مشكلتي اتعبتني جداا اريد الحل

[مشكلتي]

السلام عليكم و رحمة الله و بركاته

مشكلتي هي

دخلت نتلعم في السياقة عند معلمة وبعد مدة راحت المعلمة عندها ظروف و مش رايحة تزيد ترجع و مبعد جاء خوها يعلم فينا
في البداية كن عاقل و مبعد اصبح يتحرش بي

يقولي اذا كنت حاب تدي البرمي افعلي معي كذا و كذا
وقالي انو تعب من الجلوس امامي و النظر الي يريد فعل اشياء اخرى

كرهني في حياتي بكلامو البذيئ و مايخلينيش نركز في السياقة
قوتلو نسوق مع البنات مش وحدي قالي ممنوع

المشكل انه يعلم اني مخطوبة و قريب ندير االعرس

وذرك راني في المرحلة الاخيرة من االتعليم بقاولي 4 حصص معاه و لهذا من الصعب اني نحول المدرسة
كي يكون يحكي معايا ندير روحي مش فاهماتو باش يبقى القدر بيناتنا
بصح للاسف تمادى جداا
مانقدرش نقول لخطيبي خايفة يذبحو و يباصي
و مانقددرش نحكي لدارنا لانها توقع مشاكل كبيرة

ماعرفتش واش ندير نهار كامل و انا ندعي عليه
كرهت اليوم الي دخلت فيه نتعلم
حسبي الله و نعم الوكيل فيه


دبرو علي خاوتي و السلام عليكم

[/زهرة عصفور الجنة/]

اختي ما اختلى رجل بامراة الا كان الشيطان ثالثهما
وانت فتحت ابواب الشيطان بخلوتكي معه نصيحة مني اوقفي كل شيء وحاولي البحث عن مدرسة سياقة فيها معلمة امرأةوالا ستنتهين الى قصة لا يحمد عقباها صدقيني

[منال مي12]

اختي انا ننصحك تبدلي المدرسة ولا تستناي حتى ترجع اختو وكملي معاها
حسبيا الله ونعم الوكيل

[عبدالله بولنوار]

هل ستتوقف الحياة عند رخصة السياقة
(من ترك شيئاً لله عوضه الله خيراً منه)

[الجواهر]

انا ايضا اخترت مدرسة سياقة لامراة بعيدة عن بيتي و بعدما اكملت الملف فوجئت بها تطلب مني تعلم code مع عامل لها فوافقت لاننا سندرس في مجموعة لما انتهت المرحلة الاولى بدات اتعلم معها السياقة لاجدها تطلب مني تعلم السياقة مع ابنها او زوجها صعقت و تشاجرت معها و قلت لها لو انني اردت التعلم مع رجل لاخترت مدرسة قريبة من بيتي المهم انني وجدت نفسي مجبرة على التعلم مع رجل " ضمن مجموعة " و لكن كلمة حق تقال لم اتعرض لاي مضايقة مطلقا بل عوملت بكل احترام
اما مشكلتك فاقترح عليك مرافقة اي شخص لك عندما تاخدين الحصص الام - الاب - الاخت - الاخ - صديقة او حتى خطيبك المهم لا تبقي معه وحيدة اولا لانها خلوة و ثانيا لانه تمادى كثيرا اما بخصوص تغيير المدرسة فهو حل لكنه صعب و قد تخسرين اكثر لاننا عندما اردت تغيير المدرسة اشترطوا علي دفع المال و كانني لم ادفع ابدا
هداك الله الى الطريق المستقيم

[نورسين.داية]

السلام عليكم

لما لا تاخدين معكي أخوكي أو خطيبك ........؟؟؟

إذا ما فيش إمكانية ...............بحر عليها هاذيك الورقة ..........

