رمضان كريم

[غزة في عيوني]

:dj_17:السلام عليكم يا احلى اخوات في احلى منتدى بما انو شهر التوبة والغفران ما بقالوش الا 13 يوم راني حابة كل اخت تقولينا واش هي الاطباق الي ديروها اليوم الاول من رمضان؟؟؟ او واش يديرو للطفل الي يصوم لاول مرة كل واحد عاداتو وتقاليدو وكل واحدة تحكينا لما صامت اول مرة كيفاش صرالها
نبدا نحكيلكم انا لما صمت اول مرة او ما صمتش حتى للسنة الخامسة تخيلوها مرا:D:D:D اوناكل بزاف ما نخلي والو في الفريجيدارالنهار الاول من رمضان 1995 قلت لازم نصوم كبرت ولا نهار صمتو في حياتي بداو خاوتي يضحكو عليا يقولولي انت تصومي!!!!!!!! هداك النهار الاول كنت جايبتها جايبتها حتى للادان انا درت الحبة نتاع التمر في فمي ما جيت نوصل الكاس نتاع الحليب حتى تغاشيت ما نضتش حتي داوني للسبيطار و دارولي السيروم باش فطنت يايما يايما على هداك النهار واعر بزاف رغم انو كنا في الشتا ضرك حالفة بلي نعلم اولادي يصومو وهما صغار مشي كيما انا :confused::confused::confused:
بالنسبة للاطباق الي نديروهم اليوم الاول سيدة المائدة في رمضان الى وهي الحريرة وما ننساوهاش طيلة 30يوم والمعجنات السوفلي البوراك وغيرهم جلبانة بالحم +لحم حلو بالاضافة الى سلاطة وما ننساش العصائرالي نركزو عليهم بزاف في هدا الصيف
اما بالنسبة للطفل الي يصوم اول مرة اولاد خاوتي نلبسوهم لبسة نتاع ختانة والبنت نلبسوها التقليدي بالمثل نخيطولها قسنطينية او كراكو والكبير في الدار هو الي يوكلهم التمر مع الحليب يفطرهم على يدو من ثم يفطرو معانا عادي بعد دلك يروحو للتراويح كي يجو يصيبونا وجدنالهم لاتاي مع القلب الوز والزلابية ......... وغيرها من الحلويات يفوت نهار شباب بزاااف
ياالله يا لبنات ايا كل واحدة تحكيلنا تقاليدهم وعاداتكم
ارجو التفاعل مع الموضوع واللهم بلغنا رمضان بالصحة والعافية ورمضان كريم للجميع نتمنى نصوموه بالصحة والهنا
وارجوكم تدعو لماما يشافيها ربي وتصوم رمضان
اتمنى ينال الموضوع اعجابكم

[أَوْتَآرُ الأَمَلْ]

شكرآآ على الموضوع

اللهم بلعنا رمضان لافاقدين ولا مفقودين
حنا اول ليوم نديروآ شربة ولي تمشي معانا طيلة30 يوم+الى سلائط وغراتان+لحم لحلوآ يميميم واش حال نموت عليه والبورآك لازم حاضر
+مرقة زيتزن +جلبانة

وسهرة حلويـــــــــآت نخدموهآ +قلب لوز وزلابية

نتفكر كي صمت اول طرة كنت نقرا 4ابتداآآئي ياماآ على هذاك لفطور لي داروهولي ههههه لكان دركا راني اولى ثانوي لازم انا لي نطيب ههههههه

تقبلي مروري اختي الكريمة
♥

[ladymillion]

السلام عليكم أختي موضوع جميل بارك الله فيك
انشاء الله نصوموا بالصحة والعافية ومايكون غير الخير انشاء الله
أنا اول مرة صمت فيها كانت عادي مادخت ماوالو مع أنني نموووووووت على الاكل هههههههههه لكن كانت الحمد لله
في أول يوم لرمضان الكريم نديرو جاري فريك كسرة مطلوع سلطة بوراك أو نوع من التقبيلة وطاجين حلو بالشباح هاذوا الاطباق لليوم الاول ، بالنسبة للعادة لي ذكرتيها نتاع الاولاد لي يصوموا أول مرة حنا منديروهاش كي يصوم الطفل لأول مرة يصوم عااااادي

اللهم بلغنا شهر رمضان بالهناء ةالخيرات والعبادة الدائمة يارب
وكل عام وأنتم بخييييييييييير والله يحفظك أختي سلامي اليك

[غزة في عيوني]

شكرا لبنات على المرور العطر كل عام وانتم بخير

[الأمنيات]

شكرا على الموضوع
انا ندير حريرة طيلة الشهر مع معقودة وبوراك وطاجين وسلاطة ومرات طاجين الحلو
نديره اضافي ماكانش الي ياكله
اما عن صيامي لاول مرة لا اذكر صراحة بصح كنت في الابتدائي
انا بنتي صامت العام الي فات كان عندها 8سنين صامت غير ايام
الاطفال كي تعوديهم من الصغر على الصيام يكون احسن
اللهم بلغنا رمضان وارزقنا الصحة والعافية

[غزة في عيوني]

