الحب و الفايسبوك [الأرشيف] - منتديات الجلفة لكل الجزائريين و العرب

مشكلتي

2013-06-20, 11:42

انا فتاة في 15 من عمري انهيت دراستي في المتوسطة و سأنتقل الى الثانوية
المهم اننا اخدنا العطلة و انا لا استمتع بعطلتي
لقد كرهت من الحاسوب و الفايسبوك و اصبحت اعاني من ادمان عليهما
احب ان اقرا القصص لكنني اعود الى الفايسبوك رغم ان كل ما عندي في قائمة الاصدقاء عائلتي فقط كابناء خالي و خالاتي و بناتهن و بعض زميلات الدراسة لا غير
و انا دات اخلاق حميدة و الحمد لله احيانا انهض لاساعد الام لكن اعود الى الفايسبوم و قد اكتشفت اني احب ابن خالي الدي يكبرني فمادا افعل
انا اتحدت معه عبر الفايسبوك و اراه في بيت االعائلة لا اعلم انه يعجبني حاولت و حاولت صليت و دعوت الله ان يبعده عني لكن لم استطع لقد تعلقت به و انا اتابع اخباره عبر الفايسبوك بصراحة انا احبه بجنون لا تقولو لي انه سن المراهقة
رجاءا اريد الحل و لا تجرحوني رجاءا

ام نسمة

2013-06-20, 15:34

ايه واش دخل الفايس بوك في الحب ؟................يابنتي مازلتي صغيرة على الحب التهي بقرايتك والحب يجي وحدو من بعد هدا مجرد اعجاب سيزول عندما تصبيحن في سن الرشد .............ومادام انك متخلقة وماعندكش علاقات مشبوهة على النت والفايس عادي هكدا تجوزي وقتك هي صح لو كان تلقي نشاطات اخرى يكون مليح لكن تاني النت راها مهمة وهاد الصفحة تاع الفايس بالنسبة ليا هي حاجة كبيرة من حياتي اليومية .......انا متزوجة لكن ليس لدي لا صديقات ولا احباب في الواقع بل كلهم في ال س ك ا ي ب او الفايس ......وتربطني معهم علاقة طيبة وراهم ماليين عليا حياتي .......ومع هدا لااعد نفسي مدمنة لاني اقوم بكل واجباتي دون تقصير ...........حظ موفق

حميد.ص

2013-06-20, 15:36

15 سنة ربي يطولك في عمرك.......ستتغير نظرتك للامور في ما بعد.....ربي يعطيك الخير

achwak crazy girl

2013-06-20, 17:21

ختي انت رااكي كيما انا عمري 16 سنة ولكن انا منحبش ابن خالي ولا حتى واااحد ولكن انا مدمنة على الفايس بوك مي قترة وتزول ضك رااني كرهتو وعندي غير اصدقاء برك تاع لقراية هذا ماكان ضك تولي نوووورماال وانت تحبيه لكااان هو شايفك مليحة ومتدينة انشاء الله كي تكبري يجي يخطبك يخي راكي بنت عمتو نورمال انشاء الله يكون مكتوبك

z.abdo

2013-06-20, 17:21

achwak crazy girl

2013-06-20, 17:25

بصرارحة سيأتي يوم وتندمي لأنه ليس بالضرورة ستتزوجيه واعلمي انك مزالك صغيرة عن هذه الافكار

تخيلي في المستقبل تتزوجي من رجل خلوق ومتدين ويحبك وتحبيه لكن راح تبقى عقدة في حياتك لما تلقي

ابن خالك هذا وتحسي انك خنتي زوجك قب لان تعرفيه

كوني قوية واغلقي حسابك الفيسبوك لأنه فيه مشاكل أكثر من منافع

انا نقول اذا ما فيه وااالو علاه تغلقوا تبقى تتواصل معمان تحب بلاك كشما يصرى فيها كون تغلقواا

wafa16

2013-06-20, 17:30

شوفي انتي واش راكي حابة
انتي اللي تلقاي حل لروحك
نورمال نحيه من قائمة الاصدقاء و الا تجنبي الحديث معاه ديريه hors ligne
هدا واش نقدر نقولك راكي صغيرة اتلهاي في قرايتك و المستقبل ديالك و ما تطوليش قدام النت
عيشي في الواقع اختي

