قلبي سينفجر تابع

[مشكلتي]

السلام عليكم
http://www.djelfa.info/vb/showthread.php?t=1338565
حقيقة أود شكر جميع من رد لانه ساعدني كثيرا و اراحني والله قراري كنت متخذاتو ولن اتراجع ابدا سأرحل بعيدا عنه بدون لوم او عتاب ولي رب كريم سينتقم تلقيت ما يكفي من الاهانات ااه ليتني اعود الى يوم قبلته لارفضه مرة اخرى وما ذكرته سابقا والله العظيم قليل بالنسبة لما كان يحدث لكن ما المني حقا هو كي ضربي انكويت وانجرحت كرامتي بابا ومضربينيش خويا عمي اللي رباني عمرهم ما مسوني ولكن واش نقول قضاء الله وربي يعوضني خيرا وادعولي ربي يبعدو علي بالرغم انو ماسعاش لاستدراك خطا نتاعو حتى انو لم يعتذر و لو برسالة و هذا ما زادني تاكد ت انه انسان ميستاهلش وربي يرزقني خير منو او على قدر نيتي ليس الا ربي يرزقني على حساب نيتي امر اخر انا لم استطع اخبار اهلي لانو لو اخبرتهم انا متاكدة رايحة تصرا كبيرة و الله خاوتي يقتلوه وانا نخاف المشاكل ماشي عليه على خاوتي ويما مستحملش كاش ميصرا لواحد فينا مي قلت نحكيلهم كلش غي الضرب ونقلهم انا بالنسبة ليا محيتو صفحة وقطعتها وعليهم هوما يهدو مع والديه ياكدو وكي يفوت شوية وقت نقلهم على الضرب انا قلت لاختي وكنتنا والله قريب هبلو وحببو يروح وليه و لا يقولو لرجلاتهن مي انا حلفتم ميهدرش والله نخاف المشاكل يا ناس وهدرة الناس برا انا هذا عليا وهادي قصتي والله والله والله عمري مكرهت انسان ولكن هذا كرهتو بل صرت احتقره كرجل اعذروني على هذه الكلمة ومجددا اشكر الجميع واتمناولي الحظ لاني مسافرة عن قريب واظن بلا عودة هذه المرة او بعد سنوات انشاء الله وانشالله الغربة تقسي هذا القلب الجايح وتقفزني شوية وادعيو لاختكم لا تنسوني بصالح دعائكم جزاكن الله هيرا وبارك اللهفيكم والسلام عليكم
لا اقول وداعا ولكن الى لقاء قريب

[Napia]

Rabbi yassarlek amrake okhti

[soumeya_cons]

يا أختي ربي يوفقك و يبعثلك ولد الحلال اللي يستاهلك بصح علاه تهربي و تروحي للخارج اقعدي بين أهلك وناسك و أشبعي من والديك و الله ماكانش خير من العايلة دايرة بيك خصوصا الوالدين و علاه تحوسي على قسوة القلب اقعدي هكا خير و ربي رايح يعطيك على قد نيتك هاذي تجربة مرت عليك و خلاص أتعلمي منها و أكيد أكيد رايحة تقويك . موفقة

[~أمة الله~]

وعليكِ السلام ورحمة الله وبركاته
أعانك الله أخيتي وعوِضك خيرا على صبرك وحلمك. وأمثال هذا من أشباه الرجال ، امحيه من ذاكرتكِ تماما.
المهم أكثري من قول : اللهم أجرني في مصيبتي واخلفني خيرا منها.
ونصيحة أخيتي، دعكِ من بلاد الكُفر فقلبك لن يتحمل المعيشة هناك والله المستعان مع ما يوجد من عفن والله المستعان.
ابقي في بلادكِ بين أهلكِ وأحبابك ،وادعي الله أن يرزقك الزوج الصالح، واشغلي نفسك بما ينفعك في دينك ودنياك وأُخراك.
وفقك الله وفتح عليكِ.

[wafa16]

يا اختي في الموضوع اللي درتيه كنت حابة ندير رد بصح قالولي موضوع مغلق
و على حساب واش راني نشوف اديتي القرار المناسب و فقتي قبل ما تحصلي معاه و تتورطي
هدي تجربة ما تندميش عليها لانك اديتي درس وولات عندك تجربة في التعامل مع الرجال
المرة الجاية ما تكونيش سادجة شوفي اللي يخرج عليك وديريه
واش صرالك نتيجة التساهل و القبول بكل واش يطلب منك و هدا خطا
انتي عندك شخصيتك و كيانك طاعة زوجك لا تعني الخنوع و الدل انتي تاني عندك كلمة تقوليها
و دائما احتافظي ببعض التفاصيل و الاسرار لنفسك ما تحكيش لزوجك كل شيئ كيما كنتي اديري حتى وصل لهاد المستوى كانك جارية عندو
و في الاخير فكرة السفر مليحة ادا كانت تساعدك على الهدوء و ترتيب الافكار
ربي يرزقك بوليد الحلال اللي يقدرك و يعرف قيمتك

[aviare]

قرارك صائب

[ayaamira666]

