أيهما أصعب

[أم وفاتي]

انا بمتابعتي لهذا القسم تشجعت و قررت نبدا الخياطة فتابعت الدروس الموجودة في المنتدى و زدت شاهدت بعض الفيديوهات في اليو توب و فصلت قندورة ليا و بلوزة لبنتي بكل سهولة لكن ما زال ما خيطتهمش لأني ما عنديش ماشينة
فهل الخياطة بالماشينة اصعب من الفصالة لأني كنت نحسب الفصالة هي الصعيبة يا ريت تجاوب:sdf:وني:sdf:

[amiramirna]

سلام
انا نظن كل واحد و درجة الصعوبة بالنسبة ليه

[crystale49]

شوفي اختي عن تجربة لفصالة هي الصعيبة و الله اعلم

[وسام271]

اصعب حاجة هى الفصالة الخياطة تحتاج التعود

[فريولة ابتسام]

اختي الفصالة راهي بالقراية والخياطة راهي مهارة ..........ان شاء الله تجي فصالتك في الصواب او ماتخسريش القماش اتاعك

[sarra5]

pour moi lakhyata hia li s3ibaa

pr moi psk mana3rafch nmechi la machine a coudre

[سمراء الدنيا]

لفصالة هي اصعب الشيء و لخياطة هي الساهلة ......غير خصك تتعودي على الماشينة

[أم وفاتي]

شكرا لكن جميعا انا ما زال ما عنديش ماشينة لكن زوجي وعدني يشريلي واحدة بصح الفصالة كان عندي القماش في الدار و جربت فيه و خرجتلي مليحة مازلت نخيطها يرك

[ام عبودة]

فكرتيني خيتي من بديت نتعلم في الخياطة واش قاتلنا خالتي عيشة يذكرها على خييير
شوفو يا لبنات. اصعب حاجة في الخياطة هي الفصالة واهم حاجة هي القياسات واسهل حاجة الخياطة واروع حاااجة هي لما تكملي العمل تاعك وتفرحي زبونتك او اللى راكي تخيطيلو

[الروح الطيبة.]

في رايي اصعب حاجة هى الفصالة

[أم وفاتي]

فكرتيني خيتي من بديت نتعلم في الخياطة واش قاتلنا خالتي عيشة يذكرها على خييير
شوفو يا لبنات. اصعب حاجة في الخياطة هي الفصالة واهم حاجة هي القياسات واسهل حاجة الخياطة واروع حاااجة هي لما تكملي العمل تاعك وتفرحي زبونتك او اللى راكي تخيطيلو
و الله حكمة شكرا جزييلا طلعتيلي المورال لانه مرت خالي اللي موالفة تخيطلي كي قلتلها راني فصلت قندورة قالت لي الفصالة اي والو الخياطة هي الصعيبة
جاب لي ربي قالت لب هكذا غير باه تحبسني واش رايكم

[تسنيم الجنة سوسن]

الفصالة هي الصعيبة و مادام فصلتيهم خيطيهم بيدك ما خصرتي والو و هكذا تشوفي كيفاش تخرجلك
ربي يوفقك و المشينة راهي تعود كما خبيز المطاوع

[SABOUHA14]

لفصالة هي اصعب الشيء و لخياطة هي الساهلة ..ومتبانش لفصال الا اذا خيطتيه

[فريولة ابتسام]

ماراناش نهدرو على فصالة الجيب تاع لاستيك الي يتفصل كاري ولا فصالة المخدةوالدرا اووس دانا نهدرو على الفصالة الحقانية كي البدرون والفيستا كلاسيك والروب ابانو و..................

[amiramirna]

ماراناش نهدرو على فصالة الجيب تاع لاستيك الي يتفصل كاري ولا فصالة المخدةوالدرا اووس دانا نهدرو على الفصالة الحقانية كي البدرون والفيستا كلاسيك والروب ابانو و..................

نضم صوتي لصوتك و بالنسبة ليا باش نخرج باترون من لبسة واجدة هاذ الشئ صعيب
جربت بالرسام كيما يديرو البنات هنا فالمنتدى و ماعرفتش كيفاه

[larakahla]

يا الخت راكي مليحة كي تعلمتي الفصالة بصح الماشينة كي تجيبيها و تحبي تخيطي بيها تولي ما تحبيش تخطيها قاع

جربي مرة برك و شوفي سهلة و سريعة