مشكلتي أرهقتني

[مشكلتي]

السلام عليكم و رحمة الله و بركاته
أنا فتاة أبلغ من العمر 28 سنة كبيرة العائلة ، الكل ينتظر زواجي بفارغ الصبر و لكن للأسف لحد الساعة لم تتم الخطبة كلما أتى خاطب الا وبقيت أنتظر روجعه و لكن للأسف لا روجع للخاطب أنصدم و أنهار و أبقى أبحث عن الأسباب ، فأجد نفسي فتاة عادية مثقفة محترمة لا أعرف ماذا ينقصني
صديقاتي و أقاربي و جيراني كل يوم نفس السؤال كاش جديد و أنا نحط راسي و نقول والو و نحس بالاستشافاء نتاعهم
أنا منحطة من هذا الموضوع و قلبي راه معمر و قررت ماروح حتى المكان في هذي العطلة ،
أدعولي ياخاوتي قلبي راه معمر و مالقيت لمن نحكي لي نحكيلوا ينظر ليا بعين الشفقة و نحس بالاهانة و لهذا جيت نفرغ قلبي هنا و لكن لم أستطع قول الكثير لأن الكلمات خانتني

[مراد12345]

أولا :

الزواج نصيب وقسمة وقدر

ثانيا

لا مانع من عمل رقية شرعية

رابعا حافظي على الأذكر البومية

خامسا شاركي في النشاطات الإجتماعية واذهبي للأعراس وغيره

كما تفعل بنات اليوم

[سرور]

ربي فرج ممكن صبر نتاعك هدا راح يرزفك بواحد كيما تمني

[* الحلم سكر *]

اختي العزيزة مشكلتك فيك انتي اللي خليتيهم يحسو بالضعف اللي داخلك
علاه حبيـبتي تهبـطي راسك على حاجة ماشي بيـدك
يحاسبوك على افعالك و اخطائك مي يحاسبوك على مكتوب ربي و الله اعلم بالاك تكتبلك حاجة و لو موخرة بالصخ احسن الف مرة من اللي تمنـتيـها
ثقي في روحك و في اللي خلقك سبحانه .. يسألوك قولي مازال المكتوب و خلي الحمد الله في قلبك دائما و على لسانك
خلي راسك مرفوع حبيـبـتي ربي سبحانه كريم و ما أخر حاجة راح يعطيك الافضل و الحمد الله حال افضل من حال
يارب يرزقك الزوج الصالح اللي تقر به عينك و يعينك على طاعة ربي سبحانه

http://im42.gulfup.com/u4UX6.jpg

[بسمة تحدي]

ربنا يرزقك بالزوج الصالح عاجلا غير اجل
يا اخيتي اعملي رقية شرعية وادعي واستغفري ربي
وتصدقي بنية ربي يرزقك
وكذلك توبي الى ربي وتذلل له هو الواحد القادر ع كل شئ

[hakeem]

حياتك الخاصة لا تجعليها موضوع نقاش لدى أصدقائك .... أتكلي على ربي فهو القادر على كل شيء
ثم إن معظم البنات راهم يتزوجوا في سن الــــ 26 إلى 30 و كل وحدة و مكتوبها فلا مجال للمقارنة

[wafa16]

يا اختي نصيبك ما زال ماجاش
راهم على الاقل يخطبو فيك عندي قريبتي في الثلاثينات و للان واحد ما خطبها مع انها مقبولة الشكل و سمعتها طيبة و اخلاقها رفيعة
امالا تنتحر بالعكس راهي صابرة و تعليقات الناس و الجيران ما ترحم حتى واحد و احيانا تتوسوس لكن هدا قضاء و قدر لازم نقبلوه
كيما قلتلك المكتوب ما زال ماجاش و كي يجي ماكاش اللي يقدر يحبسو
انا نقولك عيشي حياة عادية اخرجي و حوسي و ازهاي و شكون يعرف بالاك يكون فيها خير و هدا الصيف كاشما يظهرلك
اما انك تقعدي محبوسة في الدار و تنعزلي على المجتمع فهدا خطا كبير بالعكس لازم تملئي وقت الفراغ و تعمري وقتك باش ما تسمعيش للهدرة الزايدة
بالتوفيق اختي

[مريم الصابرة]

السلام عليكم اختي
الزواج مكتوب ومقدر من عند الله مازال نصيبك ما جا هذي واش فيها االحكاية اليوم راهو يحكو على تاخر واجك غدوى يحكو على مشاكلك مع زوجك يمعنى الناس يهدرو يهدرو إنت ما تعمريش راسك وروحي للعطلة وكي تسجني روحك واش من فائدة الله يهديك راكي في داركم مستورة خلاص إدعي ربي يبعثلك زوج صالح لباب داركم ما تتقلقيش المصيب مازال ما وصل ربي يرزق الزوج عند قريب يا رب

