استفسار عاجل لاداس وهران

[" المثابرة المتأملة "]

من فضلكم هل لاداس وهران مازالت مفتوحة و هل يمكن اخذ موافقة من مدير ثانوية في هذه الفترة ام لا على اساس اننا في نهاية السنة الدراسية

[sinopointic4]

اظنك تاخرت قليلا اختاه
+
إستمعي لرأي الزملاء

[zeyyan]

السلام عليكم

على حد علمي فإن مناصب لاداس موجودين

لكن خارج قطاع التربية لأننا مقبلين على العطلة

أما مدير الثانوية فلا يمكن أن تأخد موافقته بعين الاعتبار لأنه لا يملك سلطة التعيين

بل مدير التربية هو من يتكفل بإعطاء الموافقة

يمكنك البحث عن إدارة أخرى قبل فوات الاوان مثلا لدى مفتشية الوظيفة العمومية

بالتوفيق للجميع

[yacine-08]

عاد راكي حية فريال

ناس تدخل في الملايير الكحلة وانت مازالك تحوسي على عقد لاداس ههه

[" المثابرة المتأملة "]

السلام عليكم

على حد علمي فإن مناصب لاداس موجودين

لكن خارج قطاع التربية لأننا مقبلين على العطلة

أما مدير الثانوية فلا يمكن أن تأخد موافقته بعين الاعتبار لأنه لا يملك سلطة التعيين

بل مدير التربية هو من يتكفل بإعطاء الموافقة

يمكنك البحث عن إدارة أخرى قبل فوات الاوان مثلا لدى مفتشية الوظيفة العمومية

بالتوفيق للجميع


شكرا لكن هل باستطاعتك ان تنصحني بادارات اخرى

[zeyyan]

مثلا المديريات الولائية الموجودة في منطقة المقرات أو المنتشرة عبر تراب الولاية

أما قطاع التربية و الصحة فلا أنصحك لديهم كم هائل من هذه الفئة

و قد حددت مفتشية الوظيفة العمومية لأنني على علم بأنهم محتاجون خصوصا بعد نجاح كل العاملين لديهم في مسابقات التوظيف

[yacine-08]

الاخت فريال انصحك باداراة تكوني تعرفي كاش واحد فيها

ادا عندك احد افراد العائلة يكون يخدم في كاش ادارة حتى لو ليست في تلك الادارة التي يعمل فيها يمكن ان يوجهك

الى مكان اخر .

هادي هي قليل بزااااف وين يعيطولك هكدا فقط لكي تعملي في عقود ما قبل التشغيل بدون ان يعرفوك خاصة في هدا الوقت

[" المثابرة المتأملة "]

عاد راكي حية فريال

ناس تدخل في الملايير الكحلة وانت مازالك تحوسي على عقد لاداس ههه
هههههههه عملت لدى الخاص و لكن ما خرجتش عليا و غادي نتوقف من عندهم و ندير لاداس خييييييير من الخواااااص

[فرناس وهران]

توكلي على الله و اسعي ان شاء الله تريحي في الخدمة الاخرى

[" المثابرة المتأملة "]

توكلي على الله و اسعي ان شاء الله تريحي في الخدمة الاخرى

انشاء الله عقود ما قبل التشغيل احسن من العمل لدى الخواص

[loulou02]

من فضلكم هل لاداس وهران مازالت مفتوحة و هل يمكن اخذ موافقة من مدير ثانوية في هذه الفترة ام لا على اساس اننا في نهاية السنة الدراسية
السلام عليكم
شوفي أختي فريال ladas راهي مفتوحة ، بصح لازم تجيبيلهم موافقة تاع البلاصة لي غادي تخدمي فيها ، ربي يسهلك إن شاء الله .

[" المثابرة المتأملة "]

السلام عليكم
شوفي أختي فريال ladas راهي مفتوحة ، بصح لازم تجيبيلهم موافقة تاع البلاصة لي غادي تخدمي فيها ، ربي يسهلك إن شاء الله .


