مساعدة من فضلكم : ملف كفالة "معنوية" ؟؟؟؟

[yabani]

السلام عليكم ورحمة الله تعالى وبركاته

الأخ يسألكم عن موضوع الكفالة العائلية "المعنوية" هل هي ممكنة أم لا؟؟؟

قالولي دير ملف كفالة باش نقدروا نعاونوك ونجيبولك الإعفاء

بصح المشكل أن الوالد تاعي صح مريض مرض مزمن ولكن مازالوا يخدم كي سقسيتوا قالي دير كفالة عائلية معنوية : بمعنى الوالد تاعك يخدم صح بصح مريض وأنت لي لازم تتكفل بيه ما علابالكش قادر في كل دقيقة كاش ما يصرالو وأنهم يديروهالك عادي فالبلدية بصح فالبلدية قالك لالا نتبعوا الـ dossier لازم الوالد عاجز وما يخدمش


من فضلكم كاش واحد سمع بحكاية الكفالة العائلية المعنوية هادي ؟؟؟؟

[sinopointic4]

ما شي كستيون معنوية حبيبي
قصدو كفالة وفرات
+
إذا كنت نت الأكبر في خاوتك
وتخدم
يمكن تقديم ملف كفالة في مكتب التجنيد إذا كنت مؤدي الفحص في وقتو
أما إذا كنت مدرتيش لافيزيت لازم تصبر حتان تولي عاصي وتروح للمحكمة العسكرية
+
قضية المعريفية دير بالك
بالاك تمدلو دراهم بوريان ديتو ...بيويسك كامل يكذبو ويخرجوك صحرا
كشما خصك رانا هنا
نت أطرح أسئلتك وحنا نجاوبوك

[yabani]

صحيت حبيبي

المعريفة لي قلتلك ماشي تاع دراهم يعني هكذا برك

فيما يخص الكفالة لي قالي ،، قال دير معنوية على خاطر الوالد تاعك يخدم وهو مريض مرض مزمن يعني يقدر بعيد الشر كاش ما يصرالوا à tt moment

فيما يخص حالتي ،، أنا الابن الأكبر إيه وهاد العام برك جبت الديبلوم يعني نقدر ندبر خدمة تاع 3 أشهر هاديك ويديرلي كشف الرواتب

بصح المشكل أن الوالد تاعي يخدم ما نقدرش ندير كفالة هكا لالا ؟؟؟

حبيت برك نزيد حبيبي نقولك باللي هو يهدر ويعاود في كفالة معنوية كي نقولوا بلي الوالد علابالك بيه يخدم وما يحبسش يقولي إيه تصلح كفالة والوالد تاعك يخدم

فهمتني خويا ؟؟ وإن شاء الله كاش واحد يعرفها على خاطر فالبلدية قالك ما نحوسش نفهم أنا أعطيني الـ dossier نمدلك كفالة لا مادية لا معنوية لا عمار بو زوار

[yabani]

خويا sinopointic4 صحيت والأخ amine eco عندي مدة نتبع فالمنتدى بالاك كاش ما سمع بيها هو

[sinopointic4]

شوف خويا نت تصلحلك الكفالة 100%
توكل على ربي وحضر الملف التالي :
http://img4.hostingpics.net/pics/476540039.jpg
+
روح لمكتب التجنيد لقريب ليكم وقدم الملف وبإذن الله تحصل على إعفاء
وبخصوص عملك والديك لايهم مادام أنه مريض مرض مزمن
+
لا تنسى تدعيم ملفك بوثيقة تثبت عجز الوالدين الكريمين

[sinopointic4]

خويا sinopointic4 صحيت والأخ amine eco عندي مدة نتبع فالمنتدى بالاك كاش ما سمع بيها هو


متحيرش راسك بيها
نت راك معول تجيبها باه تخدم والديك " ففيهما فجاهد "
بإذن الله يوفقك ربي
المهم أخلص النية

[DAHO_MATRIX]

