جواز الباذنجان بالبطاطا اقتصادي وبنين

[ريم الفلى]

البسملة1

السلام عليكم احبتي في الله واش حوالكم
مع قروب شهر البركات شهر رمضان الكريم
ومع هاد السخانة
؟؟؟
:eek::eek::eek::eek::eek::eek::eek:
كيما شفتو في موضوع سابق طبق جواز الباذنجان بالبطاطا
طبعا بما انني نباتية ونحبش اللحم والدجاج مكانش متوفر ههههه مدرت والو انتم تقدرو تديرو يجي هايل
الفاصلة2
المقادير هنا على حساب عدد افراد العائلة الكريمة وهي:
بطاطا حلو او بطاطا بيضاء
باذنجان
فصوص ثوم حسب الذوق انا نحب طعمو درت 4 فصوص كبار هههههههه
بصلة كبيرة
فلفل حار وحلو
حبة طماطم كبيرة
زيتون اسود وممكن ايضا اخضر
الطريقة:
نقي الباذنجان واغسليه وقطعيه دوائر وحطيه في بورت مونجي فيها ماء وملح وعصير ليمون
فائدة الماء والملح انها متخليش الباذنجان يتشرب بزاف زيت عند القليان ويجي ميدم وثقيل
وفائدة الليمون انو ميخليش الباذنجان يكحال اي يحافض على لونو الجميل
نخلوه على الاقل 2 سوايع انا في الحق ديما نقشرو في الليل ونخليه في الثلاجة من تحت ونستعملو غدوة من ذالك ميشربش الزيت يجي يشهي
من بعد نقلو الباذنجان
http://im34.gulfup.com/tEj8s.jpg
ونقشرو البطاطا انا درت ضعف كمية الباذنجان ونقطعوها تاني دوائر ونقلوها
http://im34.gulfup.com/LIGKu.jpg
ونقشرو البصل ونقطعوه جوانح رقاق نوعا ما ونقطعو الفلفل دوائر ونرابيو الثوم ونحطهم في طنجرة ونزيدلهم شويا زيت فقط ونخلوهم يتقلاو جيدا ثم نضيفو شوية ملح ماشي بزاف لانك لو تتذوقي البانجان تلقايه عندو ملح
http://im34.gulfup.com/Ka5o1.jpg
من بعد نزيدو الحبة الطماطم مقطعة تاني طوليا نخلوها تتقلى شويا
http://im34.gulfup.com/Urq1x.jpg
ونزيدو كاس ماء وملعقة صغيرة هريسة وفلفل عكري "فلفل احمر مرحي حلو" وبعض التوابل انا زدت الكون والكروية وحبة الحلوى وفلفل اسود ونرمي حبات الزيتون في المرق ونخليها تطيب حتى تعقد وتطيب الخضر (البصل والفلفل والطماطم) جيدا
http://im34.gulfup.com/s18QL.jpg
من بعد نزيدو الباذنجان
http://im34.gulfup.com/zK7tr.jpg
ثم البطاطا
http://im34.gulfup.com/3ha0I.jpg
ونحرك برفق من فوق للتحت ونخليها حوالي 2 دقائق مع رفع الغطاء ثم نطفي النار
http://im34.gulfup.com/66MHU.jpg
انا هنا موالفة نزيدلها جبن مبشور ونخليه حتى يذوب بفعل الحرارة شوية ونقدمها
هاهي
http://im34.gulfup.com/lnGYY.jpg
من الجهة الاخرى
http://im39.gulfup.com/RiNcP.jpg
تفضلو همهم راهي بنينة متراطيوش:21::21::21::21:
http://im39.gulfup.com/eGbjw.jpg
ان شاء الله تعجبكم لانها اقتصادية وبنينة وتصلح في موسم الحر
باي
:mh31::mh31::mh31::mh31::mh31:
الخاتمة1

[قطيطوشة]

الله يعطيك الصحة
طبق لذيذ بصحتك

[ريم الفلى]

90 مشاهدة ورد واحد هل هذا كل عجز ولا وحدة فيكم معجبها الموضوع
في الحق هدا كلو يصيب بالاحباط
شكرا على مروركن
:mh93::mh93::mh93::mh93::mh93::mh93::mh93:
:mad::mad::mad::mad::mad::mad:

[ريم الفلى]

شكرا اختي على مرورك

[ام اجياد]

تبارك الله ملشاء الله يهبل يهبل ماتزعفيش تكفينا فحولتك الله يبارك وكليوم تنورينا بحاجة

[Tayr E'chamal]

ya3tik essaha khti,vraiment recette ta3 had elwakt,m3a slata khadra mmm,sahiti meditili fikra ta ghda

[oum 3abdou]

ما شاء الله يا اختي ريم يعطيك الصحة

[soriaalg]

ممممممممممممممممم يشهي اختي يعطيك الصحة بااااااااااااااااارك الله فيك ما تزعفيش اختي متعينا وصفاتك الرائعة يعطيك الصحة والله علمتيني وصفة جديدة شكرا لك