وكيفاش بنتكم ماتطيبش التشاراك والا واش [الأرشيف] - منتديات الجلفة لكل الجزائريين و العرب

مشاهدة النسخة كاملة : وكيفاش بنتكم ماتطيبش التشاراك والا واش

محبة الكتاب

2013-06-17, 19:28

السلام عليكم هاهي مشكلتي مع التشاراك كينعمللهم السكر قلاصي راهو مايلصقش مليح وجربت نعملهم في الشربات وامبعد في السكر قلاصي بالصح ماهوش كل الحبة يلصق فيها واذا عاودت مرةاخرى انغطس الحبة في الشربات وبعدها في السكر تجبي وكانو كتل في الحبة ومنظرها مايعجبش جربت وصفة حبيببتيا اماماني وجتني هايلة بالصحماخرجليش كيما الصور انتاعها

حياتي نبع امل

2013-06-17, 20:14

اولا السكر لازم يكون جديد ما يكونش ضاربو الهوا
تانيا كي ديريها في الشاربات ماشي تم تم تحطيها في السكر قطريها قبل
تالتا السكر حطيه في صاشي وحطي الحبات بعدما تكوني درتيهم في الشاربات وقطرتيهم وشدي الصاشي من الفوق يعني اغلقيه وابداي تهزي فيه غير بالعقل ماشي تخرجي حرك فيهم يعني ابقاي ادوري فيه حتان يتغطاو وحطيهم في بلاطو ومن بعد بواسطة صفاية حطي فيها شوية سكر قلاصي وغبريهم من الفوق بشكل خفيف ما ديريش ططبقة كبيرة وخلاص حطيهم في لي كيسات وان شاء الله تعجبك النتيجة

touta2010

2013-06-17, 20:15

رمديه في سكر قلاصي مرتين

محبة الكتاب

2013-06-17, 20:57

الله يبارك فيكم لبنات ويخليكم ليا ان شاء الله نجرب ونقوللكم النتيجة

أم ياسين الزهراء

2013-06-17, 21:03

راكي تقولي تزيدي ديريه في الشاربات غلط مرة وحدة برك الشاربات منبعد يقطر ديري السكر القلاصي والافضل المرجان في صاشي وديري ب2 حبات وحطيهم ومنبعد عاودي ديري السكر القلاصي في صاشي ورمدي

شلال فرح

2013-06-17, 22:33

ما تلصقش لانو السكر الناعم نوعيتو ماش مليحة فيه نشاء بزاااااااااااااااااااااااااف و ماشي مرحي مليح

حاولي تغربليه فالغربال الرقيييييييييييييييييق جدا و استعمليه مع الشربات رح يخرج هايل

استعملي ماركة العصفور فيها النشاء لكن سكرها مليح و المرجان

اغطسي مرة واحدة فقط و من بعد فرشي في بلاطو السكر رطب و حطي الحبات نتاعك و غطيها مدة بالسكر الرطب رح يلصق فيهم مليييييييييييييح و لما تحبيتخبيهم او تقدميهم اعدلي الشكل باسفنجة او بيدك فقط

محبة الكتاب

2013-06-18, 11:17

احلى حاجة في منتدانا انو الكل ايحب ايعاون ويعطي المساعدة الله يخليكم ليا ويبارك فيكم ويعطيكم ماتتمناو ويخليلنا منتدى الجلفة

oulfa

2013-06-18, 12:21

ana khti rani awl mara ki darto srali kifak diri ma zhar w diri fih maraf srira sucr glasi w hrkih ba"d ratsi tcharak w dirih fi sachi kima glulak w scr diri 2 foi w 3 eme rchi fogo jarbiha nchllah tnjahlak

محبة الكتاب

2013-06-19, 12:23

الله يبارك فيكم يارب ان شاء الله نعمل بهذي النصائح ادعولي تصلحلي

ام اجياد

2013-06-19, 12:29

شوفي ختي نقولك طريقتي وتصلحلك من الضربة لولا نشاله وقبل ما جربي لاخر جربي هذا وماتخسري والو رمديه وهو سخون في السكر طول وزيدي عاوديه

omyma1

2013-06-19, 14:06

حنا نديروا ماء زهر بصح بلخف ترمديه باش ما يتشمخش ونرمدوه2خطرات حتى يترمد مليح وقبذيح بزوج صبعين ماشي يدك قاع

النجمة المتميزة

2013-06-19, 15:48

اختي بعد ما تعملي في الشربات قطريه ثم اعملي حتى 3 صحون من السكر رطب مرري في الأول ثم الثاني و الثالث هكذا راهو يجي شباب بلا ما تعاودي الشربات ان شاء الله تنجحلك