طاجين الحلو بالبسبوسة

[ام نسمة]

مرحبا بما انو رمضان على الابواب حبيت نمدلكم هادي الطريقة الرائعة لطاجين الحلو اللي يحمر لك وجهك قدام الضياف شكل جميل وبنة اجمل اسفة راحولي بعض الصور تاع التحضير راح نحط اللي عندي ونشرح الوصفة

اولا حضري البسبوسة بالشابلير تحتاجي كاس شابلير كاس زيت كاس حليب كاس بيض كاس سكر عادي خميرة كميائية وجوز الهند والكوكاو مرحي رقيق هو جوز الهند كاس نص بنص وقشور ليمون وعيره وضربيهم مليح بالباتور ودهني مول السيلكون قوالب فردية بالزبدة ورشيهم بالفرينة ودخليهم يطيبو وتكوني موجدة سيرو غير تطفي عليهم سقيهم وخليهم يبردو


ومن بعد جيبي قطعة لحم خروف مايكونش فيها عظم باش تطيب بسرعة اكثر
نحتاج نصف بصلة شرائح جد رفيعة ونحتاجو برقوق وزبيب وسفرجل فقط
http://www.alm5zn.com/upfiles/fnR31776.jpg
http://www.alm5zn.com/upfiles/NVu31776.jpg
و زعفران استعملت تاع الشعرة باش لاصوص تخرج لاكولار اتاعها ميال ونجمة الارض وقرفة عود ورشة بودر ورشة جوزة الطيب وملح وزبدة صول
حطي في الطاجين يكون ثقيل الزبدة وقليه اللحم والملح والبصل فيها وضيفي الزعفران بعد ما حليتيه بشوية ماء دافي وحطي القرفة والنجمة ورشة سكر وخليهم على نار واطية ومن بعد ضيفي البرقوق اللي تكوني شمختيه في ماء بارد ربع ساعة وزيدي رشة مليحة تاع سكر وخليه يطيب وعاودي حطي سفرجل وخليه يطيب شوية ومن بعد حطي زبيب وكدالك رشة سكرة مليحة يعني كمية السكر قسميها على مراحل الطياب تاع الطاجين وفي الاخير ضفي شرائح البرتقال وعصير ليمون مع ماء ورد يغلي غلية وطفي وبالطبع يكون المرق عقد وتعسل
نقلي اللوز ونجيب جوز الهند وجوز ونحتفظو بالقرفة والنجمة وشرائح البرتقال على جنب للتزيين نجيبو طبق حطي البسبوسة في الوسط وزيدي سقيها بالصوص تاع الطاجين ورتبي الطبق على دوقك وانا زينته هكدا

http://www.alm5zn.com/upfiles/r4t31776.jpg
او هكدا
http://www.alm5zn.com/upfiles/1ez31776.jpg


والله الدوق روعة ويصلح للضيافة الراقية حتى البرتقال اعطى له طعم مختلف وانا اول مرة نستعمله وعجبتني النتيجة بزاف

[أم ماجد]

الله الله عليك يا زهور الحلو ايجيب الحلو

[oum shaima]

شكرا.. فكرة شابة وطريقة تقديم présentable .... بصح في رمضان يكون ثقيل شوية على المعدة....
بارك الله فيك :19:

[crystale49]

شكرااااااااااااااااااااااااا

[غزة في عيوني]

بارك الله فيك مسياتو يجي يهبل لكن انا ندير بسبوسة عادية مانديرهاش بالشابلور نديرها بالسميد المتوسط

[حياتي نبع امل]

امممم فكرة جديدة بارك الله فيك

[ام نسمة]

بارك الله فيك مسياتو يجي يهبل لكن انا ندير بسبوسة عادية مانديرهاش بالشابلور نديرها بالسميد المتوسط

مرحبا ممكن تعطيني مقادير بسبوستك من فضلك ربما تكون احسن من تاع الشابلير

[غزة في عيوني]

زهور انا ندير البسبوسة في لي مول نتاع لي بابا هديك الي جي مثقوبة في الوسط والمقادير نتاع البسبوسة هي 3حبات بيص+1/2كاس سكر ما نقويش فيها مانحبش السكر بزاف فيها لانو من بعد تتعسل ضربي مليييييييح +كاس زيت وزيدي ضربي +كاس حليب وضربي مليح ثم نزيد السميد المتوسط تقريبا 2كيسان ونص حتى ل3 كيسان ماجيش يابسة وما جيش جارية بزاف في الحقيقة ندير عيني هي ميزاني هههههه زعما بروفسيونال في البسبوسة و 2 خمارة و تكون الكوشة شاعلة من قبل ونخليها مدة نصف ساعة لما تحمار نخرجها انا ما عسلتهاش حتى طيبت الحلو كي كان سخون فرغت شوية عسيلة نتاع الحلو على البسبوسة باش السميد يشرب والكاس الي عبرت بيه نتاع القازوز انشاء الله نكون فهمتك

[ام نسمة]

زهور انا ندير البسبوسة في لي مول نتاع لي بابا هديك الي جي مثقوبة في الوسط والمقادير نتاع البسبوسة هي 3حبات بيص+1/2كاس سكر ما نقويش فيها مانحبش السكر بزاف فيها لانو من بعد تتعسل ضربي مليييييييح +كاس زيت وزيدي ضربي +كاس حليب وضربي مليح ثم نزيد السميد المتوسط تقريبا 2كيسان ونص حتى ل3 كيسان ماجيش يابسة وما جيش جارية بزاف في الحقيقة ندير عيني هي ميزاني هههههه زعما بروفسيونال في البسبوسة و 2 خمارة و تكون الكوشة شاعلة من قبل ونخليها مدة نصف ساعة لما تحمار نخرجها انا ما عسلتهاش حتى طيبت الحلو كي كان سخون فرغت شوية عسيلة نتاع الحلو على البسبوسة باش السميد يشرب والكاس الي عبرت بيه نتاع القازوز انشاء الله نكون فهمتك

شرح كافي و وافي مشاء الله عليك راح اجربها في اقرب فرصة لاني انا من عشاق طاجين الحلو وفي رمضان لازم لازم نحطو على طابلتي وناكلو وحدي ههههههههههههه الحلو يجي ثقيل في رمضان لكن انا نموت عليه لازم يكون حاضر بقوة في رمضان خاصة وقت السحور راح يمد الجهد والقدرة على صيام النهار الطويل

[غزة في عيوني]

شرح كافي و وافي مشاء الله عليك راح اجربها في اقرب فرصة لاني انا من عشاق طاجين الحلو وفي رمضان لازم لازم نحطو على طابلتي وناكلو وحدي ههههههههههههه الحلو يجي ثقيل في رمضان لكن انا نموت عليه لازم يكون حاضر بقوة في رمضان خاصة وقت السحور راح يمد الجهد والقدرة على صيام النهار الطويل
الحمد لله الي فهمتك كنت خايفة الى مانوصلكش الفكرة

[ahlem87]

شكرا لكي و للمنتدى الجمييييييييييييل

[أَوْتَآرُ الأَمَلْ]

يعطيك الصحة رايحة نجربوآ قبل رمضان ان شاء االله