عاونوني ربي يخليكم 2

[مشكلتي]

السلام عليكم
انا صاحبة هاد الموضوع http://www.djelfa.info/vb/showthread.php?t=1334542
المشكلة في الردود انكم دائما تحللو وتحرموا مع كل احترماتي ما تمدوش حل خلاص انا ما سألتكمش حرام وللا حلال لاني انا نحكي معاه بالحجاب و اصلا خواتي علابالهم و بابا علابالو يعني كل ردودكم تحسوني انكم ملائكة نازلين من السماء على العموم شكرا للجميع

[achwak crazy girl]

ختي اكيد الاعضااء كااامل كيهدروا في مصلحتك واذا ما عجبتكش ككنتي من الاول متحطيش الموضوع ومناااش ملاك لكن مجرد ارااء

[zineb_saib]

السلام عليكم ورحمة الله وبركاته
ننصحك اختي تنقصي شوي باش ميكرهش منك خليه يتوحشك وكل مرة ديريلو السبايب باش متفتحيش ال***** اصلا
وربي يعينك اختي نورمالمو راهو عارف بلي اصلا واحد مايبان مليح في الكام هاذي حاجة كامل نعرفوها ياسبحان الله حتى وكنتي ملكة جمال متبانيش فيها مليحة

[محمد جديدي التبسي]

نصيحة أخطيك من الحديث معه في الدردشة مادام العقد الشرعي والمدني مازال
كثرة الحديث تجعلكم تملون من بعضكم وتكثر المشاكل لذلك فالأحسن تجنبها
لسنا ملائكة ولا شيء لكن ننصحك بما نحب أن نكون عليه نحن مع الطرف الآخر وقد يحدث أن نخطأ مثلك أو أكثر لكن ذلك لا يجعلنا نجاملك ولا نقول الحق والصراحة خطأ كبير أن تسمحي له بأن يراك في كل محادثة وأنت مازلت في بيت أهلك ومخطوبة فقط والخطبة كما تعلمين هي وعد بالزواج فقط وليست زواجا .. ربي يهدينا ويهديكم

[hakeem]

أول مرة نقرا المشكل تاعك

أفرضي رئيك و عليه تقبل ذلك إذ انه لا يمكنك التكهن بتصرفاته فهذا جنون ؟؟؟ ثم إلى متى تبقاي تساعفي فيه و في كل مرة تقولي نخاف يزعف ؟؟؟؟ هههه الزعاف شيء طبيعي يكون في أي علاقة و الغير طبيعي هو علاقة بلا زعاف

أما بالنسبة لمشكلتك فهي إما في ردائة الكاميرا او أنه يمهد لخرجــــــة (حاب يخرج معاك) و هذي مرحلة تمهيدية يحاول من ورائها دفعك للتخلي عن السكيب و ملاقاته

و المهم و الاهم اللي حاب يبني دار يبنيها قدام ربي و عبادو ....أخطيك من الهدرة بزاف فطريق الصح واضحة ؟؟؟؟ يرحم باباك واش راح تهدروا راح أطلعو صاروخ

[بنت الرّحّل]

14شعبان1434 من الهجرة النبوية ! (رمضان على الأبواب اللهم اجعلنا من عبادك الصالحين )

وعليكم السلام ورحمة الله وبركاته

كنا في مشكلة وضعت لنا مشكلة أخرى:o!
لا أعرف لماذا التحسس لهذه الدرجة من وضع فتاوى في الحلال أو الحرام ليسوا ملائكة هذا من المؤكد ومن المجزوم به

أصلا من قال أن من يتكلم بالحلال والحرام هو ملاك ...بالعكس أعتقد اأن الذي رفض هذا النوع من المشاركات هو من يظن نفسه لا يخطئ وليس بحاجة للتعلم ولا ينسى فليس بحاجة للتذكير ...

القضية معكوسة عليك عزيزتي فتأملي !


رفض المسلم للتذكرة هو بحد ذاتها مشكلة وكبيرة جدا ..

أما ما ذكرته في مشكلتك السابقة والتي اطلعت عليها الآن فقط فيغلب على ظني أنه رآك أول مرة في عرس و كنت متزينة وحين تتحدثين معه ويراك عن طريق الكاميرا تكونين في حالك العادية وشتان بين الحالين خاصة وأن هناك من تتزين فتتغير تماما لذلك - والمعذرة - ورد في الشرع الحث على إباحة رؤية من يخطب وهي غافلة وإن علمت بأن هناك من يريد خطبتها لم يبح لها الشرع أن تقوم بالتزين حتى لا تغرر من يخطبها والله أعلم

سامحيني مع أنه لم يعجبك الأمر لكن لجأت إليه اضطرارا !

