اريد حلا احببت استادي المريض نفسيا

[مشكلتي]

السلام عليكم انا قصتي مختلفة وغريبة ومئلمة انا ادرس في الجامعة تعرفت على استادي فيها كان يدرسني ولينا اصدقاء في حدود الادب لانني كنت تلميدة نجيبة في بداية الوقت كنا اصدقاء عاديين ولكن مع الوقت اصبحنا اصدقاء مقربيين بزاف بزاف وقف معايا في بزاف حوايج وانا تاني وقفت معاه عندنا حوالي عام مع بعض بصح مع الوقت انا وليت نحبة بصح هو كان عنده ****** وخلاو بعضاهم هو عاد انسان معقد يكره ان يدخل في تجربة مرة اخرى بالنسبة ليه الحب عداب وانه من المستحيل انه يحب مرة اخرى هو يقولي بانه انسان من دون مشاعر والله عاد ما عندوش مشاعر كيما حكيت معاه وقولتلو نحبك وقابلة اني نستناك السنوات الي راك حابها قالي انه هو من المستحيل انه يزيد يحب مرة اخري قالي راكي تعجبيني بزاف بزاف لكان تعرفت عليك من قبل كون كنا مع بعضانا بصح كيما عاش تجربة فاشلة مع ***** ماراهوش قادر يزيد يعيش نفس التجربة قولتلو راني حابة نستناك جاوبني ماتستناينيش لاني كون تستنايني ونتزوجو راكي حاتكوني معايا triste بزاف لاني نكره les couples و الحب ومش حاتكوني heureuse معايا حانعيشك في souffrance حسب رايو انه مع الوقت حايتزوج وحده زواج تقليدي لانه لازم يتزوج ويجيب لولاد كيما قولتلو كيفاش تتزوج مع وحده انت ماتحبهاش جاوبني انه راح يحبها بعد الزواج ومع الوقت درك راهو حاب نبقاو اصدقاء انا مش عارفة ننساه و ماعدتش حبا نروح للجامعة باش مانشوفوش تعرفو انا واش مخليني حزينة ونبكي لانه هو اول انسان نحبو صبرت بزاف وفي النهاية حبيت واحد معقد ومريض نفسيا و تاني الحاجة والله الي مزعفتني اني نعجبو بزاف يعني ما كانش سبب هاهو باين باش مانكونوش مع بعضانا السبب الوحيد هو انه ولا مريض من الحب و البنات هدا كامل بسبت قصة فاشلة عاشها , شورو عليا واش ندير ما تخليونيش

[hakeem]

شحال سمعت هذ الكاسيطا ؟ الرجل يقدم مجموعة من الاعذار و التمسكين لإبقاء العلاقة دون الإلتزام بأي مسؤولية؟ و لو راجعت الماضي الذي بينكما لما أثبت عنه أي كلمة حب او إعجاب قالها صراحة لك ؟ قالب من القوالب القدم ثم يرحم والديك واش من صداقة راكي تحدكي عليها و لماذا كل هذه الفلسفة التي لا تصنف إلا في خانة التلاعب بالألفاظ لتبرير الخطأ..... أغلقي هذ الباب كاش ما يفتح عليك ربي كاش باب وحدوخرا و كوني واقعية و أخطيك منو

سيدتي لقد تجنبت ان أدخل في تحليل معمق حتى لا أجرح مشاعرك و بإختصار أخطيك منو

أنت نية و هو أستاذ فلسفة
ديري الثقة في ربي بالاك كاش ما يفرج عليك من جهة اخرى و أخرجي نفسك من هذا السجن الذي مفتاحه في يدك

هذا الحب الذي تتحدثين عنه و الذي أراه بوضوح من خلال تعبيرك سببه انك لم تعرفي غيره و ليس لانه سوبر مــــان أو سيدنا يوسف عليه السلام، و لانك لم تعرفي غيره فإنك تعتقدين ان لا حياة من دونه لكن الحقيقة أنك مخطأة فإن أغلقت هذا الباب فإعلمي أن الدنيا مملوءة فرص و سوف يلاقيك الله بأفضل منه و انا متأكد أنك سوف تلتقين بأفضل منه ...أتكلي على ربي

[ranou gigi]

