اخطأت في حق خطيبي ولكن لا يريد ان يسامحني

[مشكلتي]

السلام عليكم ورحمة الله وبركاته
راح ندخل في الموضوع على طول مشكلتي انا اخطات في حقي خطيبي في الكلام انا فعلا قسوة عليه ولكن والله واشهد الله على ماقوله لم يكن مني ان اجرحة او اقلل من شأنه لا واالله قدره عندي عاااااااااااالي جدااا وهو اعز انسان الى قلبي بعد كلامي له اتصل وقالي خلاص بنتنا كل واحد في طريقو ااااه يا قلبي ليتني مت ولم اسمع هتيه الكلمات
طلب والححت ان يسامحني واني لن اكرر مفعلته وقلتله احنا كبشر نغلط ولكن هو بقى متشدد في كلامه
قتلو ماشي ساهلة الي بنينه يروح في باطل قالي صح ماشي ساهلة ولكن انا بين نارين ساعات نقول نرجعو وساعات نقول نفترق الان افضل
انا والله ندمت ندمت فعلااااااااااااا ودرت الي عليا طلبت السماح ولكن ديما ضميري يؤنبني لاني انا كنت السبب
مقدرتش ننساه ديما عندي امل انه يرجعلي وعندي امل في ربي سبحانو رغم انه هو مصمممممم مصممممم في كلامه
ولكن اكيد ربنا قادر ع فعل كل شئ


انا خلاص تعبت نفسيا وجسديا تعبت مليح لدرجة اني معنديش شهية للاكل ولا لاي حاجة والله

اطلب منكم ان تدعولي ان ربنا يفرج عليا همي ويحن قلب خطيبي

[سنة4]

ربي يفرج عليك ياختي انتي يلي وصلتي روحك لهذ الحاجة ربي يغفرلك زيدي اهدري معاه و فهميه بلي راكي غالطة و ندمانة او ربي يفهمك و يحنن قلبو ربي معاك

[أم لجيـن]

وعليكم السلام
انتي غلطتي واتّفرت وطلبتي منه السماح وهو الي مش حاب بقى طريق واحد هو الدعاء لله
ومن الاحسن متزيديش تتصلي بيه خليه وحده يخمم اذا يرجع ولالا يعني خليه يبرد لانو وين تتصلي راكي تفكري فيه في المشكلة
خليه ينساها ويبرد من جيهتك بعدها هو يقرر يرجع ولا ميرجعش
ان شاء الله ربي يحنن قلبه عليك والاهم انو متكرريش الي صار هذا لانو مش حاجة ساهلة على الراجل

[مراد12345]

غلطة من غلطة

إذا كان غلطة صعيبة أنا واحد منسامحش

[hadjerbb]

شوفي اختي ربي يفرج همك عيطيلو وتقابلي معاه لانه الهدرة في التليفون مش كيما تكوني face a face كيما تكون face a face والله حتى تعابير الوجه انك ندمانه يمكن تلعب دور وتغير من رايه حاولي انك تحسيه انك صح ندمانه وراكي غلطتي حاولي انك تحسيه انك هده اول و اخر مرة وفهميه انه الي بيناتكم راهو اقوى من كلام و حاولي انك تحكي مع اخته او انسان قريب منه باش يقنعوو وحتى انت المرة الجاية حاولي توزني هدرتك من قبل تعرفي الرجل الجزائري الرجولة ونفسه عزيزة عليه بزاف يقبل كلش غير انه مرة تغلط فيه الله يفرج كربك امين صلي و اكثري من الاستغفار

[رحمة من المولى]

قابليه وجه لوجه و اعتذري منو روحيلو وين يخدم و ادعي ربي سبحانو يسهلك

[hansali_33]

أنا سراتلي نفس القصة تاعك خطيبتي جرحتني ففسخت أنا الخطبة فحاولت مرارا وتكرار طلب السماح فرفضت لأنه الذي يحب بعمق يتألم من جرح حبيبته بعمق

[Assouma 93]