السلام عليكم ورحمة الله تعالى وبركاته

الأخ يسألكم عن موضوع الكفالة العائلية "المعنوية" هل هي ممكنة أم لا؟؟؟

دبرت معريفة صغيرة ماشي حاجة كبيرة ،، قالي دير ملف كفالة باش نقدر نعاونك ونجيلك الإعفاء

بصح المشكل أن الوالد تاعي صح مريض مرض مزمن ولكن مازالوا يخدم كي سقسيتوا قالي دير كفالة عائلية معنوية : بمعنى الوالد تاعك يخدم صح بصح مريض وأنت لي لازم تتكفل بيه ما علابالكش قادر في كل دقيقة كاش ما يصرالو وأنهم يديروهالك عادي فالبلدية بصح فالبلدية قالك لالا نتبعوا الـ dossier لازم الوالد عاجز وما يخدمش


من فضلكم كاش واحد سمع بحكاية الكفالة العائلية المعنوية هادي ؟؟؟؟



للأسف اخي إذا ما فوتش الفحص الطبي لن تقبل منك مهما فعلت

أنا الإبن الوحيد للوالدين الأب والام لا يعملان وهم مرضى وكبر في السن

وعندي معريفة ولكن مع كل هاذا لم يقبل ملفي

لأن هناك تعليمة شاملة وهي : من لم يجتز الفحص الطبي في سن 18 يفقد جميع حقوق الإعفاء من الخدمة الوطنية

[sinopointic4]

للأسف اخي إذا ما فوتش الفحص الطبي لن تقبل منك مهما فعلت

أنا الإبن الوحيد للوالدين الأب والام لا يعملان وهم مرضى وكبر في السن

وعندي معريفة ولكن مع كل هاذا لم يقبل ملفي

لأن هناك تعليمة شاملة وهي : من لم يجتز الفحص الطبي في سن 18 يفقد جميع حقوق الإعفاء من الخدمة الوطنية

يمكنه دفع ملفه في كلتى الاحوال
لكن بعد مشقة وذاهبه للمحكمة العسكرية

[DAHO_MATRIX]

يمكنه دفع ملفه في كلتى الاحوال
لكن بعد مشقة وذاهبه للمحكمة العسكرية

نعم معك حق ولكن قد يقبل ملفه وقد لا يقبل

وحسب كلامه أظن انه يريد دفع الملف بدون الذهاب إلى المحكة العسكرية او الثكنة

[sinopointic4]

نعم معك حق ولكن قد يقبل ملفه وقد لا يقبل

وحسب كلامه أظن انه يريد دفع الملف بدون الذهاب إلى المحكة العسكرية او الثكنة

يااخي الكريم
كيما يقول المثل : مشيها مين تسهل
+
لا يمكنه دفع ملف في الثكنة لن يجديه نفعا إلا إذا دفع في مكتب التدجنيد او في المحكمة العسكرية
لانه إذا ذهب للثكنة سيحلق رأسه ويرتدي البدلة
ويفوتها نهار مور نهار....

[yabani]

الله يخليكم خاوتي

ولكن حبيبي أنا في الملف قالولي لازم الكفالة فالبلدية يكون الوالد تاعك ما يخدمش يعني كون يكون يخدم ما يقدروش يديرولك كفالة لالا ؟؟؟

أفدني يا خويا الله يجازيك

[yabani]

+ خويا منين جبت هاد الملف أنا لي عندي ماشي كيما تاعك يعني تاعك ناقص !!!!!

من بعد نصورهولك ونرفعو وتشوفوا

[yabani]

للأسف اخي إذا ما فوتش الفحص الطبي لن تقبل منك مهما فعلت

أنا الإبن الوحيد للوالدين الأب والام لا يعملان وهم مرضى وكبر في السن

وعندي معريفة ولكن مع كل هاذا لم يقبل ملفي

لأن هناك تعليمة شاملة وهي : من لم يجتز الفحص الطبي في سن 18 يفقد جميع حقوق الإعفاء من الخدمة الوطنية

لالا الأخ أنا عملت الفحص الطبي

وعندي سورسي من نهار بديت نقرا حتى لهاد العام كي كملت القراية

[djozef_19]

