خويا قالي روحي خطبيلي

[كوثر 20]

عيطلي خويا قالي كاش متعرفي واحدا بنت فاميليا تقرا معاك وتكون مدينة ومستورة قولي لماما تروح تشوفها بصح انا منعرف حتى وحدة صح نقرا في الجامعة بصح مرنيش مخلط روحي مع الناس ماعنديش صحاباتي واش ندير
شيماء

[هدى الجيجلية]

السلام عليكم
اختي
كوثر
والله الصراحة
لو جيت انا مكانك
ما راح اشفله
الزوجة
لماذا
بكل صراحة لو اشفله
ومنبعد
أيقولي ما عجبتني
راح تصير مشكلة مع هذه البنت
من الافضل
ورايي الشخصي
خليوه هو يختار بنفسه
حتى ما تصير مشاكل

[sali-sali]

السلام عليكم
قوله نخطبلك من منتدى الجلفة :1::1:



من الاحسن يشوف لروحه..او امك هي لي تشوفله بنت ناس تكون تعرفهم مليح
ان شاء الله تلقاوله بنت الحلال لي تهنيه

[اريج06]

اختي تخافي تخيريلو ومن بعد يقولك معجبتنيش راهم يخيروا ويشوفوهم ويبطلو فالنص خليه هو اللي يخير أحسن .مجرد رأي

[مريم الصابرة]

السلام عليكم كوثر
الف مبروك يا ختي انا نهدلا الصح راهم هنا بنات ماشاء الله نتاع دارو متربيات وخلوقات ومتجلببات شوفي وحدة منهم الأقرب لمنطقتك وعلاه لالا وهكذا حير تشوفيها إنت الأولى وتتفاهمي معاها ومن بعد ساهل علاش دوخي لبنات هنا والله كاين ماشاء الله ربي يوفقك

[كوثر 20]

السلام عليكم كوثر
الف مبروك يا ختي انا نهدلا الصح راهم هنا بنات ماشاء الله نتاع دارو متربيات وخلوقات ومتجلببات شوفي وحدة منهم الأقرب لمنطقتك وعلاه لالا وهكذا حير تشوفيها إنت الأولى وتتفاهمي معاها ومن بعد ساهل علاش دوخي لبنات هنا والله كاين ماشاء الله ربي يوفقك


عندك الصح اختي مي هو راه باغيها من ولايتنا

[كوثر 20]

اختي تخافي تخيريلو ومن بعد يقولك معجبتنيش راهم يخيروا ويشوفوهم ويبطلو فالنص خليه هو اللي يخير أحسن .مجرد رأي

هو راه يقول الزواج التقليدي احسن

[كوثر 20]

السلام عليكم
قوله نخطبلك من منتدى الجلفة :1::1:



من الاحسن يشوف لروحه..او امك هي لي تشوفله بنت ناس تكون تعرفهم مليح
ان شاء الله تلقاوله بنت الحلال لي تهنيه

شكرا لكي اختي

[achwak crazy girl]

ختي انا رايي متخيريلو انت ما والو والله غير تخيريلو وتحصلي خلي يماك هيا ل يتشوفلوا كشما وحدة متدينة وياهية وخلوقة والله غير راهم ضك كيما واحد خلى قريب العرس ب 15 يوم وخلاها تخافي بزاااف ختي تخلطي اومبعد تحصلي مجرد اقتراح

[ahlem_22]

من الأفضل يحوس عليها وحدو و يكون يعرفها خير و ان شاء الله
يلقها

[ayaamira666]

انصحك يا اختي ان تتركيه هو الي يختار شريكة حياته
لانو يصبح فيها لومات و عتاب و ربما ماتعجبوش البنت و انت راح تتحطي في موقف محرج مع البنت
اذا قوليلو اذا يعرف واحدة و تكون عجباتو انك انت تروحي تهدري معاها و تخطبيها لاخوك احسن

[كوثر 20]

انصحك يا اختي ان تتركيه هو الي يختار شريكة حياته
لانو يصبح فيها لومات و عتاب و ربما ماتعجبوش البنت و انت راح تتحطي في موقف محرج مع البنت
اذا قوليلو اذا يعرف واحدة و تكون عجباتو انك انت تروحي تهدري معاها و تخطبيها لاخوك احسن

شكرا اختي بصح هو راه يفضل الزواج التقليدي

[algerian_wallpaper]

أنا راني نشوف الناس كامل ينصحو فيك باه ماتخيريلوش / وكأنها مهمة مستحيلة :cool:
إذا عرفتي أنتي أو صديقة لكي تثقي فيها تعرف بنت فاميليا و متدينة و متخلقة / لما لا ؟؟؟؟
في الأخير القرار يرجع للمعني هو يقبل أو يرفض
تبقى فقط وجهة نظري :19:

