واش ندير مانيش حاب نخرج من الموضوع بهذه الطريقة

[طارق القبطان]

السلام عليكم ورحمة الله وبركاته
راهي كاينة حاجة في قلبي وحاب نحكي هنا
كاين شخص نعزو بزاف ونحبو وربي شاهد
المشكل ان هذا الشخص قطع الإتصال معي دون سابق انذار
وهو حر في ذلك
بصح انا حاب نعرف منو الأسباب فقط
وما يزيد من شعوري بالخزي
ان هذا الشخص لديه فضل عليا
مداير فيا مزية وهذا خلاني نحس روحي مربوط
شيخوا عليا واش ندير باه نخليه سمعني
ويفرغ واش كاين ومن بعد يدير واش حب
لو كان شخص آخر لما أعرت الأمر أهمية

[تاج الكرامة]

نفس مشكلتي راح نستفيد و مع بعض من اراء الاعضاء

[حمـ 0418 ــزة]

يا أخي احكي لنفهم ما بك
و ان شاء الله كل ما فيه الخير يجيبو ربي
احكي لنعرف كيف نساعدك

[*جوداء*]

والله انت حوست عليه وهو ماداهاش فيك اذا ما عليك الا ان تبتعد لانه اراد ذلك..واضن انو افضل شيء تفعله من اجله الان بعد محاولاتك المتكررة الا ان تبتعدلانو حتى لو عمل فيك الخير ماحقش عليه يخلف هذا الخير بهذه الطريقة
رايي

[بنت المحمدية]

حصل معايا مشكل مثله
نعطيك تجربتي
أنا حاولت مع صديقتي بالرسائل رسلتلها حوالي 5 رسائل ولم تجبني ، وشكلتي لا أستطيع المواجهة لكن استعنت بوسيط حتى يتدخل بين
يتدخل بيننا لكنني أخطأت في ذلك وبقي الأمر على حاله حتى اعترفت بخطأها لوحدها وعادت الي
لذى علك بمواجهته مباشرة"عرضه في بلاصة شابة وعرف منه ماله وحاول باه تفكره بالذكريات الجميلة الي بيناتكم"
ربي يجيب الخير

[طارق القبطان]

والله انت حوست عليه وهو ماداهاش فيك اذا ما عليك الا ان تبتعد لانه اراد ذلك..واضن انو افضل شيء تفعله من اجله الان بعد محاولاتك المتكررة الا ان تبتعدلانو حتى لو عمل فيك الخير ماحقش عليه يخلف هذا الخير بهذه الطريقة
رايي



لا مستحيل ننسى خيرو ممكن شاف فيا حوايج حاب نعرف السبب وابتعد عنه اذا كان هذا مايريده

[طارق القبطان]

شكرا لتفاعلكم مع الموضوع

[ل..ب..ن..ى]

السلام عليكم

اعتقدني عرفت وشكون هو هدا الشخص

المهم:

نقولك حاجة اخي
امرنا رسولنا الكريم بالتقاط الاعدار
يعني وضعله سبب خلاه ماينجمش يراسلك او يكلمك

ربما ماعندهش ليزونيتي في البورطابل
وماعندهش هاد ليامات باش يفليكسي!!!

ربما الكونكسيون راحتله!!!

ربما الميسنجر او الياهو ما حبوش يطلعوله وهادي مام انا شحال من مرة تصرالي
!!!!

اخي انت تعرف هدا الشخص خير مني
وممكن تجدله اسباب اخرى ... غير هادي

المهم ماتقطعش لياس
ودير في بالك راه مشغول ودوك يعاودلك
وانت ماتقطعش عليه الاتصال

ماشي كل يوم تراسله
خليله مدة وعاودله

تحياتي

سلام

[AMARAGROPA]

السلام عليكم ورحمة الله وبركاته .

ربي يسقم لحوال ... آمين.


نقطة فوق القاف في يسقم.

سلام...

[صالح القسنطيني]

و عليك السلام و رحمة الله و بركاته

شريكي قولي على العبد هذا انا اني معاك

اك تعرفني انا معاك الدم الدم و الهدم الهدم انت مني و انا منك

[طارق القبطان]

السلام عليكم

اعتقدني عرفت وشكون هو هدا الشخص

المهم:

نقولك حاجة اخي
امرنا رسولنا الكريم بالتقاط الاعدار
يعني وضعله سبب خلاه ماينجمش يراسلك او يكلمك

ربما ماعندهش ليزونيتي في البورطابل
وماعندهش هاد ليامات باش يفليكسي!!!

ربما الكونكسيون راحتله!!!

ربما الميسنجر او الياهو ما حبوش يطلعوله وهادي مام انا شحال من مرة تصرالي
!!!!