:
أنا الأكبر و الإبن الوحيد في العائلة
-لقد تحصلت على الكفالة c27
_عندما دهبت لوضع ملف الكفالة ...قالولي لاتستطبع وضعها لأنك ماتقلبتش
_خرج لي الأستدعاء الأول
- و قالو لي أن الحل ;تنتظر سبتمبر 2013 عندما يصلك الأستدعاء الثاني نبعثوك لقسنطينة .المحكمة العسكرية وفي هد]ه الحالة تكون مقبول انشاء الله[

هل هدا صحيح أم لا [
من فضلكم

[yabani]

من فضلكم خاوتي جاوبونا

[sinopointic4]

الله يخليكم خاوتي

ولكن حبيبي أنا في الملف قالولي لازم الكفالة فالبلدية يكون الوالد تاعك ما يخدمش يعني كون يكون يخدم ما يقدروش يديرولك كفالة لالا ؟؟؟

أفدني يا خويا الله يجازيك


ربما يتعذر عليك فعلا ذلك
لكن إشرح لهم الموقف وإن شاء الله يتفهمو أمرك
+
شوف كاشما تلقى معريفة لتماك المهم تخرجها

[sinopointic4]

+ خويا منين جبت هاد الملف أنا لي عندي ماشي كيما تاعك يعني تاعك ناقص !!!!!

من بعد نصورهولك ونرفعو وتشوفوا


هذا هو الملف الجديد الذي يقدم لك في مكتب التجنيد
بالفعل تم عملية إنقاص بعض الاوراق
وهذا لأن الكفالة التي تستخرج من البلدية هي بدورها تتطلب الكثير من الاوراق وتستخرج من المحكمة كفالة اخرى
بموجبها تخرج كفالى البلدية نموذج ح م ب 27


+
الكفالة تختلف من بلدي إلى أخرى
المهم انك تستخرجها والسلام أخي :19:

[sinopointic4]

:
أنا الأكبر و الإبن الوحيد في العائلة
-لقد تحصلت على الكفالة c27
_عندما دهبت لوضع ملف الكفالة ...قالولي لاتستطبع وضعها لأنك ماتقلبتش
_خرج لي الأستدعاء الأول
- و قالو لي أن الحل ;تنتظر سبتمبر 2013 عندما يصلك الأستدعاء الثاني نبعثوك لقسنطينة .المحكمة العسكرية وفي هد]ه الحالة تكون مقبول انشاء الله[

هل هدا صحيح أم لا [
من فضلكم


هذا في حالة ما أنك لم تجتز الفحص الطبي

[sinopointic4]

من فضلكم خاوتي جاوبونا


إعذرني اخي لم انتبه لموضوعك بالامس
;)

[boudi28]

السلام عليكم ورحمة الله تعالى وبركاته

الأخ يسألكم عن موضوع الكفالة العائلية "المعنوية" هل هي ممكنة أم لا؟؟؟

قالولي دير ملف كفالة باش نقدروا نعاونوك ونجيبولك الإعفاء

بصح المشكل أن الوالد تاعي صح مريض مرض مزمن ولكن مازالوا يخدم كي سقسيتوا قالي دير كفالة عائلية معنوية : بمعنى الوالد تاعك يخدم صح بصح مريض وأنت لي لازم تتكفل بيه ما علابالكش قادر في كل دقيقة كاش ما يصرالو وأنهم يديروهالك عادي فالبلدية بصح فالبلدية قالك لالا نتبعوا الـ dossier لازم الوالد عاجز وما يخدمش


من فضلكم كاش واحد سمع بحكاية الكفالة العائلية المعنوية هادي ؟؟؟؟
يا اخي وضعيتك تشبه تماما وضعيتي وانا تحصلت على الاعفاء في افريل الماضي نوصيك لازم تكون متقلب و مريقل روحك معاهم سورسي والا ماكش عاصي
في الطلب الخطي اشرح الوضعية انتاعك بلي ابوك يحتاجك معاه معنويا في الذهاب الى الكبيب خارج الولاية زليس ماديا بالاضافة الى هذا اذا قدرت جيب شهادة طبية من عند طبيب محلف بلي الوالدة انتاعك راهي مريضة حاجة مليحة وتقوي الملف انتاعك واتكل على ربي :19::19:

