دراستي في مفترق الطرق.

[مشكلتي]

السلام عليكم اخوتي......انا فتاة في 20 من العمر منذ صغري و انا متفوقة في دراستي ...لكن اتناء اجتيازي للبكالوريا مرضت مرضا اتر على تركيزي مم جعلني اتحصل على معدل لا يمكنني من دخول الاختصاص الذي اريده وتحقيق حلمي بان اصبح طبيبة.....لم استسلم سجلت في الجامعة ودرست بها واعدت الباك للمرة التانية لكن هذه المرة رغم اجتهادي وقعت تمارين من دروس لم ندرسها العام الماضي ......و الان انا احس انني لن اتحصل على المعدل المطلوب...........بقيت ايام تفصلني عن النتائج.......وانا افكر ياعادة الباك للمرة التالتة لاني لن افرط في حلمي لكن من جهة اخرى اصبح الخطاب يتقدمون لخطبتي و انا لااريد الزواج في هذه السن ما رايكم هلاكمل مشواري الجامعي واعادة الباك ......ام ارضى بتخصصي واتزوج ادعولي ربي يجازيكم .

[Assouma 93]

اتزوجي معليش حنونة و شرطك يكون زوجك متفهم و يقبل باش تقراي بعد الزواج و حققي حلمك هذا من حقك ربي يوفقك ان شاء الله

[سرور]

معليش حقي حلمك من بعد فكر في زواج

[حميد.ص]

ان شاء الله تزوجي بطبيب و يساعدك باش تكملي قرايتك

[achwak crazy girl]

اكيد حلمك في الدرجة الاولى ومبعد الزواااج ساااهل ماشي راح يهرب

[wahidservice]

في رأيي لوتقدم لك رجل صالح وطيب اقبلي به واطلبي منه ان يساعدك في الدراسة ....... صدقيني اذا أحبك سيفعل المستحيل لإرضائك

[محمد جديدي التبسي]

لا دراسة لا والو الزواج أولى أخطيك من الاحلام والخزعبلات ..

[doba]

ربي يهنيك أختي

[سارةالتلمسانية]

ربي يوفقك وانتي ديري الحاجة لتساعدك

[سلاف26]

و عسى أن تحبوا شيئا و هو شر لكم حاولي تحقيق حلمك و إن لم يتحقق لأي سبب كان لا تحزني و فكري في النجاح في أمر آخر
بالنسبة للزواج هذا إختيارك أنت و حياتك أنت لا نستطيع ان ننصحك به فكل منا عنده تفكير غير الاخر هناك من ترى أن الزواج أهم لها و هناك من ترى أن الدراسة هي أهم شيئ عندها بالحياة عليك تحديد ماذا تريدين أن تحققي في حياتك و ما هو الأمر الذي سيجعلك مرتاحة و راضية و سعيدة الزواج أو الدراسة فكري جيدا و لا تنسي صلاة الاستخارة و ربي يجيبلك الخير

[هيا الجزائر]

كُل وآحـد و تفكيـــره

حآولـي قدر الإمكآن أن تكُوني رآضيـة فيمآ ستفعليــــنه


إختآري الأقرب إلى قلبـك
حتـى لآ تندميــن يوماً علـى إختيآركـ

ربـي يوفقكـ أختـي

[kmilya]

هههههههههه نصيحة من عندي مكانش قد قرايتك ومتلقايها غير هي

[hajour]

أنا أحضر للدكتوراه أختي و ندمت على الأيام التي لم أدرس فيها و نتي ورايك و الحمد لله.

[a_s_m_a]

صحيح لك حلم لكن لا احبذ ان يكون على حساب عمرك اختي هو النجاح في الحياة لا يقاس بدراسة الطب خاصة انو الطب الان صار لا بد من اكمال تخصص ففكري بالسنوات التي تتنتضرك مع العلم اني ادرس جراحة اسنان و لطالما حلمت بالاختصاص فيها لكن 5 سنوات اخرى vraiment ياسر هناك العديد من الامور الاخرى اللتي تتنتظرني في حياتي , اتمنى ان فكرتي وصلت اختي واخير الاستخارة ما خاب من استخار

[hadjerbb]

