مشكلتي مع ابن خالتي

[مشكلتي]

السلام عليكم
انا اليوم حبيت نفتح قلبيونحكيلكم مشكلة ماشيو معايا عندي 7 سنين انا صراحة حبيت ابن خالتي لكن يشهد علي ربي انو حب عفيف والله هو ما يدري عن الامر حبيتو ولكن بعد مدة حاولت اني ننساه وحاولت نشغل روحي باشياء ممكن تنسيني فيه لكن كل الاشياء كانت تذكرني بيه وكنت نتعلق بيه اكثر فاكثر ولا احد يدري غيري انا وابنة خالي ومرة قالي رهو حاب يخطب وحدة وقالي بلي حابني انا نروح نقوللها ما نكذبش انا هذاك الوقت تحطمت الدمعة دفنت في عيني لكن تمالكت نفسي رحت قلتلها كنت ندعي باه ما تقبلش لكن هي قبلت ولكن الحمد لله امو يعني خالتي قاتلو ما نقبلهاش ومن بعد قالي خلاص والله راني حايرة ما قدرتش ننساه قلت ننساه بالقرآن وهو شاريلي قرآن وقالي ما تقري غير فيه كل ما نجبدو نتفكرو نحاول نطالع الكتب نتفكرو بسكو حنا نتنافسو باه نطالعو اكبر عدد ممكن من الكتب نقول ننساه بالقراية نتفكرو كي يعود يشرحلي في الدروس والله يا اخوتي ما لقيت حتى حل ارجو المساعدة شكرا مسبقا

[assia81]

السلام عليكم ورحمة الله وبركاته
انا مانشوفش ابن خالي او ابن عمي غير من العيد العيد وانت تديري كل هذا معاه ربي يهديك ويصبرك

[ام نسمة]

...........................................بكل بساطة صارحيه مادام انك متقر بة منو لهاد الدرجة ......................................

[رحمة من المولى]

شوفي وحدة تقولو عليك بطريقة غير مباشرة

[sali-sali]

بما انو بنت خالتك علابالها
خليها تقوله احسن
بالاك ان شاء الله تكوني ليه

[YouCefo_dz]

تخاف حب من طرف و احد

[النجمة القطبية]

السلام عليكم
انا اليوم حبيت نفتح قلبيونحكيلكم مشكلة ماشيو معايا عندي 7 سنين انا صراحة حبيت ابن خالتي لكن يشهد علي ربي انو حب عفيف والله هو ما يدري عن الامر حبيتو ولكن بعد مدة حاولت اني ننساه وحاولت نشغل روحي باشياء ممكن تنسيني فيه لكن كل الاشياء كانت تذكرني بيه وكنت نتعلق بيه اكثر فاكثر ولا احد يدري غيري انا وابنة خالي ومرة قالي رهو حاب يخطب وحدة وقالي بلي حابني انا نروح نقوللها ما نكذبش انا هذاك الوقت تحطمت الدمعة دفنت في عيني لكن تمالكت نفسي رحت قلتلها كنت ندعي باه ما تقبلش لكن هي قبلت ولكن الحمد لله امو يعني خالتي قاتلو ما نقبلهاش ومن بعد قالي خلاص والله راني حايرة ما قدرتش ننساه قلت ننساه بالقرآن وهو شاريلي قرآن وقالي ما تقري غير فيه كل ما نجبدو نتفكرو نحاول نطالع الكتب نتفكرو بسكو حنا نتنافسو باه نطالعو اكبر عدد ممكن من الكتب نقول ننساه بالقراية نتفكرو كي يعود يشرحلي في الدروس والله يا اخوتي ما لقيت حتى حل ارجو المساعدة شكرا مسبقا

شوفى اختى لم اكن لاجيب عن مشكلتك لولا الجملة التى لونتها بالوردى
يعنى انتبهى ربى يحفظك بالاك الامر يبدو لك عادى لكن اراه خطير
تجبدى القران تتفكريه :confused::confused:
شوفى لن اقول لك لماذا تحبيه او امور من تلك القبيل هذه قصة اخرى واتمنى من كل قلبى ان يوفقك الله لما فيه صلاحك
لكن كتاب الله لما تحمليه بين يديك لا تفكرى باحد مهما كان
انصحك بان تتصدقى بذلك الكتاب للمسجد واشرى اخر بدراهمك احسن
وحاولى ان تركزى فى صلاواتك واثناء قراءة القران
واسفة ان كنت خرجت عن الموضوع

[translatorEn]

و انا هيك رايي كمان

[translatorEn]

الله يعينك و ييسرلك امرك

[حميد.ص]

