ما ذنبي

[مشكلتي]

في هده الايام سرات مشكلة لبنتي كنت نحدد في القش انتاع زوجي...حت هى تقربت وتحرقت ...ةانا كنت مريضة مش قادرة ...المهم هو لما انتبه لبنتي...قاعد يعيط عليا وقاللي تزيدي نشوف كشما صرا لبنتي روحي لدار بيك ...علاه وش درت
هو صح قالي مانحبش نروح لطبيب ...بصح وض نعمل والله راني دايرة البوسبيل انتاعي وراني غير وحدي ...ودايما كي تصرا غير حاجة بسيطة دايما يقوللي هاد الهدرة حسيتو كرهني وغير يعقب فيا ...يصح والله ماحملت الكلام الى راه يقول فيه..وعييت منو ارجو منكم ان تنصحوني ولا لتجريح والله قلبي تعمر ومالقيت لمن نحكي ...جزاكم الله خيرا

[محمد جديدي التبسي]

عليك تحمله ودعاء الله أن يهديه
ما كان عليه أن يجرحك بهذه العبارات
اصبري وحاولي تتقربي منو أكثر
ربما هو كره من الروتين ويعيش حالة من الملل والضجر معك وزيد ضغوطات الحياة
حاولي تغيري هذا الروتين وربي يكون في عونك

[ayaamira666]

سبحان الله
واش بيه هذا
ياخي قبل ما تكون بنتو راهي بنتك انت تاني و ماراحاش تتمنايلها الشر
و علابالنا في لي زاكسيدون تاع دراري صغار يصراو
لا استتطيع ان انصحك و اقول لك تهلاي في بنتك لاني اعلم مهما نصحت فانت امها و قلبك ارأف من اي واحد
لكن ان كنت تعبانة او مريضة تقدري تجيبي واحدة تعاونك او تبعتي بنتك عند امك او احد الاقارب
وربي يهدي الزوج نتاعك

[NADJIB-90]

لا اعتقد اطلاقا ان ماقاله زوجك هدفه اشعارك بالذنب او تهديدا لك ولكن من خوفه علي فلذة كبده مهما كان الحال يجب الاهتمام بالاطفال والحرص علي سلامتهم فان مرضت او عجزت عن ذلك فيمكنك طلب المساعدة من احد اقرباءك حتي تشفي

[حميد.ص]

ليكن في علمك اختي الكريمة ان معظم الرجال ما يتسامحوش مع الزوجة اذا كاش ما وقع لطفل الصغير سقط مثلا او احترق.......لو انا مكانوا كنت ما نطلبش منك تحديدي الملابس و يقوم هو بذلك .....يخليلك الوقت لرعاية الطفلة و لا يحاسبك على الاعمال الاخرى حتى تكبر شوية...............ربي يحفظك يحفظهملك من كل سوء

[نسمة تفاؤل]

الله يهدييييييييييييييييييييييييييه

[yara djoumana]

ربي يهديه و اهنيكم و اوفق بيناتكم
و بيتك و زوجك هوما الي يدومو عليك
وخاصتا عندك تفلة طولي بالك و
الخلافات كاينة في كل بيت

[سارةالتلمسانية]

يااختي هاد الرجل وكان جا يكرهك ميحبش بنتك لانها من صلبك وهو من تعب العمل ومتاعب الحياة ممكن هو كان يتوقع استقبال احسن منك ماشي اضرار لبنته انا اتوقع انك تفرحي لانو حب بنته وهاد دليل على انو يحبك ويحب بنته هاد راجل يستاهل انكي توقفي معاه وتسايريه وربي يكون معاكم

[سلاف26]

كيف لا يحب ذهابك للطبيب؟؟؟سبحان الله إذا كنت مريضة عليك بزيارة الطبيب صحتك هي الصح و الله ما تفعك حاجة إذا راحت صحتك لا هو و لا أولادك لا تلعبي و لا تتهاوني على صحتك عليك بزيارة الطبيب لتعرفي سبب مرضك ممكن مرضك هو الذي يؤثر على أداءك في المنزل و هو من يجعلك مقصرة في واجباتك أنصحكي أختي بزيارة الطبيب في أقرب وقت و ان شاء الله ما يكون غير الخير

[غصن زيتون]

ياختي الكريمة هذا الزوج لايكرهك فربما حبه الكثير لابنته والتي هيا من صلبك والتي لايريد لها اي مكروه هو سبب تعياطو عليك

