قائمة مشتريات رمضان

[karima1212]

سلام عليكم واش راكم بخير
واش رايكم كل وحدة تحط قائمة مشتريات لشهر رمضان الكريم
راح نبدا بسم الله
5 ل زيت
4كلغ فرينة
1 كلغ سميد غليض
1 كلغ سميد متوسط
2 طوماطيس
2 اومو
1 جفيل
1 قريزل
1 جفافة
20 بوراك
48 حبة فرماج + 500غ فرماج ميزان
2 دهان كبيرة
1 دهان لعجينة مورقة
2 روز
1 ميوناز كبيرة
1 درى
4 كلغ سكر
4 جلتين
5 فلو +1 نتاع 250غ فلو
2 لحضة
1 كسكس
برقوق + زبيب
200غ لوز

.
.
.
.
واش رايكم واش يخصني
ربي يعيشكم كل وحدة تقول شعال راهي مخصة مبلغ لرفطايمة انا راني مخصتها في حدود 6000 وان شاء الله تقدني

[رحمة من المولى]

ههههه مكاش حساب

[karima1212]

ههههه مكاش حساب

مممممممممممممم معليش متضحكيش معنديش بزاف ملي بديت نحكم مصروف الدار و راني ندير فتخطيطات

[omayoub2]

merccccciiii

[مباركة 1961]

سلام...
محاولة مقبولة لمبتدئة .........
اشرى اللحم والدجاج اولا هو اللى يغلى سعرهم فى رمضان ....ومايكفى كفاى....
حضرى شوية فلفل مرحى فى الكونجيلاتور وطماطم ...لان الخضر :19:كذلك يرتفع سعرها
اما الرافيتايما ....ماتخافيش راها تبقى كيف كيف .....
من الافضل تديرى قائمة لمستلزماتك الشهرية وتعلقيها ....وكل شهر تراقبى ميزانيتك ..حتى توصلى لتنضيمها وضبطها....
وخبى شوية دراهم للمستعجلات .....ماتعرفى واش كاين....
ربى يوفقك بنتى.....

[سامية حكيم]

السلام عليكم اختي كل وحدة على حسب افراد العائلة والضياف اذا كانت تعرض ولا انا الرفيطايمة تاع الايام العادية تلحق مليون اما في رمضان تلحق مليون و700 واحيانا اكثر نحنا 6 افراد وشاملة كل شيء كيما السميد25كغ والفرينة25 كغ وان شاء الاخوات يفيدوك اكثر

[karima1212]

ربي يجزيكم حنا عائلة من 3 افراد

[اريج الجنان]

يا اختي حنا عايلة من 14 فرد.......... ايه صدقي ونجملو كامل في رمضان وما نحسبوش المصروف كل واحد يجيب اللي قدر عليه واللحم والسميد والرافيطايمة على الوالد العزيز 50 ك سميد و25 ك فارينة و4 زيت كل واحد 5 لتر واللحم يوميا نشرو ماعندناش غلا والا لا لانو الوالد عندو اعتقاد انو اللحم لازم يكون طازج وما نديروهش في الكونجيلاتور يروح الطعم ديالو اما المقبلات والفاكهة والمشروبات والحلويات من نصيب الشباب هومة اللي يفهمو اكتر من الكبار ههههههههه . وراني مانيش نتمسخر هادي هيا الحالة عدنا في سيدي رمضان وما يقدر حتى واحد يغيرها اما كيفوت رمضان يرجع كل شي عادي

[karima1212]

يا اختي حنا عايلة من 14 فرد.......... ايه صدقي ونجملو كامل في رمضان وما نحسبوش المصروف كل واحد يجيب اللي قدر عليه واللحم والسميد والرافيطايمة على الوالد العزيز 50 ك سميد و25 ك فارينة و4 زيت كل واحد 5 لتر واللحم يوميا نشرو ماعندناش غلا والا لا لانو الوالد عندو اعتقاد انو اللحم لازم يكون طازج وما نديروهش في الكونجيلاتور يروح الطعم ديالو اما المقبلات والفاكهة والمشروبات والحلويات من نصيب الشباب هومة اللي يفهمو اكتر من الكبار ههههههههه . وراني مانيش نتمسخر هادي هيا الحالة عدنا في سيدي رمضان وما يقدر حتى واحد يغيرها اما كيفوت رمضان يرجع كل شي عادي

ربي يبارك وخليلكم الوالد العزيز

[اريج الجنان]

ربي يبارك وخليلكم الوالد العزيز

يباركفي عمركاختي لعزيزة دعوةكيماهادي تكفيني ربي يحفظ للكل اباءهم وامهاتهم وربي يرحم الوالدة الحنينة

[سَلْسَبِيّلْ]

