دردشة بخصوص نتائج البكالوريا 2013 - تعليقاتكم - ارائكم - توقعاتكم ...

[Mr.Saddam]

السلام عليكم و رحمة الله تعالى و بركاته
بون يا جماعة الخير انا طالب بكالوريا معاكم جوزت الباك و راني نستنى في الكارثة جي
و راني متأكد بلي قع راكم مخنوقين و حابين تفشو غمتكم مالا ارواحو هنا في هادا الموضوع نعلقو على الباك نتع السنا ارائكم بالنسبة ليه بالنسبة للتصحيح و واش راكم متوفعين للنتائج نتع السنا
بالنسبة ليا الباك نتع السنا كان باك و نص و 25 و اللي يجيبو السنا راح يجيبو بحقو بشرط يكون مغشش لانو الاسئلة كانت صعيبة (راني نحكي على العلميين)مي بيناتنا ادا كنت ساهلة ميكونش باك .. و ادا بقينا هاك على كل اسئلة نديرو احتجاج هايديروهنا اختيارات و خلاص يولي السؤال نتع الباك اختر الاجابة الصحيحة
و زيدو تفائلو معدلات القبول راح تنخفض قلك طيار عسكري تولي ب 12 للعلميين على كل حال انا راني حاس ادا جبت الباك راح نجيبو بمعدل من 10.80 حتان 10.00 و ادا مجبتوش راح يكون المعدل من 9.70 لل 9.99 و ان شاء الله خير
و نتوما واش تميزو ؟؟؟

[ThE AssAssin]

وش راح نقولك خويا,وعود الوزارة راحت مهب الرياح,و الأساتذة راهم يقولوا كاين أخطاء في التصحيح النموذجي و سلم التنقيط,و النتائج كارثية,يعني من اللخر النسبة تكون 40-50 في المئة مع استحالة وجود 18.99.
أنا عن نفسي راني متوقع نجيب 10 اذا عاونوني,و اذا ما ديتش لعام لجاي ان شاء الله:1:
اللهم اجعلنا من الناجحين

[hamza.cha6]

السلام عليكم
راهم يقولو بلي المعدلات منخفضة وزيد تنخفض معدلات القبول ان شاء الله .و أنا نتوقع قريب من الجيد و ان شاء الله ننجحوا كامل

[zineb.alg]

لدا الباك هاد العام معنتها معاونوهش وهادي حاجة مليحة

[Hind_dz]

على الاغلب ستكون النسبة صغيرة مقارنة بالسنوات الماضية و بالتالي ستنخفض معدلات القبول و هذا ما نرجوه،، لكن هذا لا يعني عدم وجود معدلات مرتفعة باعتبار أن هناك من استطاع نيل العلامة الكاملة في المواد الاساسية،، و صراحة بكالوريا هذا العام وجدتها غريبة نوعا ما..
في انتظار النتائج،، و ان شاء الله ستكون مفرحة لكل من تعب و أجهد نفسه

[safia2]

rabi yjib lkheir

[michaniq]

vive bac 2013 s3ib mais rabi m3ana

[فوزي الفايز]

الباكالوريا هدا العام ارتفع مستوى الصعوبة قليلا

و ستكون هنالك علامات كاملة ومعدلات ممتازة لكن ليس بنفس عدد السنوات السابقة

نفسي شخصيا اتمنى معدل يكون كافي و اكثر لتتخصصي الدي اريده

وكارثة العلامات حسب ما تتداوله الجرائد شيئ جد ايجابي بالنسبة لي ولكل شخص ينظر الى الصورة الاكبر وليس فقط للنتائج

بالتوفيق للكل ولم يبقى الكثير لظهور النتائج

[isma3ilmoh]

بصح علاه تفرحوا كي تكون النسبة قليلة كي شغل قع ضامنين الباك وتحوسوا عل المدارس
ادعيو للناس قع تجيبو

[awhalda05]

ana mn bac 2014 3la 7sab hadratkm 5aifa albak al3am aljay nta3i yji wa3er kima alsana

mais rabi yfa9akm s7ab bac2013

[ملكة الإحساس 94]

أظن أن نسبة النجاح هذه السنة منخفضة مقارنة مع السنوات الماضية ، وأتمنى أن أحصل على المعدل المرجو الذي يمكنني من دراسة ما أطمح اليه.وأتمنى النجاح لكم جميعا اخواني

[zoubida17]