[Assouma 93]

متقلقيش روحك اختي كل اللي قاله زوجك يظهرلي من خوفه على بنته و ربي معاكم

[hadjerbb]

شوفي اختي حاولي انك تهدري معاه وتفهمي سبب معاملته ليك بهده الطريقة المصارحة بين الزوجين مهمه بزاف بزاف اقعدو معا بعضاكم قعده صراحة وحاولي انك تحكيلو وتفهميه واش راكي تحسي وخليه هو يفهمك وعلاه يعاملك بهده الططريقة بالنسبة للاولاد فهميه انه الاولاد مسوولية مشتركة بينك وبينه يعني هده الطفلة بنتك كيما راهي بنتوو وحتى هو مسوول انه يهتم بيها و قوليلو انك بسبب الخدمه بزاف تاع الدار عييت عليها ما توولهتيش لبنتك كيما تحرقت لانه ما كانش ام تحب تشوف بنتها محروقة هدا الحادث صرا من غير قصد منك وانه لازمم يعاونك ماش يزعف و يحملك المسوولية كاملة

[Dor@ Bio]

عادي اخنتي انو يصراو هاد صوالح و انت طبيعي ما تبغيش على بنتك و تخافي عليها اكتر منو و الراجل عادي جدا انو يزعف و يتنارفا من هاد صوالح ما عندوش طريقة اخرى الجزائرييين كامل هاكا.ما عنهمش طريقة اخري و هو خاف على بنتو .....اللي هية بنتك تاني كاين اباء والله ما يسالو لا علا ولادهم لا على نساهم . اتقربي من زوجك و هدري معاه بشوية مين يهدا لخاطر الهدرة وقت الزعاف ما عندها حتى فايدة تزيد العياط برك حاولي تهتمي بدارك و اولادك و نفسك اولا و قبل كل شيئ هدي هية الحياة الروتينية مع الازواج الجزائرييين نهار حلو و نهار مر ربي يعينك اخي و حمدي ربي و شوفي لصوالح اللي شابين فيييه و ركزي عليهم لخاطر هاد المشاكل الصغار هوما مداخل الشيطان و بيهم يفرق بين الازواج الله لا يبلي و يقدر ربي معاك اخي

[AMINA.Z]

قوليلو هاد الكلام يجرح و فهميه بلي راكي انسان ماش الة

راح تتعبي و تمرضي و واجب عليه يعاونك ماش يتبع الاخطاء تاعك

ثقافة الحياة الزوجية و تربية الابناء شبه منعدمة عند الجزائريين

الله يهدينا

[الفاتحة]

عندو الحق اتهلاي في بنتك وفي دارك وفي زوجك ، ربي يوفقكم

[أنور الزناتي]

لازم في الأول نتفق على أن الحوادث في الدار كلها مقدّرة من عند الله و الشي اللي
جي من عند ربي مرحبا بيه... بالنسبة لمشكلتك ما رانيش نشوف فيها كبيرة... فقط
ربما كون تعرفي كيفاه تكسبي زوجك و تجعليه يتعامل معاك بطريقة فيها أكثر حب
و احترام... حاولي تتودّيلو أكثر و تتقربي منو في كل وقت... و حاولي تعرفي بالضبط
الشي اللي يحبو و اللي يكرهو باه تعملي بيه أو تتفادايه... أما بالنسبة للطفلة فمثل ما
تقاست معاك كان ممكن تتقاس معاه هو. على هاذي ما لازمش تديري منها قصة و
تتأثري بكلامو. و زيد فوق هذا راكي أمها و ما كانش من يتصور باللي كاين أم في
الدنيا و لو حيوان ترضى لوليدها الهلاك... و لا راني غالط؟
حاولي تقعدي معاه و تقنعيه بالشوية باه يبدّل رايو بالنسبة للطبيب و اذا ما حبش
اتصلي
بأهلك أو أهله يهدرو معاه و يلزموه باه يدّيك للطبيب... ثم أمر آخر حاولي أنك دائما
ما تنشغليش على لولاد الصغار عندما تكوني مشغولة على خاطر يقدرو يديرو أي
حاجة من وراك.

أرجو أني قد أفدتك و لو بالقليل.

[kawtar koukou]

اصبري يا اختي الفاضلة واتخدي له الف عذر لكن زوري الطبيب في اقرب فرصة حتى وان رفض لان صحتك اولى...