المجتمع

[مشكلتي]

السلام عليكم
اريد ان اشارك مشكلتي معكم واطلب ارائكم علها تعيد لي الاطمئنان علي حالي في المجتمع
انا فتاة في 21 من عمري ادرس في الجامعة متحجبة و الحمد لله مشكلتي هي المجتمع الذي لم يرحمني من تعليقاته الساخرة صراحة اتا لا اكترث لها لكن بعض التعليقات تزعجني وهذا فقط الان لون بشرتي اسمر اي خمرية من بعض المواقف التي تعرضت لها هي سماع شتي انواع السخرية من افراد المجتمع حتي من اقاربنا الذين يقولون من سيقبل بفتاة كحلوشة زوجة له سمعت هذه العبارة و انا في ال 10 من عمري ولا تزال لحد الان في ذاكرتي للاني لم اتوقع شخص عاقل يقول كلام جارح مثل هذا الي فتاة صغيرة في السن وحتي اثناء سنوات دراستي لم اسلم من هذه التعليقات و التمييز العنصري بالرغم اتي كنت دائما من الاوائل فهذا كان سبيلي الوحيد لفرض تواجدي في المجتمع والان اصبحت اخاف المجتمع وارفض التواجد في الاماكن العامة لتفادي هذه المواقف مما حرمني من متعة التجول مع عائلتي
انا جد راضية علي نفسي وعلي ما خلقني الله عليه وانا احرص دائما ان ازكي اخلاقي لكني لست راضية علي سخرية المجتمع

[achwak crazy girl]

يخي حااالة يخي خليقة ربي نورمال كحلة ولا بيضة ولا سمرااء والله ميهم ختي الفايدة في الدين والتربية ماشي في اللون البشرة نورمال استغفري

[hadjerbb]

شوفي اختي المجتمع العربي راهو يهدر يهدر والله تكوني ملكة جمال يعلق يعلق انت لازم يكون عند شخصية قوية و بالعكس قداش من سمرا اجممل من وحدة بيضاء شوفي في امريكا و اوروبا يموتو على السمر عندهم السمرا ملكة جمال انت لازم تهتمي بنفسك اصبغي شعرك اعملي ماكياج و الله تخرجي شابة و الانسان ماش غير جمال كاين بزاف حوايج يميزو الانسان كيما اخلاقه ثقافتة دراستة هدو ناس غايرين منك وبالعكس كاين بزاف وحايد سمر تزوجو كل راجل وواش يحب ماتعمريش راسك بالهدرة تاع الناس

[أحلى تفوق]

السلام عليكم ورحمة الله وبركاته
أختي .....الأهم هو أنك راضية عن نفسك وشاكرة لله تعالى
أما بالنسبة لنظرة المجتمع فمن باب التجربة أظن أنه يجب أن تغيري نظرتهم عن البشرة السوداء .تقولين كيف؟ حسنا يجب أن تقتنعي أنتِ بأن البشرة السوداء ليست عيبا بل على العكس هي ميزة تميزك عن غيرك ومن الصعب ايجاد مثيل لك وبالرغم من أنك راضية الا أنه أظن أنك لم تقتنعي بأنها جميلة وبذلك زاد كلام الناس لأنهم في الغالب يتكلمون بما يراه الفرد في نفسه
لي صديقة تدرس معي وهي سمراء البشرة أحيانا يعيبون عليها لكن الناس دائما يحسون بثقتها بنفسها ماجعلهم لايكررون ذلك

معذرة علىى الاطالة وارجو أن أكون قد افدتك

والسلام عليكم

[هيا الجزائر]

شُـوفـي أختـي مُجتمعنآ لمـ يسلمت منـه
لآ الطويل و لا قصيـــر
لا سميــــن و لا نحيــــف
لا بيضـة و لا زرقــة

يطلقوا السمـ من فامهمـ


مثلاً أنا عُمـري26سنة
لكن نبان عُمـري20 سنة
لخطرش نحيفة نوزن42كغ نظراً لسني

تخيلـي كي نخرج يقولولي مالكي تاكلي مـن روحكـ

مُؤخراً أستآذة درستنـي إلتقيتُ بهآ
سلمـ عليـهآ
تخيلـي قآتـلي
مآلكـي قآع مكبرتـيش

ونتـي في ميزكـ إذآ درت حسآب للنآس
منخرج مندخل
ما نعيش حيآتي


الناس مترحمش
شوفي ديريهآ مـع ربـي زينـة
دنيآ ومآفيـها
أمآ البآقـي غيــر خُرطـي

ربـي يصبركـ على كلآمـ النآس

[nouna l maghbouna]

مقلقة روحك pour rien
خليك من هدرة الناس غير تمرضي روحك
عيشي حياتك عادي
المهم صافية مع ربي

الناس هاذي هي خدمتهم


ربي معاك

[wafa16]

ختي هادي ماشي مشكلة
و السمرا واش بيها بالعكس يقولو مسرارة
خليك من تعليقات الناس التافهة
و قضية الزواج انا نقولك الناس ادواق

[naamane3]

اذا كنت راضية بما قسم الله لك فانت اغني الناس
حاولي ان ترضي رب العالمين احسن لك من الناس
وطبقي حكمة السكوت على الاحمق جوابه
والله المستعان

[حبيبة القران]

