مشكلتي 1

[مشكلتي]

السلام عليكم ورحمة الله وبركاته اولا نشكركم على كامل نصااااااائحكم في هادا القسم صدقوني حتى ولم اكن صاحبة المشكلة كنت نعمل بيها افادتني بزاف في حياتي الدينية والدنيوية وهادا اول موضع ليا هنا على خاطر كنت ديما نقول الشكوى لربي سبحانو ونفضل نخليها في قلبي بيني وبين ربي سبحانو لكن وصلت بياا لحد راح نطرطق مشكلتي هيا اابي اييييييييييييييه ابي الي كنت ديما نشفو اب مثالي انسان مصلي الله بارك ويقراء القران ووووووو وحاكم منصب في مديرية التربية يعني معندي مااا نقول فيه وفي الحق احسن تربيتنا على القناعة والدين الحمد لله حتى جاء اليوم الي تصدمت فيه بالحقييييييييييييييقة المرة خلاتني نكرهوووووووو ونضرتي ليه تبدلت ابي هادا مع انا امي صدقوني موش كعاد امي راني نتكلم هك لا وبشهادة الجميع تتمتع بجمااال رائع والحمد لله انسانة مدينة ومثقة ومتهليا فينا وفيه رباتنا احسن تربية هي كدالك هااااد الانسانة الرااااااااااااااائعة خانها ابي بدووووووووون سبب اول خيانة اكتشفنها في احد الاياام اكتشفنا بلي عندو فايس بوك لسوء حضو او لأن طول حبل الكدب قصير خلاه محلول وخرج لقينا يتكلم مع بناااات بعباراااااااات .................... وهادو البنات مدايرين صور شبه عارية استغفر الله ماما بكات مسكينة هدئناها وبلوكينا هاداك الفايسبوك ونسينها بدووون علمو يعني هو معلبالوش محبينااش نزيدو على الطين بلة وبعد مرور شهور جات عندي امي قالتلي بلي كاين نيمرو ديما يعيط في الليل على 10 على 11 مفهمتش تاع شكون جابتهولي عيط لهاداك النيمرو لقيتها امرءة بببببببببببببببببببببببببببففففففففففففففففففففف لاحولى ولا قوة الا بالله راح نطرطق صدقوني المرة هادي محبيتش نقول لماما او بالاحرى محبيتش نزيد نشوف البكاء في عينيها خبيت عليها وقلتلها بلي راجل راهو واحد من صحابو وهي من نيتها صدقتني مسكينة انا عيطت لمرءءة هادي سبييييييييتها ايييييه سيبتها بويسك مابقاااااااش فيا عقل وبهدلتها وهددتها مخليتهاش او مسمحتلهاش حتى تتكلم لاني كنت في درجة من الغضب ميعلمها غير ربي سبحانو والي عافس فوق الجمرة كيفي المهم كوبيت عليها وبعدها كي هدنت شوية قررت نعيطلها ونحاول نفهم منها كيفاه عرفاتو واشي هيا القصة بعد لقيتها مدايرة الرونفوا وهو كي جاء في الليل راح يحوس في برتابلي بالتخبية عليا سيبريما النيمرو والمساج الي بعثتهولها يعني زااد أكدلي الموضوووووووووع قولولي واااااااااش راح ندير يااااااااااااانااااااااااااااااااااااااس وعلاه هك واش خصها امي واش خصها لواات معااااه كلش عشرة 23 عام بدلها بوحدة متسواااااش وعلاااااااااش ياربي واااااش درنا قولوي كيفااااه نتعااااامل مع هاااااد الوضع وادعيييييييولو تعيشو كي تصليييييييو ربي يهديه ويولي لعقلو ولعايلتو مع العلم انو اليومين هادو كي قالتلو المخلوقة هاديييك عاد يجي لعني ويفكرني بيمااات صغري وكيفاه كااان يدللني راهو خايف لنفضحو وااااش راح ندير معاااه كرهتو ايه كرهتو تاع الصح بوييسك امي مخصها واااالو ديما متهليا فيه كي يكون مريض تبقى سهرانة على جالتو والله العضيم حتى كي يمرض بصرانو ديرلو ريجيم خااص ليه هو صدقوني قايمة بيه اكثر من الطبيب لمريضو هادا المرة تتبدل في نضركم عدت منقدرش نديير الكونفيووووونس حتى في راجل حتى من خطييبي كرهتو وعدت نخمم نبطل بوييييسك خايفة يجي نهار الي يبدلني اييييييييه ادعيو ربي يهدي بابا وقولي كيفاش ندير

