واش رايكم نديرو قائمة مشتريات

[karima1212]

سلام عليكم واش راكم بخير
واش رايكم كل وحدة تحط قائمة مشتريات لشهر رمضان الكريم
راح نبدا بسم الله
5 ل زيت
4كلغ فرينة
1 كلغ سميد غليض
1 كلغ سميد متوسط
2 طوماطيس
2 اومو
1 جفيل
1 قريزل
1 جفافة
20 بوراك
48 حبة فرماج + 500غ فرماج ميزان
2 دهان كبيرة
1 دهان لعجينة مورقة
2 روز
1 ميوناز كبيرة
1 درى
4 كلغ سكر
4 جلتين
5 فلو +1 نتاع 250غ فلو
2 لحضة
1 كسكس
برقوق + زبيب
200غ لوز

.
.
.
.
واش رايكم واش يخصني
ربي يعيشكم كل وحدة تقول شعال راهي مخصة مبلغ لرفطايمة انا راني مخصتها في حدود 6000 وان شاء الله تقدني

[لمسة حنية]

اختى بنسه لينا حنا عايلة كبيرة وبابا هو ليصرف منعرف واش ولا قداش الميزانيه بصح رااهي كبيرة حنا بدون زيت والله ميكفنا هههههه
ساعات يقول بابا راكم تشربو فيه مش طيبو هاد وخلي وخلي ربي يكون في العون

[FellaD]

متنسايش. الحشيش المعدنوس او الصوالح هداك او الحمص

[أَوْتَآرُ الأَمَلْ]

انا والله معلابالي المهم بابا هو لي يصرف

راه يجي بخيرو ان شاء الله ربي يكون في العون

[الوتر الحزين]

http://uploads.sedty.com/imagehosting/245805_1331019640.gif

[karima1212]

اختى بنسه لينا حنا عايلة كبيرة وبابا هو ليصرف منعرف واش ولا قداش الميزانيه بصح رااهي كبيرة حنا بدون زيت والله ميكفنا هههههه
ساعات يقول بابا راكم تشربو فيه مش طيبو هاد وخلي وخلي ربي يكون في العون

الله يبارك حبيبة اما بنسبا لنا حنا عيشيت 3 خواتات مع بعض يعني حنا 3 فدار حنا بدو زيت يقدنا شهر ويبقى منه هههههههههه وراني زيد فالمزانية موالفة كي نصرف تجيني 4500 وهد المرة خصصتلها 6000 وان شاء الله تقدني

[karima1212]

انا والله معلابالي المهم بابا هو لي يصرف

راه يجي بخيرو ان شاء الله ربي يكون في العون

امين يا ربي

[karima1212]

متنسايش. الحشيش المعدنوس او الصوالح هداك او الحمص

ان شاء الله حنونة مننساش راكي فكرتيني فالحمص;)

[naiissou89]

حنا مليون و يا ربي 4 بادن زيت و الى اخره

[منال100]

والله ضحكتوني كيلو سميد واش ايدير حنا 25كيلو نديرو المطلوع وخبز الخمير والفرينة نخدمو الزلابية والقريوش والعجينة البوراك والتشيشة نخدمو بها قلب اللوز والبسبوسة يا حنونة رمضان 30يوم ماشي نهار وحلاوتو في هذا الحوايج والصيام الصحيح ماتنسايش السحور الكسكس بالعنب يا محلاه ربي يجعلنا من صيامو صيام صحيح انشاء اللهأما الأكل غير زيادة

[asma mansor24]

يعطيك اصحة قائمة هايلة و راكي نسيتي حوايج خرين زيدي تفكريهم حبيبتي

[koukisha]

salam alikom les filles nchallah chahr ramadhan mabrouk alina kamel wala jamii al mouslimin ya rab ena dert lyoum l march ntaa remdan c adire kdit bon ena dert 5000da m jebtech kamel wach nheb enfin hna aussi mechi une grande famille nous sommes 3 alore ngoulkoum wach chrit wela nakssa heja fakrouni ok nebda bissmilah
5 kilos semoule amor be amor,2kilos farine,3kilo sucre,3boites sel,2omo,2javel,2sanibons,2savons, isis vaiselle,5litres huile,venaigre,eau de fleur,3boite tomates,champgnon ,mais,zbib wawina khmira taa khobz moutard, mayaunaise,cheveux d'ange(douida nhebha chourba des fois)macaroni kravat ndirha salade aussi couscous smen,margarine feuilltage w chwiya swaleh taa les gateaux creme patissiere ,flan ,vanille levure noix de coco ,assila,jeljlen w les epices taa el khobz sanouj whabet hlawa ahh w chrit boita kbira de thon w riz w pois chiche voila hada ma kan wrabi yaatina essaha wsiyam makboul nchallah w likoum kamel bnat el montada saha remdankoum

[angel_forever]

فكرتك هايلة
منقدروش نقولولك على السعر المحدد لانو على حسب العائلة وثاني الكمية المحددة ومن موضوعك جاني اقتراح وحبيت انا تاني ندير موضوع فيه كلش الا متزعفيش هك كل وحدة تتفكر اللشي اللي ناقصها

[marwa marama]

والله ماعلابالي قداه على خاطر بابا هو الي يصرف بصح احنا نجيبو كلش 4 يكملونا الشهر و ساعات يكملو شهر و 15 يوم ولا...............