شكرا على الموضوع
انا ندير حريرة طيلة الشهر مع معقودة وبوراك وطاجين وسلاطة ومرات طاجين الحلو
نديره اضافي ماكانش الي ياكله
اما عن صيامي لاول مرة لا اذكر صراحة بصح كنت في الابتدائي
انا بنتي صامت العام الي فات كان عندها 8سنين صامت غير ايام
الاطفال كي تعوديهم من الصغر على الصيام يكون احسن
اللهم بلغنا رمضان وارزقنا الصحة والعافية
شكرا الامنيات نورتي الصفحة

[صابرة2013]

اللهم بلغنا رمضان
في الأول يوم حريرة طبعا 30 يوم
طاجين الحلو منوع برقوق مشماش ديكور لوز و أنا ناس
سلايط طبعا و بوراك و عصائر رمضان يجيب خير معاه
بداية صيام ولدي 6 سنوات من هدا السن نعودو ولادنا
على الصيام ماشي شرط شهر كامل حسب استطاعة الطفل
اتمنى للجميع صيام مقبول و دنب مغفور

[غزة في عيوني]

اللهم بلغنا رمضان
في الأول يوم حريرة طبعا 30 يوم
طاجين الحلو منوع برقوق مشماش ديكور لوز و أنا ناس
سلايط طبعا و بوراك و عصائر رمضان يجيب خير معاه
بداية صيام ولدي 6 سنوات من هدا السن نعودو ولادنا
على الصيام ماشي شرط شهر كامل حسب استطاعة الطفل
اتمنى للجميع صيام مقبول و دنب مغفور


شكرا على المرور العطر :mh31::mh31:

[مرام اروى]

شكرًا على الموضوع هايل اللهم بلغنا رمضان أنا ندير شربة فريك مخلط مع المرمز شهر كامل لازم ونديرمعاها نهار بيتزا ونهار بوراك كل خطرا كيفاش وطجين الحلو أكيد الآن عاد متوفر كل انواع الفواكه مجففة وندير الطبق الثاني زوجي مايحبش الأطباق اللي بالمرقة لازم ناشف ندير اطباق نتاع الفور وسلاطة لازززززززززززم والعصير قزوز وفي السهرة حاجة حلوة مثل قلب اللوز او القطايف او تورتة الليممممممون نموت عليها مع القهوة والفلان وسلاد فروي ووووووووويقعد دائماً رمضان فيه كل الخير اما الأولاد أنا نحب نعلمهم يصومو على الصغر كي يعودو خمسة سنين نصومهم حتى الظهر ومبعد للعصر وكي يعود ستة سنين يصوم يوم إيه وخمسة لا لا هههههههه ونتمنى ان شاء الله ربي يبلغنا رمضان بصحة والهناء

[أم ماجد]

من بعد نحيكيلك مغامراتي مع اول يوم صيام في رمضان

[بثينة 123]

السلام عليكم ورحمة الله تعالى وبركاته
اللهم بلغنا رمضان اننا كي صمت اول مرة كان عمري8او9سنوات يعني كنت نفرا السنة الثالثة بسيف يلا كملت النهار وكنت جيعانة بزاااااف وكنت مريضة بالحمى وكنت كي السكرانةونسيت بلي راني صايمة وقلت لماما ديريلي الدواء ومبعد هي غفلت وراحت تديرلي الدوا وانا كنت رايحة نشربوا حتى في اخر لحظة بابا جا قالي شاراكي تديري؟ وقال لماما علاه حليتيها تشرب ؟ هههههههه وهذاك النهار بسيف يلالا جوزتوا حيت ذاك النهار كيما سنة وكي اذن المغرب لبسولي لباس تقليدي وطاوني حبة تمر وهذاك النهار اللي صمت فيه كان قريب للعيد يعني كان غدوا العيد كي نضت الباح صبت الحوايج تع العيد والصباط والبوبيا قدامي انخلعت حسابلي راني نحلم ههههههههههههههه نسيت كامل بللي يشروا حوايج للعيد ههههههههههههههههههههههههههههه اه نسيت ماقتلكش شانديروا في رمضان الشوربة باللحم وسلاطة بالخضر والزيتون والجبن ونديروا البوراك ولا السوفلي ونزيدو لحم حلو ولا غراتان تاع الدجاج ونزيدو الديسير فواكه او عصير او مشروبات غازية وفي السهرة نديرو قلب اللوز ولا الزلابية مع لتاي وفي السحور نديرو الروز مع البيض مغلي ونديرو اللبنة والقههوة بكاش حاجة وشكرا على الموضوع

[غزة في عيوني]

