القدرة تاع الطين للشربة

[نورانيات]

السلام عليكم تحضيرا لرمضان الكريم اشريت اليوم قدرة تاع الطين باش نطيب فيها الشربة زعما قلت بلاك تجيني بنينة ومختلفة بصح حبيت نسقسيكم قبل ما نطيب فيها واش لازم ندرلها أنا نسمع بلي نغلي فيها الحليب باش تنضاف صح والا لا؟ والقدرة هذه تصلح لطياب الشربة برك والا نقدر نطيب فيها مواكل خلاف؟ ربي يخليكم عاونوني:sdf:

[azerty9512]

نعم اختي كيما قلتي
العام الي فات طيبنا فيها الشربة تاعها تجي طعم خاص و لكن احذري راهي تلسق ما تغفليش عليها

[ام مريم اسراء]

بصحتك القدرة ان شاء الله تطيبي فيها شريبة راائعة و بنينة تاكلوها بالصحة والعافية ....صدقتيي قبل متستعمليها غلي فيها الحليب خليه يفيض شوية باش يلحق لسطحها و من بعد طيبي عادي .......وشنو مالازمش تطلقي عليها النار قاوية .... اغسليها بحذر و حطيها تقطر وحدها باش متتكسرش لا سمح الله
بصحتك تشري و تزيدي ... اااا بالنسبة للماكولات الاخرى من الاحسن تطيبي في طنجرة من الصغار انا من 3 اشهر شريت وحدة ب 450 دج نخصصها للحلو
لانو القدرة تطلق بنة الثوم و الكسبر

[نورانيات]

نعم اختي كيما قلتي
العام الي فات طيبنا فيها الشربة تاعها تجي طعم خاص و لكن احذري راهي تلسق ما تغفليش عليها

شكرا على التوضيح ورمضانك كريم مسبقا.

[نورانيات]

بصحتك القدرة ان شاء الله تطيبي فيها شريبة راائعة و بنينة تاكلوها بالصحة والعافية ....صدقتيي قبل متستعمليها غلي فيها الحليب خليه يفيض شوية باش يلحق لسطحها و من بعد طيبي عادي .......وشنو مالازمش تطلقي عليها النار قاوية .... اغسليها بحذر و حطيها تقطر وحدها باش متتكسرش لا سمح الله
بصحتك تشري و تزيدي ... اااا بالنسبة للماكولات الاخرى من الاحسن تطيبي في طنجرة من الصغار انا من 3 اشهر شريت وحدة ب 450 دج نخصصها للحلو
لانو القدرة تطلق بنة الثوم و الكسبر

ربي يخليك أختي على مرورك الطيب ورمضانك كريم مسبقا

[ام الهضاب]

السلام عليكم انا قال لي البائع ضروري تكون على نار هادئة جدا هذا هو سر عدم انكسارها

[مليكة01]

بالصحة عليك القدرة

حافظي عليها أختي
أولا نار خفيفة

ثانيا خلطي بمغارف العود المغارف نتاع الإنوكس هما ليتسببوا في كسرها

ثالثا ما ترفعيهاش من النار بعد ما تطيبي حتى تبرد ما تحوليهاش من مكان لمكان

رابعا و لما توضعيها مثلا على الأرض غير بالشوي ماهيش كيف الإنوكس تستحمل

خامسا لما تغسليها أبعديها عن الأواني لأانها لما تكون نادية يسهل خدشها

سادسا لما نتفكر نزيدلك

تستاهل هذه الرعاية حريرتها تجي عسل

[crystale49]

بالتوفيق ان شاء الله

[ام عبد السميع]

انا تاني شريت وحدة يوم الجمعة وقالي البائع اول شيء حطيها في بسينة تاع الماء لمدة4 او5 ساعات حتى تشرب هذاك الماء ومبعد خليها تنشف باه تغلي فيها لحليب لخاطر فيه مادة دسمة تساعدها باه ماتتكسرش

[نورانيات]

أشكر الجميع على تفاعلهن الايجابي انشاء تاخذ بكل النصائح ورمضانكم كريم]

[غزة في عيوني]

حنونة بصحتك ماعليش تقوليلي شحال شريتيها بليييييييز

[حميدة 84]

أنا ثاني اشتريت واحدة وانشاء الله نعمل بنصائح الأخوات شكرا