افضل حل فعلته
هذا خطبك و يفعل معك هكذا
فما بالك اذا صرت زوجته والله كارثة
اذا كنت مسافرة الى الحارج من اجل ان تهدئي و تنسي مشكلتك لفترة ليست بالطويلة فهذا جيد بالنسبة لك
اما اذا كنت تريدين السفر و البقاء لمدة طويلة او المكوث في فرنسا فلا انصحك بهذا
فكري في امك و عائلتك
ولن تجدي احسن من بلدك
و ربي يرزقك الزوج الصالح الي يعوض عليك كل ما فاتك

[**د لا ل**]

لا حول ولا قوة الا بالله

ربي يعوضك خير منه اختي

تستاهلي احسن منه بالف مرة

وقراركِ طبعا في محله

واكيد اي واحدة منا لن تقبله على نفسها

استخيري الله وتوكلي عليه واخبري والدكِ واخوتكِ

والله هذا ماقعد باباك عايش وانتي مازلتي في داره معززة مكرمة

[رحمة من المولى]

اللي خلقك ما يضيعك ثقي في الله سبحانه و تعالى

[فاطيمة 59]

خيرا مافعلت ربي يسهلك امورك وربي يرزقك الزوج الصالح ان شاء الله

[albert45]

ديري ربي في بالك

[naamane3]

الحمد لله الذي هداك لهذا وما كنتي لتهتدي لولا ان هداك الله
قرار الانفصال قرار صائب وأنا أأيدك فيه
وقرار السفر أو الهجرة فيعود لك لانك أعلم بضروفك
واما قرار تقسية القلب فأنا لست معك فيه
حتي لا ينطبق فيك قوله تعالى في سورةالبقرة
ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً
وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء
وَإِنَّ مِنْهَا لَمَا يَهْبِطُ مِنْ خَشْيَةِ اللّهِ وَمَا اللّهُ بِغَافِلٍ عَمَّا تَعْمَلُونَ(74)
ولكن ابقي صاحبة القلب الطيب النبيل
حتي يرزقك الله بمن يحمل نفس صفاة قلبك
والله المستعان

[سنة4]

ربي يسهلك اختي و يعوضك براجل يلي يقدرك و يحتارمك ان شاء الله مانسمعو عليك غير اخبار الخير انتهلاي في روحك في امان الله

[mitrochka]

فرج الله همك ورزقك ما يرضاه لك
لا تقلقي و لا تيأسي و إحتسبي الأمر

[Assouma 93]

يسر الله امرك اختي و كان بعونك ان شاء الله

[biks]

السلام عليكم

أختي ما تتحسريش عليه و أطلبي ربي يرزقك خير منو و يعوضك على اللي فات

[rma]

الحمد الله ليحليتي عينيك و ما فاتش الوقت إنشاء الله يجيك لخير منه

[FellaD]

الحمد الله كي فطتني او عرفتي وين كنتي رايحة ترمي روحك انسان موسوس أو لا يحترم المرأة. لوكان كملتي معاه تعيشي لمرار

المهم ختي نصيحة من عندي المرة الجاية كي يجي خطاب. (. ماشي لازم عليك تحكيلو بلي. هو الاول و هو الاخير يعني امشي بتربيتك او اخلاقك

ربي يسهل عليك او طريق السلامة

[حمامة السلام48]

كل ما يأتي من عند الله فمرحبا به
أختي لقد أحبك الله و إن شاء الله ربي يرزقك أفضل منه
ربي يرزقك ؤجل صالح يخشى الله
فهذا الذي قام بعمل جبان تجاه إمرأة فإنه حقا لا يخشى الله و حتما لا يحمل في قلبه غرام من الإيمان
المهم بدون إطالة عليكِ أختي إهتمي بنفسكِ و صحتك أكثر فهما كل مالديك
ولا تحزني من أجل شيء تافه فقد إحزني على والديك إذا أخذهما القدر
الله يحفظ ليك والديك و يطيل أعمارهما في طاعة الله و الخير و كذا كل أسرتك الكريمة
أعزك الله ... حفظك المولى و جعلك سيدة من سيدات وحورالجنة و نعيمها
تقبلي رأي أختك المتواضع و البسيط
تقبلي مروري ...

[ميمي سمية]

ربي سكون في عونك ختك

مي ماطوليش في السفر تاعك راح نتوحشوك حنا وعايلتك كامل

وماتنسايش ربي يعوضك خير عليه ان شاء الله وهذوا ماهوشي راجل باه نقولهالك من لخر


مي حلي عينك وتعاودي تغلطي نفس الغلطة خاصة اذا تعلقتي بواحد في بلاد الغربة لي راكي رايحتلها


اتاكدي من كلشي قبل مات تقبلي

[ghaza_01]

اختي لعبد لي عطاك كف واتي مخطوبة بعد العرس يضربك
خليك منو ومايستاهلش وحدة كيفك الله يبارك
اذا كان علابالو بلي زايدة في فرانسا ممكن علا فرنسا

[الشهبندر]

شدي فالمولى و اطلبيه يرزقك بلي ينسيك الغبينة هادي

[imanewafa]

خيرا مافعلت

[شهد حنان]

كان الله في عونك وعوضك خيرا منه
قرار صائب