و هذه ليست مشكلة أصلا مادمت تتحدثين معه بكل هذه الضوابط التي ذكرتها من علم والديك وإخوتك ولباسك الحجاب

فحددوا يوما في الأسبوع يراك فيه بمحضر منهم كما تزعمين ولا تتحدثا عن طريق الكاميرا التي لايراك فيها جيدا

أتمنى لك التوفيق

[ام نسمة]

امالي ماعجبكش لحال كي قالولك راكي غالطة كي راكي تخليه يشوفك في لاكام وكي قلنالك ماراهش زوجك باش تاخذي راحتك معاه كل هاذي جاتك ماشي حلول وقلتي رانا ملائكة منزولين اذن ماذا تريدين .............؟ لالا اختي احنا بشر ونصحناك بما تمليه علينا ضمائرنا فقط وراح نمدلك حل اخر اكيد راح يعجبك وهو قبل ماتفتحي لاكام روحي عند الحفافة اصبغي واجبدي شعرك ديري مكياج محترف وحاولي تلبسي لبس شوية مكشوف باش مايدققش غير في وجهك وماتعجبيهش الفتي انتباه بمفاتنك الاخرى .........اكيد راح ترجعي تبانيله ملاك ومن بعد هو يطلب المزيد وانتي تتنازلين عن المزيد حتى ...................وبعدها ترجعو لنقطة الصفر ويقولك ماعجبتينيش خاطر ماشي متربية .................فيقي مع روحك حاب يشوفك مليح يجي لداركم قدام باباك وخوك ويشوفك حقو اما ***** كام ومعلاباليش واش ...........غير راكي تشكلي باطل

[abdelmalekmhdf]

السلام عليكم
انا صاحبة هاد الموضوع http://www.djelfa.info/vb/showthread.php?t=1334542
المشكلة في الردود انكم دائما تحللو وتحرموا مع كل احترماتي ما تمدوش حل خلاص انا ما سألتكمش حرام وللا حلال لاني انا نحكي معاه بالحجاب و اصلا خواتي علابالهم و بابا علابالو يعني كل ردودكم تحسوني انكم ملائكة نازلين من السماء على العموم شكرا للجميع

يالطبع اختيارى من خلال الردود ان الجميع في هذا المنتدى ملائكة. حتى بت اتساءل اين يوجد يا ترى الاشرار و الظالمون. اختي انا من رايي اذا امكن ان تعرفي ما هي الاشياء التي يحبها في المراة. و نا هي الاشياء التي لا يحبذها حتى تكوني في الصورة . رب يجمع بينكما بخير

[سجل أنا جزائري]

حتى انا تقلقت في بلاصتك جيت راه نرد عليك في الموضوع و مبعد قلت بطلت

انتي تقولي راكي دايرة الفاتحة يعني راه عاقد عليها يعني راه زوجها شرعا

و هما يقولك واحد ما تهدريش معاه و واحد ما تخليش يشوفك !!!!

كون نتبعو هكذا وقيلا الشوفة و تحرموها حتان ليلة الدخلة هكذا يا جات يا راحت

كونو شوي واقعيين في النصائح تعكم أقراو مشكلة تعاها مليح هي راهي صح مخطوبة في عرف الناس مي راهي متزوحة في الشرع !!!

المهم أختي قوليلو في الكاميرا ما نبانش مليح تبدلي الملامح بزاف و ما تقلقيش روحك بزاف احنا رجال هكذا نحبو نسائنا ديما يكون توووب

ربي يهنيكم

[بسمة تحدي]

اخيتي استخيري ربنا
ان كان فيه خير ليك ربي يجمعك بيه والا ربي يعطيك ما خير
لازم يشوفك على حالة الطبيعية بدون مكياج ولا اي حاجة هكذا بش كي تتزوجو متلقايش مشاكل معاه
خليه يزيد يجي لدركم ويشوفك

[بسمة تحدي]

حتى انا تقلقت في بلاصتك جيت راه نرد عليك في الموضوع و مبعد قلت بطلت

انتي تقولي راكي دايرة الفاتحة يعني راه عاقد عليها يعني راه زوجها شرعا

و هما يقولك واحد ما تهدريش معاه و واحد ما تخليش يشوفك !!!!

كون نتبعو هكذا وقيلا الشوفة و تحرموها حتان ليلة الدخلة هكذا يا جات يا راحت

كونو شوي واقعيين في النصائح تعكم أقراو مشكلة تعاها مليح هي راهي صح مخطوبة في عرف الناس مي راهي متزوحة في الشرع !!!

المهم أختي قوليلو في الكاميرا ما نبانش مليح تبدلي الملامح بزاف و ما تقلقيش روحك بزاف احنا رجال هكذا نحبو نسائنا ديما يكون توووب

ربي يهنيكم

كلامك صحيح يا اخي وانا معاك

[achwak crazy girl]

.......................

