راني حاصلةةةةةةةةة [الأرشيف] - منتديات الجلفة لكل الجزائريين و العرب

مشاهدة النسخة كاملة : راني حاصلةةةةةةةةة

صاحبة السمو الفكري

2013-06-17, 12:32

السلام عليكم
اخواتي حبيت ندير قاطو القبعة للي لقيت الاخت الوهرانية عاملاتو
لكن كي درت العجينة 3 كيلات فرينة وكيلة زبدة ذاايبة خرجت العجينة فيها لي دام بزااااف
وبدات تشقق لي يعني ما قدرتش نصنع بيها الشكل المطلوووووووووووووب
وخاصة كي نحب نقرص شكل القبعة تخسرلي خلاص
والله راسي بيطرطق لان المفروش يكون البلا تع القاطو واجد هاذ العشية
الله وحده المستعااااااااااااااااااااان
http://www.djelfa.info/vb/showthread.php?p=1053116560#post1053116560

ام محمد و ملاك

2013-06-17, 12:36

يا اختي انا موالبفة تصرالي ممكن الزبدة اللي ستعماتيها فيها ليدام بزاف او ان الفرينة ما تشربش ليدام جربي زيديلها شوي فرينة وشوفي لانو ساعات نوعية الفرينة و الزبدة تفسدلك العجينة اكل و ما نعرف زيدي شوفي الخبيرات واش يقولولك

touta2010

2013-06-17, 12:38

سيي متقدريش تكملي برديها وقطعيها مربع ولم تطيب لسقيها بالمربي وغمسيها في الشكولا وزينيها بخطوط

صاحبة السمو الفكري

2013-06-17, 12:43

ماافيهاش الخمارة
رايو عليا بنوع اخر تكون عجينتو كيما هاك الله يرضى عليييييييييييييكم

touta2010

2013-06-17, 12:51

طيبيها بالشكل لتحبي وبعد ماتطيب فتيها وضفي كوكاو مهركش حلوة ترك وقلييييييل عسل كوريها وغطسيها في شكولا وضعيها في لكيسات وضري بريو

حب الله لا يعادله حب

2013-06-17, 13:02

ياختي هذي حاجة طبيعية راه الصيف والسخانة المفروض كنت كي تشوفيها ميدمة تزيديلها الفرينة لانه القاطو في الشتا والصيف مشي كيفكيف ديريها بقلاوة وهني راسك

صاحبة السمو الفكري

2013-06-17, 13:04

بارك الله فيك اختي
ان شاء الله نعمل هكا وخلاااص

بشرى2008

2013-06-17, 13:07

مدام خرجلك ليدام معناها درتي كمية السمن بزاف هي قالت كيلية سمن نتي متعمريهاش لأنو ادا عمرتيها الكيلة راكي راح تكون عندك عجينة التشاراك عجينة التشاراك تجي طرية

أمل العرب

2013-06-17, 13:08

السلام عليكم نظن اختي انو المشكل فالفرينة ما تشربش اليدام او
انك درتي الزبدة سخونة .والا راكي ما خليتيش العجينة ريحت.......على كل شوفي هاد الروابط بالاك يفيدوك بادن الله
http://www.djelfa.info/vb/showthread.php?t=1217758&highlight=%C7%E1%DA%D4

http://www.djelfa.info/vb/showthread.php?t=1317471&highlight=%C7%E1%DA%D4

او هدي نظنها ساهلة
http://www.djelfa.info/vb/showthread.php?t=659792&highlight=%C7%E1%C8%CC%C7%E6%ED%C9

وربي يكون بعونك

touta2010

2013-06-17, 13:10

كاين فرينة متشربش كما نقولو تعوق الزبدة حتى لو وضعتي كمية بتمام صراتلي مرات

مثل السميد كاين يشرب الما وكاين لالا فهمتوا:mh31::mh31::mh31:

صاحبة السمو الفكري

2013-06-17, 13:11

اختي بشرى الوهرانية ذكرت ان العجينة تع التشاراك لكن ما حبتش تصنع لي شكل القبعة
واختي امل العرب صح درت السمن شوية دافي لكن مش سخون بزااف
ونوع الفرينة مولا
خليتها ريحت شوية برا وخليتها باتت في الفريجيدار

أمل العرب

2013-06-17, 13:24

ادا حبيتي تكملي بيها زيدي شوية فرينة
ورشي عليها شوي ماء زهر وادا حبيتي تخدميها هي بالدات وتعاوديلها العجين
ديري ربع كيلات فرينة بكيلة زبدة وخليها تريح ربع ساعة قبل ماتحليها
وخبي العجينة الاولى فالفريزر وكي تكوني مريحة ديريها تشاراك والا نوقة

omzako

2013-06-17, 13:48

انا اختي راح نقترح عليك اقتراح حسب معرفتي البسيطة للحلويات وادا حبيتي تجربي جربي مع شوية من العجينة اللي خدمتيها يعني رشيها رشة صغيرة تاع ماء زهر وعجنيها مليح وجربي خليها بالحلال وخدمي حلوتك وادا محبتش تخرجلك اخدميها دزيريات احسن و الله يعاونك

الوهرانية 1

2013-06-17, 14:06

حبيبتي والله مجربة اكثر من مرة صدقيني والاخوات يعرفو وصفاتي
مانيش عارفة وين المشكل بالضبط الي عندك
شوفي ادا عندك لمول صغار ديري العجينة في لمول وعمريهم بالكاوكاو كي يطيبو عسليهم وكي يقطرو حطيعهم في ليكيسات وزينيهم من الفوق بلوز ايفيلي او اي شي متوفر عندك

صاحبة السمو الفكري

2013-06-17, 14:16

اتصلت بقريبتي واشارت عليا بنفس للي قلتي اختي ام زاكو وتعدلت العجينة بشكل كبييييييير
لكن مازال كاين مشكل في التقراص كي نبغي نقرصها تتفتت

الوهرانية 1

2013-06-17, 14:19

اختي الكريمة امام الله انا نمد وصفات مجربة ممكن نوع الزبدة ولا الفرينة
انا اسفة حبيبتي وراح نعدل الوصفة بمقادير الغرام احسن واضمن
سلامي ليك

صاحبة السمو الفكري

2013-06-17, 15:24

قدر الله وماشاء فعل
برك اختي ممكن تعطيني طريقة صنع التشاراك؟؟