زوجي التافه

[مشكلتي]

السلام عليكم
مع اني علابالي راح تجيني هجمات ولكن عادي تعودنا الي ان مللنا وكللنا

انا متزوجة عندي سنة
ادرس حاليا في الجامعه عندي 24 عام
زوجي تاجر عنده 27 سنة

وبحكم القرابه واشياء غبية وتافهة ارتبطت به وقد حسبته من زمرة العقلاء
وحتى لا اظلمه هو كريم لدرجة غير محدودة لكن
الحياة عنده محصورة بين ماديات وعزائم وولائم
مواضيعه كلها تافه حتى النقاش فيها يجيب الضغط
يعني امس كنت جالسه اطبع بعض الاوراق الخاصة
يجي وينحي الاوراق ويطفي الطابعه من يدي ويقول اسمعيني باغي نهدر
ما علينا اهدر
تخيلوا الموضوع انه شاك في الي جابله الخضره ممكن يكون غاشه في الكميه مع اني شاكه في مصداقيه القصة لانها موش خاشه دماغي وكانه باغي يحكي وخلاص وحتى لو كانت صحيحة
باغيني نروح نحسبله عدد حبات البطاطا ولا وش باغي
انا ساكته مرديتش وش راح نرد عليه من اساسه
سكت ومبعد قال انتي اصلا في واد وانا في واد
وانا ساكته
وزاد رد وقال نروح للي تفهمني خير لي
حكمت اعصابي و رديت عليه بكل برووود وقلتله وعدي مبعد جيب معاك الحبر تاع الطابعه راه قرب يخلص راني محتاجته
فكان رده انه هز طابعتي المسكينة وكسرها قدامي وقالي اي وحده تتمنى مني اشاره وانتي ....
وانا ساكته حتى خرج وللوقت الحالي هاز نيفه ويهدر بالمزية

يا عباد الله وش ذنبي ولا وش راح يكون ردي كي يجي يهدر معايا في البصله والطماطم
عام طول واحنا الطماطم البصلة ومشتقات الخضر والفواكه حتى زعما كي يدلعني يعيطلي فرازه
يرحم باباكم هذا شخص طبيعي
و كي يقول لي ولا يشكيلي طلعت البطاطا وش راح نرد عليه . حاولها يا عمري بلاك تهبط ؟؟؟

حتى لو قلت نرومانسي معاه شوي لازم يدير حاجة تجيبلي الاحباط فالصباط
حتى نحرم نقرب منه وهو يا يتغابى او انه غبي فعلا ويزيد يرد انتي حاكمتلي الكلمه وتقارني فيا بفلان وونكون كي علان
وانا والله عمري ما جبت سيرة حد ولا قتله كون كي حد

[مراد12345]

|نت مخطئة في الزواج منه

من اليوم الأول

هو على ما يبدو ليس من مستواك

أنت حرة الآن

أن تبقي معه

أو تطلبي الحرية لنفسك وذلك الأفضل

[oum yahya]

اسمحيلي راكي ضحكتيني و انا زعفانة المهم باين الفرق بينكمافي مستوى التعليم ديري كيما اناو بيني ديما بلي الشهادة اليوم حبر على ورق والي ما عندهمش شهادة و عندهم كيف كيف وخليه ديما يربح في النقاشات وحتى لو كنت تعرفي حوايج هو يجهلهم ما تقوليهمش و قدام الناس هو اللي يعرف و انتي لالا و تاني اسمعي لحكاياته و مشاكله حتى ولو تافهين او معاودين المهم خليه يحس انه خير منك في كل شيء خاصة قدام الناس وهدا يزيده اطراءا

[madoucha]

شوفي اختي انت مازلت بعد لم تفهمي شخصيته ممكن راه يحس بالنقص من قرايتك ماتخليهش يحس بهذا النقص و كي يهدر اسمعي هدرتو كوني مستمعة جيدة لاحاديثه ولا تعتبريها تافهة فالعمل شرف سواء خضار ولا طبيب ولا تاجر او مهندس ومادام جا ليك يحكي فلا تستهزئي برغبته في الحديث و استمعي جيدا له
ربي يهنيك

[from13]

من عادة الزوجة ان تقاسم زوجها في كل شيىء

ما ذنب زوجك ان كنت اخر شخص عنده يتقاسم معه همومه مهما كانت كبيرة او صغيرة

ان لم يجد زوجة تستمع له و تقدم له حلولا او حتى تواسيه فلمن يلجىء ?

