الشواط

[كعرار]

من يدلني على طريقة تحضير أكلة الشواط؟بالمناسبة أكلتها في مدينة البيرين

[منال100]

واش معنى الشواط مانسمعش قع بيه

[هبة الله اريج]

السلام عليكم و رحمة الله وبركاته
هل تقصد الشخشوخة
اول شيئ نبدا بالمرق نحتاج الى

قطع لحم
1بصلة و 7فصوص ثوم
ملح فلفل اسود فلفل احمر
بهارات مشكلة و ملعقة كبيرة معجون طماطم
و شوية ماء و تحطي الكل بطنجرة ضغط و تخليهم يتحمسوا مع بعض جيدا
http://www.m5zn.com/img/?img=7c1d3ab64eb2ffc.jpg

[كعرار]

لا لا أقصد الشخشوخة
و لكن هذه أكلة تشبه قليلا المسمّن
تأكل بعد ما تتعسل

[اية نور الهدى]

سلاام احنا هذه الاكلة انديروها في اليوم الثالث من الجنازة اولا نحضرو عجينة المسمن و انطيبوه عادي ثم انقطعوه قطع متوسطين ثم انذوبو الزبدة و العسيلة و انسقوه فوق قطع المسمن و يقدم

[وفاء20]

مقاديرها هي كالتالي :
فرينة وماء وملح وتعجنيهم مليح وتخليها ترتاح ومن بعد تشكلهم قرصات صغار وتبدا تخبز بالوحدة باستعمال الزيت وتطوي حوافها تشكلها مربع صغير وتخليه يرتاح ومن بعد تسخن الزيت وتجيب المربع وتخبزه غير شوية وتقليه في الزيت وكاين اللي يدير لعسل حسب الرغبة. نتمنى تكون هادي هي الطريقة .
بالنسبة لبعض المناطق يسمونه المسمن واحنا نقولو الشواط

[kala11]

أنا الشواط اللي نعرفوا يتخدم بالبطاطا
تتغلى البطاطا ثم تطحن و تبقاي اتزيديلها السميد حتى تتعجن كي المسمن
تطويها كي المسمن واطيبيها في الطاجين
تحطي عليها العسل وتاكليها بصحتك
وزيدي شوفي البنات يعاونوك

[سامية حكيم]

انا هاذي الاكلة كليتها في مدينة واد سوف هيا عبارة على خبز يشبه الهامبورغربصح يطيبوه على طاجين تاع حديد بحيث يجي فيها شويا طعم مر هاذا اللي يزيدها بنة

[kala11]

تقدري تعوضي السميد بالفرينة كيما تحبي و ماتنسايش الملح

[chifawahab]

ياختي الشواط هو نفسه المسمن الفرق فقط في التسمية من ولاية لاخرى

[كريمة كوكة]

اللهم زدنا علما

[خربشة ناعمة]

سلاام احنا هذه الاكلة انديروها في اليوم الثالث من الجنازة اولا نحضرو عجينة المسمن و انطيبوه عادي ثم انقطعوه قطع متوسطين ثم انذوبو الزبدة و العسيلة و انسقوه فوق قطع المسمن و يقدم

انا من الوسط واللي راكي تهدري عليه يسموه الرفيس..منطقة الوسط اللي يعرفوه فقط..و نعملوه في اليوم الثالث للجنازة ..و في الفاتحة انتاع زواج الراجل..و هو المسمن او المعارك نخدموهم عادي بصح لازم يجيوا رقاق مليح..من بعد يطيبوا فالطاجين و من بعد نقطعوهم و نفوروهم و نقدموهم مسقيين بالزبد و العسل ..و الذوق روعة



بصح هاد الشواط جامي سمعت به
يا ريت يفيدونا

[sidali 2007]

شواط يتخدم كما قتلك اختkala 11 بلبطاطا انا اهل زوجي قبائل يدروه

[ام مهدي2010]

اختي الشواط معروف بكثرة في منطقة دلس ولاية بومرداس و المكون الرئيسي ديالو هو البطاطا يجي بنين بزاف يدهنوه بالمرغرين و يعسلوه ولا يديرولو السكر في بلاصة اعسل

[مملكة الغربة]

:dj_17:اخواتي الكرام الشواط الي نعرفو هو نفسو الي قالت اعليه الاخت سامية حكيم انا نعرفو ونديو مي هذا انتاع الباطاطا قاع منعرفوش ومن كم نستفيد
شكراااا شكراا الكم جميعاااا :1::mh92:

[hakim ahmede]

الشواط يديروه ناس بسكرة يعجنو الشخشوخة عادي ويحكمو 2قرصات ويحلوهم مع بعض ويطيبوهم يجيو شوي خشان وشوي حرقات فيهم وهنا سماوه الشواط خاطر يتشوط اي يتحرق ويديرولو مرقة بلالحم حمرابشحمة والبطاطة ويلوحو فيها شوي تشيشة اوفريك ونتي يااختي قلينا لي بغيتيه ملي قلنالك والحل يتندا كيماقاتلك ديري وحدة في وحدةكاريات ولكن هداك لعسل لي تهدري عليه راه سكر رشوه عليهم مع الزيت قبل مايشكلوهم كاري

[elankal]