[الأمنيات]

شوفي اختي عن تجربه انا خطبت لخويا عادي بصح من قبل تفاهمنا كيما يقولوا اخوانا مصرييين لاول شرط اخره نور
نخطب بصح ماشي كي يكون شجار تقول انا الي جبتها
كي تفاهمنا راني خطبت وراه معاها لحد الان لا دخل لي في مشكلهم كل الود والاحترام
روحي خطبي لخوك وادي الاجر ياسعده من جمع بين زوجين راكي تبني في اسرة او تساعدي في بنائها

[كوثر 20]

أنا راني نشوف الناس كامل ينصحو فيك باه ماتخيريلوش / وكأنها مهمة مستحيلة :cool:
إذا عرفتي أنتي أو صديقة لكي تثقي فيها تعرف بنت فاميليا و متدينة و متخلقة / لما لا ؟؟؟؟
في الأخير القرار يرجع للمعني هو يقبل أو يرفض
تبقى فقط وجهة نظري :19:

شكرا اخي على المرور وعلى وجهة نظرك للموضوع

[كوثر 20]

شوفي اختي عن تجربه انا خطبت لخويا عادي بصح من قبل تفاهمنا كيما يقولوا اخوانا مصرييين لاول شرط اخره نور
نخطب بصح ماشي كي يكون شجار تقول انا الي جبتها
كي تفاهمنا راني خطبت وراه معاها لحد الان لا دخل لي في مشكلهم كل الود والاحترام
روحي خطبي لخوك وادي الاجر ياسعده من جمع بين زوجين راكي تبني في اسرة او تساعدي في بنائها

شكرا على الرد وعندك الصح دوك نزيد نهدر معاه وربي يحفظك اختي لانك كنت سببا في تكوين اسرة :rolleyes:

[صفــاء]

من الاحســــــــن أنم تبتعدى على الموضوع

كلفى أمك أحسن حتى لا تقعى في مشاكل أنت في غنى عنها

ربي يوفقكــــــــم أختى

[كوثر 20]

شكرا على الردود

[achwak crazy girl]

العفو بلا مزية

[yacine-08]

ادا لم تساعديه انت و العائلة

الى من سيلجأ ............؟

لكن بكل رزانة و تفاهم ووضع النقاط على الحروف

انت مهمتك لن تكون الاختيار بل اقتراح عليه وهو سيقرر .

بالتوفيييييييييييييييييييق

[كوثر 20]

شكرا على الردود

[كوثر 20]

شكرررررررررررررررررررررررررا

[hakeem]

إذا بانتلك بنت الفاميليا فلا تتركي أخاك يختار بنفسه و عليك توجيهه و لا تخشي لومة لائم فمن حقه أن يقبل بها و من حقه الرفض كما يحق للبنت القبول او الرفض ....المشكل يا اختي أننا كرجال نتعرض لقوالب شتى من النساء و لذلك نلجأ لاخواتنا ممن لديهن العقل و الحكمة للمساعدة في الإختيار

أما بالنسبة لما يريده الاخ فإعلمي أن معظم الرجال يريدون إمرأة عفيفة أي ما عرفتش حتى راجل من قبلو و بعيدة عن القصص الغرامية و تحشم و الباقي من حب و غرام فهذا يأتي عن طريق العشرة و تخطي العقبات معا

إذا كاين وحدة تضمني فيها حاليا أو مستقبلا فعليك مساعدته خير ما يجيبلكم كاش وحدا من المارشي

[كوثر 20]

إذا بانتلك بنت الفاميليا فلا تتركي أخاك يختار بنفسه و عليك توجيهه و لا تخشي لومة لائم فمن حقه أن يقبل بها و من حقه الرفض كما يحق للبنت القبول او الرفض ....المشكل يا اختي أننا كرجال نتعرض لقوالب شتى من النساء و لذلك نلجأ لاخواتنا ممن لديهن العقل و الحكمة للمساعدة في الإختيار

أما بالنسبة لما يريده الاخ فإعلمي أن معظم الرجال يريدون إمرأة عفيفة أي ما عرفتش حتى راجل من قبلو و بعيدة عن القصص الغرامية و تحشم و الباقي من حب و غرام فهذا يأتي عن طريق العشرة و تخطي العقبات معا

إذا كاين وحدة تضمني فيها حاليا أو مستقبلا فعليك مساعدته خير ما يجيبلكم كاش وحدا من المارشي

يا خويا المشكل ماعنديش صحباتي وفي هاد الوقت المظهر خداع والله غير عاونتني يعطيك الصحة

[سجل أنا جزائري]