عزيزتي كرامتكي و شرفك ....هو الأول عزيزتي .....و زيد هذا النوع لا تامنين شره خصوصا في مرحلة la circulation

[hidayasoun]

أخبري أخته بالقصة و هدديهم بالشكوى لمديرية النقل في حالة عدم التزامه ربما سينتهي عن حقاته و إلا اتركي المدرسة و عوضك على الله

[سرور]

ادي خطيبك معك قول اروح تشوفني كفاش نسوق ولا دير حجج اخري

[مناد بوفلجة]

لا أدري ، و ما هي قيمة تلك الورقة مع ما يبحصل لك

نصيحتي لك أن تتوقفي عن الذهاب لتلك المدرسة
يعني : تسمحي في البيرمي و في كل ما خسرتيه في تلك المدرسة

و ربي يعوضك بالأحسن

[الفاتحة]

يعني حسب قراءتي لمشكلتك كأن رخصة السياقة هذه ستدخلك الجنة، أو بدونها لا تستطيعي مواصلة الحياة، يخي حالة يخي، حرام عليك روحك وكرامتك تهان أمام عينك وأنت تقولي خطيبي ودارنا ، يا ختي الخوف من ربي ، وغضب ربنا كبير على واش ، على شئ اسمه رخصة سياقة عفوا هذا رخص النفس لما تتجه لشهوات الدنيا وتنسى الآخرة، شوفي آ لالة ، يبقاولك 4 حصص ولا حتى حصة وحدة ، هذا شرفك وشرف عايلتك وخطيبك ، اخطيك من الهدرة التافهة، وبدلي المدرسة لأخرى وتكون المعلمة امرأة، وحاولي تكوني حازمة مع هذاك الحثالة وقوليلو نشكي بيك، وصدقيني كون ماحسش أنك خايفة منو ماكان يتجرا على هذاك التحرش، وزيدي اتولهي مع حجابك واستري روحك مليح يعني البسي الواسع درأ للفتن حتى الشباب راهم في مصيبة كبيرة وهي فتن الكاسيات العاريات، وربي يستر على بنات وشباب المسلمين .

[موج و صخر]

1 == خذي معك واحد للدروس
او
2 == بدلي المدرسة اكتبي طلب للمديرية
أو
3 == هدديه قوليلو سجلت كلامك و ساقدم شكوى ضدك
او
4 == بلوكي الدوسيي عدة اشهر لعل الله يسهل لك امرك

[sarah1424]

ربي يهدينا ويغفرلنا

اختي علاش خليتي حتان وصلتي لهذه الدرجة لانو مستحيل من النهار لول يقلك نديرو ونديرو
توقفي تروح الرخصة ويروح كلش ويبقى الشرف وعلاقتك بربي

[ناصرة]

غيري المدرسة فورا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Blue*flower]

كل اخوانك ف المنتدى على حق.

بحرررررررررررررررررررر على الرخصة و المهم عرضك و شرفك

[panpouna]

ادي معاك خوك ولا كاشما واحد يا لوكان طفل صغير كي تروحي هاكدا كنت ندير مالقري ما سراليش المشكل نتاعك و ربي يسترك ويسترنا

[ayaamira666]

انا لما قررت نجوز رخصة السياقة اشترطت عليا ماما باش تجوز اختي معايا وجوزناها عند شخص صديق العائلة يعني موثوق و كنا انا و اختي نروحو و نجيو مع بعض
هكذا احسن
يعني ننصحك يكون معك واحد من العائلة حتى مايصراوش هاذي المشاكل

[سيرين شوب]

مالازمش تستسلميله خذي معك والدك او امك وكي يشوفهم قدامو مايقدرش يقول شيئ وحمري فيه العين هذا شخص نذل واذا حسك راضخاتيله رايح يتمادى من الاحسن تاخذي واحد من والديك احسن من خطيبك لانه رايح يتحشم منهم

[محمد جديدي التبسي]

ان لله وان اليه راجعون شكون هذا الرجل اللي يسمح لمرتو ولا بنتو تسوق سيارة ؟!!!!!
ربما تقولو اني متخلف ..والله ما لقيت ما نقول أخطيكم من السياقة يا نساء ربي يهديكن

[حميد.ص]

غير تركبي معاه في السيارة اول كلمة خارجة طريق يقولهالك اعطيه بكف ......يسقم روحي قوليلي احشم على روحك شوية...ربي يعطيك الخير

[هند222]

حبسي حالا وفورا

وخلي 4 حصص خير ملي تخلي شرفك

[mina18]

لست مجبرة على اكمال كل الحصص خاصة فالمرحة الاخيرة انا تعلمت عند امراة وعملتلي ٌ او 4 حصص فقط والباقي الوالد واخي كانو يعلموني لدلك انت قوليلو يحطك فالامتحان الاقرب وشوفي احد من محارمك يعلمك شويا الي حين الامتحان لست مجبرة على ان تحضري كل الحصص