضيلة خدمت الجدات ولا بلاش
والتقليدي ببقى تقليدي صح

امازيغية وفتخر

2013-09-19, 17:41

لما تكون الصوف متسخة والكيس عيون رقيقة منين يخرج لوسخ او لعواد او لحسك
انا ماانستخدمش الصوف مخادي الكل بلواط
لان عندي حساسية الحمد ل الله تهنيت من غسيلو

وبشر الصابرين

2013-09-22, 13:10

شكراا جزاك الله خيرا

لقاء الجنة

2013-09-22, 14:56

http://uploads.sedty.com/imagehosting/377343_1351716898.gif

حمودية

2013-10-01, 09:46

فكرة رائعة

هبة نور الهدى

2013-10-01, 15:38

هذي كانت طريقة امي في غسل الصوف انصحكم تضعوها في شكارة تاع الدقيق تاع الطرف وتكون مغسولة من قبل الصوف

djoujou djelfaouia

2013-10-01, 17:14

merciiiiiiiiiiiiiiiiiiiiiiiiiiiiiiiiiii fikra 444444444

hope of life

2014-05-13, 16:46

الاخت قدمتلكم فركرتها وحبت تفيد فلماذا هاذ الهجوم قولوا شكرا اولا ثم اللي حبت تجرب تجرب ...والي ماحبتش واحد ما يسيف عليها.....والي قالت بكري ..وخدمت الجدات...وباتاتي وباتتا...الصحة تاع بكري ماشي كيما تاع ضك...بكري يكولو كلش طبيعي...وحنا رانا نوكلو فالبلاستيك...الصحة تدخل على الفم والمرض ثاني يدخل على الفم...وضك رانا في عصر التطور...وكل شيئ ممكن ...والله على كل شيئ قدير...
تحياتي للجميع