اختي العزيزة ماتضحكيش على روحك و ماتخليشوا هو يضحك عليك كون جاء معجب بيك كان راح ينسى كلش معاك انت مي هو داير روحوا و لاعبها انك عجبتيه لكن في الواقع هذا مجرد كاذب قالك بعد مانتزوج راح نحب زوجتي يعني راو قادر احب مرة ثانية وعلاه مادام عجبتيه مايتزوجش بيك انت و باعد الزواج احبك ساهلة ماهلة
نوصيك اختيابعدي عليه احسن مادامك قارية و باهية ذرك اجيك الف واحد و ماتغركش المظاهر انه استاذ او غير ذلك
موفقة

[الفاتحة]

شوفي صراحة السيد راه يتمسخر بيك سبحان الله من جهة يقولك كون نتزوج بيك راح تكوني حزينة ومن جهة أخرى يقولك راح نحب زوجتي بعد االزواج ، هنا يا بنتي بطريقة غير مباشرة ودون ما يجرحك راه يقولك مانتزوجش بوحدة نعرفها قبل الزواج ، يعني احترمي روحك واحفظي كرامتك واخطيك من المخادنة حرام عليك ....وماتزيديش تعاودي وتقولي صداقة في حدود الأدب أي ادب تتحدثين عليه هذا حرام لا يرضاه ربي ...موفقة.

[kmilya]

بامكان الصدقاة ان تنقلب حبا ولاكن مستحيل ان ينقلب الحب صداقة اذا لم يكن يحمل مشاعر اتجاهك فلتبتعدي عنه وان هذا سيؤلمك كثيرا ولكن قربك لا نسان لا يحمل مشاعر اتجاهك اصعب
اوكلي امرك لله تعالى و ضعي ثقتك به ولا داعي لان تقحمي نفسك بعلاقة فاشلة لانسان حمل قلبه لاخرى عل الله سبحانه يكفائك برجل صالح والذي يحبك ويبادلك المشاعر ويجعلك سعيدة

[wafa16]

راه يقولك نحب زوجتي بعد الزواج اخلاص كي راكي عاجباتو يتزوج بيك و يحبك على راحتو
جابلي ربي راه حاب يجوز الوقت

[* الحلم سكر *]

شحال سمعت هذ الكاسيطا ؟ الرجل يقدم مجموعة من الاعذار و التمسكين لإبقاء العلاقة دون الإلتزام بأي مسؤولية؟ و لو راجعت الماضي الذي بينكما لما أثبت عنه أي كلمة حب او إعجاب قالها صراحة لك ؟ قالب من القوالب القدم ثم يرحم والديك واش من صداقة راكي تحدكي عليها و لماذا كل هذه الفلسفة التي لا تصنف إلا في خانة التلاعب بالألفاظ لتبرير الخطأ..... أغلقي هذ الباب كاش ما يفتح عليك ربي كاش باب وحدوخرا و كوني واقعية و أخطيك منو

سيدتي لقد تجنبت ان أدخل في تحليل معمق حتى لا أجرح مشاعرك و بإختصار أخطيك منو


أحسنت القول .. رد صـــريح و مارحش نقول اكثر لانو هذا الرد قال ما كنت اريد و اكثر
ربي ينور بصيرتك اختي

[nouna l maghbouna]

هذا ليكيديه من ظك
خلاص انسايه احسبيه مات او مكانش

[أسمى أسماء]

