الى كل فحلات المنتدى

[soumaia233]

السلام عليكم ورحمة الله و بركاته راني نطلب منكم مساعدة وان شاء الله ماترجعونيش انا بقالي شهر على عرسي ماعنديش برشا مني حبست القرايا ونزيدكم تخطبت صغيرة وما نعرفش نطيب وانا يتيمة وما عندي شكون يعلمني مالا عولت عليكم مرت بابا ماتخلينيش نطيب ولا نتعلم ممكن تنصحوني كيفاه ندير بليز واش هي الاطباق الي نبدا نتعلمها وجزاكم اللله خيرا

[soumaia233]

وينكم امهاتي واخواتي راني نستنا فيكم

[امة الله جويدة]

ممكن تبداي بالاطباق الرئيسة الشوربة الحريرة طاجين الحلو طاجين المالح وماتنسايش الحلويات
واعتمدي على هاذ المنتدى للطبخ يساعدك بزااااف على الوصفات المهمين ولي تحتاجيهم في دارك

[امة الله جويدة]

وانشاء الله حظ موفق والله يهنيك

[حـــــــــــــــــوِيتَة]

السلام عليكم

ياك ماشي ماتعرفيش كامل شوية تسلكي روحك كاين بنات الي قوللوااااااااا مانحبش نتعلم كاين الخبز يتباع وكاين البطاطا المقلية ساهلة
بصح
نحييك اختي لانك حابة تتعلمي والله يسهلك ويسعدك ويهنيك والعقوبة لكامل لي بقاااو أمين ^_^
****************
عندك الحريرة او الشربة
اطباق الفرن
والسلطات وعلى الاقل تعرفي تاعودي الكسكس يعني تشريه وتكملي انت التحضير

اي وحدة تقدر تعلمك هنا
مانيش محترفة بصح الحمد لله نسلك روحي
حابة نساعدك بصح كيفاه؟
ا

[أم ماجد]

مانكذبش عليك اذا كنت ماتعرفي والو المهمة شوية صعيبة ولازمها تحدي واصرار
ركزي على الاطباق المهمة
شربة كسرة بعض الحلويات سلاطات
اي سؤال نا في الخدمة لكن حاولي حددي لطبق اللي محتجاتو فعلا وماتعرفيهش خلاص

[oum anas 69]

عزيزتي معليش لاتحزني بزاف لي تزوجوو الله حبة بيض مايعرفوش يكسروها و بشوية بشوية تعلموا أنا نقلك ربي يعوضك عند عجوزتك و تكون ناس ملاح و تعلمك و نتي حطي بالك مليح كي تعود تطيب و تبعيها خطوة خطوة و سقسيها على كلش مافيها والو .... يعني واحد مازاد متعلم و أي حاجة تحبي تسقسي عليها نحن في خدمتكي حبيبتي أدخلي هنا برك و أطرحي أسئلتكي و أبداي بوصفات سهلة مثل السلطات و المقبلات و الحلويات ديري بسبوسة أو مسكوتة و حبذا تعملي كراس و تسجلي فيه القواعد الأساسية والوصفات السهلة وخليه ديما جنبك .... سؤال فقط هل بيت شيخك عندهم النت لتسهيل مهمة التعلم ؟؟؟؟؟

[ام شيمو]

السلام عليكم

شوفي حنونتي اولا مبلروك عليك

ثانيا حاولي تتعلمي الاطباق الرئيسية وخاصة المعروفة عندكم

يعني الحريرة

طبق الزيتون

طاجين الحلو

الكسكسي

وكذلك اطباق الفرن

وراه في منتدى دروس رائعة اتعليم الطبخ والحلويات دبري عليها دو تلقايها بسرعة

وكاين كذلك الكتب حاولي تشري كتب تكون ساهلة للطبخ وكذلك اذخلي ليوتوب راه فيه فيديوهات للطبخ رائعة

المهم انك تبعي الطريقة

وربي معاك وربي يسخرلك لحبيبة ومتنسيش تعرضيني هههههههههههههه

[كنوزنبراس]

راني كيفك هاني جيت هنا باه نتعلم انا من لقراية للخدمة وخلاص ربي يجيب الخير

[soumaia233]

ربي يخليكم راني فرحت كي رديتو عليا والله الدمعة في عيني على خاطر حسية عندي اخوات وامهات وانا ناقصة حنان وانتوما عوضتوهولي انا داري وحدي وعجوزتي كبيرة في السن انا نعرف نفور الكسكسي ونطيب الشوربة بصح حابة نتعلم حاجات جدد كيما الغراتان و حوايج اخرى انا ماعلاباليش انتوما ادرى بيها بليييييييييييييييز ساعدوني وربي يحفضلكم امهاتكم

[soumaia233]

يا ام شيمو انتي الاولى وعندك ماجينيش وربي يحفضلك شيمو

[soumaia233]

يا ام ماجد ممكن ديكور السلاطة وربي يحفضلك ماجد

[soumaia233]

ميرسي امة الله جويدة وربي يحفضك اي شيء تقدري ساعديني بيه حتى دعوة الخير على خاطر بابا داعي عليا بالشر على هكا ماشكيتش نربح

[soumaia233]

بنات المنتدى انا عندي فكرة تقدرو تساعدوني بيها وهي انا نجيب دفتر وانتوما تعلموني وانا نكتب

[ladymillion]

أختي كلش مبروك أولا
وأنا متأكدة انك راح تتعلمي كلشيء كاين لحراير بزاف أم رامي أم كوثر أم أنس وأم ماجد كاين بزااااااااااف الحاجة لي تحتاجيها تلقايها واذا حبيتي حاجة معينة تفضلي سقسي
أبداي بالحلويات الاساسية كيما المسكوتة والكروكي والسابلي


المملحات كاين دروس نتاع أم رامي لي في الرابط لتحت وكاين بزاف أطباق لذيذة للأخوات انا نوثق فيهم
http://www.djelfa.info/vb/showthread.php?t=961059

والله قسم الطبخ راهو بحر وربي يساعدك وحاولي طبقي مأكولات لي يعجبوك وحابة تجربيهم