يا اختي اذا كان كلامك يقلل من قيمته و يحط من شأنه كرجل اكيد لن يرضى العيش مع امرأة عايراته من قبل و لكن رغم هذا لا تستسلمي و حاولي ان تكلميه ثانية وجها لوجه و يجب ان تكون علامات الندم بادية على وجهك حتى تحسسيه انك فعلا نادمة على فعلتك عسى الله ان يصلح بينكما و يحن قلبه عليك و الله يجيب الخير ان شاء الله

[سرور]

ممكن كلام لي قلتيوة جرحو بزااف جراح راح صعيب خصوصا ادا جا من واحد تحبو بزااف حاولي معه قالو مكانش قصدي خرجت من فمي غلط ما تفقديش الامل

[meriem hanin]

صلي اختي و استغفري بزاف و اكثري من قول لا حول و لا قوة الا بالله و ادعي ربي يحنن قلبو عليك و ترجع المياه الى مجاريها يااااارب

[naamane3]

أطلبي منه الصفح والسماح
ثم اعطي له وعد على ان لا تخطئي في حقه مرة أخرى
وحاولي قدر الامكان الحفاض على وعدك
ثم أخبريه ان رب العالمين يغفر للعباد اذا تابوا
وان رسول الله صلى الله عليه وسلم
سامح قريش كلها حن فتح مكة رغم ما فعلوه معه من قبل
ف|أين هو من رسول الله صلى الله عليه وسلم حتي لا يسامحك
والله المستعان

[ميمي سمية]

ختي زيدي عاودي اطلبي منو السماح وفهميه بلي الناس كامل يغلطو

واذا ماقتانعش تقدري دخلي عايلتكم وبالضبط واحد من الرجال تاعكم هو اللي يفهمو بحكاية راجل لراجل

واذا كتب ربي ورجعتيلو حلي عينك وتعاوديها

[الفاتحة]

طلبتي السماح والححت عليه يعني خاصك غير تبوسي رجليه ، لالا موش هكى العلاقات تبنى يا ختي، غلطتي خلصي وخليها درس للمرة الجاية وافهمي مليح أنو أساس العلاقة الناجحة هي القدر والاحترام قبل الحب وأه ياقلبي كيما قلتي، وإذا طاح القدر فمستحيل على الشخص صاحب الكرامة أنو يرجع وحتى إذا وسع صدره ورجع راح يبقى شرخ في العلاقة، ربي يوفقك في حياتك ... سلام .

[AMINA.Z]

انتي درتي اللي عليك

و اذا كان حابك صح كان يتقبلك بحسناتك و بعيوبك

احمدي ربي بلاك ربي بعد عليك هم و شر كبير

ربي يفرجها عليك

محنة و تزول ان شاء الله

[ام نسمة]

لا تستعجلي الرجوع اليه اولا انت صح غلطتي معاه في الهدرة لكن باتأكيد عندك اسباب لأنو مش معقول غير وحدك حتى خسرتي معاه وثانيا الدنيا ما طارتش خليه كاين حكمة تقوا ان احببت احد بشدة فاطلق سراحه ان عاد اليك فهو ملكك الى الأبد وان لم يعد فهو لم يكن لك من الأساس

[amina04000]

ربي يفرج عليك وترجعو لبعضاكم

[محب السلف الصالح]

ربما أنه يتظاهر فقط

لكي تبقي ذليلة وتترجيه



وتبقي أنت الضحية

إلى الله المشتكى

[kmilya]

اوكلي امرك لله سبحانه فان كان لكي خير فيه فسيعيده لك لا تياسي فالله يرزق من يشاء بغير حساب

[hakeem]

كيما قالو الإخوة أخطيك من التلفون و قــــابليه حتى يسهل الإتصال بينكما .... إذا تلاقا بيك فإحتمال كبير يدور في رايو

[*الحواس*]

هذا لي نقولك : يداك أوكتا وفوك نفخ

[أبو عبد الله الجزائر]

السلام عليكم ربي يحفظك يا اخي الضابط احسنت القول

[FellaD]

منقولكش نتي الغالطة صح نغلطو او نوصلو روحنا. ظروف فوق طاقتنا

ننصحك تخليه يامات وحد يخمم من بعد نظن مشكيتش ينكر او ربي يفرج عليك ختي استخيري ربي سبحانو من غير والديك واحد ميحبلك الخير

[amine eco]

اذا كان يحبك يسامحك

[loulou02]

ربي يفرج عليك و يحن قلب خطيبك و ترجع المياه لمجاريها إن شاء الله .