sarsoraa

2013-06-20, 18:13

o5ti la3ziza 7awli tansayeh psk yji nhar wtandmi 3andek la tetawer l7kaya ta3ek m3ah wlh tandmi wygolek sa9si lmjareb lakan l7akaya fiha 5ir ki tkbri ra7 ykon maktobek almohim dorka mazelti sghira fokek a9ray matanf3ek ghir 9raytek w5ali 3lik had l7wayej mazal 3lihom l7al wl******** na9si mn ta3alo9 ta3ek bih psk ydhorek aktar mara7 yanaf3ek
wnetmanalek kol 5ir

SKYALGERIA

2013-06-20, 18:35

للأسف هذا ما جناه عنا الفيسبوك و غيره و كله صناعة يهودية لكي يقوم بالهاء المسلمين عن دينهم و يا ليت كنا نستعمل هذه المواقع للأفادة فقط للثرثرة و تضييع الوقت و في أشياء محرمة . الله يهدينا أجمعين .

ام نسمة

2013-06-20, 18:39

سيأتي يوم وتندمي لأنه ليس بالضرورة ستتزوجيه واعلمي انك مزالك صغيرة عن هذه الافكار

تخيلي في المستقبل تتزوجي من رجل خلوق ومتدين ويحبك وتحبيه لكن راح تبقى عقدة في حياتك لما تلقي

ابن خالك هذا وتحسي انك خنتي زوجك قبل ان تعرفيه

كوني قوية واغلقي حسابك الفيسبوك لأنه فيه مشاكل أكثر من منافع

وتحسي انك خنتي زوجك قبل ان تعرفيه .....................؟؟؟؟؟؟؟؟؟؟؟؟؟؟؟؟............. .....الخ من ؟
وتزيد تبقى عقدة في حياتها ....................؟؟؟؟؟؟
خويا راك غير في دزاير ..................

sali-sali

2013-06-20, 19:36

يا بنتي مزالك صغيرة
وواش من حب راكي تحكي عليه
نصيحة مني حاولي ان تتغير و اهتمي بدراستك و دينك افضل لك

kmilya

2013-06-20, 19:44

الواقع احترم مشاعرك جدا وهذا طبيعي في كل قلوب البشر فالحب لا يعرف سنا ولاكن الافضل ان تبقي هذا الامر في قلبك اوكليه لله تعالى وحاولي الابتعاد عنه ولا تتحدثي اليه وان كان من نصيبك صدقيني سيرده الله اليكي

ميمي سمية

2013-06-20, 19:51

سيأتي يوم وتندمي لأنه ليس بالضرورة ستتزوجيه واعلمي انك مزالك صغيرة عن هذه الافكار

تخيلي في المستقبل تتزوجي من رجل خلوق ومتدين ويحبك وتحبيه لكن راح تبقى عقدة في حياتك لما تلقي

ابن خالك هذا وتحسي انك خنتي زوجك قبل ان تعرفيه

كوني قوية واغلقي حسابك الفيسبوك لأنه فيه مشاكل أكثر من منافع

خاناتو؟؟

علاه خويا كشي ماشفتها قالتلو حاجة ولا حكات معاه

مجرد شعور يمر عليها فقط لانها في سن المراهقة

ختي اتهلاي في قرايتك واذا بغيتي تحبي اعرفي حدود ربي وحلي عينك تقعي في المحرمات

وما تخليهش يكون عائق في قرايتك خاصة راكي داخلة الثانوية وراني نقولك بلي الثانوية مشي ساهلة

حااااذري العام الاول يبعد ستشهدين فيه سقووووووووووووووووط

هبة الله 26

2013-06-20, 20:01

السلام عليكم
اختي اولا وقبل كل شيء يجب ان تفهمي امرا الا وهو الذي تعيشينه هو ميل وليس حب ، الحب هوكلمة معناها كبيييييييييير ولا يحس به الا المتزوجين على سنة الله ورسوله
الشعور الذي تحسين به هو مجرد ملا لفراغك انت تعانين من الفراغ القاتل لذا انصحك ان تحرجي والعائلة الكريمة في رحلة لبعض الايام اوالاسابيع لكي تجددي نفسيتك للاسف الكثيير منا لايامن بثقافة تغيير الجو الا انها علاج نفسي للعديد من الاضطرابات والتقلبات الميزاجية

