ممكن مساعدة رايكم يفيدوني

[مشكلتي]

مشكلتي هي اني مع شخص لمدة طويلة كنت مغفلة الى درجة لا تتصور حتى اني لاعرفه اين يسكن و هو من نفس منطقتي كل مرة نسقسيك يهرب وميحبش يخبرني حتى لدروك باه فطنت هو يعرف كل شئ عليا وين نسكن وين نخدم شناكل حت فيكس تاع الدار عندو وانا عكسو تماماا كدب عليا بزاف و انا كنت مامناتو كان يتحججلي بحجج غبية بصح كنت عمية و نامن كلش المهم كان ناوي يجي يخطبي قبل 25 من هدا الشهر يعني اليوم اخر يوم من الفترة لي مدهاليي و مبررلي والو و كي لمتو لبارح قالي انتي محبتيش تجي نهار الاحد و الخميس كون جيتي كون جيت حتى لهنا باه فهمت بلي انا غبية
ندمت كي دخلت لحياتيي وعلابلي منقدر ندلو والو لاخاتر هو راجل ميندر في والو
راني ناوية غدوة نروح للمكان لي يسكن فيه بصح معندي حتى طريقة باه نجبدو لانو مكان كبير و معمرة بسكان ممكن ترشدوني و دلوني لطريقة نقدر نجبدو بيها حبيت نقلو انا كلمات برك في وجهو لاخاتر منكدرش نهدر معاه فالهاتف ميخليليش فرصة والله ماني حابة نفوتهالو
هل رقم الهاتف تاعو يساعدنيي انا متاكد من من منطقة منعرفش بضبط فقط
واش تنسحوني انا كرهتو و ندمت فالتقة لي درتو فيهاا و علابلي انا لي خليتلو فرصة مي الله غالب غلطة

[* الحلم سكر *]

ندمت كي دخلت لحياتيي وعلابلي منقدر ندلو والو لاخاتر هو راجل ميندر في والو
راني ناوية غدوة نروح للمكان لي يسكن فيه بصح معندي حتى طريقة باه نجبدو لانو مكان كبير و معمرة بسكان ممكن ترشدوني و دلوني لطريقة نقدر نجبدو بيها حبيت نقلو انا كلمات برك في وجهو لاخاتر منكدرش نهدر معاه فالهاتف ميخليليش فرصة والله ماني حابة نفوتهالو
هل رقم الهاتف تاعو يساعدنيي انا متاكد من من منطقة منعرفش بضبط فقط
واش تنسحوني انا كرهتو و ندمت فالتقة لي درتو فيهاا و علابلي انا لي خليتلو فرصة مي الله غالب غلطة

الجملة اللي بالاحمر هي اللي خلاتني نقلك خــــــافي على روحـك شـــوية راكـــي فــتاة :mad::mad::mad:
واش معـناتـها تـــروحيــلو ؟؟؟؟؟؟ يعـــني يرحـ؟ـم والــديك واش راح تـــقوليـــلو ؟؟؟

علاه كنت معايا يقلك ... انتي وافقـتي
عــلاه كلـحتني يقلك... علاه صـــدقــتي

هادي معروفة واحد ما يكون مع واحدة بلا رغبتها هو يقنعها بكل الطرق و هدا اسلوبهم و هي اما تضعف او تكون فحلة على روحها و انتي من اللي صدقو و خلاص

و اذا واجهتيه الله اعلم رد فعلو كيفاه ... عندك حل واحد : اجبـدي روحك عليه و حطي ( . ) و فيها بركة اللي فات خليها عبرة باه ما تعاوديش الغلطة مع غيرو
لعلمك هو ممكن يبق من وراك و راح يوعدك بتاريخ آخر و يعطيك مبررات لكن هل راه تكوني غبية مرة أخرى ؟

اطوي الصفحة و ربي يهديك و يهدينا و يستر الجميع
ســــلام

[مراد12345]

سؤال فقط :

هل تبحثين عنه

لتقولي له كلاما شيئا

أم لتطلبي منه تصحيح

كارثته

؟؟؟؟؟؟

[سرور]

نتي متخافيش علا روحك خطيك منو كين ربي ونتي علاه ديرا ثقة في واحد جاك غير هاك ربي يهديك وما تروحي مالو يقدر ديرا في حاج راح تندمي عليه لطول امحي نميرو ولا بدلي لبيست ومتزديش ديرا ثقة في تواحد من غير باباك وماماك ربي يكون معاك

[nouna l maghbouna]