لو كنت مكان زوجك لفعلت نفس الشيىء ... او كنت كسرتها على راسك هههههه ( متزعفيش )

ليس لانه يكرهك لا ... انما ربما يراك قد خيبت ضنه

في المرة القادمة كوني ذكية وحاولي الترويح عنه لا زيادة مشاكله .

سلام .

[آنثى آلمطر]

والله ضحكتين حنونتي


اول شيء ساعفي راجلك
وسمعيلوووو وفهميه غي بشوية
وربي يهنيك

[ع ـطر]

هناك فرق فالمستوى بينكما

هناك اخت صديقتي تقول دائما انه كرهت من زوجها

فهو بناء وهي استاذة

وهذه نفس حالتك هو لايبخل عليها بشيء وزوج مثالي في كل شيء ماعدا انه في المناقشات والاهتمامات لايوجد توافق

هذا يعني ان المستوى الفكري والثقافي عندو دور كبير

انت الان متزوجة ماعليك الا الصبر عليه وماتعانديهش

الحاجة لي حاب يتكلم عليها اتكلمي عليها

يعني كون رحتي حسبت حبات البطاطا وهنيت روحك من تكسار الراس

لازم شوية تضحية اختي راهو في الاخير زوجك

[oum yahya]

نسيت انقول حاجة ما تقوليش على راجلك تافه لاانهببساطة زوجك النصف الثاني حرااااام لا لا ما تزيديش حنونة ياخي سلااام

[mimi blida]

من عادة الزوجة ان تقاسم زوجها في كل شيىء

ما ذنب زوجك ان كنت اخر شخص عنده يتقاسم معه همومه مهما كانت كبيرة او صغيرة

ان لم يجد زوجة تستمع له و تقدم له حلولا او حتى تواسيه فلمن يلجىء ?

لو كنت مكان زوجك لفعلت نفس الشيىء ... او كنت كسرتها على راسك هههههه ( متزعفيش )

ليس لانه يكرهك لا ... انما ربما يراك قد خيبت ضنه

في المرة القادمة كوني ذكية وحاولي الترويح عنه لا زيادة مشاكله .

سلام .
انا معك في هده النقطة
ما ذنب زوجك ان كنت اخر شخص عنده يتقاسم معه همومه مهما كانت كبيرة او صغيرة

ان لم يجد زوجة تستمع له و تقدم له حلولا او حتى تواسيه فلمن يلجىء ?

[bibicha]

الظاهر انة فارق المستوى هو لي مأثر على زوجك ننصحك حتى و كي يحكي معاك في مواضيعو تسمعيلو و قوليلو كي يشكيلك صح؟و الحل كيفاش دير؟او اشياء من هاذ القبيل شغل راكي تحكي مع طفل صغير لانو هكذا قادر يدير فيك زكارة و يبطلك قرايتك تعشي نتي لي خايرة و زيد الزواج تضحيات لازم المرأة تخلي مستواها و قرايتها و فهامتها بجيه قدام راجلها باش ما يحسش بلي كاين نقص

[mitrochka]

أختي أنتما تركبان مركبا لكن كل واحد منكما يجدف في الجهة المعاكسة للآخر
زوجك ليس تافها إطلاقا لكن إهتماماته هي ما ذكرت بحسب حاجاته و تعاملاته و رغباته
و الخطأ منك أن قبلت الزواج منه
فليس من المعقول ان تتوقعي منه أن يحدثك عن البحث الفلاني و عن الكتاب العلاني
أو أن يستعمل أسلوبا لا يفقهه
لك مني
حاولي إيجاد لغة حوار مشتركة
حاولي تغييره بطريقة غير مباشرة ليعرف ما تهتمين به و يشاركك به
و ذلك من خلال مشاركتك انت بحياته
فليس من المعقول أن تشمئزي منه و هو زوجك
ربي يصلح اخوالكم و يخرجكم إلى بر الأمان و سواء السبيل

[نورسين.داية]

السلام عليكم

أختي رأيته و نعته بالتافه ....لكن في آخر المطاف تزوجته ....................؟

و كنتي تعلمين من البداية أنه تاجر خضر ..................و تزوجته............................؟؟؟

لو كنت مكانك .............بالعكس أسمع له ما يقول ........عادي جدا .................أين المشكل في دلك ............خلي يحكي ..........