[DAHO_MATRIX]

ربما يتعذر عليك فعلا ذلك
لكن إشرح لهم الموقف وإن شاء الله يتفهمو أمرك
+
شوف كاشما تلقى معريفة لتماك المهم تخرجها


يا اخي ماهيش ساهلة

هده راها كفالة 27

هو يقدر يخرجها إدا دفع شهادة عدم العمل للوالدين لكن في التحقيق يلقاو بلي باباه خدام يولي في مشكل كبير

[amine eco]

المشكل نتاعك راه في عمل الاب فقط ممكن تشوف معرفة في الدرك الوطني كي يجدو يديرو التجقيقات
...بنسبة للمكونات ملف الكفالة ماشي مشكل في الاسوء الاحوال تسقسي في مكت التجنيد يعطوهلكك
...اظن ملف الكفالة المعنوية ... الشخص لي موصيه ماش راح يدفع ملف ممكن ديه لي كاش واحد قيادة للاثبات انك تستحق الاعفاء... باش يعطوك الاعفاء بما انه قتلي عندو معرفة و الله اغلم

[yabani]

يا اخي وضعيتك تشبه تماما وضعيتي وانا تحصلت على الاعفاء في افريل الماضي نوصيك لازم تكون متقلب و مريقل روحك معاهم سورسي والا ماكش عاصي
في الطلب الخطي اشرح الوضعية انتاعك بلي ابوك يحتاجك معاه معنويا في الذهاب الى الكبيب خارج الولاية زليس ماديا بالاضافة الى هذا اذا قدرت جيب شهادة طبية من عند طبيب محلف بلي الوالدة انتاعك راهي مريضة حاجة مليحة وتقوي الملف انتاعك واتكل على ربي :19::19:


حبيبي boudi28 أعتذر لأني أطلت المدة قبل الرد

ممكن تفيدني من فضلك ؟؟؟

كيفاش عملت بالتحديد وكيفاش قبلولك الملف في البلدية رغم أن الوالد تاعك يعمل

وبارك الله فيك

ما نقدرش نبعث الرسائل الشخصية sinon راني راسلتك على الخاص

[moh_moh89]

هذا غير صحيح انا جوزت الفحص الطبي في سن 18
انا الأكبر في العائلة
تحصلت على الكفالة c27 لكن عندما ذهبت لوضع ملف الكفالة
قالولي لاتستطبع وضعها لأنه
خرج لي الأستدعاء الثــــــــــــــــــــــــاني راهم يتمسخروا بينا
انت قالولك الاستدعاء الاول و انا قالولي الاستداء الثاني
ما تفهم والو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

[yabani]

هذا غير صحيح
انا الأكبر و الإبن الوحيد في العائلة
تحصلت على الكفالة c27
عندما دهبت لوضع ملف الكفالة
قالولي لاتستطبع وضعها لأنك ماتقلبتش
خرج لي الأستدعاء الثــــــــــــــــــــــــاني
راهم يتمسخروا بينا
انت قالولك الاستدعاء الاول انا قالولي الاستداء الثاني
ما تفهم والو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟



هذا الرد ماشي على موضوعي ولكن على رد أحد الأعضاء

ربي يسهل خويا

شوف كي بعثولك الإستدعاء الثاني وعندك ملف الكفالة فيه c27 ما تخافش كي تروح للمحكمة العسكرية وأدي معاك نورمالمو الملف كاملا وتما عند المحاكمة تمدلهم الملف ويعطوك الإعفاء إن شاء الله

وزيد سقسي الجماعة في موضوع واحد آخر أنا راني نسقسي على الكفالة المعنوية هادي

[AMINEE]

يا جماعة انا ابن وحيد في عائلة اسكو نقدر نخرج كفالة معنوية مع العلم انو الاب يعمل