[z.abdo]

بالعكس اختي ديري عطلو وتنزهي مع عائلتك وكل شيء بالمكتوب


انسي الهم ينساك

[mohammed lamin]

[COLOR="Blue"الزواج سنة شرعية وهي نصيب وقدر واعلمي اختي الكريمة ان الله مع عبده ان صب فهو خير له لذلك فربما بعد هذا الحزن سيأتي فرج لم يخطر ببالك لان الله جل وعلا ما اغضب عبده الا ليمتحن صبره
![/COLOR]

[jouri adel]

اختي الزواج قسمة و نصيب مكتوبك يجيك يجيك و 28 سنة مزال مافاتش عمرك نصيحتي ليك انك تتوكلي على ربي و داومي قول حسبي الله و نعم الوكيل و انت متيقنة بها و هذه مجربة و ربي يرزقك الزرج الصالح في اقرب وقت انشاء الله

[الزيتون]

مثلما يعاني الرجال في البحث عن الزوجة الصالحة
فالمرأة الصالحة قد يتقدم لها الكثير ولكن الله يقدر لها الرجل الصالح فالخير فيما اختار الله فلا تتعجلي

كوني صالحة وتضرعي لله عزوجل واكثري الدعاء ليس بالزواج وفقط بل بالزوج الصالح

[kmilya]

منيش فاهة علاه المجتمع تاعنا مداير هكا علاه راكي ديرونجي في روحك ماجاش مكتوبك مجاش مافيهاش عييييييييييب واخطاك من نظرة الناس وحكاياتهم ماعندهمش شغل غير يعسو ناس
متقلقيش روحك بزاف المكتوب مامنو مهروب ولا مكتوبة على جبين ما تشوفهاش العين ماعنداك مادير بحكايات ناس تافهة اخطاك ماتعيشيلهمش خي واحد ماهو يوكل فيك ويشرب فيك فرات مالا هاكي قاعدة رابحة راحتك جاك مكتوبك روحي مجاكش ماكلاه تتقلقي

[naamane3]

اختي العزيزة مشكلتك فيك انتي اللي خليتيهم يحسو بالضعف اللي داخلك
علاه حبيـبتي تهبـطي راسك على حاجة ماشي بيـدك
يحاسبوك على افعالك و اخطائك مي يحاسبوك على مكتوب ربي و الله اعلم بالاك تكتبلك حاجة و لو موخرة بالصخ احسن الف مرة من اللي تمنـتيـها
ثقي في روحك و في اللي خلقك سبحانه .. يسألوك قولي مازال المكتوب و خلي الحمد الله في قلبك دائما و على لسانك
خلي راسك مرفوع حبيـبـتي ربي سبحانه كريم و ما أخر حاجة راح يعطيك الافضل و الحمد الله حال افضل من حال
يارب يرزقك الزوج الصالح اللي تقر به عينك و يعينك على طاعة ربي سبحانه

http://im42.gulfup.com/u4ux6.jpg
كلام صواب وسليم
بارك الله فيك
طبقي هذا الكلام وستجدين نفسك قوية جدا امامهم

[كوثر 20]

فإنا ننصحك أيتها السائلة بالصبر والثبات على ما أنت عليه من الحق، والرضا بقضاء الله، فإن الرضا بقضائه سبحانه يفتح على العبد من أنواع الفرح والسرور والسكينة والطمأنينة ما لا يعلمه إلا الله.

يقول ابن القيم رحمه الله في مدارج السالكين: أن من ملأ قلبه من الرضى بالقدر ملأ الله صدره غنى وأمنا وقناعة، وفرغ قلبه لمحبته والإنابة إليه والتوكل عليه، ومن فاته حظه من الرضى امتلأ قلبه بضد ذلك، واشتغل عما فيه سعادته وفلاحه، فالرضى يفرغ القلب لله والسخط يفرغ القلب من الله. انتهى.

ونوصيك بالإكثار من الدعاء أن يرزقك الله بزوج صالح يعينك على أمور دينك ودنياك.
وأما عن كلام الناس وهمزهم فلا تعبئي به، فإن الناس لا يرضيهم شيء وإرضاؤهم غاية لا تدرك، فأعرضي عنهم، واشتغلي بما ينفعك في دينك ودنياك، واحذري أن يحملك كلامهم على التعجل في أمر الزواج والرضا بشخص ضعيف في دينه، فإن هذا سيفتح عليك أبواب الفتنة، وعندها ستذوقين وحدك مرارة الخسران والفوت.
واستعيني على أذى الناس بالله سبحانه والإلحاح عليه في الدعاء، ثم بالإقلال من مخالطتهم، واقتصري على مصاحبة من يذكرك بالله حاله، فإن أكثر الناس لا يدعون إلى الخير والعياذ بالله، وقد قال الله سبحانه: وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ. {الأنعام: 116}.