[سرور]

امالي ماعجبكش لحال كي قالولك راكي غالطة كي راكي تخليه يشوفك في لاكام وكي قلنالك ماراهش زوجك باش تاخذي راحتك معاه كل هاذي جاتك ماشي حلول وقلتي رانا ملائكة منزولين اذن ماذا تريدين .............؟ لالا اختي احنا بشر ونصحناك بما تمليه علينا ضمائرنا فقط وراح نمدلك حل اخر اكيد راح يعجبك وهو قبل ماتفتحي لاكام روحي عند الحفافة اصبغي واجبدي شعرك ديري مكياج محترف وحاولي تلبسي لبس شوية مكشوف باش مايدققش غير في وجهك وماتعجبيهش الفتي انتباه بمفاتنك الاخرى .........اكيد راح ترجعي تبانيله ملاك ومن بعد هو يطلب المزيد وانتي تتنازلين عن المزيد حتى ...................وبعدها ترجعو لنقطة الصفر ويقولك ماعجبتينيش خاطر ماشي متربية .................فيقي مع روحك حاب يشوفك مليح يجي لداركم قدام باباك وخوك ويشوفك حقو اما ***** كام ومعلاباليش واش ...........غير راكي تشكلي باطل
نفس الرد نتي هدا واش حاب لي حبك يحبك كيما نتي مش كل يقولك راكي متبدل كل مرا واش

[الفاتحة]

شوفي أختي انت راكي درتي الفاتحة يعني راه حلال كلامك معاه واحد مايقدر يقول كلمة في هذا الشئ لكن المشكل يا ختي انو الخطبة موش يعني راح ينتهي الأمر إلى الزواج 100/100 بل هي فترة تعارف بين الخطيبين ولهذا لازم ديري حسابك كون ياخذ صورك ويعمل بيهم كشما حاجة إذا غير رأيو فيما بعد ومكملش مراسيم الزواج، ولهذا حاولي بقدر المستطاع ان لا تكلميه في الكام،قوليلو ماخلصناش النت ، وبشوية راح يقتنع هذا من جهة.....أما بالنسبة لكلامه المستمر على أنك تبدلتي عما سبق ، فقوليلو بالفم المليان واش تقصد ، كوني صريحة معاها ،قوليلو راك شوفتيني وجه لوجه إذا معجبتكش علاش خطبتيني وحاولي الخروج معه في اماكن عامة أو يحضر لبيتك أحسن من الكام والمخاطرة بمستقبلك، بيني وبينك يا ختي راني نشم رائحة العدول عن الخطبة من قبل خطيبك ياربي نكون غالطة ويسهلك ويجمعك بيه عاجلا غير آجلا.

[قَاسِمٌ.قَاسِم]

وهل حياتنا إلا الحلال والحرام؟!
إن كنت لا تقبلين النصح فالأولى عدم وضع مواضيع أصلا..
الملائكة في السماء والأرض لها أعملها المنوطة بها وهي معصومة
أما البشر فمن فطرته حبه للخير ينصح إخوانه وربما قد يكون هو نفسه واقع في أخطاء
فلا معصوم غير رسول الله صلى الله عليه وسلم والرسل و الأنبياء قبله
سلام..

[achwak crazy girl]

وهل حياتنا إلا الحلال والحرام؟!

إن كنت لا تقبلين النصح فالأولى عدم وضع مواضيع أصلا..
الملائكة في السماء والأرض لها أعملها المنوطة بها وهي معصومة
أما البشر فمن فطرته حبه للخير ينصح إخوانه وربما قد يكون هو نفسه واقع في أخطاء
فلا معصوم غير رسول الله صلى الله عليه وسلم والرسل و الأنبياء قبله
سلام..


بارك الله فيك وانا تااني كان رايي هكذا كان معجبكش التعليقات متحطيش مواضيعك

[Dor@ Bio]

ههههههه يلا كان ما تعجبيهش من خلال لا كام ديري موعد معاه في داركم و لا في الخارج بويسك رؤاكم مفتحين و بعلم الاباء و خليه يشوفك على الطبيعة مرتين اوة ثلاث عرضوه للغداو ولا للعشاء و ان شاء الله الوالدين يتفهمو بلي طبيعي انو يشوفوك و المرة الجاية كي يعلق قوليله بلي بروبلام ف لاكام مشي فيا لوووووووووووووول طلقي روحك اختي هاد الرجال هكدا مهم ما يفرحوكش و يلا قالك مشي شابة قوليلو الروح تاعي هي الي شابة و هدا اهم شيئ وش فايدة واحدة شابة و العقل صفر لووووووووووووووولل خديها بروح رياضية باش ما يحسش بلي ما عندكش ثقة في ةفسكككك ويقضبها كنقطة ضعف حاولي انك تطبعيها بضحكة بالتوفيق