ما فهمتش علاه راهم يقولوك أخطيك ما دخليش روحك

اذا نتي مت عاونتيهش شكون اللي يعاونو ؟؟

اذا انتي طفلة و تقراي في الجامعة و جاتك صعيبة باش تشوفيلو وحدة كيفاه تحوسي هو يشوف وحدو ؟؟

هذا راه خوك نورمالمو تفرحي كي قالك شوفيلي نتي بسكو راه داير فيك ثقة

انا قلت مرت خويا و الله ما تهنت مسكينة حتان شافتلي وحدة ملغري كاين اللي شافاتلي و رفضتهم عادي

و ناا ذرك نتحمل مسؤلية تاعي منيش راح نقولها مبعد نتي اللي شفتهالي

هي فتحلي الباب يعطيها الصحة و انا مبعد نكمل الطريق ....

[كوثر 20]

ما فهمتش علاه راهم يقولوك أخطيك ما دخليش روحك

اذا نتي مت عاونتيهش شكون اللي يعاونو ؟؟

اذا انتي طفلة و تقراي في الجامعة و جاتك صعيبة باش تشوفيلو وحدة كيفاه تحوسي هو يشوف وحدو ؟؟

هذا راه خوك نورمالمو تفرحي كي قالك شوفيلي نتي بسكو راه داير فيك ثقة

انا قلت مرت خويا و الله ما تهنت مسكينة حتان شافتلي وحدة ملغري كاين اللي شافاتلي و رفضتهم عادي

و ناا ذرك نتحمل مسؤلية تاعي منيش راح نقولها مبعد نتي اللي شفتهالي

هي فتحلي الباب يعطيها الصحة و انا مبعد نكمل الطريق ....

ربي يكملك بالخير اخي ايه فرحت مي مانعرفش

[Katy Pretty girl]

أولا بغيت نعرف اذا اسمك كوثر او شيماء
ثانيا انتي اعطيه بعض الاحتمالات كاين بزاف البنات في ولايتنا (سعيدة)
انا من سعيدة
متدينات و محترمات و محجبات و بنات ال
و انتي واش من جامعة تقري فيها؟؟؟؟تع النصر؟؟و لا الرياض؟؟؟

[كوثر 20]

أولا بغيت نعرف اذا اسمك كوثر او شيماء
ثانيا انتي اعطيه بعض الاحتمالات كاين بزاف البنات في ولايتنا (سعيدة)
انا من سعيدة
متدينات و محترمات و محجبات و بنات ال
و انتي واش من جامعة تقري فيها؟؟؟؟تع النصر؟؟و لا الرياض؟؟؟

نقرا في النصر نعم اختي كاين بصح منعرفش ومرحبا بكي اختي

[كونان الجزائرية]

قولي لماماك تختار له

[achwak crazy girl]

العفو شوفي لي يخرج عليك

[hakeem]

أخاك كي قال شوفيلي فهذا لا يعني شوفيلو حالا ؟؟؟؟ يعني ديريه في البال و حوسيلو و غذا كتب ربي فسوف تكونين سبب في تأسيس أسرة و الربط بين إثنين و إذا ما كتبش ربي فلك أجر المحاولة

[achwak crazy girl]

:19:أخاك كي قال شوفيلي فهذا لا يعني شوفيلو حالا ؟؟؟؟ يعني ديريه في البال و حوسيلو و غذا كتب ربي فسوف تكونين سبب في تأسيس أسرة و الربط بين إثنين و إذا ما كتبش ربي فلك أجر المحاولة
باارك الله فيك :19:

[سنة4]

يا أختي لوكان جيت انا منك نقولو شوف الطفلة يلي تعجبك انت و حنا نديرو يلي علينا ياختي الزواج راهو صعيب او راهو مسؤولية لقدر الله يصراو مشاكل امباعد يولي عليك و قولك ياخي انتي يلي خيرتيهالي و تولي انتي يلي حاصلة
ربي يرزقو ببنت لحلال يلي تعمرو عينو او دارو

[ما فهمت والو]

السلام عليكم
معظم الاعضاء نصحوك ماتوافقيش انك تشوفيلو وحدة كامل خايفين ما تعجبوش و يولو المشاكل و نساو انو كلشي بالمكتوب و ماكانش اللي خمم انها تعجبو و تكوني جمعتي بين راسين في الحلال و هدا يبين لك علاش فسدت العلاقات درك و طريقة تفكير الناس تاع هاد الزمان ربي يسترنا

[سيرين شوب]

انا من رايي ماتدخليش روحك في الموضوع
لانو مع اول مشكل رايحين يدخلوك انتي بيناتهم
خليه يتحمل مسؤوليته وحده

[Assouma 93]