sarah1424

2013-06-20, 20:02

هههههههه ضحكتيني كي قلتي متقولوليش راكي في فترة مراهقة
ان كنت لا تعلم فتلك مصيبة وان كنت تعلم فالمصيبة اعظم
راكي علابالك راكي غالطة يرحم باباك 15 سنة حابة تزوجي ادعي ربي يرزقك الزوج الصالح
راكي معجبة بيه برك والشيطان يزينلك فيه مزلتي صغيرة والطريق قدامك طوييييييييييييييلة ونصيحتي ليك اشغلي نفسك بالطاعة قبل متشغلك بالمعصية املا وقت فراغك ومتخمميش بزاف

محمد جديدي التبسي

2013-06-20, 22:36

اشغلي نفسك بالدراسة وتعلم امور دينك وحفظ القرآن بما أنك في عطلة التحقي بالمسجد هناك دورات تحفيظ
اجعلي لك صديقات طيبات تدرسون معا في المسجد وتتنافسوا على حفظ القرآن ..
حاولي أن تجعلي فترة الصيف منعرج في حياتك وهذا السن مناسب جدا مادام الواحد نافح وعندو نشاط ..ربي يوفقك ..

z.abdo

2013-06-21, 07:15

انا نقول اذا ما فيه وااالو علاه تغلقوا تبقى تتواصل معمان تحب بلاك كشما يصرى فيها كون تغلقواا

لان قلب الإنسان ضعيف مهما يمر الوقت يأتي ذالك الفضول حتى تطل ولو مرة هل هو متصل اولا ؟؟

z.abdo

2013-06-21, 07:24

خاناتو؟؟

علاه خويا كشي ماشفتها قالتلو حاجة ولا حكات معاه

مجرد شعور يمر عليها فقط لانها في سن المراهقة

ختي اتهلاي في قرايتك واذا بغيتي تحبي اعرفي حدود ربي وحلي عينك تقعي في المحرمات

وما تخليهش يكون عائق في قرايتك خاصة راكي داخلة الثانوية وراني نقولك بلي الثانوية مشي ساهلة

حااااذري العام الاول يبعد ستشهدين فيه سقووووووووووووووووط

الإستهانة في مثل هذه أمور يؤدي إلى مصائب

lynoor

2013-06-21, 10:18

بصراحة غير اخطيك اشغلي روحك بحاجة تنفعك ماكنش غير قصص الحب في هاذ الدنيا 15 مازلك صغيرة وما يغروكش لبنات اللي راهم مصاحبات و يجيو يحكولك مغاماراتهم ارجو ان تقبلي النصح من كل واحد مر على موضوعك

dreamer101

2013-06-21, 10:46

15 سنة ربي يطولك في عمرك.......ستتغير نظرتك للامور في ما بعد.....ربي يعطيك الخير
جزاك الله خيرا

la princesse imen

2013-06-21, 11:32

سلام صافا
يا ختي قاع مين كان عندنا 15 كانت تجينا هد الاوهام لكن سرعان ما سترين انها مجرد تفاهات و تولي تضحكي على روحك درك تشوفي انا الشي للي ننصحك بيه هو اختيك مالحب و ركزي في مستقبلك بالرغم رانا فالعطله مي حاولي ديري حاجه تاع فايدة و ما تكثريش مالفيسبوك

manels

2013-06-21, 11:40

السلام عليكم

15 سنة وتقولي لست في سن المراهقة يا بنتي راكي صغيييييييييييييييييرة بزاف اهتمي بدراستك واشعلي وقتك بتعلم شىء يفيدك

سلاف26

2013-06-21, 11:46

طبعا سنقول لك انك في فترة مراهقة و عادي جدا الميل للطرف الآخ لكن ليس من الضروري أن تتبعي مشاعرك و تجعليها تجرفك بعيدا تصرفي عادي مع ابن خالك أو اي فرد من عائلتك و ستنتهي هذه المشاعر مع الوقت لا تكثري التفكير في هذا الموضوع و فكري في دراستك و مستقبلك و ربي يسهلك