و الأهم في كل هذا ............على حسب ما يبدو أنك ترينه أقل من مستواك .......................لما تزوجته من البداية إذن ؟؟

ركزي عزيزتي ...جيدا فيما تريدين ........و عما تبحثين ...................

وفقكي الله أختي

[جمال المهاجر]

أعرف زوجة ، هي قريبتي ، حدث لها في بداية زواجها ما حدث لك و أكثر .. بل لا يمكن مقارنة ما انت فيه الان .. و ما كانت فيه هي .. ..
قصت علي ما كانت تعانيه .. بل وصلت مرة من المرات حتى الى فكرة طلب الطلاق .. لكن ....
استجمعت قواها .. و فكرت جيدا .. و بدأت حياة جديدة عنوانها ' تغيير زوجي ' ...
نعم .. يمكنك تغيير زوجك .. و هذا لا يعني ان تصبحي متسلطة عليه .. غيريه .. عامليه بلطف .. قابلي ظلمه بتقبلك و نصيحتك الطيبة .. و اصبري .. ان شاء الله سيتحول الى ذلك الرجل الذي كنت تتمنينه .. و مازلتي الى الان .. بالتوفيق

[Assouma 93]

Rabi yahdih Inchaalah

[نبض الفؤاد]

ختي ولا بنتي كيفكيف.....ما تضنيش انك تكوني على أفضل حال لو كان زوجك طبيب والا دكتورفي الجامعة لان ببساطة الراجل هو

الراجل..اللعبة كامل تكون من المرأة....و رومانسية الافلام خلوها بجيه ،هذا واقع.............

خوذي رايي و ارضاي بقسمتك وتعلمي طرق تساعدك في مواصلة حياتك برفق.....و زوجك لازم تعطيه حقه في كلش....ربي يعاونك

ويهديك .........

ويكون معاك....

[هند222]

من خلال الردود

اجد الفرق في المستوى اي مستوى هذا الذين تتكلمون عنهم

فماذا فعل الأطباء في نسائهم وماذا فعل الأستاذة والمهندسون وووو امثالهم

فمعظمهم اما لايستطيع تدليع زوجته
او لايستطيع حتى التفكير في زوجته او توفير لها الطلبات


فانت ياختي احمدي الله على هذا الزوج

ان ياتي زوجك ويتحدث معك اين يتكلم

واصلا لما تنعتيه بالتافه لأنه حقق لك كل طلباتك وانت لم تستمعي اليه حتى

انا امرأة ومتزوجة ولو كنت مكانه لكسرتها على راسك

متزعفيش ولكن مدام لاتحبين البطاطا من ارغمك على الزواج به وانت اعلم بانه خضار

وحتى ولو كنت مرغمة

تعلمي ان تحبي زوجك
وان تستمعي اليه مدام هو لم يبخل عليك بشي

فصدقيني

ليس كل من له شهادات فهو متفهم

ربي يهديك

وكتبت المشكلة وقلت في الأول ستردون عليا بالنقد

طبعا لأنك في قرارة نفسك تعلمين بانك مخطئة

احمدي الله على انه مزال خلاكي تدرسي

لو كان مش يحبك يخليك في البيت وعندو الحق 100/100

لكن هو اراد ان يرضيك

فعلا عجبت لأمرك

ربي يهديك ويهدينا معاك

الزواج في الأخير ليس عرس او تباهي وصالة وتصديرة وووووووووووووووووو
الزواج اخيتي هو عطاء وحب والستر ومسؤولية كبيرة

وكمان حفظ اسرار

وان تقيمي زوجك لأن قيمتك من قيمته

الزواج هو بناء ليس هدم ومشاكل

حاولي ان تعيدي تفكيرك ولاتتعدي الشيطان يخرب عليك

[بومدين الموصطاش]