السلام عليكم
أختي الحبيبة يقال إدا أرادك الرجل أخدك من بين مائة سيف و إدا لم يردك سرق ألف كدبة من فم الشيطان ليوهمك أنه أرادك.هدا الرجل قطعا لا يحبك.و أنا لا أقول هدا لأجرح مشاعرك بالعكس حبيبتي و الله لا أتمنى لك إلا الخير و لا أقول هدا إلا لأنني أرى فيه مصلحتك.أنت فتاة أكرمك الهإ بالإسلام و رفعك به عن تلاعب العابثين و لهو المنافقين.لمادا تدلين نفسك و تحاولين التشبت بشخص أبسط ما قلت فيه أنه مريض نفسيا و تأكدي حبيبتي أنه ليس كدلك بدليل أنه يزعم أنه سيحب الفتاة التي سيتزوجها "زواجا تقليديا"كما قال و هو يشير إلى أنه سيتزوج فتاة لم تعرف الرجال و لا تقبل أن تتعرف عليه هو شخصيا أو تدخل معه في علاقة"صداقة"قبل الزواج,أي صداقة هده التي تتحدثين عنها والله سبحانه و تعالى يقول (محصنات غير مسافحات ولا متخذات أخدان).الحب يا حبيبتي يأتي بعد الزواج و ما قبله ليس إلا خطوات من خطوات الشيطان في طريق الرديلة و العياد بالله .حبيبتي لقد أعماك هدا الدي ترينه حبا عن فهم كلام هدا العابث الدي صرح لك بأنه سيحب زوجته بعد الزواج و هدا ما يعرفه الجميع و هو بهدا ليس مريض نفسيا أو ما شابه بل يطمح إلى ما يطمح له كل الرجال (فتاة تخاف الله ولا تقيم علاقات "صداقة مع الرجال")..
أنصحك يا أختي الغالية أن تبتعدي عن هدا الطريق المهلك وأن تتوبي إلى الله تعاهدينه فيها على عدم سلك هده المسالك . وأن تدعيه سبحانه أن ييسر لك الحلال وأن يغنيك عن الحرام. أما بخصوص الدهاب إلى الجامعة فإن كانت الإمتحانات قد إنقضت فحاولي أن لا تدهبي وأقطعي علاقتك تماما بهدا الرجل و امسحي رقمه من هاتفك كما يجب عليك أن تبتعدي عن كل ما يدكرك به.
لا تنسي بر والديك والتماس الدعاء الصالح منهما لإعانتك في حياتك كما أنني أعتقد أنهما لن يكونا سعيدين إن علما بأمر هده "الصداقة"
وفقك الله و جعلك مباركة أينما كنت

[هيا الجزائر]

أخطيــــــــكـ منـه

وعيـشي حيآتـه
بمآ أـنه يرفـض الإستقرآر معـكـ

أديري ظهـركـ و عيـشي حيآتكـ

[hakeem]

حقـــا أنت أسمى أسماء يا أسمـــــاء و ربي يبارك فيك على الكلمات الموزونة و النصائح الجميلة التي لا تنبع إلى من إمرأة عـــاقلة

أنا من كثرة اللي قلقتني إنتهازية و نفاق هذا الشخص تلفتلي الهدرة

[Assouma 93]

يرحم باباك غير قوليلي علاش راكي تفرضي في نفسك عليه خلي لنفسك كرامة بينتيله حبك مرضاش ايمالا خلاص مكان لاه تجري موراه و تضيعي حياتك اهتمي بقرايتك لحتى يرزقك ربي بزوج صالح اللي يستاهلك ماشي تجري وراه ربي معاك اختي

[meriem hanin]

خلي كرامتك فوق كلش يا اختي و اعفسي على قلبك ة انسايه
الامر سيكون صعب فالبداية لكن صدقيني كي تتركي الامر لوجه الله صدقيني ربي يعوضك و ينسيك فيه
و ماتنسايس كراااااااااااااااااامتك فوق كلش

[salsila]

اختي لوكنت تعجبينه حقا لتزوجك واحبك بعد الزواج كيما راهو يقول ..........اخطيك منوا ونسايه بالصلاة والدعاء والاستغفار هو ناوي يتزوج بالصح ماهوش حاطلك حساب ولوكان كان معقد ميخممش فالزواج اصلا ولو كنت تعجبينه او لديه مشاعر اتجاهك عند تفكيره في الزواج انت الولى التي سيتقدم لك اجبدي روحك عليه وقراي قرايتك وربي يهنيك ويكون معاك وجيبلك ولد لحلال لي يساهلك

[sarah1424]

الحاجة الي مفهمتهاش
قريت في المتوسط والثانوية والجامعة ولله الحمد علاقتي مع كل الاساتذة طيبة في حدود
السؤال الي لازم تطرحيه على نفسك كيفاه وصلت العلاقة بين استاذ وطالبة لهذه الدرجة هذا استاذك عوني وقف معايا ووقفت معاه
راكي تتمسخري بروحك فيقيييييييي وانا نقلك الكلام الي يبكيك برما يفطنك هدا ماهو ناويك ماكي عاجباتو
افطني لعمرك عرضتي عليه نفسك وقلك نتزوج زواج تقليدي ونحب زوجتي
اول حاجة لازمكي ديريها اقطعي علاقتك نهائيا به ونحيه من تفكيرك ثاني حاجة الرجال مهما يكون يحكي ويقسر ويضحك بصح زواج يخير لاولادو ام مثالية ورايك فاهمة سلام

[قماردايخة]

كوني شهمة وقوية ولا تتبعي نفسك هواها و خلي ثقتك بالله عالية فهو الذي خلقك يتولى مكتوبك

[بدرخان]