شكرا اختي بصح هو راه يفضل الزواج التقليدي



بنات الفاميليا راهم بزاف حوسي و ضرك تلقاي ربي يهنيه ان شاء الله:19::19::19::19:

[ام سارة 285]

اسمحيلي اختي على التدخل المتأخر
نصيحتي ليك روحي شوفيلو وحدة متربية و بنت اصل و تقدري حتى انتي توصي اي وحدة من معارفك تشوفلك
انا غلطت نفس الغلطة اخي طلب مني لكن خفت التدخل في اموره الخاصة و راح شاف وحدة اخرى و الان راني ناكل في اصابعي ندما ياريت خيرتلو و ما جابش وحدو ....... حنا النسا نقدرو نشوفو حوايج ما يشوفوهمش الرجال كالاخلاق و الحياء
الرجل تقدر تمثل امامه الفتاة لكن انتي ماتقدرش تمثل عليك
ربي يهنيه و بلاقيه ببنت الحلال

[libanarim]

ربي يرزقنا ويرزقو الزوجة الصالحة
ساعديه في ايجاد بنت الحلال، له الزوجة ولك الأجر

[اميرة07ميرا]

chofi waheda men famll nt3ek w sayé

[FellaD]

يا. ختي. ريحي مع راسك مليح او خمي مليح او اتفكري كاش. وحدة تعرفيها. ناس ملاح او مربية الاهم الأخلاق. ختي الا مكاش الأخلاق مكان والو

من بعد هو له حرية الاختيار القبول. او الرفض. ليست مهمة مستحيلة

من بعد عند ربي عندك اجر. كبير انك جمعتي اثنين في الحلال

ربي يوفقك

[جمونةالمحبوبة]

السلام عليكم بنت بلادي اذا لقيتي وحدة لخوك شوفيلي وحدة لخويا معاك ههههههههه بغيت نزعق معاك برك لو كان عندي صديقة صالحة منترددش باه نوردها لخويا وما شي غير صالحة حتي نشوف عقليتها لتوالم ضروف خويا و عقليته شوفي لبنات لي يقروا القران في المساجد و شوفي مسجد العتيق فيه لبنات بزاف و قري حتى سيمانة معاهم و شوفي كاش وحدة وسقسوا عليها و ربي يوفقكم سلمي على سعيدة راني متوحشتها بزاف قلبي راه محروق عليها و على امي الحبيبة

[كوثر 20]

السلام عليكم بنت بلادي اذا لقيتي وحدة لخوك شوفيلي وحدة لخويا معاك ههههههههه بغيت نزعق معاك برك لو كان عندي صديقة صالحة منترددش باه نوردها لخويا وما شي غير صالحة حتي نشوف عقليتها لتوالم ضروف خويا و عقليته شوفي لبنات لي يقروا القران في المساجد و شوفي مسجد العتيق فيه لبنات بزاف و قري حتى سيمانة معاهم و شوفي كاش وحدة وسقسوا عليها و ربي يوفقكم سلمي على سعيدة راني متوحشتها بزاف قلبي راه محروق عليها و على امي الحبيبة

مرحبا بك اختي كنت نحوس على عروسة دورك نحوس على 2 مكان حتى مشكل

[tinza]

مادام راكي تحوسي لخوك حوسيلي معاك في سبيل الله
ما عنديش شكون يحوسلي و أجرك على الله

[كوثر 20]

مادام راكي تحوسي لخوك حوسيلي معاك في سبيل الله
ما عنديش شكون يحوسلي و أجرك على الله


ان شاء الله اخي نلقالكم بنت الحلال لتسعدكم نقدر نتواصل معاك اخي

[tinza]

بالطبع و شكرا لإهتمامك

[soussou_saida]

salam
ya ya welad w benat beladi kawter et tinza goltelkom rani hena wela nchoufelkom mahabitouche
rabi yessahal lekom inchallah wellah mazal kayen benat helal w famila

[tinza]

عنوان فيسبوكي في توقيعي

[أريج هبة الرحمن]

سلااااااااااااام عليكم اختي نصيحتي ليك مدخليش روحك خليه هو يخير لانو اي مشكل يقع بينهم انتي تلامين عليها عن تجربة صدقيني

[soussou_saida]

tinza be3atelek mesage sur fffff et tu ma pas repondu

[جمونةالمحبوبة]

كوثر20-sousou Saida - tinza الاستاذ الكريم- khadouja ابناء ولايتي راني غير نلم فيكم راكم بزاف الله يبارك اسفة على التطفل

[كوثر 20]

كوثر20-sousou saida - tinza الاستاذ الكريم- khadouja ابناء ولايتي راني غير نلم فيكم راكم بزاف الله يبارك اسفة على التطفل

مرحبا بكي اختي الله يجمع بيناتنا في الخير