لو كنت حقيقة انسانة طيبة وهو من يظلمك لما تجرات ووصفت زوجك بالتافه .أعرف العديد من النساء اللواتي أزواجهن سكارجية و مدخنين و لا يمكن عشرتهن أبدا ولكنهن يدعون لأزواجهن بظهر الغيب دائما .لا يتكلمن في أزواجهن فقط صلاتهن ويدعون الله عز وجل ان يصلح قرة اعينهن.
و فيما يخص فارق المستوى الذي تتكلمين عنه فأقول لك بأن المستوى في الدين والأخلاق لا في مستوى فتاة درست في جامعة يملؤها الانحطاط الأخلاقي و....و....
نصيحة لك مني كأخ احتملي زوجك قليلا .ادعي الله أن يصلحه و يصلحك.و ان شاء الله العيش في هناء وتكوين ذرية صالحة.

[doba]

ربي معاك اختي واصبري وحاولي تغيره

[الزهرة المضيئة]

بصراحة اختي انت الغالطة
زوجك جا يهدر معاك و حتى لو الموضوع تافه بالنسبة ليك مهم بالنسبة ليه
و من واجبك تسمعيه
انت غير مقتنعة به من الاساس و تحتقرينه لمتاه
لما قبلت به من الاساس و يبان ان طيب على الاقل خلاك تدرسي و يجيبلك الحبر تطبعي
انت المخطئة

[رُوح طِــஐـــفلة]

صحا فرازة ^^

ضحكتيني أختي
أما عن زوجك يظهرلي انسان طيب ويحاول يشاركك بهمومه فمن المفروض عليك تسمعيه
حتى ويبانلك الموضوع تافه ,بالنسبة ليه هو مهم ,جربي تتنازلي شوي وتحكي معاه على البطاطا والبصلة وين راه المشكل,,
قالك هبط النيفو يطلع المورال
ديجا بينك وبين زوجك المفروض مكان ني نيفو ني شهادة مكان حتى حواجز تفصلكم
فرضا لو مستواه الدراسي اكثر من مستواك
وبدا يلعب فيها ويقول عليك تافهة ومواضيعك تافهين ,
مش رح تغيضك روحك ؟
جربي حطي نفسك في بلاصتو ,وشوفي

سلام

[sali-sali]

حتى انتي غالطة
بانتلي مراكيش محتارماته..وقايساته في الثقيل

حاولي تساعفيه..هكدا تمشي الامور

للاسف ابتعدنا عن الدين حتى في الحياة الزوجية و المعاملة بين الطرفين

[nouna l maghbouna]

من خلال الردود

اجد الفرق في المستوى اي مستوى هذا الذين تتكلمون عنهم

فماذا فعل الأطباء في نسائهم وماذا فعل الأستاذة والمهندسون وووو امثالهم

فمعظمهم اما لايستطيع تدليع زوجته
او لايستطيع حتى التفكير في زوجته او توفير لها الطلبات


فانت ياختي احمدي الله على هذا الزوج

ان ياتي زوجك ويتحدث معك اين يتكلم

واصلا لما تنعتيه بالتافه لأنه حقق لك كل طلباتك وانت لم تستمعي اليه حتى

انا امرأة ومتزوجة ولو كنت مكانه لكسرتها على راسك

متزعفيش ولكن مدام لاتحبين البطاطا من ارغمك على الزواج به وانت اعلم بانه خضار

وحتى ولو كنت مرغمة

تعلمي ان تحبي زوجك
وان تستمعي اليه مدام هو لم يبخل عليك بشي

فصدقيني

ليس كل من له شهادات فهو متفهم

ربي يهديك

وكتبت المشكلة وقلت في الأول ستردون عليا بالنقد

طبعا لأنك في قرارة نفسك تعلمين بانك مخطئة

احمدي الله على انه مزال خلاكي تدرسي

لو كان مش يحبك يخليك في البيت وعندو الحق 100/100

لكن هو اراد ان يرضيك

فعلا عجبت لأمرك

ربي يهديك ويهدينا معاك

الزواج في الأخير ليس عرس او تباهي وصالة وتصديرة وووووووووووووووووو
الزواج اخيتي هو عطاء وحب والستر ومسؤولية كبيرة