[z.abdo]

حصل خير ان شاء الله

عليك اختي ان تصبري مدة دون ان تتصلي به ولا تكلميه فيها لأنك قلتي انك طلبت السماح منه


بعدها كلميه مرة أخرى وأخبريه انك غير قادرة على فراقه وانك ما زلت تحبيه

وإن شاء الله ترجع الأمور احسن من كانت

[الرڨيڨ]

السلام عليكم ورحمة الله وبركاته
راح ندخل في الموضوع على طول مشكلتي انا اخطات في حقي خطيبي في الكلام انا فعلا قسوة عليه ولكن والله واشهد الله على ماقوله لم يكن مني ان اجرحة او اقلل من شأنه لا واالله قدره عندي عاااااااااااالي جدااا وهو اعز انسان الى قلبي بعد كلامي له اتصل وقالي خلاص بنتنا كل واحد في طريقو ااااه يا قلبي ليتني مت ولم اسمع هتيه الكلمات
طلب والححت ان يسامحني واني لن اكرر مفعلته وقلتله احنا كبشر نغلط ولكن هو بقى متشدد في كلامه
قتلو ماشي ساهلة الي بنينه يروح في باطل قالي صح ماشي ساهلة ولكن انا بين نارين ساعات نقول نرجعو وساعات نقول نفترق الان افضل
انا والله ندمت ندمت فعلااااااااااااا ودرت الي عليا طلبت السماح ولكن ديما ضميري يؤنبني لاني انا كنت السبب
مقدرتش ننساه ديما عندي امل انه يرجعلي وعندي امل في ربي سبحانو رغم انه هو مصمممممم مصممممم في كلامه
ولكن اكيد ربنا قادر ع فعل كل شئ


انا خلاص تعبت نفسيا وجسديا تعبت مليح لدرجة اني معنديش شهية للاكل ولا لاي حاجة والله

اطلب منكم ان تدعولي ان ربنا يفرج عليا همي ويحن قلب خطيبي

اكيد يا اختي قلتي له كلام جرحه كثيرا و اكيد ماشي المرة الاولى التي يسمع منك كلام جارح و الا كان سامحك

و هو باين انه يحبك كثيرا لذلك وجعوا كلامك بزاف

حاولي معه وان شاء الله تتصلح الامور

[الرڨيڨ]

أنا سراتلي نفس القصة تاعك خطيبتي جرحتني ففسخت أنا الخطبة فحاولت مرارا وتكرار طلب السماح فرفضت لأنه الذي يحب بعمق يتألم من جرح حبيبته بعمق

صحيح يا اخي

[الرڨيڨ]

لا تستعجلي الرجوع اليه اولا انت صح غلطتي معاه في الهدرة لكن باتأكيد عندك اسباب لأنو مش معقول غير وحدك حتى خسرتي معاه وثانيا الدنيا ما طارتش خليه كاين حكمة تقوا ان احببت احد بشدة فاطلق سراحه ان عاد اليك فهو ملكك الى الأبد وان لم يعد فهو لم يكن لك من الأساس

لا يا اختي الذي تحبينه مستحيل تجرحيه بالكلام حتى و ان كنت في قمة الغضب

حتى لو خانها مثلا تبتعد عنه و تنساه و ما تجرحوك او تشتمو لانه اذا فعلت ذلك ستقلل من شانها اولا و تحبط مستواها

لا لا يجب ان نجرح من نحب ثم نقول لدينا سبب و هو دفعنا لذلك هذا لا يمكن