مشكلتي هي اني مع شخص لمدة طويلة كنت مغفلة الى درجة لا تتصور حتى اني لاعرفه اين يسكن و هو من نفس منطقتي كل مرة نسقسيك يهرب وميحبش يخبرني حتى لدروك باه فطنت هو يعرف كل شئ عليا وين نسكن وين نخدم شناكل حت فيكس تاع الدار عندو وانا عكسو تماماا كدب عليا بزاف و انا كنت مامناتو كان يتحججلي بحجج غبية بصح كنت عمية و نامن كلش المهم كان ناوي يجي يخطبي قبل 25 من هدا الشهر يعني اليوم اخر يوم من الفترة لي مدهاليي و مبررلي والو و كي لمتو لبارح قالي انتي محبتيش تجي نهار الاحد و الخميس كون جيتي كون جيت حتى لهنا باه فهمت بلي انا غبية
ندمت كي دخلت لحياتيي وعلابلي منقدر ندلو والو لاخاتر هو راجل ميندر في والو
راني ناوية غدوة نروح للمكان لي يسكن فيه بصح معندي حتى طريقة باه نجبدو لانو مكان كبير و معمرة بسكان ممكن ترشدوني و دلوني لطريقة نقدر نجبدو بيها حبيت نقلو انا كلمات برك في وجهو لاخاتر منكدرش نهدر معاه فالهاتف ميخليليش فرصة والله ماني حابة نفوتهالو
هل رقم الهاتف تاعو يساعدنيي انا متاكد من من منطقة منعرفش بضبط فقط
واش تنسحوني انا كرهتو و ندمت فالتقة لي درتو فيهاا و علابلي انا لي خليتلو فرصة مي الله غالب غلطة

حبستيلي راسي يعني ناوية تبهدلي بروحك هكا ???
يعرفك وين تسكني و وين تخدمي و كلشي عليك يا عجبا يا ربي حتي الفيكس تاع الدار و رايحة ليه تهدري معاه??
ماتخافيش يركبلك فيلم يبهدل بيك ??
هذا اذا عاد مايعرفش خوك و باباك

خمي مليح قبل ماتديري اي حاجة راكي طفلة ماشي كيما هو رااجل كيما قلتيها مايندر في والو

انسايه و وكلي عليه ربي

ماعندو ماداك لحوايج لكبار
خليك من لجياحة هاذي


ربي معاك

[بسمة تحدي]

يا اختي وش را تديري بهذا معندك متديري اخطيك منو
واحمدي ربي صبح وعشية

[hakeem]

انقذي المستقبل عن طريق فتح ضفحة جديدة بيضاء لا مكان له فيها و انساي اللي فات .... توبي إلى الله قبل كل شيء و حصني نفسك و أبقاي بعيدة على العلاقات الظلامية فكل هذا خرطي و الخاسر الأول هو دائما المرأة التي تضع نفسها في يد اناس حمقى

[wafa16]

بالعكس حاولي تستري روحك ماشي تروحي تحوسي عليه و بالاك تدوسي معاه و يبهدل بيك و الناس يتفرجو فيك
انا في رايي انساي خيرلك

[مريم الصابرة]

السلام عليكم
اختي الله يهديك إنت وين تروحي لبصلاة ما تعرفيهاش وهذا باين كذاب ويلعب بيك وممكن لو تسبيه او تشتميه يلم عليك الناس او يضربك او يحرش صحابو عليك الدنيا ما بقاتش فيها امان وكيفاه تجبديه والمكان كبير ومعمر بالناس ربي يهديك إستعغفري ربي وهو ما ضربكش على يدك إنت قبلت ومديتيلو الفرصة من المفروض نهار الأاول رفض يمد معلومات عليه خلاص إنت غلطت قبل ما تلوميه لومي روحك انا من رأي إنسي اللي صار كسري لابوس نتاعك وإدعي ربي يسامحك وهو خليه ربي وكيلو ربي يسهل عليه والنار اللي في قلبك إنت سبابها إسمحيلي في هذا وتقدري تفرغي قلبك بزوج كلمات فالتلفون وخلاص بلاما تشقايلو ممكن كيما قال الاخ إنت باغية تشوفيه وتهدرس معاه وتبرري هذا بالزعاف إستغفر مولاك وفيقي واش راكي ديري ربي يهديك

[naamane3]

ارتكبتي غلطة وكي الحمد لله فقتي منها
رايحا تزيدي ترتكبي غلطة خلاف
سبحان الله وين راح عقلك وتفكيرك
راكي تقولي يعرف عليك كل شيئ
وانت ما تعرفي عليه والو
يعني لوكان تتسببي له في اذي
يتسبب لك في 100 علا خاطر يعرفك مليح
حلك الوحيد هو التوبة الى الله وقطع العلاقة كليا
وغيري رقم الهاتف ومكان العمل ان امكن
واذا صادف وان التقيته لا تزيدي عن هذه الكلمة
لقد تبت الي الله ونويت الاستقامة
اما ان كان قد لعق الكلب من الاناء
فهذه مشكلة اخرى

