مشكلة تحرجني

[مشكلتي]

السلام عليكم

مشكلتي هي شواربي

شواربي كبار فوق الحد

كون تشوف فيا اول

حاجة تبان هي شواربي

و هذا هو المشكل نتاعي


لقيت مضايقات كبيرة من عند

الناس .. تخيلو في نهار كي نخرج نقرا

نسمعها من على الاقل 6 و لا 7 مرات

شواربك شواربك شواربك



و كل مرة كيفاه نسمعها
مرة بضحكة ومرة


باحتقار و ....... و..... كيما رام تشوفوا
في الوانها مختلفة



والله تعقدت منكذبش عليكم


والله كرهت حياتي و شكلي تماما

انا كن مسمعتش الهدرة الجارحة
والله معالابالي

بصح الناس مترحمش و
زيد حتى في ليكول

يعايروني نورمال
شواربك شواربك

ياما نزلت مواضيع
باه الناس تعاوني

مي يقولولي اقتنعي بمظهرك

ايه انا مقتنعة بيه بصح الناس
والله متخليك و تبهدلك

و تحشمك

وكاين لي قالي حرام

علاه الاحول كي يسقم عيينه حلال
و انا كي نقص في شواربي حراااااام


ياك في زوج فينا عيب و في
زوج نحسو بسخرية الناس


ــــــــــــــــــــــــــــــــــــــــــــــــــ ـــــــــــــــــــــــــــــــ

نزلت الموضوع باه تعاونوني
في البحث على كاش عشبة
تذوب الشحم على خاطكر
كي بحثت لقيت انها شحمة زائدة

ارجوكم عاونوني بلاك
تلقاو ولي يعرف اللغة الاجليزية يبحث

بيها على خاطرالربية مشكيتش لي تقلو


المهم لا داعي للكلام الجارح الله يحفظكم

يكفيني كلام

و سلامي لكم


و نشكر كل واحد قرا الموضوع حتى للاخر


اذا رديت ربي يحفظك

و اذا مرديتش ثان ربي يحفظك

[ام نسمة]

انا اظن احسن حل هو انك تزوري طبيب مختص هو اكيد راح ينصحك با انسب حل يوالم الحالة اتاعك ربي يكون في عونك ان شاء الله وفي النهاية حبيت نقولك ومن منا خالي من العيوب حتى وان لم تكن خلقية تكون اخلاقية

[كوثر 20]

ياختي حنا صح الناس نعيبو في المظهر مي المظهر خداع قادرا تكون واحدا شابة والاخلاق والو و الحمد لله على كل شيء ربي يكون معاك

[نور اليقين جيداء]

ربي يوفقك و تلقاي الحل ان شاء الله و كل واح فينا و عيبوو

[nouna l maghbouna]

اختي ماتعمريش راسك بالناس
اللي مافيهاش عيب يخلقوه سيف

المهم انتي شوفي طبيب و اذا عندك الامكانيات ديري عملية تجميل

ربي معاك ماتتوسوسي ما والو عادي

[{مـشـاكـسـهـ}~]

ربي معاك اختي و انتي ماتعمري راسك ما والو و كيما قالو الاعضاء روحي زوري طبيب ولا شوفي مواقع طبية اكيد راح تكون فيها مثل هذه الحالة

[صفــاء]

اختـــــــاه ممن في شواربك هوما اللى بهاوك ماتدري

على كل حال أنصحك لا تجربي أي عشبة ﻷن الأعشاب مثلما لها فوائد لها اضرار

ولا ~أتوقع توجد عشبة تقدر على فعل دالك

أنصحك ياطيوبة بزيارة الطبيب

ومتعمريش راسك لكل انسان عيب اخية

وفقك الله

[أبواب الرزق]

السلام عليكم

والله يا أختي أحس بما تعانين منه وكل من يعيب شخصاً بخلقته شخص كلمة حقير لا تكفي لوصفه
المهم رأيت كأنك تريدين اجراء عملية تجميل وتخافين من ان ترتكبي حراماً
شاهدي هذا الفيديو وان شاء الله ربي يفرج عليك
http://safeshare.tv/w/oNglfKrupe

[sarah1424]

يا خادم الجسم كم تعبت في خدمته اتطلب الربح مما فيه خسران
قم للنفس واستكمل فضائلها فانت بالنفس لا بالجسم انسان
يا اختي هدا خلق ربي نتمنى تلقاي حل لانو الناس مترحمش وننصحك متعقديش روحك والي ينقد شكلك راهو ينقد في الخالق استغفر الله متعمريش راسك وعيشي حياتك عادي