النسبو ما تفوتش 40 با المئة انا وكان نديه ب10 وما عليهش

[عائشة حسان]

الباااااااااااااااااااااااااااااااااااااااااااك

قرابة الأسبوع يفصلنا عن معرفة مستقبلنا ،، ربي يجيبها في الصواب ويوصل كل واحد منا لحلمه والتخصص اللي متمنيه

+ الباك هذا العام فيها لمسة جديدة، إن شاء الله تكوون خير علينا

وفي الأخير : قل لن يصيبنا الا ما كتب الله لنا

يعني هاذي حاجة كاتبتلنا من يوم اللي ولدنا ، اذا لازم نكونوا أقوياء ومهما كانت النتيجة لازم نرضوا بيها لأنه رضانا يساوي رضى والدينا

وربي ينجحنا كااااااااااااامل

[إدريسس]

انا خليتلها باباها الداب او راني حاس بلي الفلسفة هي الللي راح طيحني علا خاطراش في الموضوع اللي يهدر عن نسبية نتائج العلوم التجريبية درتلهم مقالة بيولوجيا او ريقلت شوية
يا لخاوة تقدرو تقولولي قداه يمدو ابوبري خاصة اللي دار مقالة البيولوجيا

هاذي آخر البكالوريات هلوكنا فيها
الله لا يتربحهم

[Minà Là Mignonne]

ستنخفض معدلات القبول أكيـــــــــــــد...اللهم اجعلنا من الناجحين

[ilham medcine]

والله بصراحة ما عندي حتى تعليق على باك السنة ما بقاش بزاف على النتائج وان شاء الله صح تنخفض معدلات القبول ربي يفرحنا كامل

[nazou.bac]

kayna haja kol wahd yben est ce que howa literaire ou scientifique bache nefahmo psq had l3am 3am adabiyin w allah a3lam

[الوسيلة]

بكآلُوريـآ 2013 ..!
لمْ يكُن منَ الصُّعُــوبَة بكثيـــــر ....ولآ مِن السّهولة بمَـآ يَصِفُــه البَعْض أيْضـآ
هيَ لمَسَـــــآت جديدَة أُضْفيتْ ....ونحْسَبــــهآ خيْرآ و البَـآري أعْلمـ

أَدَبيَـــــــآتُه كَـآنتْ في مُسْتوى الطّـآلب المُتوسّط ....واسْتثْني الفَلْســفة ....وجَدْتُهـآ صعْبة أنَآ ....ومُخْتلــفة تمآمآ عمّـآ سبَق....والسّـآبق نقْصدُ بـــه سؤآلآ مُقدّمآ علَى طَبق منْ ذهب لمنْ هبّ ودبّ ...

عِلْميـآتُه كذلِكـ كـآنت في المُسْتوى نوْعآ مآ ....خآصّة مـآدّة الفيزْيـآء....شَـآءَتِ اللمْسَــــــــة هُنآ أنْ تُسَلّــمَ على مَـآدّة العُلُــوم ....المَضْمون لمْ يتغيّــر ...بلْ كآنَ أبْسط منْ سـآبقيــه وربّي....كُلّ مَـآ في الأمْر نوعيّة الأسْئلــة المَطْروحة ....والتي تعوّدْنآهــــآ منْ البكَـآلوريـآت السّـآبقَة تُجيــبُ عنْ نفْسِهـآ ....ومَـآ على الطّـآلب الآ أنْ يَرْسُـــم الحُروف ..

لآ النّسْبــــة ولآ التّقْديرآتُ ستَخْتلــف عن السّنوآت السّــــآبقة ....ففي كُلّ سنَة مُتميّزون ...

حُلْـــمٌ وُئدْتَ في صِبَــــــــــــــــــــــــــــــآآآكـَ يَـآ بكَـآلُوريـآ 2013 !!

والسّلآمُ خيْرُ خِتَـــــــــــآمـ..

[ThE AssAssin]

ana mn bac 2014 3la 7sab hadratkm 5aifa albak al3am aljay nta3i yji wa3er kima alsana

mais rabi yfa9akm s7ab bac2013


الباك نتع العام هدا راهو تحذير ليكم دونك وجدي روحك b1 للعام لجاي

[ali1994k]

البسملة1
لا داعي للتوقعات فهي مجرد اوهام وقد صدق القائل ما احترق لسان بقوله نار ولا اغتنى فقير بقوله الف دينار

[AL-M7TRF]

خاصني واحد فوت هندسة كهربائية الموضوع الاول !!!!!