انصحوني واش نقرا بعد حصولي على البكالوريا

[imiley]

السلام عليكم:dj_17:
ان شاء الله نتائج الباكالورريا راح تظهر يوم 29 جوان
مي انا راني كارهة كامل التخصصات لانو ماكاش تخصص مليح في الجزائر
كنت حابة الطب مي قالولي مشي مليييح الفارماسي كيف كيف طب الاسنان تانيك
اللي يقدر ينصحني واش نختار ماذابيكم خاصة التخصصات اللي تناسب المراة
و شكراااااااااااااااااااااا
:mh31:

[Hind_dz]

مام انا جوزت الباك العام هذا و راني حايرة واش ندير

بصح اختي علاه الطب و الفارماسي و طب الاسنان مش ملاح؟ زعمة هذو هوما المخيرين

الشي اللي يهم انك الحاجة اللي تديريها تكوني تحبيها و مقتنعة بيها 100% و زعمة يقولو باللي التخصصات الملاح للبنات الطب و التعليم والله أعلم

بالتوفيق

[imiley]

التعلييييييييم مانحبوش والطب تقراي بزاف و مبعد كي تكملي تخدمي 5 سنوات في المستشفيات والله غير كرهت
واش ندييييييير

[Hind_dz]

مام انا ما نحبش التعليم و منحيتو من الحساب من بكري،، بصح الطب داخلة في راسي و احتمال كبير نديرها،، علابالي فيها القراية بزاف والاعوام بزاف بصح اللي قراوها قالو بلي الاعوام يفوتو في ساع و ما تحسيلهمش خلاص + تبانلي هي الوحيدة اللي تصلح على خاطر مانيش حابة فارماسي و طب الاسنان ،، ما تخافيش،، مبعد كي يخرجو النتائج و يبانلك كلش ان شاء الله

[lalib40]

يقولو باللي التخصصات الملاح للبنات الطب و التعليم ..........ليس هناك اي تخصص يناسب المراة ، ما عدا تربية الابناء .

[hassene96]

هندسة الاعلام آلي

[BeauTiifuL sOuL]

لست ادري .. انا ايضا محتاارة بين الطب و الصيدلة

[Emat Rahman]

التعليم أجمل شيء،خاصة إذا كملتي قرايتك و خدمتي في الجامعة تكون رووووووووووووووووووووعة خير من الطب...و كذلك الصيدلة رائعة و فيها وقت لأبنائك مستقبلا كونك فتاة...و الله ولي التوفيق

[NADJIB-90]

لا تفضلين الطب والصيدلة و وطب الاسنان والتدريس لم يبقي الا الاعلام الالي والرياضيات والهندسة المعمارية وغيرها

[زينوبة زيزو]

اختي لازم تكوني مقتنعة تماااااااااام الاقتناع بواش راكي حابة تقراي بذاتك ونوصيك حاجة نصيحة من اختك هادي انو لازم والديك يرصاو عليييييييك باه ربي يوفقك حنونة وتقبلي مروري

[lynoor]

تصيحة مني فكري مليح واش راكي حابة تديري ما تاخذيش قرارت متسرعة ولا في لحظة غضب الان ابداي حددي الاهتمامات نتاعك بعد ما تظهر النتائج راح ما تلقايش وقت تخمي
ان شاء الله تنجحو و تقراو التخصص اللي راكم حابينو

[انسام الجنة]

انا رايي تقارعى حت مين تخرج النتائج نتاع الباك وتم تقري واش راكي حابة دري انا تاني راني حايرة واش هي التخصصات الي رايح نخيرها مي انا ننصحك دري لي تحسي روحك مرتاحا ليه

[root-47]

صلي صلاة الاستخارة وربي اكيد رح يفرج ولله عن تجريب

[mirou guelmoise]

برأيي التعليم أفضل و هذا عن تجربة مع أنني لم أكن مقتنعة به أبدا لكن بعدما تحصلت على الباك عرفت بلي هذا واش يصلح في الجزائر

[صفــاء]

طب الأسنان
الاعلام الألى
بيولوجيا

في نظـــــــــــــرى أفضل التخصصات
والله يوفقــــــك ويوفق الجميع

[imiley]

نشكركم على النصائح
الاعلام الالي عجبني مي قالولي فيه التعب بزاف وتندمي اذا خيرتيه طبعا هاذي بنت تقرا فيه قاتلي

[ange perdu]

اختي احسن تخصص في بلادنا هو الطب بدون مناااااازع بالرغم من انو عدد السنوات فيها بزاااف مي والله يستاهل سيرتو كي واحد يكمل التخصص مي اختي ديري واش تحبي انتي كل واحد و ميولاتوووو تقبلي مروري

[silver boy]