شكرًا على الموضوع هايل اللهم بلغنا رمضان أنا ندير شربة فريك مخلط مع المرمز شهر كامل لازم ونديرمعاها نهار بيتزا ونهار بوراك كل خطرا كيفاش وطجين الحلو أكيد الآن عاد متوفر كل انواع الفواكه مجففة وندير الطبق الثاني زوجي مايحبش الأطباق اللي بالمرقة لازم ناشف ندير اطباق نتاع الفور وسلاطة لازززززززززززم والعصير قزوز وفي السهرة حاجة حلوة مثل قلب اللوز او القطايف او تورتة الليممممممون نموت عليها مع القهوة والفلان وسلاد فروي ووووووووويقعد دائماً رمضان فيه كل الخير اما الأولاد أنا نحب نعلمهم يصومو على الصغر كي يعودو خمسة سنين نصومهم حتى الظهر ومبعد للعصر وكي يعود ستة سنين يصوم يوم إيه وخمسة لا لا هههههههه ونتمنى ان شاء الله ربي يبلغنا رمضان بصحة والهناء
شكرا على المرور العطر

[غزة في عيوني]

من بعد نحيكيلك مغامراتي مع اول يوم صيام في رمضان

ياالله يا ام ماجد احكيلنا نحب مغامراتك

[غزة في عيوني]

السلام عليكم ورحمة الله تعالى وبركاته
اللهم بلغنا رمضان اننا كي صمت اول مرة كان عمري8او9سنوات يعني كنت نفرا السنة الثالثة بسيف يلا كملت النهار وكنت جيعانة بزاااااف وكنت مريضة بالحمى وكنت كي السكرانةونسيت بلي راني صايمة وقلت لماما ديريلي الدواء ومبعد هي غفلت وراحت تديرلي الدوا وانا كنت رايحة نشربوا حتى في اخر لحظة بابا جا قالي شاراكي تديري؟ وقال لماما علاه حليتيها تشرب ؟ هههههههه وهذاك النهار بسيف يلالا جوزتوا حيت ذاك النهار كيما سنة وكي اذن المغرب لبسولي لباس تقليدي وطاوني حبة تمر وهذاك النهار اللي صمت فيه كان قريب للعيد يعني كان غدوا العيد كي نضت الباح صبت الحوايج تع العيد والصباط والبوبيا قدامي انخلعت حسابلي راني نحلم ههههههههههههههه نسيت كامل بللي يشروا حوايج للعيد ههههههههههههههههههههههههههههه اه نسيت ماقتلكش شانديروا في رمضان الشوربة باللحم وسلاطة بالخضر والزيتون والجبن ونديروا البوراك ولا السوفلي ونزيدو لحم حلو ولا غراتان تاع الدجاج ونزيدو الديسير فواكه او عصير او مشروبات غازية وفي السهرة نديرو قلب اللوز ولا الزلابية مع لتاي وفي السحور نديرو الروز مع البيض مغلي ونديرو اللبنة والقههوة بكاش حاجة وشكرا على الموضوع شكرا على المرور العطر

[ام عبودة]

http://img43.imageshack.us/img43/482/sbbo.jpg


حل شهر الرحمة والتوبة
والله كي الضيف العزيز ما نملوش منه
وكل عام نستنوه بفارغ الصبر
ويا رب يلحق علينا وحنا بكامل الصحة والعافية

http://img27.imageshack.us/img27/7624/4zi7.jpg

خيتي حنا ما عندناش عادات في الصوم الاول
بصح بيبني وبينكم انا عمري ما صمت يوم كامل حتى كلفت شرعا
كنت نصيم ونقولهم راني صايمة بصح. ناكل حبة تاع زبيب او زيتونة ههههه يعني نكسر

http://img805.imageshack.us/img805/7392/ur15.jpg


وحنا في اليوم الاول. نديرو شربة فريك والبوراك والحلو وطاجين زيتون والسلاطة
ومع السخانة لازم بزاف العصائر والديسير ههه سيدهم الدلاع ينحي كامل العطش
ومن بعد القهوة والشاي والحلويات

http://img805.imageshack.us/img805/3046/4fhh.jpg
[SIZE="7"]

[zoya 99]

رمضان كريم

[سَلْسَبِيّلْ]

اللهم بلغنا شهر رمضان
احنا في سطيف سلطانة المائدة شربة فريك ولغراتا وطاجين لحلو وحميس وسلايط وديسير وعصائر طبعا كلش شوي شوي
اما عن عاداتنا انا كصامو ولادي اول مرة نديرو حاجة ذهب في الحليب ويشرب منها الطفل والفطور يكون مميز اما عن اللباس فيكون عادي يارب اصلح ذريتنا واجعلهم صالحين لدينهم وللمجتمع وبارين لوالديهم اللهم امين

[غزة في عيوني]

شكرااااااااااااااا لبنات على المرور نورتووووووني حبيباتي

[destiny hope13]

السلام عليكم ..أنا نشفى على روحي نهار صمت أول مرة .وقت الضهر كليت عضة بيمو نسيت بلي راني صايمة هههههه..مبعد بقيت نبكي و نمسح في لسانيي ههههه و الله دكريااات .
المهم في النهار الأول حريرتنا تاع الغرب يممم و مثوم - لأنو ماما بليدية تحب المثوم دايما نهار الأول - و بوراك اللحم و سلطات و عصير ..القازوزة حبسناها ماهيش تكزيستي قي الدار ههههه..و في السهرة لازم سلطة الفواكه زلابية و الشامية ..
مابقالي غير نقولكم يا ربي ببلغنا رمضان و نصوموه على أحسن وجه و رمضان كريم للجميع :)