كل وحدة عندها معلومة عن حالتي تدخل تطمني الله يجازيكم

[غيداق]

السلام عليكم حباباتي الجلفيات :انا اليوم لقيتكم غير انتوما الي تفيدوني وطمنوني بارك الله فيكن مشكلتي هي انني مريضة سكري النوع الاول واكتشفت انني حامل في الشهر الاول وراني رحت اليوم عند طبيب السكري واعطاني الانسولين وحطلي برنامج نمشي عليه وزيادة على هذا زمرة دمي oسالب يعنى الله يكون في عوني تعيشو خواتاتي الي مرت بظرف كيما نتاعي ولا تعرف وحدة كيما حالتي ونجح الحمل نتاعها تدخل وتطمني الله يهنيكم راني نستنى الردودو

[sali-sali]

السلام عليك
بصراحة لااعرف
ربي يشافيك اختي

[loulou02]

ربي يشافيك و يثبت لي في بطنك و تفرحي بيه إن شاء الله ما يكون غير الخير أختي .

[غيداق]

السلام عليك
بصراحة لااعرف
ربي يشافيك اختي
شكرا حبيبتي على المرور الطيب بارك الله فيك

[ام رزيقة]

ماتتقلقيش اختي بنت عمتي عنها السكري وحملت وراهي عندهابنتها والحمد لله ، ديري ربي في خاطرك وادعيه هو القادر على كل شيء ربي يثبت حملك تفرحي بيه .امين

[غيداق]

ربي يشافيك و يثبت لي في بطنك و تفرحي بيه إن شاء الله ما يكون غير الخير أختي .


شكرا اختي الله يبارك فيك ويهنيك

[*رتاج الكعبة*]

حتى بنت عمي حكمها السكر وهي بالحمل والان زيدت والحمد لله المولود بصحة جيدة..بالشفا عليك

[غيداق]

ماتتقلقيش اختي بنت عمتي عنها السكري وحملت وراهي عندهابنتها والحمد لله ، ديري ربي في خاطرك وادعيه هو القادر على كل شيء ربي يثبت حملك تفرحي بيه .امين
الله يطمنك طمنتيني ربي يجازيك بكل الخير

[غصن زيتون]

ربي يجيبلك الشفاء ان شاء الله اختي الكريمة

[غيداق]

حتى بنت عمي حكمها السكر وهي بالحمل والان زيدت والحمد لله المولود بصحة جيدة..بالشفا عليك
شكرا حبيبتي الله يجازيك بالخير ولكن تعيشي قوليلي اذا كانت تبعت الحمل نتاعها بالانسولين

[leilaz]

السلام عليكم اختي ماتتقلقبش انا ماما عندها السكرى وحملت بتؤام والحمد لله راهم اليوم بولادهم مايكون عندك ان شاء الله

[غيداق]

ربي يجيبلك الشفاء ان شاء الله اختي الكريمة

مشكورة حبيبتي بارك الله فيك

[وفية زاد]

رب يشافيك اختي
و ما تقلقيش كلش بيد رب سبحانه
انا خدمت في المستشفى و شفت بزااف حالات تشبه حالتك و كاين الاصعب
لكن الحمد لله حملو و جابو اولاد

[achwak crazy girl]

متقلقي ختي ما وااااالو انشاء الله ميكون غير الخير وديحا الاعضاء رااهم كفااو وفاااو انشاء الله ربي يجيبلك الشفاء في اقرب وقت وتزيدي انشاء الله كشما كتكوتة شااابة

[aridj05]

السلام عليكم
اختي انا مصابة بالسكري منذ 19 سنة
عندي بنت عمرها 3 سنوات
كان حملي عادي و ولادتي عادية لكن اتبعت نصائح الطبيب
في الشهور 3 الاولى عانيت من الهبوط في نسبة السكري
يحب على زوجك يعسك او عسي روحك
و الباقي عاجي لكن الولادة تكون في الاسبوع 37 من الحمل
لا تنتظري الام الولادة لازم فالمستشفى يديرولك الدواء باه يجيك الالم
ربي يكملك ويرزقك الذرية الصالحة

[الأمنيات]

خلي اتكالك عل الله ادرى بي وبك عسى خير لا تقلقي نفسك هادا يزيدك السكر
ربي يعينك

[فاتن 89]

ربي يشافيك اختي