كاين تخصص مليح هو *خياطـــــــة* ولا ماعجبكش كاين هندسة كوزنية ومأكولات

[زهور الياسمين]

اختي في نظري الكاتبة دوك تجي

و يوم تخرج النتائج و تبدا التسجيلات الاولية يمدولك التخصصات طلعي منهم 10

و الله ولي التوفيق

[hayati imani]

رآضبة حتآ تخرج النتيجة ونشوووفوو معدلاتنآ ومنبعدنآ شووفي وآِش تحبي ضركآ جآبلي ربي مآزآآل بآِ ترتبكي هكآ

[selma-chirdent]

كنت حابة الطب مي قالولي مشي مليييح الفارماسي كيف كيف طب الاسنان تانيك


يا أختي لي قال هكا فهو لااااااااااااااااااااااااا يفقه شيئا ,,,,,,


أفضل التخصصات للمراة هو الطب جراحة الأسنان الصيدلة بيولوجيا ولا التعليم


خمي مليييييييييح يا ختي وما تتسرعيش

أنا طالبة جراحة أسنان واذا احتجتي اي استفسار انا في الخدمة ان شاء الله


بالمناسبة الطب وجراحة الاسنان تقدري تجمعي بينهم وبين التعليم اذا كملتي سبيسياليتي وزدت كملت

يعني 2en 1

بالتوفيييييييييق وما تسمعيش لمن هب ودب ،،، شوفي ميووولاااتك ياك :)

[syliasmine]

اختي كل واحد و الميول تاعو و كل واحد و النضرة تاعو و كل واحد و الرأي تاعو التخصصات كلها ملا و انا جبت الباك لعام لي فات و نقولك عندي صحاباتي دارو اعلام الي و هندسة معمارية و الكترونيك و فارماسي و طب و كلهم لقاو راحتهم لانهم ما سمعوش لاراء لي تحبط المورال تع الناس
و لازم يكون نتي عندك الراي تاعك انا بالنسبة ليا تخصص الهندسة الالكترونية و الميكانكية هي الافضل لانني اجد راحتي فيها
و كل واحد كيفاش
انا في طب و الصيدلة و اسنان نختار جراحة اسنا لان الطب طويلة بزاف و شقلالة كبيرة و الصيدلة تقرايها مبعد تحلي حانوت كلي قريتي اقتصاد و كل واحد و الراي تاعو

[sarah de13]

saleem khtiii dirii brayii astanay tatla3 natija del bac w choufii l mou3adeel psk c' pas facile darwek tahdar 3la tab w mouchtakatou w lmou3adel mazalou ghayeeb w ana diri brayii ida kan lmou3adel yasmah bech diri medciine diirha w c sur diirha w rabii ywafkak w ywafakna kameel

[حبة ملفاي]

نشكركم على النصائح
الاعلام الالي عجبني مي قالولي فيه التعب بزاف وتندمي اذا خيرتيه طبعا هاذي بنت تقرا فيه قاتلي


ou5ti ana nensahak b 2swalah

pr une fille meilleur haja hiya ta3lim

w ida makch habatou w haba vraiment ta9ri haja chaba

diri ecole préparatoires ...c'est le meilleur dans l'algerie

[sarah de13]

أنا هذا العام قريت إعلام ألي و عاودت الباك حرة هو أكيد تخصص ملييح بزاف مي واش نقولك الرياضيات ديالها تهبل واعرة بزااااااف بزاااف يخص تحطي فيها راسك و متكرهيش لأنو مع سيستام لي تدخليلو فالجامعة صعيب باش توالفي ماشي كياما فالليسي غير نطبقو و مع هذا الشعبة كلشي عبارة عن رياضيات و إعلام ألي تهبلي معاعها تاني ترجعي بيهl les logitiels لقدام مي مع كلشي تخصص مليح و ماشي صعيب باش تلحقي و تكوني مع ليماجور

[****.Adel]

nchalah kul wahed ye3tiwlu wach hab

[MARIYA ISLAM]

السلام عليكم و رحمة الله تعالى وبركاته
نعم.. أفضل و أشرف المهن بالنسبة للفتاة هي الطب أو التعليم
المهم
أنا متحصلة على بكالوريا 2012 و اود مشاركتكي و جميع السائلين عن تجربتي
عند الشهادة كنت محتارة مثلك.. لكن كنت دايرا في بالي الطب و من دونه لا أعيش و التعليم أبداااا
لكن بعد النتيجة.. أظهر لي ربي أن التعليم هو الأفضل "فقط توكلي على الله و هو يوريلك الطريق الصحيح" .. فسجلت في المدرسة العليا للأساتذة. ثم جاءتني فرصة الدخول الى كلية الطب.. لكن صدقيني بعدما رأيت و شفت... تأكد لي أن ربي أراد لي الخير بمهنة التعليم.. فقط ضعي ثقتك الكاملة في الله سبحانه فهو نعم الوكيل
ونعم النصير.. و الله أعلم
و السلام عليكم و رحمة الله تعالى و بركاته

