عاونوني ربي يخليكم

[مشكلتي]

السلام عليكم و رحمة الله و بركاته
انا بنت 20 سنة رحت العرس مع خالتي شافني واحد عجبتو خطبني االحمدلله كل شي كان لاباس بيه هو شافني 2 مرات يعني نهار العرس و شافني في خطوبتنا المهم المشكلة انه يحب يحكي معايا في السكـايب حنا قرينا الفاتحة يعني عنده الحق يشوفني لكن كل مرة يقولي ديري الكاميرا و كي نبدا نحكي معاه يقولي تبدلتي مرة يقول ضعفتي مرة وجهك تعبان كل مرة يحسسني مش انا نفس الانسانة لي شافها وعجباتو ما نعجبوش خلاص قالتلي اختي انه ممكن انا ما نبانش مليحة في الكاميرا قالتلي البسي مليح واعدلي روحك ونفس المشكل المهم وليت نتهرب منه ما وليتش نحب نحكي معه واحيانا كي نحكي معه نقولو ما نديرش الكام هو يبقى يصر عليا وكي نديرها يبدا يعلق ما عرفت وكون ما ندريهاش يزعف هو انسان رائع كل شي فيه مليح لكن خايفة نخسروا نقول كون ما نديرش يزعف مني و كون يشوفني في الكاميرا بالاك ما نوليش نعجبوا وللا يبدل رايه واش الحل

[saadi-2008]

عليكم السلام ورحمة الله وبركاته
أنصحك بالإطلاع على الموضوع
حُدُود العًلاقًة بَيْنَ المَخْطُوبِين .. (http://www.djelfa.info/vb/showthread.php?t=1255007)
بالنسبة لإستعمال مكالمات الفيديو
لا انصحك بها فيوجد برامج لتسجيل مكالمات الفيديو
كما لا يمكن ضمان الخصوصية في النات
فقد يتم قرصنة المكالمة
راجعي الموضوع:
تحذير من فيروس يلتقط صورك بكاميرا الكمبيوتر (http://www.djelfa.info/vb/showthread.php?t=1301521)
و
[فضيحة]ملفات خطيرة تكشف مشروع prism أكبر مشروع تجسس امريكي {فيس بوك،جوجل،ابل،ياهو،مايكروسوفت} (http://www.djelfa.info/vb/showthread.php?t=1319843)

[ツღعـصُـ♥ـوِݦۑツღ]

صراحة هدرة بزاف و لاكام كيما راكي تقولي ، متعجبنيش آبدآآآآآآآآآآآآآآآآ

متزيديش تهدري و لا تحليلو لاكام ، وهدرة تكون نادرة
واذا سقساك على سبب قوليلي خويا حذف ***** و بابا مبغاش يخلص نت و ابداي

هدرة بزاف ولاكام تفسد العلاقة
وربي يوفقكم و يجمعكم على الحلال

[nouna l maghbouna]

خليك من لاكام
اذا حاب يشوفك يجي ليك

[بثينة 123]

ماتزيديش تهدري معاه فالكام وخففي شوي من الالتقاء بخطيبك

[achwak crazy girl]

ختي ضك انت تقعدي غير تشوفيه فالكااام ونقولوا بطل ميزوجش بغيد الشر انا نقلك اخطيك

[ام نسمة]

اختي الي خطبك ماشي شرط راح يكون زوجك هاذي دنيا اذن احذري ولا تتصرفي معه كانه زوجك خلي المتعة والاكتشافات لبيت الزوجية احسن ....................

[hadjerbb]

شوفي اختي قوليلو انا في الكاميرا ما نجيش مليحة يخي نهار شافك عجبتيه قوليلو انه كاين ناس تجي مليحة في الصور وو الكاميرا ووحايد اخرين لا ولازم يكون عندك ثقة في نفسك ولكان يحبك راهو يحبك مهما كنتي مليحة ولا لا

[faty05]

أختي إذا رآه حاب يشوفك يجي للدار قدام اهلك
نتي ولفتيه لاكام
ياخاه خليه يتوحشك شويه هكا راح توليله عادي كل مرة يشوفك
و الرجال يتوله بزاف مع التفاصيل
أختي تخلصي من لاكام هذا رأيي الخاص
حاب يشوفك يجيك لدارك و كفى

[zahra zina]

ماتزيديش تكتري معاه الهدرة بزاف خاصة في التلفون
فالهدرة بزاف تفسد العلاقة بين المخطوبين
وتخليه يبدلك و يكره منك

[wafa16]

اخطيك من لاكام انا صحاباتي و الا لافامي كي يسقسوني دايما ما نحبش
نقوللهم ما نيش مركبتها و انا في الحق ما نحبهاش
و نفضل التواصل في الهاتف و الا عبر الكتابة
و ما كان لاه يشوفك بزاف على خاطر يمل منك قبل ما تروحي

[محمد جديدي التبسي]

عشنا وشفنا ويا درى والديك علابالهم ؟؟!!!
هذا خطيب وليس زوج قوليلو أبي وأهلي لا يرضون هذا الشيء
وإذا حاب تشوفني أسرع بامور الزواج .. ربي يهديكم

[achwak crazy girl]

اكيد بالطبع