الحل بسيط للغاية السنوات اللي باه تستنيه فيهم غيري الشعبة اللي راكي فيها واعملي علم نفس اقراي ... تخرجي ....عالجيه....
تزوجيه ... اي سي توووووووووو

[mimi jiji]

choufi 5ti foutih w kameli 7yatak normal wa 9at3i assila bih

*ya o5ti *5iiro fi ghiiro

[hadjerbb]

ديري واش قالولك الاخوة وربي يسهل

[RAZANE23]

يا اختي انا علابالي علاش ماهوش قادر يحبك........ لأنه لقاك ساهلة و خاف منك .......... علاش خاف منك ؟؟ لأنو مش لبنات الكل يديرو قصص حب و يربطو علاقات مع اساتذتهم و انما هي فئة قليلة من يفعلن هذا و لهن الجرأة للتعرف على الاساتذة بهدف زيادة النقاط و النجاح فمنهن من يجتزنها بسلام و يأخدن ما اردن من نقاط مقابل مواعيد شيطانية غرامية مع استاذها البطل و منهن لا يجتزنها بسلام فيسقطن في حب ( واش من حب ) استاذها و في كلتا الحالتين الطالبة او الفتاة هي الخاسرة في النهاية فو الله العلي العظيم من صادقت استاذا في الجامعة الا و زنت معه لأن الاساتذة اليوم يعرفون الطالبات جيدا و يعلمون انهم يحتاجون النقاط و ما شابه ذلك للنجاح فيستعملون هذه الورقة للضغط عليهن و اخد ما يحلو لهم منهن...... المهم اختاه توبي الى ربك و عودي الى رشدك فأنت في معصية انت في غنى عنها و الله يهديك و يهديه و الله لم اجد ما اقول حتى اني اكتب و الدموع تنهمر من عيني ............ انه اخر الزمان احبتي و هذه القصة من بين أشراطه...............

[حسام عمر]

[لا يوجد شيء اسمه حب هناك فقط اعجاب والاعجاب يكون لفترة ويموت باعمال العقل ....خدمي عقلك شوي وتفكري والديك خاصة ابوك الذي يصرف عليك ويعتبرك عرضه وشرفه وانت تبهدلي فيه مع الناس وتفكري خاوتك كيفاش يكون رد فعلهم عندما يسمعو هاذ الكلام ....كملتي قرايتك واستري روحك وخليك من هدرة الافلام والمسلسلات وحافظي على شرفك وشرف الاسرة

[عندك حق كلام معقول جدا لو ان كل بنت فكرت بهاذ الشكل كان كثير من المشاكل انتهت

[سلاف26]

هو أصلا ناوي يتزوج مستقبلا يعني لا هو مريض لا بالحب ولا أي مرض نفسي بصراحة هو لا يراك كزوجة له فلما تضيعين وقتك على شيء لن يكون لك
أطرديه من تفكيرك و فكري في مستقبلك الدراسي لن ينفعك لا هو ولا غيره فكري في نفسك أولا و خدمي عقلك شوية
الأمر واضح وضوح الشمس هو لا يحبك و لا يرد الإرتباط بك فلتكوني ذكية و تنسحبي في الوقت المناسب قبل أن تندمي
و ربي يرزقك الزوج الصالح فقط توكلي على رب العالمين

[ابراهيم داود]

أنت نية و هو أستاذ فلسفة
ديري الثقة في ربي بالاك كاش ما يفرج عليك من جهة اخرى و أخرجي نفسك من هذا السجن الذي مفتاحه في يدك أرجو عدم الاساءة لأساتذة الفلسفة و البقاء في الموضع المطروح وهو مشكلة الأخت

[ryma la cool]

لبنات رااهم كفاو ووفاو وزيد باين عليه ثعلوب من لكباررر ربي وكيلوو لكان يتمسخر

[IBTISSAM IMEN]

آخ يا اختي راني حاسة بيك 100/100
ما خلاو الأخوات مانحكي
أناقصتي تشبه لقصتك بزااف كان عايش قصة حب فاشلة كان قريب عرسه وسمحة فيه ويقولي ليا نسيني وقررت نسمعله دايما حتى تعلقت بيه و حبيته و الله غي حرام هد الشيئ لي عملناه في روحنا في أول خطأ ليا سمح فيا وراح
ربي يفرج علينا حنونه لازم نعاودوا حساباتنا نخموا بعقولنا قبل قلوبنا
وتقعد كرامتنا فوق لكل
انشاء الله ربي يرزقنا ما حسن