[HANANE 1028]

سلاااام أختي حابة نقولك بلي هادي حاجة من عند ربي امشي و انتي رافعة راسك و هادو الناس صدقيني غير ناقصين راكي عارفة ارضاء الناس غاية لا تدرك و اذا ذايقوك قوليلهم كون جيت نصور روحي ندير روحي اجمل امرأة ....تقبلي مروري أختي هذا رأي بكل بساطة

[سامو حنان]

اختي ادعي ربي يسهل أمرك انه على كل شيئ قدير ،، وصدقيني تسمعي للناس و الله ما تتهناي ،، اللي ماشي شابة يعايروها اللي شابة يعايروها اللي مريض يعايروه اللي معوق يعايروه ،، تبعي كلامهم تهبلي مايضر السحاب نباح الكلاب ،، ان شاء الله ربي يوفقك

[سيرين شوب]

ايعيبون الخلقة ام الخالق

والله حرام عليهم هذون الناس

بصح واش يجيك من ناس جاهله

اختي ماتديريش عليهم وماتخميش فيهم وديري في بالك حاجة وحده

انو ربي هو اللي حابب يشوفك كيما هاك وانتي عندو كيما هاك راكي في احسن صوره

وقولي الحمد لله على كل شيئ

والناس راهم مايخلو لا الزين ولا الشين

يعيبو على كل واحد

[farouk55]

شوفي خبراء ولا روحي للعجائع مثقفين وصقصيهم
انا مازلت صغير وما نعرف والو

[lola22]

اختي روحي لطبيب اخصائي هو راح يفيدك اكييييييييييييييد

[ayaamira666]

الظاهر انك مازلت صغيرة و لهذا تتاثرين كثيرا بكلام الناس
حاولي ان تعالجي الموضوع دون اللجوء الى عملية جراحية
لدي بعض الحلول ربما تساعدك
1- اذا كنت نحيفة تستطيعين ان تزيدي وزنك و يصبح وجهك ممتلء و تزيدك شواربك جمالا مثل الخليجيات
2-تستطعين ان تضعي فون دو تان و تغطين جزء كبير من شواربك ربما هذا حل مؤقت المهم هو حل الى غاية نضوجك و تصبحي غير مبالية بكلام الناس
3-استشيري خبيرة تجميل قد تقترح عليك عدة اشياء مناسبة لك تستفيدين منها المهم ان لا تقومي بعملية تجميلية تغيرين من خلالها خلقك و تصبحين نادمة عليها

[أبو معاذ محمد رضا]

إذا كان مرضا فاسعي للعلاج وإن كان خلقة فارضي بصورتك التي منحك الله إياها
أما الناس فلا تعيريهم اهتماما ومع مرور الوقت ستصبح لديك مناعة فلا تتأثرين بما يقولون.

[fares setif]

انصحك بالقيام بعملية تجميل

[RAZANE23]

هل تعلمين اختاه ان الرجال يموتون في الشوارب المنتفخة لانهم يرون فيها متعة التقبيل و انا لست اطلع لك في المورال او شىء لكني اقول لك الحقيقة و اتركيهم على حالهم و عسى ان تكرهوا شيئا و هو خير لكم و السلام عليكم و الرحمة

[achwak.1993]

هو الذي يصوركم في الأرحام كيف يشاء

[نسمة تفاؤل]

زوري طبيب وماتعمريش راسك بهدرة الناس ماتقيميهمش على خاطر راهم يضحكو على خليقة ربي الله يهديهم

[doba]

ربي معاك وربي يهدي الناس

[abdellah36]

اذا كنت صغيرة في السن ............اظن ان هذا المشكل سيذهب تلقائيا مع تقدمك في السن .................

[بلسم غرام2018]

ولا يهمك لانو الله سبحانه اكيد لحكمة
وزيد نقلك 3 حوايج حطيهم في راسك
لا نجاة من الموت ولا عناء الدنيا ولا نجاة من كلام الناس

[أبو معاذ محمد رضا]

هل تعلمين اختاه ان الرجال يموتون في الشوارب المنتفخة لانهم يرون فيها متعة التقبيل و انا لست اطلع لك في المورال او شىء لكني اقول لك الحقيقة و اتركيهم على حالهم و عسى ان تكرهوا شيئا و هو خير لكم و السلام عليكم و الرحمة
استحييت من كلامك وأنا أقرؤه
استعملي المكابح قليلا.

[حليمة الجيجلية]

ربي معاك أختي و ما تسمعيش كلام الناس اخطيك خلي راسك دايما مرفوووووع
احنا كامل عندنا عيوب