خطوبتي اصبحت كابوسا لي

[مشكلتي]

السلام عليكم ورحمة الله وبركاته


انا فتاة ابلغ من العمر 20 سنة من صغري لا احبذ فكرة الزواج مبكرا لكن لا اعرف كيف وصل بي المطاف ان خطبت في 19 سنة من عمري

المهم مخطوبة منذ عااااااااااااااااااااام هذا العام لي كملتو خلاص قريت في الجامعة تخصص حبيتو من اول وهلة وسجيت فيه وبجدارة والحمد لله

ياااااااااارب لكن هذا التخصص اذا قريتلو 3 سنين يعني تخرج وفقط كأنني لم افعل شيئ يتطلب بل يستلزم باش نزيد نقرا ماستر

بحكم نحن عائلة من البسطاء ومنقرش نكلف ابي باش يديرلي كلشي لانو في الاصل ميقدرش لانو مش انا البنت الوحيدة ل يعندو الله يبارك

وبحكم ان اقصى امنياتي نقرا ونوصل لمستوى جيد ونتوظف بيه ومن بعد نكون عائلة

وبحكم ان امنية الغالية التي حملتني وهنا على وهن ان ادرس واتوظف

وبحكم انو الزمان لي رانا فيه غدار ان صح القول ناسو غدارين ينقلبو بلخف يتبدلو بلخف لازم نخدم وندير على روحي


قلت للسيد هذا لي هااااادر عليا راني حابة نقرا 3 سنين و2 عامين تع الماستر ومن بعد نخدم عام


قالي ااااااه خلطيتها عليا لالا انا صعيبة عليا هاكا نقارعلك 5 سنين لا منجمش


قوليلي وش ندير رايو عليا ربي يحفظكم ارجووووووووووكم

[نورسين.داية]

السلام عليكم

لكن الزواج و طموحاتك ....اليس فيه إمكانية أن يتحققا بشكل متوازي ؟

[rymdu25]

أتفاهمي معاه من الأول يخليك تكملي قرايتك وتخدمي و نتيا في دارو يعني قادر تكملي ماستر و أنتي في دار راجلك بزاف لي دارو هكا وشوفي نتي و واش يخرج عليك, أنا من مشجعات المرأة العاملة

[z.abdo]

هو اصتدم لأنه لم يكن يعرف من الأول 3+2=5 سنوات بزززززاف عليه

[مباركة 1961]

سلام.......
3+2تساوى 5 اطفال
اذا كان الخطيب معدنه صحيح فلا تستبدليه .........انه كنز خيير لك من الماستر.....اللى ممكن يجيب عمل او لا...

[amelabdou]

السلام عليكم يا عزيزتي ما ألفتني إلى موضوعك كأنك تحكي قصتي يوجد إختلاف بسيط هو أن خطيبي وافق في البداية و بعد العقد المدني أنكر الموضوع و طالب بمكوثي بالبيت منزيدش عليك همي نقولك حاجة هذا عل الأقل كان صريح و واضح متخافيش منو و توكلي على ربي و ربي ينورك لطريق الصح.

[houhou92]

اختي الكريمة ادا كان الشخص جاد علاه تمنعيه والزواج انفعلك من وجهة نظري

[lynoor]

لاز م تناقشي معاه فكرة الدراسة و العمل وتتفاهمو بالعقل وتتوصلو الى حل
بالتوفيق

[hadjerbb]

شوفي اقعد معاه وحاولي انك تفهميه وتقنعيه غير بالشوية و قوليلو مش مشكل انا نتزوجو و ندرس في نفس الوقت وفهميه انه المرة في هدا الزمان لازم تخدم لانه الوقت هدا صعيب وانك حاتعاونيه في المستقبل و تعاوني ولادك تاني

[lynoor]

المشكل في بعض الرجال انهم غير مستعدين للحوار

[سنابل الامل]

يا اختي بما انو انتي باغية ترضي الطرفين تزوجي و كملي قرايتك و ما غاديش تكون صعيبة عليك
انا نعرف واحدة هاد الهام كملت قراياتها و هي ام لبنوتة عندها عامين
و ربي يوفقك ان شاء الله