شوفي اختي موضوع الزواج يعتمد على الشخص الي طالب يدك يعني ادا كان الشخص مليح وعاجبك بزاف وفيه كل المواصفات تقدري تفبلي وتعاودي الباك لانك على الاقل لازملك عام باش تتزوجي و ادا كان الاشخاص الي جاو يخطبوك ما يعجبوكش نصحك انك تعاودي الباك و تحقي حلمك وراكي ما زلتي صغيرة المهم في كلتا الخالتين ننصحك تعاودي الباك وتحقي حلمك باش ما تندميش في المستقبل لانه ما كنش احسن انه الانسان يحقق احلامه

[Mary-josie idir]

zewwwwwwwwwwwwwwwwwwwwwwwwwwwwwwwwwage

[sarah1424]

لا انصحك باعادة البكالوريا
تغيير الوزير وتغيير النضام وراكي فاهمة
كملي قرايتك تفوقي في تخصصك ونزيدك الطب صعيييييبة بزااااااااااااااف متبقايش تضيعي في عمرك كملي قرايتك الجامعية واجتهدي فيها
ونعرف صديقات هذه رابع باك وكل عام يحبو تحسين من اجل تخصص طبي وراكي شفتي بعينك باك 2013 اصعب باك من 2008
ربي يوفقك

[nouna l maghbouna]

اتزوجي معليش حنونة و شرطك يكون زوجك متفهم و يقبل باش تقراي بعد الزواج و حققي حلمك هذا من حقك ربي يوفقك ان شاء الله

كيما قاتلك الاخت
ربي معاك

[الرڨيڨ]

في رأيي لوتقدم لك رجل صالح وطيب اقبلي به واطلبي منه ان يساعدك في الدراسة ....... صدقيني اذا أحبك سيفعل المستحيل لإرضائك

بارك الله فيك صحيح يا اخي

[السيدة كرمين]

أنتي ماذا تريدين؟

[dina.]

شوفي اختي تقدري تقولي تقريبا انا راني في حالة كيما نتي لخاطر كنت حابة طب بصح بعد هذا الباك متاكدة مش راح نقدر نديرو والعام الجاي راح نعاودو ومام انا راهم يخطبو بصح الصراحة حابة نكمل قرايتي ومبعد
نصيحة مني اذا كان هذا يلي خطبك ولد حلال ويعني لاباس عليه اقبلي و تفاهمي نتي وهو واهدريلو بلي حابة تقراي وتكملي طموحاتك
وعادي جدا قادرة تتزوجي وتكملي قرايتك كل شي بالتفاهم والتنظيم
واكيد في الاخر هاذي مجرد نصائح ونتي يلي عارفة ظروفك والاحسن ليك

[Dor@ Bio]

شوفي اختي بغيت نبينلك حاجة برك بلاك ما نتبهتيلهاش بلي الباك اللول ما جبتيش مليح بسبب المرض و العام الثاني درتي مجهوداتك و حطولكم تمارين عمرك و يلا درستيهم يعني بلي هاد صوالح جاو فوق ارادتكط مشي تقصير منك و الباك راه يزيد يصعاب عام على عام و انا صحاباتي من 2010 كاين اللي مازالو يعودو فيه و ماداوش المعدل اللي باغيينو نصيحة مني ما تبقايش ضيعي في حياتك مع الباك و ديري في بالك بلي راكي فالجزائر كل التخصصات كيفكيف انا تاني كنت باغية نعاوده و لكن ممبعدة رضيت بالشي اللي كتبهولي ربي و درت تخصص البيولوجيا مع انه المعدا تاعي كان 14/97 هادا مكتوب و انت درتي اللي عليك و راه عندك 20 سنة و دراسة الطب 10 سنوات تقريبا تتخرجي مولات 30 سنة تصيبي حياتك ضاعت و مسثحيل تزوجي و تقراي الطب لخاطر زواج صعيب و دراسة الطب صعيبة و تبغي تتفغرغيلها بالنسبة للزواج ادا جاءك من ترضين دينه و خلقه ربي يسهلك ان شاء الله المهم تكملي دراستك و تكوني واثقة فيه بالي ماغاديش يبطلك و لا يسبب عليك ممبعدة

[زينب07]

حنونة الزواج مش راح يهرب كي تعودي بمهنتك لخطاب يضالو يجيك كملي قرايتمك هيا كلشي نصيحة والله متندمي الارجل مكش علابالك يصلحو ربي لا لا كي تعودي بخدمة مليحة راكي الراجل تشريه ربي يجيب لفيه الخير