بعض المشاكل يحلها الزمن

[نور الاسلام الجزائري]

choufi ngolék ya okhti hada lihssass rabi houa li darhoulna bésah hna lazém néthakmou fih wma lazéméch ywasélna lélhram rabi yahféthna kamél dork manakédrouch nloumouk lianou fat lfout bésah choufi lazém laaaaa bént khalék hathi wéla ay wahda wéla wahéd ywassélou lfikra w yéktarhék 3lih wya3réf rayou lianou kadér rabi sobhanou yssahélék m3ah witha kan raféth lfikra hatha rayéh ysa3dék yasér béh ténssih lianou khlass fi hathi lhala ma yabkach 3andék amal

[Assouma 93]

لازم تخبري احد قريباتك اللي توثقي فيها و هي تتولى الامر و ربي يجمع بينكم في الحلال ان شاء الله

[naamane3]

شوفي وحدة تقولو عليك بطريقة غير مباشرة
كلام صائب
بارك الله فيك
نعم النصيحة

[موجة هآدئة]

الله يجمع بيناتكم ويلاقيكم ببعض بصح انا رايي ما تصارحيهش بنفسك خليها على ربي وصاي وكثري من الاستغفار

[RAZANE23]

قوليهالو بصراحة و ارتاحي................ ما تدريش بالك هو مكتوبك و انتي ما علابالكش

[razika zouzou]

حبيبتي صلي صلاة الاستخارة

اذا شفتي انو مكتوبك

صارحيه

بصح اذا مالقيتيهش مكتوبك بعدي عليه
و اصبري حتى تنسايه

اكيد راه تنسايه

ربي يعينك حنونتي و وافينا بجديدك

[hadjerbb]

اعترفيلو بحبك هكدا باش ما تتعدبيش وتقولي وعلاش ما قولتلوش , قوليلو وصارحيه بلاك حتى هو يحبك ولكان لا يا اختي الحياة لا تقف عند شخص واحد راهي واسعة وتقدري تلقاي الانسان الي تتفاهمي معاه في أي وقت اصبر برك وحاولي انك تنساي و تكووني قوية الشخصية الف واحد يتمناك انشاء الله يكون حتى هو يحبك

[ام عبد السلام]

في رايي
باش يتهنا الفرطاس من حك الراس
ديري واسطة بيناتكم
تكون موثوق منها
باش تجيبلك الجواب الصح
كبنت خالتك اللي هي ختو
:1::1::1:
ادا كان حابك خير و بركة
ادا ماكانش تهنيتي
و هنا تقدري تبداي تخمي تنسايه

[بثينة 123]

السلام عليكم ورحمة الله تعالى وبركاته
انا ننصحك تقولي لبنت خالك تصارحو وتقولو عليك وتفهمو مليح بلاك يسمع منها ولازم تصلي صلاة الاستخارة وتكثري من الاستغفار وقراءة القران وان شاء الله ربي يوفقك ويهديك الى الطريق الصحيح

[achwak crazy girl]

ختي اناااا نقلك صارحيه سيرتو كي عاااد قريب بلاااك هو مااهوش دايرك في بالو كون تصااااارحيه يولي يحبك

[نسمة تفاؤل]

انا من رايي انك تقولي لابنة خالتك اللي هي اختو تقولو واذا كانت ماشي مخالطاتو وتحشم باه تقولو قولي لكاش واحدة مخالطاتو تقولو بانك معجبة باخلاقه وترغبين في ان تكملي نصف دينك معه واذا تجاوب وجاء خطبك اللهم بارك اذا قالها لالا تقربي اكثر من ربي سبحانو اقراي القرءان في مصحف اشريه انت وبتدبر واكثري من الذكر والدعاء تنسايه عاااااااااااااااااااااااااااادي و لازمك كذلك تحاولي تجبدي روحك ماتتمدايش معاه في الهدرة ووو وانما السلام وخلاص ربي يجمع بيناتكم ان شاء الله وخبرينا بجديدك ربي يوفقك

[صارة سعاد]

أنا أنصحك لا تصارحيه بمشاعرك و اتركيها على الله سبحانه و ادعيه بنية صافية فالله لا يخيب عبدا دعاه بقلب صادق و تجيك حلوة كيتجي من عندو و انشاء الله ربي يجمع بيناتكم امين و ديري فيبالك ربي قادر على كل شيء و أنا أختي صراتلها هاكدا و دوك ربي جمع بيناتهم و الحمد لله ولكن كل هدا بالصبر و الدعاء

[AMINA.Z]

خليها على ربي اذا مكتوبك يجيك

تخافي تصارحيه و لا تبعتي وحدا تمشمش تتبهدلي و الله فضيحة

مكالاه

[اللؤلؤة المرجانية]

قوليلووووا انك تحبيه وايا كانت النتائج مراكيش خاسرة كلش تقدروا نتحكموا فيها الا مشاعرنا .ادا وجدت انه يبادلك نفس الشعور فهو نصيبك وان لم يكن فلن تخسري شيىء لكن بشرط ان يكون متفهم ولا يتغير تعامله معك