[عبد الله 22]

كملي قريتك و خدمي وخليه هو يروح في حالوا 5 عمر بش يبقى ومابعد
احتمال تزيره، خليه شوف من جهة أخرى وربي يفتح عليك ، لان رغبتك واضحة

[˙·● بَــدْرَآلَدِّيــــنّ ●·˙]

السلام امــا بعــد ... اختــي هــو تلقـــايــه حـــاب يزوج يكــمل نصــف الديــن و كذلــك يريـــد تأسيـــس عـــائلــة و ز وجــة تؤازره ... و تــوقف معـاه عليهــا جاتو حــاجة كبيــرة يستنـــى 5 سنيـــن ... اختــي بمقدرتــك الزواج و الدراســة ... كــاين نـــاس بزاف لي راهــوم دايريـــن هكذااا .... هذه نصيــحتــي الزواج و تحقيــق طموحــك ...

[wafa16]

انتي ما تسلميش في قرايتك حب يستنى يستنى ما حبش ربي يسهل
على الاقل ليسانس مع انها في هاد الوقت عادت والو باك+3
و اخطيك من اكدوبة تقراي و تتزوجي لانها ما تخرجش على كل الناس الزواج راه مسؤولية و تفرغ شبه تام
للزوج و بالاك اولاد قليل اللي توفق و حتى الدراسة ادا راكي حابة التفوق و النبوغ ما يجيش بالساهل لازملو تركيز و تفرغ
امالا ما تخلطيش روحك كل حاجة في وقتها
و بعد 5 سنوات ماراكيش رايحة تعجزي كلها 25 سنة و هدا هو السن المناسب لبناء اسرة

[amina260]

السلام عليكم ورحمة الله وبركاته
اختي الكريمة انا رأي من رأي الاخت وفاء عجبتني هدرتها بزاف وجاتني مايلة للمنطق والواقع لي رانا نعيشوه
لكن احذري لازم أي خطوة ديرها او بالاحرى اي فكرة تدوريها في مخك تكوني مقتنعة منها باش من بعد متندميش لانو الندم الصعيب يحرمك لذة الاثنتين معا
انا نوصيك على الاقتناع اي كان ما قررتي او اخترتي اقتنعي به من كل النواحي
ربي يسهل حنونة

[AMINA.Z]

من كلامو تاع ما يقدرش يسنى خمس سنين نفهم من درك راح يرفض فكرة الدراسة و الزواج معا

الغلطة كانت في الاول كي قبلت تتزوجي و انتي مدايرة مخططات لحياتك من قبل

المهم اهدري معاه و شوفي رايو و زيدي شوفي راي باباك و خاوتك هوما يعرفو الرجال خير

و علابالهم اذا راح يقدر يكون تاع ثقة و ما يخوفش

ربي يسهلك

[FellaD]

ختي. ما مستحيل ما كابوس ما والاو

نتي بشطارتك تقدري تحليه هو وحد عاونك
انا تقرى معايا وحدة راهي حامل. او كملت او خلاها

نتي متقوليلوش اسناني خمس سنين خاطرش بزاف ( ستة سنين )
اتفاهمي معاه بشطارة او الكلمة لحلوة. يخليك تكملي قرايتك عندو

او الا حبيتي حاجة تقدريلها او الله يقدرك ان شاء الله

[محمد جديدي التبسي]

عليك تغيير تفكيرك الزواج اولى من الدراسة للفتاة فما بالك العمل
واش عجبك في الخدمة راك تشوفي في العاملات يشفو لحجر نهار كامل طالعين هابطين مضايقات تعب ارهاق
اجواء العمل لا تسر في بلادنا اربحي راحتك زوجك سيوفر لك كل ما تحتاجينه المهم أن تكوني له كما يريد الله وستكون السعادة من نصيبك
انزعي عنك هاته الأفكار لا تغتري بكثرة العاملات وحالة النساء في مجتمعنا
أود تنبيهك لا نقول غدر الزمان فهذا يدل على اعتراض على قدر الله وهذا لا يجوز كما تعلمين.. ربي يبصرك بالحق ..