[123boutheina]

التعاطف والميل لاحد ع حساب الاخر اكبر خطا
امك جميلة وفيها كل الصفات ولو افترضنا مثلا انها خامس اكمل النساء
يبقى السبب الذي جعل والدكِ يلجأ لهاذي الامور مجهول
لان الامر بينه وبين زوجته
فلا تحكمي ع والدك بالاعدام داخلك
لانك لو فعلتي
تكوني اكدتي لنا وبكل أسف انكِ من صنف الجاحد للنعم


والحل ي اختنا
الحل ي الحبيبة كوني محضر خير بين امك وابيك
ولو اتصلت الاخت هاذي مرة اخرى لا تردي بالعربيه اي رقم متعرفيهش متهزيش عليه
لكن ي بثينة كثرت بالاتصلات نتاعها ؟
اذن اعطي الهاتف للوالد وبكل براءة قال ي ابي الرقم هذا راهو كثر فيها
وهو راح يجد الحل وتنتهي المشكلة وبكل بساطه

بقات في امك ووسوسة الشيطان قال ي امي هذا زوجك عنده 23 سنة معاك
مهما اخطا فانتِ المخطئة فتفقدي المواضع الي انذركِ بها سلفا وصححي

اما بالنسبه لوالدكِ أذنب ولا غلط بينه وبين الله
انتِ ابنته الواجب والاصل ان تبرَّيه لا ان تحاسبيه

[nouna l maghbouna]

عاودي عيطي للمراة هاذي و اهدري معاها بلمليحة و زيدي اهدري مع الوالد تاعك
قوليلو عيب الشي اللي راك دير فيه
صاحبي باباك خليه هو يحكيلك و اعرفي السبب اللي خلاه يدير هكا
ماتكرهي باباك ما والو اكييد عندو سبب و بنات لحرام ماتعرفي كيفاه يطيحو عليك

و ماتظلميش خطيبك ماشي الرجال كامل كيف بعضاهم و ماتحكيلوش

ربي معاك

[doba]

ربي يهديه وانتي يعطيك الصحة

[مرام سيرين]

السلام عليكم
اختى وجدت هذه الاستشارة ربما تنفع
أختي الفاضلة: حفظك الله ورعاك.
وعليكم السلام ورحمة الله وبركاته، وبعد:
بدايةً: ونرجوا أن نقدم لك ما هو نافع لآخرتك ودنياك، وأحيي فيك حرصك على دين والدك وآخرته وهذا من البر المطلوب.
لكن مع ذلك كله لا بد من نصيحة عامة فأقول: أختي الكريمة اسمعيني بعقلك قبل قلبك أنه في حالة الخيانة الحقيقية وهي الزنا ووجود الدليل القطعي على ذلك، فأنصحك باتباع عدة خطوات هامة جداً وهي:
1- الستر على والدك؛ لأن سمعته هي سمعتكم جميعاً، والحديث النبوي يقول: ((من ستر مسلماً ستره الله يوم القيامة))، فكما نستر على الغرباء فمن باب أولى أن نستر على الأقرباء والوالد أولى من غيره؛ لأن هذا يدخل في البر به.
2- عدم نشر القضية خارج البيت لا لصديقة ولا لأقارب؛ لأنه لو كان هناك أمل في إصلاحه، فإن التشهير سيوصله حتماً إلى فقده لتوازنه حتى في تدينه الظاهر، كما سيؤدي إلى سسلسلة من المشاكل الاجتماعية، وسيكون هو الضحية الأولى قبل أولاده وأحفاده.
3- على والدتك أن تحتويه بمعنى أن تعتبره شخصاً مريضاً وهي الطبيب الوحيد في العالم الذي سيجد له الحل والدواء، ولتعطه الفرصة للتوبة، ولتعرف نقاط تقصيرها وتسعى في معالجتها، واذهبوا به للعمرة مثلاً، واتركوه يكثر من الصلاة والدعاء أياماً ربما يراجع نفسه أمام بيت الله تعالى ويتذكر آخرته.
4- أوصيك بكثرة الدعاء وخصوصاً أوقات الإجابة كقيام الليل، وبعد الأذان وعند الإفطار من الصيام، وساعة الجمعة، كما أوصيك بكثرة الاستغفار، فقد جاء في الحديث عن عبد الله بن عباس رضي الله عنهما قَال: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: (مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا، وَمِنْ كُلِّ هَمٍّ فَرَجًا، وَرَزَقَهُ مِنْ حَيْثُ لَا يَحْتَسِبُ) رواه أبو داود وابن ماجه وأحمد في "المسند" وغيرهم.
وفي حال توبته فالنصيحة لتفاديه الخيانة مستقبلاً:
1- تقوية الصلة بالله من قبل الأسرة جميعا حتى تتكون البيئة الصالحة، وتشجيع الأب على العبادة والصلاة، وسماع المحاضرات والذهاب للعمرات، فإن الدين أكبر حافظ للحياة الأسرية وفي غيبة الأم فإن الأب لن يرتكب تلك المعصية؛ لأنه حينها سيراقب ربه قبل مراقبة الناس.
2- أن تتفنن الأم في ملء عين زوجها بأحسن الملابس واستخدام العطور، والنظافة والعناية بجو البيت، وعمل المفاجأت له والهدايا، والابتسامات المتواصلة والدلال، والله هذا ليس عيباً إنما هو من صميم الشرع، وختاماً: أسأل الله أن يتوب علينا وعلى والدك، وأن يفرِّج همومنا وهمومكم، وأن يجعلنا عنده من المقبولين. آمين
والسلام عليكم ورحمة الله.