[ام نسمة]

شوفي أختي انت راكي درتي الفاتحة يعني راه حلال كلامك معاه واحد مايقدر يقول كلمة في هذا الشئ لكن المشكل يا ختي انو الخطبة موش يعني راح ينتهي الأمر إلى الزواج 100/100 بل هي فترة تعارف بين الخطيبين ولهذا لازم ديري حسابك كون ياخذ صورك ويعمل بيهم كشما حاجة إذا غير رأيو فيما بعد ومكملش مراسيم الزواج، ولهذا حاولي بقدر المستطاع ان لا تكلميه في الكام،قوليلو ماخلصناش النت ، وبشوية راح يقتنع هذا من جهة.....أما بالنسبة لكلامه المستمر على أنك تبدلتي عما سبق ، فقوليلو بالفم المليان واش تقصد ، كوني صريحة معاها ،قوليلو راك شوفتيني وجه لوجه إذا معجبتكش علاش خطبتيني وحاولي الخروج معه في اماكن عامة أو يحضر لبيتك أحسن من الكام والمخاطرة بمستقبلك، بيني وبينك يا ختي راني نشم رائحة العدول عن الخطبة من قبل خطيبك ياربي نكون غالطة ويسهلك ويجمعك بيه عاجلا غير آجلا.

مرحبا ..................هذا ما اريدها ان تفهمه بالظبط مادام ماراهاش في دارو مازلت ماراهاش مرتو وماعرفنا منا لذالك الوقت واش راح يتغير ............مانتمناولك غير الخير معاه لكن ..............من الاحسن يجي يشوفك ويقابلك في داركم ماشي في لاكام ..................وعندي سؤال هل اهلك على علم انه يراك عبر الكام ؟............اغلب الظن ان الاجابة لا هم لايعلمون .....................وان قلتي انكي من عائلة متفتحة وهم لا يمانعون اذن روحي سقسي يماك وش تديري في روحك باش تباني زينة في لاكام .........ماكانش كما نصائح الام ولا راني غالطة ياجماعة
وان كانو لايعلمون فمابالك تفعلين شيئ خفية وانتي مقتنعة به انه عادي وطبيعي ................وان كان الامر لاعادي ولا طبيعي فلماذا تفعلينه اذن ...................الحل راه بين يديك

[prettyangel]

ختي خودي الراي لي يبكيك ماشي لي يضحكك

[محمد جديدي التبسي]

سبحان الله .. يجيها للدار ويتعشى ويشوفها وراهم مفتحين يعني زواج وعقد شرعي
والله انا مستحيل نرضاها لأختي ولو يكون داير العقد الشرعي والمدني يجي للدار يشوفها مستحيل وين راكم عايشين؟!!!!!
أختي تزوجت زارنا خطيبها عشر مرات أو أكثر وجامي شافها وما يتجرأش يطلب يشوفها
الله واعلم رانا معقدين ولا عايشين في دنيا أخرى ربي يبصرنا بالحق ويحفظ لنا حياءنا

[hakeem]

يا العرب الفاتحة عادة و ليس عقد شرعي و العقد الشرعي له شروط و هي
1/ الصيغة وهي: الإيجاب من ولي الزوجة، كقوله: زوجتك أو أنكحتك ابنتي، والقبول من الزوج: كقوله: تزوجت أو نكحت.
2/ الزوج: ويشترط فيه الشروط التالية:
- أن يكون ممن يحل للزوجة التزوج به، وذلك بأن لا يكون من المحرمين عليها.
- أن يكون الزوج معيناً، فلو قال الولي: زوجت ابنتي على أحدكم لم يصح الزواج لعدم تعيين الزوج.
- أن يكون الزوج حلالاً، أي ليس محرماً بحج أو عمرة.
3/ الزوجة: ويشترط في الزوجة ليصح نكاحها الشروط الآتية:
- خلوها من موانع النكاح.
- أن تكون الزوجة معينةً.
- أن لا تكون الزوجة محرمة بحج أو عمرة.
4/ الولي: فلا يجوز للمرأة أن تزوج نفسها، سواء كانت صغيرة أم كبيرة، بكراً أم ثيباً، لقوله صلى الله عليه وسلم: "لا تزوج المرأة المرأة، ولا تزوج المرأة نفسها" رواه ابن ماجه.
5/ الشاهدان: والدليل على وجوب وجود الشاهدين في عقد النكاح قوله صلى الله عليه وسلم: "لا نكاح إلا بولي وشاهدي عدل" رواه ابن حبان في صحيحه.
وفيما ذكرنا من أركان عقد النكاح تفاصيل عند الفقهاء، تركنا ذكرها اختصاراً، فمن أراد زيادة علم فليرجع إليها في مظانها. والله أعلم.