[kaderkader1541]

عليك تغيير تفكيرك الزواج اولى من الدراسة للفتاة فما بالك العمل
واش عجبك في الخدمة راك تشوفي في العاملات يشفو لحجر نهار كامل طالعين هابطين مضايقات تعب ارهاق
اجواء العمل لا تسر في بلادنا اربحي راحتك زوجك سيوفر لك كل ما تحتاجينه المهم أن تكوني له كما يريد الله وستكون السعادة من نصيبك
انزعي عنك هاته الأفكار لا تغتري بكثرة العاملات وحالة النساء في مجتمعنا
أود تنبيهك لا نقول غدر الزمان فهذا يدل على اعتراض على قدر الله وهذا لا يجوز كما تعلمين.. ربي يبصرك بالحق ..
رد أكثر من راائع
و هذا لسان حالي يقول

[حمزه أبو مريم]

كملي قريتك و خدمي وخليه هو يروح في حالوا 5 عمر بش يبقى ومابعد
احتمال تزيره، خليه شوف من جهة أخرى وربي يفتح عليك ، لان رغبتك واضحة

عجبت لك
انتي ما تسلميش في قرايتك حب يستنى يستنى ما حبش ربي يسهل
على الاقل ليسانس مع انها في هاد الوقت عادت والو باك+3
و اخطيك من اكدوبة تقراي و تتزوجي لانها ما تخرجش على كل الناس الزواج راه مسؤولية و تفرغ شبه تام
للزوج و بالاك اولاد قليل اللي توفق و حتى الدراسة ادا راكي حابة التفوق و النبوغ ما يجيش بالساهل لازملو تركيز و تفرغ
امالا ما تخلطيش روحك كل حاجة في وقتها
و بعد 5 سنوات ماراكيش رايحة تعجزي كلها 25 سنة و هدا هو السن المناسب لبناء اسرة

السلام عليكم ورحمة الله وبركاته
اختي الكريمة انا رأي من رأي الاخت وفاء عجبتني هدرتها بزاف وجاتني مايلة للمنطق والواقع لي رانا نعيشوه
لكن احذري لازم أي خطوة ديرها او بالاحرى اي فكرة تدوريها في مخك تكوني مقتنعة منها باش من بعد متندميش لانو الندم الصعيب يحرمك لذة الاثنتين معا
انا نوصيك على الاقتناع اي كان ما قررتي او اخترتي اقتنعي به من كل النواحي
ربي يسهل حنونة

بهذا التفكير حال المرأة في تحسن مستمر واصلن على هذا المنوال






والعاقبة للمتقين

[بسمتي]

السلام عليكم اختي انا من رايي الشخصي لو ان هذا الانسان ذو خلق و دين فافديه بالثلث سنوات و الماستر و الدكتوراه اصلا واش من قراية بقات ف بلادنا ا زيدي الرجل هو المسؤول و هدا ادا حالتو المادية ميسورة لاه ليك الخدمة و الاختلاط و التعب و و و و انا مانشوف ان عمل المرأة غير ادا اضطرت اضطرت حقا
بالاخير ريحي انتي و نفسك بلا ماواحد يعكر لك تفكيرك و خممي مليح لانه دوما القرار اللي تاخديه بالاخير لحالك و بقناعتك ماتندميش عليه و هو اللي يتماشى معاك موفقة

[sarsoraa]

اختي الكريمة انا اوافق الاختان امينة و وفاء من الصعب ان توفقي بين الدراسة و الزواج اتفاهمي معاه بالسياسة لاكان قبل يصبر عليك تكملي قرايتك هاذاك هو يولي سنك جد مناسب للزواج ولاكان ماقبلش بها ونعمة يجي غيرو و اللي خير منو والله في وقتنا هذا البنات ما تفيدهم غير قرايتهم
نتمنى انك تقراي ردي هذا
وونقلك ربي يسعدك ويكتبلك اللي فيه الخير