شعري

[مشكلتي]

السلام عليكم ورحمة الله وبركاته
بغيت نحكيلكم على معاناتي ماتقولوش بلي هاد الشي تافه بالعكس يقولو شعر المرأة تاجها لكن انا العكس وهذا الي سبب لي عقدة نفسية انا متحجبة برا لكن بالبيت لا وليت نخجل بشعري صراحة ماصلحت ليه حتى حاجة عييت بالكريمات فرد الشعر حتى نسل وطاحلي عييت بالمرطبات والوا لازم كلما ندوش نستشوره والا يولي يخوف طبعه خشن ومتقصف وجاف وووووو وليت نغير مالبنات الي شعرهم حرير وحتى ولو يجيونا ضياف نغطيه ب فولار نخاف يحشمني ملييت مالحالة اللي راني فيها صح خلق ربي ونحمدوه على كل حال بصح شويا دايما نقول شكون راح يديني وانا شعري هكدا شكون غادي تقبل تديني لولدها خاصة العجايزات نتاع اليوم يحوسوا على الزين قولولي واش ندير حرت وقنطت وشينت راه جا الصيف ونحب نتزين فالبيت لكن يبقى شعري ديما معكسهالي اووووف .

[ام نسمة]

مرحبا
ديري التمليس بالكيراتين راه بمليون و400 الف نتيجته تدوم 6 اشهر وهو مثل الحرير .....انا اظن انسب حل هو طبيبة تع جلد هي اللي تعطيك تراتمون يناسب شعرك راكي معقدة روحك وخلاص يلا اخترعي عفسات تزيني بيهم شعرك بيلاما عالجتيه مثلا اغسليه وقبل ماينشف اعملي له جال وبوكليه واجبدي غير لاماش بالسشوار يعني راكي مرا والمرا تعرف كيفاش تزين روحها ولا تقدري حتى تروحي لطبيبة اعشاب راح يكون احسن واحسن لانها تعطيك تركيبات طبيعية تصنعهم هي .................يعني راكي مكبرة القصة باطل في باطل اسهل حاجة هي الشعر فقط تحركي مش تقعدي تندبي في حظك .........عندك النت دوري روحي لقسم العرائس راهم حاطين الاف المواضيع عن الشعر ........والزواج عمرو ماكان مربوط بجمال الشعر الراجل خاصو حكمة المرءة وخاصو خدمة يديها ووووووو ...من غير الشكل والشعر فلا تقيسي نفسك على مقياس جمال الشعر فقط فأنت قبل كل شيئ انسانة عندها كيان وشخصية .......ينقصك تاني تعزيز الثقة بنفسك

[kmilya]

ديري ديفريساج دك يولي حرير

[زرابة]

ديري alovira

[achwak crazy girl]

ديري دفريساااج احسن ليك ولا روووحي عند زين الاتات في الجزائر يقلك واش ديري يمدلك ديبرودوي شابين ومفعووووول 444444444 مجرب

[hadjerbb]

شوفي اختي ديري الكيراتين راهو هايل والله الكل يشكر فيه

[wafa16]

ديري ديفريزاج كيما كل لبنات اللي راكي تهدري عليهم
قليل اللي شعرو شباب من عند ربي امالا لازم تعرفي واش يليق بيه

[بثينة 123]

انا ثاني شعري ماشي شباب بزاف بصح انا كي درت شامبو تع الصغار ومبعد درت بديل الزيت تع بانتين وشعري ولا مليح شوي خر مللي كان الحمد لله

[manel star]

الســـــــــلام أختي : الكيراتين مليح مي مش لازم تكثري منووو خطراه يدير ليفورش و يولي شعرك مايشافش كيديرية مثلاا 5 مراات ورا بعضاهمـــ .حبسي السيشوار درك و عمري شعرك بالزيوتات و ثاني كيما قالت الأخت الشمبوا تاع الأطقال مليح . ومتقلقيش روحك مع الوقت يتعدل

[123boutheina]

السلام عليكم
زيت الخروع + زيت اللوزالحلو+ زيت الزيتون
خلطيهم وادهني كل ليلة مليح ومع الوقت يرطاب بإذن الله

[zalamite]

الناس كامل تشتكي من روحها واحد ما راهو مرتاح في جلدو ..اما شعرك كاين الف طريقة لجعله يبدو جميلا ومقبول هده ليست مشكلة .

[دلال 30]

شوفي اختي,,,, انا ثاني شعري كان كيما شعرك,,,, دك ولا طويل ورطب,,, بصح يستحق شوية صبر,,,, زيت الحية الاصلي+شوية زيت الثوم+زيت الخروع+زيت زيتون, ادهني بيهم شعرك,,, واختاري شامبوا (مكون من الزيوت) مثل fructis,,,, وبعد الشامبوا لازم ادريلو ماسك مليح مثل (elseve)او سانسيلك,,,,, معروف انو الثوم و زيت الثوم يطيييييييل الشعر ,,,, المهم المداومة والصبر,,,,, رايحة تدعيلي بالخير,,,,,

[غصن زيتون]

اختي انا سمعت دهن الشعر بالبترول مليح وانصحك متعقديش نفسك

[farah16]

نصيحتي من نصيحة الأخت ما تعقديش نفسك هذا شعر فقط و لو أبتلاك المولى بشيء أخر ماذا كنتي ستفعلين

[achwak crazy girl]

انا قتلك مكااانش قد زين الاتااات

[rima rmroma]

مرحبا السلام

[ikram-koukou]

diri difrissagr kima l bnat koool

[achwak crazy girl]

اكيد ديفرسااااج مليح ومجرب

[سرور]

روحي عند مصففة الشعر بلاك تلقالك حل لشعرك

[ألاء-]

كيراتين عندو منبعد عوارض ولا لالا

[**د لا ل**]

السلام عليكم

اختي انا انصحك ان تبتعدي عن اي منتج كيميائي

الكيراتين صح يرطب الشعر لكنه في نفس الوقت يضعف بصيلات الشعر ويسبب السرطان لانه يحتوي على مادة مادة سامة تسمى الفورمالين

هي تفرد الشعر لكنها من اخطر المواد الكيميائية الضارة وتسبب تساقط الشعر واتلافه وممكن تتسرب للبشرة وتسسب تسمم واورام

لا انصحك به ابدا

ونفس الشيء لمنتجات الفرد *ديفريساج* تسبب تساقط وتلف للشعر

افضل شيء هي الزيوت الطبيعية وعلى راسها زيت الزيتون فهو يغذي الشعر ويقويه


اعملي حمام زيتي كل اسبوع

دفي شوية تاع زيت الزيتون و زيديلو ملعقة عسل حر وحطيه على شعرك ولفيه بفوطة مبلولة بماء دافئ وخليها لمدة 2سا

واغسليه بشامبو مناسب وبلسم

انا انصحك بمجموعة gliSS والبلسم الخاص بالشعر الجاف ولونه برتقالي والماسك والسيروم المجموعة راح تسااعدك جدا جدا

وشوفي النتيجة