[{مـشـاكـسـهـ}~]

انسايه و وكلي عليه ربي

[faty05]

إيه خلاص دركا لي فات مات
هو كلحك و نتي مكلحة
أختي مابقاتش هدرة تنقال ذركا
ما تزيديش تهدري معاه و كفى
عندك لا تلعبيها شاطرة و تروحي تبهدلي بروحك
راكي ما راح تربحي والو غير لفضيحة
استري روحك و توبي و احسبيها درس الأيام القادمة

[نسمة تفاؤل]

ياحبيبتي راكي من نيتك حابة تروحي للحي تاعو الله يهديك انساي هاذ الحكاية وكلي عليه ربي بما انك كرهتيه ماتفخريهش قاع اقطعي علاقتك بيه نهائيا ماتسبيه ماوالو وكلي عليه ربي واستغفري وخليك من هاذ العلاقات على خاطر دايما نتيجتهم وخيمة وماهمش ناجحين شدي في ربي وادعيه يرزقك بالرجل الصالح ماتروحيش للحي تاعو حافظي يااخيتي على صمعتك وربي يوفقك وانسايه ووطدي علاقتك بربي سبحانو

[صفــاء]

يا اختـــــــــــى انسي ماحصل وأقبلى على التــــــــوبة والدعاء لله بأن يستــــــرك

ويتركك هذا الشخص دون مشــــــــــاكل

أنتى غلطتى وديرتى الثقـــــــــة فيه والحمد لله اكتشفتيه

غيري رقم هاتفك وحاولى ستر نفســـــــك واقطعى أي صلـــــــة به

ومهما حاول استفزازك كونى قوية وتوبي الى الله

ربي يفـــــــرج ويبعدو عليــــــــك ويرزقك الزوج الصالح النقى التقي

[مناد بوفلجة]

نصيحتي لك

غيري رقم هاتفك

و إنسيه تماما

و وكلي عليه ربي في صلاتك

و إحمدي الله أنه حفظك منه

[زينب07]

لا راكي غالطة خيتي
نحب نسقسيكم كيفاه نشارك في هدا في قسم مشكلتي راني منقدرش يقولويلا تملك تصريح بدخول هذه الصفحة. قد يكون هذا أحد الأسباب التالية وربما بسبب آخر:

حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟
إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة.

واش ندير عاونوني ربي يخليكم

[doba]

أخطيك منو شوي

[♥منسّه♥]

ربّي يجيب اللي فيهآ الخير ....انا نلومك أنتي مآنلوموش هوّا ياك تعرفي باللي مابقآتش الجدية في وقتنا هادا اللي يحبك يجي لباباك مباشرة ماشي يهدر معاك من بعد مانعرفش واش.... ربّي معآك

[imene12]

علاش حتى تروحيلو يا أختي ... و زيد واش ضمنك بللي المكان العنوان اللي مدهولك صحيح... مازلتي دايرة الامان و ناوية تروحيلو و تهدري معاه... تتخيلي راح يسمعلك و يفهمك؟؟ أكيــــــــــــــــد لا و ألف لا... ماراحش يعمرك بيك راسو و لا بأي كلمة راح تقوليها و لا أي تصرف راح تتصرفيه يمكن يخليه يحس بيك.
إذا إحفظي ما تبقى من كرامتك و أخطيك منو ...و قولي الحمد لله ياربي هكذا و لا أكثر... نحيه من راسك و ابدي حياتك من جديد.

[samar89]

بفففففففففففففف والله غير عجب.......لا ادري هل هو غباااااء ام سذااااااااااااااجة؟؟؟

[Assouma 93]

يقول المثل العامي " جا يكحللها عماها" ربي يهديك

[hadjerbb]

اختي خليك منو كون تروحيلو يعني قيمتيه والله وهوا مايستاهل حتى قيمة ابداي حياتك من جديد وماضيعيهاش على ناس ماتستاهلش

[ميمي سمية]

صايي ختي
اقطعي اللي بينك وبينو

وحلي عينك تروحيلو
هبلتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ راكي طفلة اخاه عليك وهو طفل على روحو ولوكان ماجاش مافيا كون مايديرش فيك هكذا

مانكذبش عليك ختي بصح راكي طيحتي من قيييييييييييمتك بزااف

المهم هذا مايهمش توبي لربي وانساي هذا العبد وحكايتو واطلبي من ربي يسترك لخاطر من غير ربي واحد مايوقف معاك خاصة كي تعرف عايلتك بلي عندو رقم الفيكس
ورمضان على الباب وتعرفي وش ديري فيه ماكالاه نزيدو نحكيو