وكمان حفظ اسرار

وان تقيمي زوجك لأن قيمتك من قيمته

الزواج هو بناء ليس هدم ومشاكل


حاولي ان تعيدي تفكيرك ولاتتعدي الشيطان يخرب عليك

:19::19::19::19::19::19::19::19::19::19::19::19::1 9::19::19:

[ميمي سمية]

اصلا ختي نتي غالطة من الاول كي كان هو يحكيلك على البطاطا نتي قلبيتيهالو حبر تاع الطابعة

راهو حتى هو عبد ويحس وخي تعرفي الراجل اذا كانت مرتو احسن منو في المستوى راح يضايقو هذا الشي ويحس روحو اقل منها في كلشي

مالا نقولك ختي منو هكذا كي يكون يحكيلك ويشكيلك ابقاي تسمعي وش يقول وشاركيه حتى ولكان كلمة ولا زوج

وماتقلبيلوش لحكاية على خدمتك ولا قرايتك

[صُبح الأندلس]

أين المشكل في أن تحكي معه عن البطاطا ؟ أنا أستاذة في الجامعة و لكن كل جليس أتحدث معه بقدر مستواه من تحدث عن الخضر تحدثت معه عنها و من تحدث عن السياسة بادلته الحديث و من تحدث عن الكرة أيضا و هكذا... ما هكذا تبنى البيوت أختي ، كوني مستمعة جيدة و الرجل بطبعه يحب أن يشعر بالتفوق على زوجته في كل شيء و أنت تظهرين له العكس ، مازلت تدرسين في الجامعة ماذا لو كنت مهندسة أو دكتورة ؟؟؟ مؤكد تحدث حرب داحس و الغبراء بينكما
يا أختي قد رضيت به و لم يخدعك فارضي بما كتبه الله لك و لا تغرنك الشهادات فكم من بائسة تزوجت طبيبا و مهندسا و أذاقها الأمرين

[bibicha]

تعرفي تناقشت مع زوجي في حكايتك لانه منتسب هنا في المنتدى و قرا المشكلة و حقيقة قالي اشياء حبيت ننقلهالك خاصة انو لقا بلي ردي الاول ناقص ههههه
ضرك ما نقولكش علاش تزوجتي بيه و و و لكن يا هل ترى راجلك هذا مافيهش كامل محاسن؟حتى حاجة ايجابية؟الراجل هذا مدام جا و حكالك على مشكلة البطاطا لانو في بالو راكي شريكة الحياة و يحكيلك كل كبيرة و صغيرة اذا اعطيه اهمية و ما تقوليش تافه و واش دخلني فالبطاطا
و نزيد نبرهنلك حاجة من كلامك
وحتى لا اظلمه هو كريم لدرجة غير محدودة لكن
شفتي بفمك قلتي كريم اتخيلي كون جا بخيل و ماراكمش متفاهمين كيفاش تعيشي؟
وكانه باغي يحكي وخلاصايه باغي يحكي لانو زوجك راه دايرك نتي مرتو و صاحبو و شريكة الحياة و كل حاجة فالدنيا
وزاد رد وقال نروح للي تفهمني خير لي وقالي اي وحده تتمنى مني اشاره وانتي ....
ماتخليش الشيطان يلعب براس زوجك كوني نتي لقريبة و لحبيبة و الصاحب و الصديق كيما قالي زوجي هاذ النوع نتاع الرجال غير بكلمة حنينة يربحوهم و اه نسيت نقولك حاجة اختي انا و زوجي ما عندناش نفس المستوى لا العلمي و لا الثقافي انا نقرا فالدكتورا و راجلي الباك و ما عندوش لكن نحكي معاه في امور تشغلو هو و اموري و قرايتي نخليهم مع صحاباتي و بالطول رجع هو يعاوني كي ندير بحوث و نقولك ما ندمتش اني زوجت معاه لانو لي دات طبيب و مهندس و و و واش دارت؟ خلاصة القول اربحي زوجك و خليه كبير في عينك تسعدي معاه

[lololala]

الله يهنيكم ويسعدكم

[ام عبد السميع]

شوفي اختي حاولي تقسمي وقتك بين زوجك و دراستك هو غار كيعاد عندك انشغالات وحس روحو مهمش وانو وقتك كامل في دراستك و هذا راه راجل لازم الاولوية ليه كوني ذكية وحكمي العصى من الوسط وربي يهنيك