اخي انت تعرف هدا الشخص خير مني
وممكن تجدله اسباب اخرى ... غير هادي

المهم ماتقطعش لياس
ودير في بالك راه مشغول ودوك يعاودلك
وانت ماتقطعش عليه الاتصال

ماشي كل يوم تراسله
خليله مدة وعاودله

تحياتي

سلام
معرفتيه ما والوا وانت وين عرفيه مشكورة على الرد والنصائح

[طارق القبطان]

و عليك السلام و رحمة الله و بركاته


شريكي قولي على العبد هذا انا اني معاك


اك تعرفني انا معاك الدم الدم و الهدم الهدم انت مني و انا منك



ماتعرفوش شريكي هذا معرفة من الصغر الى يومنا هذا

[نورالدين17]

اذا لم أخطئ فقد عرفت صاحبك.............

التمس له الأعذار فلربما كثرة انشغالاته منعته من الرد عليك

أو قد يكون مشكل عنده في الياهو أو الهوتمايل او غيرهما........

لا تتسرع في الحكم عليه سيتصل بك وسيخبرك سبب تأخره في الرد عليك

[صالح القسنطيني]

السلام عليكم

اعتقدني عرفت وشكون هو هدا الشخص

المهم:

نقولك حاجة اخي
امرنا رسولنا الكريم بالتقاط الاعدار
يعني وضعله سبب خلاه ماينجمش يراسلك او يكلمك

ربما ماعندهش ليزونيتي في البورطابل
وماعندهش هاد ليامات باش يفليكسي!!!

ربما الكونكسيون راحتله!!!

ربما الميسنجر او الياهو ما حبوش يطلعوله وهادي مام انا شحال من مرة تصرالي
!!!!

اخي انت تعرف هدا الشخص خير مني
وممكن تجدله اسباب اخرى ... غير هادي

المهم ماتقطعش لياس
ودير في بالك راه مشغول ودوك يعاودلك
وانت ماتقطعش عليه الاتصال

ماشي كل يوم تراسله
خليله مدة وعاودله

تحياتي

سلام


نعم الكلام و نعم ال{اي أختي لبنى

[*جوداء*]

انا قلتلك كمل معاه كنت عارفاتو من الاول...

[صالح القسنطيني]

انا قلتلك كمل معاه كنت عارفاتو من الاول...

ايه ملا قلينا عليه نهجمو عليه و ناكلوه

هههههههههههههههه

[طارق القبطان]

ياو راكم غالطين أنا طرحت مشكلتي باه تلقاولي حل
ماشي باه تخمنوا شكون هذا راكم غالطين في حسباتكم

[*ام* عبد الرحمن]

و عليكم السلام اخي avec avenir
انا ساقول لك .....ان شاء الله
ماتفشلش .. sur tousالى مادرت والو يزعفو ...و كي .علابالك بلي ماراكش غالط في حقو ........donc ما تخليش عشرة يا لوكان نهار و عشرة طيبة قائمة على الخير .....و العشرة العبرة في العشرة ماشي بالنهارات و العوام و انما على واش كانت قايمة .و مادمت راك حاب تعرف واش لازم دير dncهذا العبد يستهل ....و انت وحدك اللي راك عرف .........احسن شيء اذا كان متفهم و الا عنكم صاحب ثالث يعرفو bien و صديقك هذا يحشم منو ...من الاحسن اجعله وسيط بينكما ...و اذا شككت و لو 0.001 بالمئة انو راح يزعف كي دخلت واحد بيناتكم ماكالاه.....و essayezوحدك و سمط عليه حتى يعرف بلي ما راكش حاب تفرط فيه ...و هذي الشيء كبير و يبين بلي راك تعزو .........و راح يفهمها بالسيف غليه ..علاجال باش تصيب عبد يرفض يسمح فيك في هذا الزمان قليل ..و هو علابالو بهذا الشيء..........tés bienو ماراهيش غايبتلو ..دير في بالك ....maisخليلو شوية وقت ...ما تتقلقش ...اصبلر الصبر مليح ...و المليح يطول كما يقول الشباب الجزائري ...........و ماتنساش لوكان ماجاش هو ثان يعزك ما يزعفش منك .....هذا الى كان زعفان طبعا ....
الله يقدر الخير ان شاء .......ابعتلو قوله يوم القيامة ''اين المتحابين في '''ياو هذي كبيرة فوق كلش
الله يصلح الامور .....صديق وفي ..ماشاء الله

[طارق القبطان]

شكرا لمرورك أخت حقوقية
انا متأكد ان هناك طارئ جعله يتصرف هكذا
وراح نصبر حتى نعرف

[نور]

ليزال الامل أخي موجود
بادر يا أخي بكل شيء تستطيع أن كان عزيزا عليك و لا تترك التفهات تحرق ما كان بينكم صرحه و فتح قلبك له و لا تترك شيء يعكر صفوى صداقتكم لان الصدقة شيء ثمين و لا نعرف قيمة الشخص الا عندما نفقده
تقبل مروري أخي و بادر أنت

[تبسي زوالي]

اهلا وسهلا بك بين اخوانك