[moutassambba]

حائر مثلك :sdf::sdf::sdf::sdf:

[hadjer hadjora]

انا تاني راني حايرة الطب و التعليم منحبهومش حبيت محروقات و كمياء قالولي مكاش خدمة
حرت واش ندير

[syliasmine]

ماشي واش يقولولك الناس ديري عليه الواحد كي يقعد فالدار بلا ما يحوس بلا ما والو ما يلقى ني خدمة ني سيدي زكري
لازم الواحد يتوكل على ربي و يشطار شوية و كل واحد يدير الحاجة لي تساعدو و لي يخدم فيها مليح و لي يحبها

[Mary-josie idir]

mazal 3ela hadi hadera jibi bac w menbe3ede sahel

[ميدو666]

هناك المدارس التحصيرية للعلوم والتقنيات اذا اردتي ان تكوني مهندسة في المستقبل

[abdelbaki.zebiri]

la science tout a fait est bonne ya pa de spécialité bonne ou autre mauvaise l'essentiel c de choisir une filieré dont tu est convencu par elle c tou

[aymanou]

سناي حتى تخرج الريزيلتا ومبعد خمي واش ديري

[Minà Là Mignonne]

التعلييييييييم مانحبوش والطب تقراي بزاف و مبعد كي تكملي تخدمي 5 سنوات في المستشفيات والله غير كرهت
واش ندييييييير

lala ,gatli khti na7ouha hadik ta3 sèrvice civile (beh takhadmi 5 ans) wllahoA3lam

bitawfiiiiiiiiiiii9 liljamii3

[Minà Là Mignonne]

صلي صلاة الاستخارة وربي اكيد رح يفرج ولله عن تجريب

Bonne Réponse

[محب الرياضيات]

صراحة انا شخص اخطا في اختيار التخصص وبتالي اختاريت الطب


الطب 7 سنوات ....الدراسة خارج الولاية ..........تصبح طبيب 5 ملايين خدمة بزاف ...هذا مجروح هذا مقتول هذا .................والله لمهنة نبيلة لكن صعبة ودراستها اصعب


تخصص علمي 3سنوات ....دراسة داخل الولاية ......على الاقل استاذ تعليم متوسط ......3ملاين و 800 خدمة 22 ساعة تخدم مع اطفال كيما خواتك

5سنوات على الاقل استاد التعليم الثانوي ......4 ملايين

7 سنوات على الاقل استاذ تعليم جامعي .......جامعة ولايتك .......14 ملايين ......تخدم مع مثقفين حوالي 6 ساعات في الاسبوع


تخصص ادبي

الله اعلم ............خدمة صعيبة باش تلقاها ولا لقيتها تقول راك تخدم حمال من 8 حتى 5 وخلصة 2 ملايين و 900



انا كنت نقرى طب وحبست ودرك راني نقرا رياضيات واعلام الى

[algeria6128]

اختي انا ادرس هندسة الإنتاج الألي ة هاد تخصص رائع لك إن كنت من محبي الإعلام الألي و البرجمة و الهندسة بشتى مجالاتها و هاد التخصص مازال في سنوات الأولى يعني كاينة فرصة كبيرة في دخول الماستر و الدوكتورا و هو موجود فقط في جامعة تلمسان و هو تسجيل وطني

[algeria6128]

و إن كنت تحتاجين لمعلومات اكثر فلا مشكل

[algeriano9354]

السلام عليكم ،، أختي حبيت نقولك برك ما تبعيش كلام الناس تا هادي مليحة و هاديك لالا متقرايهاش
انت اقراي الحاجة لي تحبيها و مقتنعة بيها
انا عن نفسي كنت مع صغلاي نحب كل ما له علاقة بالاعلام الالي و كان حلمي المدرسة العليا للاعلام الالي لكن معدلي لم يسمح لي بدخولها
لذلك خيرت رياضيات و اعلام الي قسنطينة (تسجيل وطني) و الحمدلله الان راني سنة تانية اعلام الي
و ربي يوفقك الاخت

[romai]

نصيحة من عند وحدة مجربة اختاري التعليم وما تندميش انشاء الله

[سارةالتلمسانية]

يا سلام كنتو تقراو بدون هدف ماشي هاكا نورمالمو تسطري هدفك اللي تحبي توصليلو من قبل انا ننصحك ادا كان عندك معدل مليح تبعي ممرضة عناية مركزة تقراي 3 سنوات وتخرجي بخدمتك من اول ظهور اولا تربحي السنين تانيا تربحي عمل موجود 100/100 خير من اللي تبع طبيب تقاجي في الجامعة تخرج كبيرة ودير تجبر خدمة دير متجبرش وتكون هملت حياتها ومستقبلها في زوج

