سؤال حول لانام ، الدخول لأهل الأختصاص

[younes1989]

جماعة انا نقرأ في معهد ما وداير سطاج براتيك تاعي في مؤسسسة ماا ، ايا مدام عندي كارطة العسكر
اسكو نقدر ندير لانام في المؤسسة لراني فيها ، مع العلم ماعندي ت ديبلوم حالياااااا ؟
فهموني وش ندير وكي سموه هاد العقد والخ
وقالولي تاني كاين لانام تع بريفي ، تقدر ديرو عند واحد عندو ريجيست 2 كوماغس
وحدين قالولي اخطيك منها يضيع حقك ووحدين قالولي ادفع النار ديرها نورمال
وكي تسولهم علاه ، واحد ميعطيك جواب صحيح ،

مدابيكم تفهموني وتتعمقولي في الشرح ، يعطيكم صحة

["راجية الجنة"]

سلام عليكم

حاب ادير في المؤسسة الي داير عندها ستاج ممكن جدا اخي روح لللانام و سقسيهم
اما نتع الخواص مننصحكش الا اذا كان معريفة بش ما يحرطش عليك اما الي مهوش معريفة راح يشربك لمرار
واسم العقد هو diap
تبعني

اولا اذفع هذا الدوسي
-نسخة من بطاقة تعريف
-شهادة ميلاد
راح يقلولك بلي ارجع للغدوة يمدولك شهادة تسجيل في لانام
من بعد كما تديها قلهم اعطوني الورقة نتع offer يمدوهالك
اديها للمؤسسة نتاعك وشف معاهم يقبلولك ولالا
موفق وربي يكتبلك الي فيها خير و عافية
ومتنسانيش من دعواتك

[kasoft2008]

درك نفهمك

انت الحالة لي راك فيها تقدر تدير تشغيل الشباب الى مازال لم تتحصل على الديبلوم ، سوى في لانام وللا في لاداس ،، المليحة لانام
ثانيا مادابيك تدير لانام عند الدولة خاطرش راهم يجوا قرارات تاع الادماج المهني بصح دير في بالك الى دخلت ودمجوك تدخل رتبة عون صنف 8
الحاجة المليحة لي تخرجك انت تدير لاداس تشغيل الشباب عند المسسة لي راك فيها ، وامبعد مين تدي الدبلوم ، دير فسخ مع لاداس وروح لانام وسجل بالدبلوم نتاعك وانت حر يمكن انك تتبدل اي مءسسة عمومية

البريفي نصيحة لك خلليك منها لإن جهاز الإدماج لا يمسهم

بالتوفيق

[younes1989]

الله يعطكم الصحة