متخوفة جدا

[مشكلتي]

السلام عليكم ورحمة الله وبركاته

ببساطة لدي تخوف كبير من الزواج بسب يرهقني ويتعبني حتى افكر ان اتنحى عن عالم الزواج مع العلم ااني مخطوووبة

السبب هذا لي خلاني نتعقد شوي هو شعري

شعري مججججججججعد ( يعني حرش)

وراني خايفة يقعد لي حاجز من بعد في حياتي الزوجية ولن اكون زوجة مثالية وكاملة في نظر زوجي

الجمال عندي الحمد لله ولكن شعري المجعد يسبب لي حساسة اتجاه مسالة الارتباط

ارجو من اصحاب التجارب ان يفيدوني بنصيحة او حل وشكرا مقدما

هل هذا سيأثر سلبا على فيما بعد

[/زهرة عصفور الجنة/]

اختي ولما تتخوفين هذا ليس سببا ابدا
الان الحمد لله مواد ترطيب الشعر كثيرة ونتائجها مبهرة استعملي الكيراتين الكل يشهد بأنه منتوج رائع شرط ان تستعمليه عند مزينة

[سماح 2]

لا داعي للخوف ديريلو الديفريزاج خيير
كاين عدة طرق وابتكارات لتمليس الشعر

المهم ربي يهنيك أختااه ويكمل ع خييييير

[ايمان نور الجزائر]

يا اختي ومتى اصبح هذا مشكلاااااااااااااا
كاين الديفريصاج.....ديريلو بصفة منتظمة كل 3 اشهر ....تعلمي وديري وحدك
وتاني السيروم والكريمات والسيشوار يديرو لعجب
اذا حبيتي راسليني ونبعتلك لي مارك
وما تقلقيش روحك

[{مـشـاكـسـهـ}~]

ماتخافي ما والو اغلب البنات شعرهم حرش و يتزوجوا و يجيبوا اولاد و ......

انتي قبل الزواج ديريلوا ديفريزاج كيما قالت الاخت سماح و ياك كاين سيشوار و ليسور و شكون يجيبلك لخبر مين تستعمليه ياك ليسور مايدير لا حس ولا واللو

و كثري من الزيوت

و ربي يهنيك اختي

سلام

[Assouma 93]

لم كل هذا التخوف لست وحدك شعرها مجعد و ستتزوج هناك الكثيرات قبلك كونوا اسرة يعني الامر عادي لا تدعي اشياء بسيطة كهذه تخيفك

[سرور]

لا داعي للتخوف شئ بسيط حمد الله درك كلش متقدم تقدري دير زيوت لي تملسو

[بلسم غرام2018]

عليك بالكراتين

[sali-sali]

هدا مش مشكل يخوف..وهدا ليس بمشكل
الاهم تعرفي تتصرفي و تكسبي رضا زوجك

[*بيتي مملكتي*]

السلام1

عزيزتي هذا السبب ليس عذرا أبدا لتتخلي عن فكرة الزواج

هناك منتجات عديدة مطروحة في السوق التجارية لترطيب الشعر

عندك مثلا منتج gliss ماركة schwarzkopf و ماشي غالي الثمن و هو عبارة عن ما بعد الشامبو يوضع مدة دقيقتين ثم يشطف صدقيني مشط السوشوار تعود تمشي وحدها

عن نفسي جربتو وجربوه ناس نعرفهم مليح عندهم كذلك شعر مجعد و أعطاهم نتيجة رائعة وراهم للآن يستعملو فيه

كاين أنواع للشعر المصبوغ الدهني و و و و

بإستعماله و استعمال السوشوار راح تختفي معاناتك بإذن الله

هذي هي صورة المنتج اللي راهو عندي الآن للشعر المصبوع و كاين للشعر المجعد و للشعر الجاف و للشعر الدهني و و و و و

http://cache.cosmopolitan.fr/data/photo/w451_c18/7d89f12214rzkopf.jpg

موفقة أختي

[ميمي سمية]