[manel dima]

اختي ديري واش يخرج عليك وماتسمعيش لكلام الناس
أنا تحصلت على البكالوريا السنة الماضية بمعدل 16.20 وكنت حابة طب الأسنان
لكن الناس كامل نصحوني بالطب لأنو هو الشائع في الجزائر على حسابهم
و مزية أنا درت واش حابة لأني كون تبعت كلامهم و قريت الطب ( يعني حاجة ما نحبهاش ) كون ضرك والله ما قدرت نقراه
الحمد لله درك راني نقرا في طب الأسنان وفرحانة
خلاصة القول : ديري حاجة اللي يهواها قلبك هكذا من بعد يكون عندك الكوراج باش تقرايها لأخر دقيقة
و ربي يوفقك

[yousra13]

pr moi mon reve c'etait de devenir un architecte et l hmd j ai eu mon bac l'année passé
et j ai passée ma 1 iere anné c est vrais qu'elle n'est pas facile mais rien est impossible
3am jay nshallah 2eme année
alors diri wèèch thabbi ntii w wèèch thassi yakhoj 3liik w matasam3iich lhadra bzf
allah ywafèè9 okhtii

[akonew]

انا انصحك بلمدارس التحضيرية

[أسيرة ذكرياتي]

صراحة انا شخص اخطا في اختيار التخصص وبتالي اختاريت الطب


الطب 7 سنوات ....الدراسة خارج الولاية ..........تصبح طبيب 5 ملايين خدمة بزاف ...هذا مجروح هذا مقتول هذا .................والله لمهنة نبيلة لكن صعبة ودراستها اصعب


تخصص علمي 3سنوات ....دراسة داخل الولاية ......على الاقل استاذ تعليم متوسط ......3ملاين و 800 خدمة 22 ساعة تخدم مع اطفال كيما خواتك

5سنوات على الاقل استاد التعليم الثانوي ......4 ملايين

7 سنوات على الاقل استاذ تعليم جامعي .......جامعة ولايتك .......14 ملايين ......تخدم مع مثقفين حوالي 6 ساعات في الاسبوع


تخصص ادبي

الله اعلم ............خدمة صعيبة باش تلقاها ولا لقيتها تقول راك تخدم حمال من 8 حتى 5 وخلصة 2 ملايين و 900



انا كنت نقرى طب وحبست ودرك راني نقرا رياضيات واعلام الى

صـــــــــــــــــــــــــــح وش راني نقرا ؟؟؟؟؟

والله يا اخي انا اتأسف على حالتك ولكن لماذا تركت الطب ؟؟

والله لي يسمع كلامك العام لي فات كيفاه كنت تخسر فالهدرة على التعليم وعلى المهن الاخرى

يكذب انا شخصيا قريتلك موضوع كنت تتباهى بكونك رايح تكون طبيب

وكنت تقول نخدم 3 4 ساعات يوميا وكاين اعضاء قالولك بلي الطب مسؤولية وكي تزيد تتخصص

يزيد الحجم الساعي وتزيد المسؤولية ولكنك كنت تضحك على ردودهم

على كل اخي ادعو الله ان يوفقك في اختصاصك فانه جيد .....وماتزعفش من كلامي

حبيت برك نفكرك بكلامك باه تأخد العبرة انت ومن يفكر مثل تفكيرك

تقبل كلامي بصدر رحب

[hadjerbb]

التعليم هو الي يصلج في الجزائر صدقيني اما لاجل البرستيج ديري فارمسي ولا طب

[doba]

الرقص مليح ليك

[manel.1706]

كامل كنا هاكا العام اللي فات صلوا صلاة الاستخارة

[manel.1706]

يا أختي كاين فئتين من الناس واحد عاجبو التخصص اللي راه فيه ويقعد يشكر فيه و ماشي بالضرورة يعحبك
و الثاني ما حبش التخصص التاعو ولا ما طاقلوش يمدلك غير السيئات

أنا العام اللي فات كنت كيما نتوما وكنت كارهة كلش وقلت غير الميدسين ما نديرهاش بصح صليت صلاة الاستخارة ومانيش ندمانة خلاص واللي يقولك 7 سنين بزاف دوكا قاع التخصصات راهم 5 سنين و زيدي تحوسي على الخدمة شحال من عام

أما المدارس العليا شحال وهوما دايرين اضرابات علا جال نحاولهم التقاعد

والطبيب كي يبدا يقرا للتخصص يخلص كطبيب مختص يعني يقرا ويخدم والله يجيب الخير

[imiley]

merciiiiiiiii bcp pour tt vos effort
واش رايكم في المدارس التحضيرية