[z.abdo]

السلام عليكم اختي

اولا يجب ان نعالج الأمور بروية واحسن شيء عملتيه انك لم تخبري امك ان صاحبته امرأة هذا يدل على رزانتك

لكن ان تتعاطفي مع امك لانك أنثى مثلها وهذا شيء طبيعي واكيد شيء صعب هذا

وليس يعني ان والدك انسان فاسد لما وجدتو عندو رقم امرأة ربما نيتيو يتزوج بإمرأة ثانية وطبعا هذا الأمركذالك ليس سهل


لكن لاتنسي ان هذا والدك وانت من صلبه وامرنا الله بطاعته واحترامه وليس كما تقولي انه سقط من عينك هذا ليس كأي رجل

ليس خطيبك ولا زوجك ولا زميل في العمل اكرر والدك انت من صلبه

لكن ابقي رزينة في تصرفاتك ولا تزيدي الطينة بلة وبارك الله فيك على رزانتك وربي يصلح احوالكم ان شاء الله

[naamane3]

والله لم اجد ما اقول كان الله في عونك
المشكلة في ابوك نفسه ليست في من يواعدهن
فاذا ذهبت واحدة وجد الف
اعقدي جلسة نصح مع ابيك واعلميه ان ما يفعله حرام
وذكريه بالله واليوم الأخر والحساب والعقاب
واخبريه انك لن تفشي سره حتي يقلع عما يفعله
و ذكريه بالامراض الخبيثة التي تنتج من هذه العلاقات
وما ذنب امك المسكينة اذا نقل لها هذه الامراض
واخبريه انه انت من يجب ان ينحرف ولكنك احتراما له لم تنحرفي
كما يجب عليك وعلي امك الدعاء له
واكثرو من الاستغفار والله المستعان

[الفاتحة]

والدك يبقى والدك وواجب عليك احترامه ومسامحته ويا لالة بيضي قلبك على بوك، ربما نزوة، ملل، فراغ ،او ......أسباب انت متعرفيهاش، ربي العزيز لفت انتباهكم باش تزيدو تتهلاو بالوالد، يعني انت بالطاعة والحب ، ووالدتك كيف كيف، ختي انت طفلة باين عليك شاطرة وذكية ، لكن متسرعة شوية ، اصبري على بوك وحاولي تفهمي منو واش الحكاية ، ربي يوفقك ويرزقنا جميعا بر والدينا آمين.

