سأنفجر

[zina1994]

يا خاوتي قولولي واش نعمل رجعلي الشوك نتاع العام اللي فات على خاطر العام اللي فات ماديتش علابالي بربي نشالله ندي العام هذا لكن المشكللمعدل في ا

[فوزي الفايز]

القلق و الشك لن يغير شيئ ابدا

لا ينفع الا الدعاء

فلا احد منا يستطيع مساعدتك الى الله في هده المرحلة

[حمزة توازي]

لاحول ولاقوة الى بالله والله كمخل رانا خايفين نشاء الله نجيبوه برك

[kenza boucetta]

رانا كامل قلقانين يا ختي لعزيزة انا للمرة الاولى بصح والله العظيم راح نهبل والله بلعقل بركــــــــــــ ربي ما فيه غير الخير

مام زادوا قلقونا بموعد النتائج ما علابالناش حتى وقتاه

[lamia_23]

ان شاء الله اختي ننجحوا كامل والله كامل رانا مخلوعين يا ربي نفرحوا والدينا

[زينب07]

خيتي راني كيفك انا تاني مكتبليش العام لفات وفات عليا صيف يعلم بيه غير ربي نتفكرو نبكي دم لحد الان راني مكوية واللله خايفة اني تتعاودلي لاني راني راه نهبل ربي يستر برك ونفرحو كيما فرحو صحاباتنا لعام لفات ربي ينجحنا ويرجعلنا تعبنا بالفرحة الشدة في ربي لانو من غير محال انا السنة عندي ثقة كبيرة بربي لاني قريت وقتاللت روحي مي راني خايفة يارب نجحني يارب يامن تقل لشيء كن فيكن حقق لنا دعواتنا ونجاحنا ولاتر دنا غائبين ياقادر على كلشيء اللهم امين

[zina1994]

نشالله يا ربي ربي ينجحنا كاااااامل ونشالله يكون فيها خير وخلاص

[زينب07]

الللهم امين خيتي زينة ادعيلي برك معاك وادعولي كامل

[zina1994]

نشالله يارب الواحد المهم عمل اللي عليه ولي جا مرحبا بيه

[Mr.Saddam]

اختي زينة ان شاء الله ندوه مام انا عامي الزاوج و بربي ندوه ان شاء الله
و انا ديجا راني طرطقت من هاداك العام ان شاء الله اللي فيها الخير ربي يجبها
و الله المستعان

[Lina Benb]

صح الخوف لالالازم
رايحة نقلك برك حاجة تضحكي بيها
كاين واحد السكاتش قالت لو نموت على القطوطة قالها موتي
هههههههههههههههه مالا إنفجري وهني روحك

[gigi 05]

سلام غير بشوية متخلعوش رواحكم بربي نشاء الله ناجحين كامل

[براءة طفلة 2]

ربي معاك ختى متتقلقيش

[Hind_dz]

توكلي على الله و ادعيه...

<<أَلَا بذكْر الله تَطْمَئنُّ القْلُوبُ>>

[billal23]

بنت سدراتة ما تخافيش درك تنجحي وش مدايرة اداب؟

[أم دارين]

السلام عليكم

متقلقوش روحكم اللي فيه الخير يجيبو ربي

اتوضاو وصليو وقراو قرآن
تروحلكم هاد الغمة

وروحوا اقعدوا مع عائلتكم ولا صحاباتكم اضحكوا واحكيو شوية

اتفرجوا على التلفزة كاش سكاتشات ولا مسلسلات تاع الضحك

متغموش رواحكم الضغط النفسي ماشي مليح

والدنيا متخلاصش على الباك

تديو إن شاء الله

وإذا لا العام الجاي إن شاء الله

اكو تقراو وتشبعوا قراية

توكلوا على ربي برك

وربي يفرحنا كامل يا رب العالمين

:mh31:

[صفا الروح ايمانوو]

اختي الغالية زينة انا مثلك معيدة وكذلك هذا لعام ربي يستر يا ننجح يا ماننجحش يالتني انجح فقط انها اخر فرصة لتسيير نظام قديم .... وكما اتت نتيجة مرحبا به نصبر وخلااص الخير فما اختاره الله صح اتمنى النجاح واحقق طموحي ونفرح اهلي اللي تعبوا عليا لكن يبقى بالاخير قدر ربي وعلينا نرضوا به مهما كان اذا كتبلك تنجحي حتى واحد ما ينحيهولك ياااربي وينجحك بمعدل يرضيك ياااارب

[ملكة الإحساس 94]

صحيح والله . لأن الشوك تاع العام لي فات عاود رجع.رانا كيف كيف أختي زينب
على كل حال الله ينجحنا كلنا ان شاء الله

[طالبة علم01]

ما تقلقيش أختي ربي معاك و اللي فيه الخير ربي يجيبهلك فقط ثقي بالله و سلمي أمرك لله

[بسمة حيا]

ياربي فرحنا

[زينب07]

بربي مدينو كامل لانو ربي عمرو ميخيب لقرا ودعاه قولو امين يارب