اي واخاااااااااه على الطفلة كيفاه تخمم


اخطاك اخطاك مكيش في العصر الجاهلي

ذك كاين المواد بزاااف لي ترطب وماننساوش وسائل التكنولوجيا الجديدة لي تخليه رطب كي لحرير

كيما لبابيليز


مادوخيش راسك ختي طووول بافكار كيما هذي

[houda_jijel]

يا ختي علاه عليه الغم هدا كاين وسائل بزاف ابسط شيء الديفريساج

[dalal 28]

يا اختي هذي راهي مشكل معظم البنات يعني كامل يقعدو بلا زواج ؟؟؟؟؟؟؟؟ المهم طريقة تعاملك مع زوجك وعائلته اكسبي رضاهم وكيما قالو الاخوات كاين منتجات بزاف ديري وشوفي . ربي يوفقك اختي

[nouna l maghbouna]

هم يضحك و هم يبكي
ربي يهديك
رانا ف 2013 اللي معندوش الشعر (فرطاس) يولي عندو

[wafa16]

اوووووف اغلب الجزائريين شعرهم احرش
راهم كاين مواد و دوك كاين التاويل ما شي كيما بكري
ما تخليش حاجة تافهة كيما هادي تاثر عليك اتفكري اللي ما عندهمش شعر مساكن
واش يقولو

[jirardo]

والله أمر عادي
أنتم بنساء تكبروا حاجة
و تمرضوا روحكم

[رزان حياة]

عادي جدا روحي عند الحلاقة وقوليها ديرلك الديفريساج غادي يولي شعرك حريرجرباته شحال من وحدو و نجحلهم

[ranou gigi]

يابنتي خلعتيني هذا ماهوش مشكل رانا في وقت الي فيه كلش كاين الكريمات كاين مجفف الشعر ربي اخليهولنا كاين الف طريقة بما انك لم تتزوجي بعد انصحك ان تذهبي عند حلاقة مرة كل اسبوع تهتم ليك بشعرك اكثر و انشاء الله غير الخير

[FellaD]

اولا ربي يهنيك ثانيا هذا ليس بمشكل

يعني عادي اتعلمي فقط طريقة تسريح شعرك بنفسك

[RAZANE23]

هههههههههههههههههههههههههههههه هذا ليس مشكل يا اختاه كاين كريمات و الله السمانة الجاية رايحة لاسطمبول و نجيبلك واحدة يشوفك الراجل ما يعرفكش ارقدي متهنية و يزي بلا توسويس

[عروبتي]

اختي هادي ساهلة اختي سمانة قبل العرس ديري ديفريساج اسمو كيداف راه مليح يتباع غير ب15 الف يشدلك 7 سمانات يعني بعد العرس يكون مكسل وساهل في التسشوير واشري ليسيور ماركة نتاع فيليبس وشوفي شعرك كيفاش يولي هايل واعتني بيه وديريلو الزيوت ربي يسرلك

[الرڨيڨ]

السلام عليكم ورحمة الله وبركاته

ببساطة لدي تخوف كبير من الزواج بسب يرهقني ويتعبني حتى افكر ان اتنحى عن عالم الزواج مع العلم ااني مخطوووبة

السبب هذا لي خلاني نتعقد شوي هو شعري

شعري مججججججججعد ( يعني حرش)

وراني خايفة يقعد لي حاجز من بعد في حياتي الزوجية ولن اكون زوجة مثالية وكاملة في نظر زوجي

الجمال عندي الحمد لله ولكن شعري المجعد يسبب لي حساسة اتجاه مسالة الارتباط

ارجو من اصحاب التجارب ان يفيدوني بنصيحة او حل وشكرا مقدما

هل هذا سيأثر سلبا على فيما بعد

يا اختي و لم هذا الخوف في غير محله

هل الزواج سيبنى على جعودة شعرك و ليونته انت اعتني بشعرك هذا جيد لكن ليس لدرجة الخوف

هل ستتزوجين رجلا كل همه جسدك و مظهرك

يا اختي قوي ثقتك بنفسك