[{مـشـاكـسـهـ}~]

ربنا يرزقك بالزوج الصالح عاجلا غير اجل

[نسمة تفاؤل]

السلام عليكم و رحمة الله و بركاته
أنا فتاة أبلغ من العمر 28 سنة كبيرة العائلة ، الكل ينتظر زواجي بفارغ الصبر و لكن للأسف لحد الساعة لم تتم الخطبة كلما أتى خاطب الا وبقيت أنتظر روجعه و لكن للأسف لا روجع للخاطب أنصدم و أنهار و أبقى أبحث عن الأسباب ، فأجد نفسي فتاة عادية مثقفة محترمة لا أعرف ماذا ينقصني
صديقاتي و أقاربي و جيراني كل يوم نفس السؤال كاش جديد و أنا نحط راسي و نقول والو و نحس بالاستشافاء نتاعهم
أنا منحطة من هذا الموضوع و قلبي راه معمر و قررت ماروح حتى المكان في هذي العطلة ،
أدعولي ياخاوتي قلبي راه معمر و مالقيت لمن نحكي لي نحكيلوا ينظر ليا بعين الشفقة و نحس بالاهانة و لهذا جيت نفرغ قلبي هنا و لكن لم أستطع قول الكثير لأن الكلمات خانتني
ياختي ياحبيبتي هاذي الحالة قاع رانا فيها ماتقوليش غير انا ماعليك الا الصبر والاكثار من الدعاء وارقي نفسك بالقرءان داومي على قراءة سورة البقرة يوميا وادعي بدعاء سيدنا موسى عليه السلام رب اني لما انزلت الي من خير فقير وربي يفرحك في اقرب وقت والله يرزق كل لبنات الزوج الصالح وعيشي حياتك ماتخليش الناس تستشفى فيك هذا مكتوب ربي سبحانو

[baalache]

شباب اليوم يحب الزين الفتان يعني يحب وحدة تكون كيما تاع الفيلم لربما هذا هو السبب والمشكل مطروح بكثرة ولست الوحيدة الله يرزقك الزوج الصالح

[♥منسّه♥]

يا ختي مولاها ربي و كلش بالمكتوب الزوآج قسمة و نصيب أصبري و الصبر مفتآح الفرج ماتقطعيش الامل ... الكاتبة تلحق و كلشي من عند ربي مليح ...قولي الحمد الله على المليحة و الدونية صلّي صلآتك و ألتزمي بعبادتك و ماتتقلقيش المخبي يبآن مع ليّآم

[يوسف برياني]

ربي يجبلك واحد بن الحلال

** الرقية الشرعية + وتلاوة القرأن

[أسمى أسماء]

السلام عليكم
أختي الزواج قسمة و نصيب و لا يأتي "بشطارة "أو "فطنة" كما يظن البعض كما أن المكتوب ليس متعلق فقط بالجمال و الدليل وجود فتيات حسناوات غير متزوجات مقابل أخريات تقل دجة حسنهن كثيرا قد أقمن عائلة.أنت يا حبيبتي لست كبيرة إلى الدرجة التي تخفضين فيها رأسك مع أنه لا يوجد شيء يدعوك لخفضه حتى لو كنت في الستين,فالمكتوب بيد الله وحده و لا يمكننا أن نعارضه على مرض أو مصيبة فكيف نعارضه على تأخر الزواج .
أنصحك أختي بالصبر و الدعاء فالأشياء الجميلة عادة ما تتأخر كما يقال,
كما أنصحك بعدم ملىء رأسك بكلام الثقلاء الدين لا هم لهم سوى جرح المشاعر و خفض الثقة بالنفس.كوني قية و زواثقة بربك و هو سبحانه لن يخيبك بادن الله
أسأل الله لك رجلا يرفع رأسك و يجعلك فخورة أينما حللت

[Rima mimi25]

ربي يرزقك و يرزقنا بالزوج الصالح إن شاء الله

[arwa*]

اختي بينيلهم بلي ما راكيش مقلقا كامل وقت مايكتب ربي تتزوجي تتزوجي وبيني روحك قوية وغير حساسة في هد الموضوع
ربي يعطيك ما تتمناي ان شاء الله
ادعي ربي في كل صلاة و خاصة في السجود و اكتري من الاستغفار