[salsila]

انتم دائما تقولو بلاك المراة مقضرة في حاجة وعلاش الراجل راهو كامل؟لالالالال الكمال لله املا هي تقضر في حاجة هو يخونها وهو يقضر هي تخونو وين رايحين نوصلو؟ هدي ماكنش منها باباك والرجال قاع ربي يهديهم ان شاء الله والبنات لي يقبلو بواحد متزوج ربي يهديهم رانا في هدا الزمان كترت فيه الفتنة ربي يسترنا ويستر علينا برك

انت تكلمي معاه وقتليه غير بالقدر ويلا حشمتي علاه باباك اكتبيلو رسالة و خليه كي يقرها يندم ويكره روحو
ربي يهدينا كامل ان شاء الله

[نسمة تفاؤل]

الله يهديه وكثري من الدعاء وان شاء الله ترجع المياه لمجاريها

[بلسم غرام2018]

عاودي عيطي للمراة هاذي و اهدري معاها بلمليحة و زيدي اهدري مع الوالد تاعك
قوليلو عيب الشي اللي راك دير فيه
صاحبي باباك خليه هو يحكيلك و اعرفي السبب اللي خلاه يدير هكا
ماتكرهي باباك ما والو اكييد عندو سبب و بنات لحرام ماتعرفي كيفاه يطيحو عليك

و ماتظلميش خطيبك ماشي الرجال كامل كيف بعضاهم و ماتحكيلوش

ربي معاك

[TOKYO]

يلزم تتصرفي بالوعي و دكاء قوي و تاني تحسبها الصح
اولا اتصال بالصاحبة رقم حاولى تتلاقي معاها و تنصحيها بابتعاد عن والدك و رايحها تهدمها
وادا عندك خوك اتفاهمو و روحو مع البعض و بعدو عن سياسة تهديد
جربو تعرفو طفلة منين و معلومات عنها و عن عائلتها و كاين طريقة يلزم شوي معريفة رقم تاعها
و روحو للعائلتها او اخوها باش يحكموها و يكون عندهم الخبر بالموضوع
والدك يلزم و اانت مجبورة باش نطيعوه مهما كان
مثل هده امور يلزم لواحد يبحث شنو اسباب لى تركة امور تصير
ربما امك صارت كبيرة و عادت لا تتزين للوالد و تاني اولاد كبرو في البيت و عاد ما يصيب امور لي يبحث عليها
اختى يلزم لواحد يعيد حسابات من جديد لانه بره حاله صعيبه
و ادا خطيبك نقولك حالة انثي هكدا بالصح خطيبك ما عنده حتى الدنب و ربي خلق و فرق
فقط ننصحك يلزم تسترى حاله قدر مستطاع و حاولى تخبي امور مهما اكتشفتي لانه
مصير عائلة رايح يكون في لسانك و عقلك
ربي يهديه و يهدينا اجمعين

[faty05]

يفشلوني شي عباد كي يردو اللوم علا لمرا ,,, وش حبيتوها تكون خالية من العيوب وقيلا
و لاخينا عبدو لي تكلم على الزواج بامراة ثانية . انت تبالك واحد عينو يعاود يزوج يدي وحدة تحط صور غير لائقة في الفيسبوك ؟؟؟
وش نقول يا اختي هذا باباك ادعيلو بالهداية و عسيه من بعيد وحتى اذا اقتضى الامر تتحيني الفرصة و تتلكمي معاه و استريه و ما تخبريش يماك به ما تمرضش

[حميد.ص]

كل بني آدم خطاء وخير الخطائين التوابون...........ما اجمل ان تعيديه امك الى رشده فهي اقرب الناس اليه

[imane bela]

matzidich edakhli rohek psq enti elkhasra takhasri babak w tzidi 3la yemak
w fi la fin marahch yetbedel psq jah retour d'age
ejebdi rohek w elthay fi swalhek echi eli raki ediri fih yzid yba3ed babak 3likom ahamdi rebi ki mazal 9a3ed m3akom f edar w masmahch fikom kayen nass rmawhom f ezon9a w mazadouch chafou fihom
jarti kanet tebni m3a radjelha hiya eli etela3 edouzan t9ol ena9es 3lih elmesrouf ana n3awnou w ki tel3at l villa rmaha era hiya w wladha w tele9ha w jab wahdokhra tetna3em w dok ki netla9a biha t9oli jezt 3la elvilla eli tela3tha byedi w l9it mertou ejdida f balcon
elmohim 9oli hmd o weli l3a9lek