والله انا الشهر هذا بديت اي حكمت المصروف عطاني مليون ونص شامل كلش حتى تريسيتي كما درت ملقيتش راسي يارب وطرحلنا البركة

[hiba mouadh]

:rolleyes:رمضانكم بالصحة والهنا ان شاء الله حنا عايلة كبيرة في رمضان كل واحد يجيب اللي قدر عليه كاين صوالح باينين تاع رمضان كيما الزيتون اللحم المرحي العينة البرقوق الفلان ويبقاو السقايط تاع كل يوم المهم الواحد يعيش نهارو ويدير اللي عليه

[anna glauben]

شكرا أختي على الطرح
ربي يجازيك
راكي نسيتي الزيتون
و تتاني الجلبانة الكونجلي خير انا تعجبني
حنا 5 افراد في الدار و من بكري مانكلوش بزاف و يزيد يجي رمضان هاداك هو
و ممكن المصروف انا الي نتكفل بيه هادا العام
ربي ان شاء الله يطرح باراكتو و يفوت على خير براكة
للعلم انا راني في دارنا يعني مانيش متزوجة
انا و بابا وماما و 2 خواتي

[karima1212]

والله انا الشهر هذا بديت اي حكمت المصروف عطاني مليون ونص شامل كلش حتى تريسيتي كما درت ملقيتش راسي يارب وطرحلنا البركة

الله يبارك اختي والله مليون نص تكفي وتوفي راح عطيك طريقىة ان شاء الله تنفعك
شوفي حنونة ديري 5000 خلصي بيها الكهرباء و انترنات
وراح تبقالك 10000 نحي منها 4000 شري ريفطايمة نتاع شهر شري غي اساسى روحي شري من عند كروسيس يبيعو رخيس و راح تبقالك 6000 سيمانة الاولى ديري 700 نتاع خضرة و 100 بيض و 200 زيتون و 200 لحم مرحي و صدر نتاع دجاج و فخض و جيبي 300 لحم خروف راه تبقالك 300 جيبي بيها حليب وخبز وديري حسابك تكملك الاسبوع كامل
ونفس الشي بالنسبة للاسبوع الزاوج
اما تالت نقصي شويا ورابع كيفكيف
وهاك تكملك شهر وربي يدير البركة
ان شاء الله نكون افتك

[karima1212]

:rolleyes:رمضانكم بالصحة والهنا ان شاء الله حنا عايلة كبيرة في رمضان كل واحد يجيب اللي قدر عليه كاين صوالح باينين تاع رمضان كيما الزيتون اللحم المرحي العينة البرقوق الفلان ويبقاو السقايط تاع كل يوم المهم الواحد يعيش نهارو ويدير اللي عليه

ربي يبارك شكرا على مرور ;););):mh31:

[karima1212]

شكرا أختي على الطرح
ربي يجازيك
راكي نسيتي الزيتون
و تتاني الجلبانة الكونجلي خير انا تعجبني
حنا 5 افراد في الدار و من بكري مانكلوش بزاف و يزيد يجي رمضان هاداك هو
و ممكن المصروف انا الي نتكفل بيه هادا العام
ربي ان شاء الله يطرح باراكتو و يفوت على خير براكة
للعلم انا راني في دارنا يعني مانيش متزوجة
انا و بابا وماما و 2 خواتي

بارك الله فيك
ان شاء الله نزيد زيتون وجلبانة في قائمة ;)
والا حكمتي مصروف ربي يكون في عونك مام انا مش متزوجة انا عيشة مع اختي كبيرة واختي صغيرة الام والاب ربي يرحمهم :(:(:(

[loula evola]

السلام1



في رايي لا تستطيعي تحديد مصروف الشهر الفضيل فكل ما نشتريه من مستلزمات الا انك تجدين نفسك تشترين اشياء اخرى كل يوم ( تشتهينها ) * اما فيما يخص ما ينقصك بهارات الحريرة وتعطيرة القهوة.

[anna glauben]

بارك الله فيك
ان شاء الله نزيد زيتون وجلبانة في قائمة ;)
والا حكمتي مصروف ربي يكون في عونك مام انا مش متزوجة انا عيشة مع اختي كبيرة واختي صغيرة الام والاب ربي يرحمهم :(:(:(

و فيك بارك أخي
و اسمحيلي بزااف
ربي يرحم والديك و ان شاء الله يكونو في الجنة و نتوما ربي يصبركم و تجوزو رمضان على خير و بركات

[ام نبال]

نصيحة للي عندها الدراهم وتخاف ميكفوهاش تجملهم وتقرا عليهم سورة قريش وماذا بيها تقرا كل ليلة سورة الواقعة ربي يكفيها ومتحتاجش فوق دراهمها انا مجربتها ونشالله تنفع معكم

[سارة زهرة]

2014

كيفاه نديرو