شكرا اختي loulou المشكل انا مترددة في الادارة اللي نختارها بغيت ندير في الثانوية لكن قالولي الموافقة يليق نجيبها من لاكاديمي وليس مدير اي ثانوية كيما كنت نعتقد و راكي عارفة لاكاديمي تاعنا ههههه
في لاداس يعطوني des imprimés باش يوقعهم l'employeur كيما لانيم ام يكفي اخد الموافقة فقط و كم يستغرق الوقت باش يسينولي العقد بعدما نديلهم الموافقة لانني اعمل حاليا لدى الخاص ويجب ان اعلمه باني سوف اتوقف بعد فترة

[loulou02]

السلام عليكم
شوفي فريال أولا لازم تدفعي الملف في ladas ، الملف يحتوي على :
- نسخة مصادق عليها من الديبلوم .
- نسخة مصادق عليها من بطاقة التعريف الوطنية .
- صورتان شمسيتان .
- شهادة الإقامة .
- شهادة فردية للحالة المدنية .
- شهادة الميلاد ( 12 , 13 ) .
كي تدفعي الملف ، يعطوك وصل و يقولولك جيبي موافقة مع هذاك الوصل ، لازم ديري فوتوكوبي تاع الوصل خليها عندك ، منبعد كي تديلهم الموافقة مع الوصل يقولولك إرجعي بعد 10 أيام ، باه يعطوك affectation للمكان لي غادي تخدمي فيه مع أوراق العقد باه يسنيولك فيهم و يقولولك جيبيلنا محضر تنصيب .
بالنسبة للإدارة لي تخدمي فيها شوفي أنت وين راكي باغية تخدمي و تاني شوفي الإختصاص تاعك .

[فرناس وهران]

المدير يعطيك موافقة عادي و من بعد تدي الموافقة تاع المدير الى لاداس يعطوك تعهد بعد اسبوع تديه لاكاديمي عادي مع لاداس يسنيولك على التعهد و تديه بعد اسبوع الى لاداس و بعد اسبوع يجهز العقد تديه المؤسسة التس اخترتها و تسنيي البيفي انستالسيون و ترجعيه لاداس.
المعملية تأخذ في احسن الاوقات من التسجيل الى العمل حوالي 21يوم
حدث هذا معي من 5 سبتمبر الى 29 سبتمبر ببعض التماطل مني

[" المثابرة المتأملة "]

السلام عليكم
شوفي فريال أولا لازم تدفعي الملف في ladas ، الملف يحتوي على :
- نسخة مصادق عليها من الديبلوم .
- نسخة مصادق عليها من بطاقة التعريف الوطنية .
- صورتان شمسيتان .
- شهادة الإقامة .
- شهادة فردية للحالة المدنية .
- شهادة الميلاد ( 12 , 13 ) .
كي تدفعي الملف ، يعطوك وصل و يقولولك جيبي موافقة مع هذاك الوصل ، لازم ديري فوتوكوبي تاع الوصل خليها عندك ، منبعد كي تديلهم الموافقة مع الوصل يقولولك إرجعي بعد 10 أيام ، باه يعطوك affectation للمكان لي غادي تخدمي فيه مع أوراق العقد باه يسنيولك فيهم و يقولولك جيبيلنا محضر تنصيب .
بالنسبة للإدارة لي تخدمي فيها شوفي أنت وين راكي باغية تخدمي و تاني شوفي الإختصاص تاعك .


شكرا اختي loulou بارك الله فيك :19:

[" المثابرة المتأملة "]

المدير يعطيك موافقة عادي و من بعد تدي الموافقة تاع المدير الى لاداس يعطوك تعهد بعد اسبوع تديه لاكاديمي عادي مع لاداس يسنيولك على التعهد و تديه بعد اسبوع الى لاداس و بعد اسبوع يجهز العقد تديه المؤسسة التس اخترتها و تسنيي البيفي انستالسيون و ترجعيه لاداس.
المعملية تأخذ في احسن الاوقات من التسجيل الى العمل حوالي 21يوم
حدث هذا معي من 5 سبتمبر الى 29 سبتمبر ببعض التماطل مني

شكرا فرناس وهران على هذه المجهودات و المساعدات اللي راك تقدمها لينا :19:

[فرناس وهران]

عفوا اختي فقط هي خبرة مرة علي و اردت المشاركة بها