حتى احنا هاداك هو الشواط الشخشوخة

[oum sarah abdou]

khataachowat howa nafsso lamsamen achowat belkabailiya ndirou smid rtab +melh+maa na3djnou ndirou karssat wanhalouhom bezit+sman whalouha mdowra wandirouha fetajine tibe wanzidou foukha hat ewali paquet mlih wa nkolbou kol mara wnahiwa wankat3ouh wandirouh efour fouk elkaskass nkounou wajadna 3ssal +zabda kima tamina ounasskiwah wala naklouh warkat nahchiwhom bel ma3djoun ou naklouhow avec kahwa hlib wandirouh tanit chakhchoukha

[ام لمجد]

السلام عليكم
الشواط عندنا في قسنطينة نطيبوه كيما قال الاخ تاع بسكرة لكم حنا نطيبو بالوحدة ماشي زوج يجي رقيق مليح و نديرولو مرقة بالدجاج و الحمص ز نزينوه بالبيض مغلي و نديروها الاكترية عشا تاع المولد النبيوي الشريف

[السلطانة هيام]

واش معنى الشواط

[leila-alger55]

chawat 3anna na3amlouh kima lamsamen w laken bidoun zite yanhol bel farinawrak kbar w tib f tajin

[leila-alger55]

naklouh b lasocehamra w la belhalib ki yagli ankasrou awrak chouwat yarli ralya 1 wtafi nadahnou bzit zitoun

[شاملة لينة]

العجينة تتحضر كيما عجينة المسمن نأخد القرصة الاولى نحلها بالزيت حتى تصبح شفافة جدا ونطيبها في مقلاة دون وضع الزيت على نار هادئة وبعدما نقلبها نضع فوقها القرصة الثانية وهكذا الى أن يصبح العدد المركب فوق بعضه البعض الى 15 فمافوق .*يجب ان لا تحترق * بعدها تقسم بطريقة عشوائية ويصب فوقها القليل من السمن والسكرأو يصب علي كل ورقة السمن ويرش السكر ثم تطوى .وشهية طيبة.

[kala11]

صحيح الشواط الأصلي بالبطاطا ولكن في بعض المناطق يسمون الشواط رقائق العجين مثل الشخشوخة تقطع قطعا رقيقة ثم يضاف عليها العسل أو السكر حسب الرغبة والسمن او الزبدة

[مرام]

الشواط هو كيما الشخشوخة مي ما يساقوهاش بالمرق يساقوه بالعسل و الزبدة وحنا نسموه الفتات بنا نفتو المسمن

[amel_26]

ومنكم نستفيد

[nadouche19]

سمعت عن الشواظ ولي هي عبارة عن شخشوخة كي المسمن وسميكة.تتحضر المرقة بالبصل والطماطم والحار والتوابل والمسمن يتفور وقبل ما نلوحو يتجمر داخل وعاء الطهي.وننزج شوي من المرقة اللي حضرناها ونصبها فوق بصلة مقطعة هلالات ومحمصة ونزيد نخليها تتحمص مع المرقة وكي يفور المسمن نجمروه وفي الاخير نسقي بالصوص انتاع البصلة

[wrbh]

الشواط عندنا نحن السوافة هو عبارة عن خبز وحده كيما الهمبورغر فارغ يستعمل كهمبورغر اي انه يحشوه بالالشوى والبض والطاطم والفلفل الحار والحلو ويستعمل ايضا كرغيف عادي يأكل مع الاطعمة الاخرى ولا يستعمل في الشخشوخة وانما هداك نعيطوله رقاق

[نوال عيسى]

العجينة تتحضر كيما عجينة المسمن نأخد القرصة الاولى نحلها بالزيت حتى تصبح شفافة جدا ونطيبها في مقلاة دون وضع الزيت على نار هادئة وبعدما نقلبها نضع فوقها القرصة الثانية وهكذا الى أن يصبح العدد المركب فوق بعضه البعض الى 15 فمافوق .*يجب ان لا تحترق * بعدها تقسم بطريقة عشوائية ويصب فوقها القليل من السمن والسكرأو يصب علي كل ورقة السمن ويرش السكر ثم تطوى .وشهية طيبة.

السلام عليكم ورحمة الله وبركاته

http://www.bh30.com/vb3/images/ns/goldy30.gif

الشواط كيما قالت الاخت شاملة نفس عجينة المسمن كاين لي ما يديرش السميد و تشكلي قرصات شوية اقل من لي نديروهم للمسمن وتحليهم عادي لكن تخليها على حالها ما تطويهاش كيما الشخشوخة ويكون الطاجين تع الحديد ولا المقلاة تسخن وديري شوييية زيت وترمي الحبة الاولى ولما تنشف تقلبيها وترشي عليها شوية زيت وترمي الحبة الاخرى فوقها وهكذا حتى تكملي الكمية وبما انك اول مرة تخدمية ننصحك طيبي بالجزء على حساب التحكم تاعك يعني طيبي جزء ونحيه وزيدي جزء اخر هكا حتى تكمل الكمية ديالك ..
قبل كانو يفصلوهم بالحبة ويدهنو بالسمن ولا الزبدة ولا واش كاين عندك ويذرذرو عليهم السكر ويلووهم سجائر لكن مؤخرا تفننو فيهم كاين لي يديرولهم سمن وعسل وشوية مكسرات ويطووهم بشكل مربع وكاين اللي يقطعوهم ويدهنوهم بالسمن ويسقوهم بالعسل ويزينوهم بالمكسرات ..
نتمنى نكون افدتك

http://www.bh30.com/vb3/images/ns/goldy22.gif