ختي كلام ناس ديريه موراك وكملي طريقك وزيد الخمرية محبوبة عند بعض الرجال
انا عن نفسي خمرية وكي كنت صغيرة كينروح للبحر نولي كحلة الكلام اللي سمعت حتى وحدة مسمعتهم النيقروة الصحراوية الموسخة مهمني حتى واحد ودرك راني كبرت و الحمد لله لقيت اللي يحبني وقالي اللي يغلط فيك بهدرة نمحيه من الدنيا

[{مـشـاكـسـهـ}~]

لوكان جا الزين ينفع الذيب ماياكل لغزالة

واختي حاولي ان ترضي رب العالمين احسن لك من الناس

[حميد.ص]

كل شخص يسخر منك يمنحك حسنة من حسناته......انت في زيادة......ربي يعطيك الخير

[سلاف26]

كيما يقولو عندنا "الكحلة فحلة في القلب تحلا" يا أختي الزواج قسمة و نصيب هناك شقروات و مازلن بدون زواج و هناك بشعات و رزقهن الله الزواج لا علاقة له بالجمال اطلاقا لا تعيري اي اهتمام لكلام الناس و ثقي برب العالمين

[كوثر 20]

كيما يقولو عندنا "الكحلة فحلة في القلب تحلا" يا أختي الزواج قسمة و نصيب هناك شقروات و مازلن بدون زواج و هناك بشعات و رزقهن الله الزواج لا علاقة له بالجمال اطلاقا لا تعيري اي اهتمام لكلام الناس و ثقي برب العالمين

عندك الصح عجبتني الكحلة فحلة وفي القلب تحلا

[بثينة 123]

يا اختي كلام الناش ما يقدم ولا ياخر ادعي ربي يبعدهم عليك ومايخليهمش يمزوا بينك وبين واحد ابيض والله الموفق والمتعان

[chiraz mimi]

حتى انا خمرية يا اختي و صحابتي يقولولي لازم تبيضي ديري البومادات لكن انا عجبتني روحي و نزيد مقعد في االشمس و نروح للبحر لاش غير نزيد السمرة الديالي
ياك المهم انا عجبتني روحي الباقية ربي يسهل عليهم
اهم شي الثقة في المفس

[zalamite]

و علا ش راكي عايشا معا لي les allemand هما قاع رواجة و انت سمرا في و سطهم باش تحشمي بلون البشرة ديالك ياك الشعب الجزائري اغلبهم سمورا ثم ما العيب في البشرة السمراء انا لا اظن ان هناك مشكل بل العكس السمراوات اجمل في الحسن و السر .ما تعمريش راسك بالهدرة كاين الغيرة لى تنطقو.

[jouri adel]

ما تقلقيش روحك خلاص اللون ماشي قاع مشكل و ياما غناو على لسمر و الناس فارغين شغل عندهم غير الهدرة يفوتو وقتهن اخطيك منهم و عيشي حياتك

[achwak crazy girl]

اكيد شكراااااااااااااااااااا

[Formula1]

فكري بالعكس وأقنعي نفسك بذلك والمخ سيصدق ما يقوله العكس

ارجعي بالذاكرة للماضي ستجدين أن هاته البشرة كانت شيئا مميزا في أحد المرات ولولاها لكان الأمر سيئا وهكذا ستحبين نفسك أكثر

وأيضا باقناعك نفسك أكثر فأكثر وايمانا منك أكثر بأن هذا قضاء الله وقدره سترتاحين

من الصعب ارضاء جميع الناس ولا تهتمي لهم إن اهتممت لهم فأنك لن تتقدمي خطوة إلى الأمام

[Mr.Saddam]

شوفي اختي الكريمة
ننصحك نصيحة اخطيك من العرب الجرب نتاوعنا و متعمريش راسك بالهدرة الفارغة .. المجتمع نتاعنا و سيرتو الجزائري فيه حل الفم برك و في جميع الحلات متسلكيشمن لسانوصوا كنتي شابة صوا لالا و صوا كنتي متحجبة صوا لالا
كاين مثل يقول ارضاء الناس غاية لا تدرك ديري كيما انا و خلي المثل يقول ارضاء الناس غاية لا تلزمني وصدقيني يا اختي مشكلوحدة شعرها صفر و عينيها خضر راها عايشة بالعكس انا نحب وحدة سمرا وعندي معاها 3 سنين و راني ناويها للحلال و مافيهاش عيب لون البشرة فيالاخيرة اللي راح يزوجك راح يديك على العقلية مش على الجمال الا اذا كان واحد طايش و حابس في راسو الجمال جمال الروح وليس المظهر و واش ندير بيها ادا كانت تشبه لنانسي عجرم والعقلية بززز ولا تتفرجلي طيور الجنة

[sarah1424]

يا سمراء يا حلوة كي التمرة
حنا الجزائرين نخممو هكا والله يقراو معايا من مالي النيجر بنين كامرون ارواحي تشوفي سمورا نتاع صح ربي يبارك عندهم ثقو في النفس ميخمموش خلاص هكا
متعمريش راسك بهدرة الناس

[غصن زيتون]

ياختي الكريمة متقلقيش روحك بهدرة الناس وكيما قالت الاخت مجتمعنا لم يسلم منو لا الطويل ولا القصير ........انا لاتتهمني مرأة بيضاء اوخمرية لاكن تهم الاخلاق